[رئيس التميز]

السلام عليكم ورحمة الله وبركاته
ذهبت في عطلة ما بين الفصلين ” الاسبوع ” الا مدينة تبوكـ وتخصيصاً الا وادي الديسا الذي
انذهلت وتفاجأت لما رأيته .
كان قمة في الجمال والطبيعة التي تسحر العيون ، فيه النخيل والدوم والطلح ، غير ان العين
فيه جارية على مدار السنة متواصلة وبدون انقطاع وذالك بفضل الله .
ورحلتنا هذه تحمل العديد من المفاجآت فقد ذهبنا بسيارة ” جيب لاند روفر ” مديل 99 ”دسكفري“ ، ولم اتوقع منه هذا النشاط في بيئة الوادي الغريبة فسبحان من خلقها ، ففي اول دخولك للوادي ترى الرمال كانها البودره او الطحين من نعومتها !! فتحتاج الا سيارة نشيطة توصلك للأعماق ، وكما تعلمون ان الماء اذا تحدر من تلك المنطقة من الجبل عزل التراب عن الحصى فأصبحت ارضه متفاوته بعضه رملية مثل البودرة وبعضها قاسي متكون من الحجارة ـ وسترون ذلك بالصور انشاء الله ـ .
وكان جو ذلك الوادي معتدل جداً في الشتاء .
ملاحظة من الهامش لم تغب عني ان اكثر السيارات في ذلك المكان هي سيارات التايوتا جيب حوض او ربع او لاندكروزر وهو اكثر الموجود ، وايضاً لاحظت ان جيوب النيسان قليلة ووجدناها تارة مغرزة بالبودرة وتارة عالقة بالأرض الصخرية !! ما ادري هو ظعف بالنيسان ولا نشاط بالتايوتا ..
المهم لا تقوهق ياللي تبي تروح ، ان بغيت تروح خذ معك موتر صح ...
والآن هذه الصور بالترتيب /\
هذا وحنا نازلين للوادي

وهذي الصورة اثناء طريقنا بداية الوادي لاحظ الأرض بودرة العادة.



اما هالصورة صفت نخل اعجبتن بس الكمرة اللي معي مهيب محترفة


وهاصورة يوم دخلنا شوي للمربص "معليش على التعبير لكن اقصد الارض الربصة" اللي ما يطلع منه
العفريت .


وهاصورة ايضاً عند المربص


وهذا نخل // اعلمكم يعني وانتم اهل النخل ||


هذا بطريقنا


بدون تعليق


سبحان الله


طريق وعلى اطرافة نخل ودوم


بدون تعليق


دوم





ملاحظة يا اخوان
ما تلاحظون ان الصور كبار فلذلك اذا بغيت تكبره زيادة ازغط الزغاط / قصدي اظغط الظغاط
وليس من رأى كمن سمع ، الصور ترى مثل الكلام قدام هاكا الوادي ، فنصيحة من لك مره وانت
طاير ــ شرط تخيم هناك .
وايضاً فاتتنا كثير من الصور لأنا مريناه بعد العصر مشينا من تبوكـ بطريقنا له .
..
المراد من كل هالقرق ابيكم الله لايهينكم تبدون ملاحظاتكم على التصوير (ترانا نصور وحنا رادسبين بالسيارة // للمعلومية يعني)
الله يسامحن بس تدرون ان نص هالصور مهوب انا اللي مصوره ؟؟
الصور اللي تشوفونه فنيه شوي ترى صوره : عبد الله المسند ـ وهو اللي ودانا هناك ..والدسكفري موتره .

[طالب طب]

رحلة موفقة ..

لكن راحن عيوننا من الصور الكبار

الحمد لله على السلامة ..

[رئيس التميز]

الله يجزاك خير / يعجبني فيك مكان الإقامة ..
والله عاد كلش ولا عيونك .. دامك طالب طب الله يوفقك اكز لك مع الماوس
زرادية ومفك ومرزبة وابد شف شغلك والله لا يهينك رجعن لا قظيت .

ياخي ما ادري وراه يعجبن ذا ،، شف شف تقل مهبول

[ابو متعب]

...يعطيك الف الف عافيه...

...بس الصور كبيييييييييييييييييييييييييييره مـــــــــــــــــــــــــــــــــــــــــــــــــ ـــــــــــــــــــــره...

[رئيس التميز]

الله يعافيك طول الله عمرك ..
وانا متعمد اكبرهن لان قدركم كبير فماتصلح لكم الا الصور الكبيره ..

[الجدعان]

صور توثيقية جميلة

ودي أعلق على كل صورة بس الصور كثيرة

لكن فعلا يبدو أن كاميرتك لك عليها شوي

ننتظر إبداعتك بكاميرا أفضل بإذن الله

[رئيس التميز]

شكراً على المجاملة مشرفنا الجدعان .
ومثل ماقلت الكاميراً لك عليه كثير بس ما كان معي الا هي .

[الاستاذ.د]

الديسـة رائـعـة جـداً ..

لا أزال أذكـر حيـن جلسنـا فيهـا مع طلوع الشمس على تربتهـا البـاردة..
على سفح الجبـل
والمـاء يخـرج بهـدوء من فتحـة صغيـرة فيـه
كنـا بالكـاد نـرى المـاء .. إذ كـان يغطيـه الكثيـر من شجـر النعنـاع و الحبـق
ممـا أعطـى المكـان رائـحـة
تشـعـر معهـا بأنك في قمـة المتعـة ..


شكـراً أيهـا المتميـز ..
أثـرت أشجـانـي ..

[رئيس التميز]

استاذ دكتور .
الله ييسرلنا وياك نطبه ثانية .
شكراً على التعليق..