 |
|
|
|
|
|
|
19-12-2008, 02:30 AM
|
#1 |
|
عـضـو
تاريخ التسجيل: Dec 2008
البلد: عَلَىآ wــطَحَ آلَقَمَر .....
المشاركات: 419
|
تراك شايبٍ راس مالـك رياليـن
.
حوار بين شاب وعمه .. يبغى يخطب بنته .. لكنه بالغ في مهرها .. وعصّب عليه وقال هالمعلقة الخطيرة أتمنى تضحككم وتعجبكم مثلي سبحان من يرزق بتوع الملاييـن الرازق اللي ما يخيب الرجـا بـه لي عم ٍ عنده معـرض ٍ للصواليـن أموت واعرف بس من وين جابـه وإذا سألته قـال بعت الدكاكين ما يدري إني ما هضمت الإجابـه الشاهد إني رحت له قبـل يوميـن في قصره العامـر و دقيـت بابـه قال ارحب ارحب عدّ ورد البساتين يا مرحبا باللـي لفـا يـا هلا بـه قلت البقا عـدّ النفـل و الرياحين يا شيخ شمل اهل الكرم و الذرابـه قال اسلم الله يحفظك لي من العين و آمر أوامر حضرتـك مستجابـه قلت الصراحة طالبٍ قرب غاليـن ودي تزوجنـي كريمتـك يـابـه ثنّى وقال اهليـن والله و سهليـن و الكون ترخص لجل عينك رقابـه لكن ترى عندي شروط و قوانين قلت اشرط يا حبيب الغلابـه قال أولاً مهر العروسـة ثمانيـن غير الرسوم وغير حق العصابـه والثانية عمك يبي منـك سبعين رسم الأبـوّة و النسب والقرابه وام العروسة حقها منك ستيـن عشانها ست الحسـن والمهابـه واخوانها كلن يبي منـك خمسين عدًا و نقداً تندرج في حسابـه وخواتها الخمس أعطهن من ثلاثين عشان تتوثـق عروق النسابـه وتجيب طقم عيار واحد وعشرين وخاتم من الماس المصفى ترابـه واكياس متروسة كعوب وفساتين ألوانها واشكالها مـا تشابـه وموتر بسواقـه وفيـلا بدورين أثاثهـا من بطرتـه ينحكى بـه واحجز لنا قاعة بقصر السلاطين واحجز بهـا رقاصتيـن وربابه هذي الشروط اللي على بالي الحين وذكرني اللي ما حسبنـا حسابـه قلت اذكر الله يا عدو المساكيـن واستغفـره لا يبتليـك بعـذابـه الظاهر إنك منت عارف أنا ميـن أنا لو ارقى فوق متـن السحابـه ما جبت حتى نص درزن مواعين واضحك بكيفك واعتبرها دعابـه شروطكم هذي شـروط المجانين شروطكم شغـل ابتـزاز ونهابـه شروطكم تقصم ظهـور البعارين شروطكـم همّـن وغـم وكآبـه شروطكم والله سيوف وسكاكين تذبح بنات المجتـمع مـع شبابـه وين الرضا والعطف واليسر واللين اللي ذكرهـا الله بمحكـم كتابـه وين الصفات اللي أمرنا بها الديـن وين اختفى نهج أهل النبي والصحابه يا عم ادع اللي خلقنا من الطيـن يرد عقلك مـن خطـاه لصوابـه ويجعل نصيبي عند غيرك قل آمـين ويحسن عزا الصابر ويجزل ثوابــه قال انت لو فكرت تفكير صاحيين ما شفت في مجمل شروطي غرابـه حنا بعصـر العولمـة والمزاييــن ماهـو بعصر الفلسفة والخطابــه الناس تسعى للرتـب والنياشيـن وانت اهتمامك بالشعـر والكتابـه والشعر ما ينفعك لو هو دواويـن ما دام جيبك مثل بيـت الخرابـه يا بوك لا تسمع كلام المصاخيـن واسأل مجرب عاش في وسط غابـه قلت الله اكبر يا محـرر فلسطيـن من يسمعك يحسبك ذيب الذيابـه تراك شايبٍ راس مالـك رياليـن والبنت ما تسوى جنـاح الذبابـه قال انقلع مالت على وجهك الشين لا عاد اشوفـك عندنـا يالزلابـه قلت ابشر ابشر لكن الباب من وين واقفيت من عنده على صوت بابـه... . |
|
|
19-12-2008, 03:06 AM
|
#2 |
|
عـضـو
تاريخ التسجيل: Nov 2008
المشاركات: 17
|
.. ـهههههههههههههههههههههههـ
لا تعليق ... ..
__________________
×× ليش يادنيا .. وبحالتي وش سويتي ..×× -------------------------------- التوقيع ----------------------------------- 
|
|
|
|
19-12-2008, 03:44 AM
|
#3 |
|
Guest
تاريخ التسجيل: Nov 2008
البلد: كوكب الأرض
المشاركات: 766
|
حوار رائع ومضحك
يعطيك العافية |
|
|
|
19-12-2008, 05:14 AM
|
#4 |
|
Registered User
تاريخ التسجيل: Oct 2008
البلد: بريده
المشاركات: 191
|
هههههههههههههههههههههههههههههه بلا هالعرس الي بيقصف عمره
|
|
|
|
19-12-2008, 05:23 AM
|
#5 |
|
قبس دائم
تاريخ التسجيل: Jul 2008
البلد: في ارض الله الواسعه
المشاركات: 12,834
|
شكله يبيه يهج بس بطريقه دبلوماسيه
عز الله انه وصل الله يرزقه ابرك منها ــــ بنت اجاويد |
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتشعب
