[فهد البارع]

الكل منكم يتسائل ما العلاقة بين هرفي وبنت بريدة ...



الرابط بين هرفي وبنت بريدة ... العثيم .. أليس كذالك ..؟


أذا ... انا اتكلم عن هرفي العثيم وما يحدث من غش وخدام وتحايل غير منتهي .. اتجاه بنت بريدة ..


كما تعرفون أن بنت بريدة ليس لها مصدر دخل خاص لذالك عندما يكون جيبها مليان تصرفه وهي لا تعرف فيما تصرف ...


وأكبر دليل ما يحدث في هرفي العثيم ..


هرفي العثيم ذالك المطعم السعودي 100% يتسغل بناتنا وامهاتنا بأبسط صور الاستغلال والطامه الكبرى ان بناتنا لا يعلمون .. ولا يستفسرون اللهم اني ابطلب واحاسب ...

سوف ادخل في صلب الموضوع ...

بحكم أن مطعم هرفي من افضل المطاعم لدي وخاصتآ " السوبر هرفي " لما تقوله حط معها خلطة الدبل داخل السوبر هرفي ... نمي نمي..

ونستنتج بحكم اني احب هرفي .. اكيد راح اكون عارف اسعاره


مره من المرات دخلنا حنا واهلي للعثيم ...وبعد ما تسوقنا وهيك يعني قلنا نبي نشري من هرفي اللي فوق ..

اخذت طلبات اهلي اللي يبي تورتيلا والسوبر تشيلي ...والخ

رحت فوووق . قلت له " أكس اكيوزمي" ..

قالي " واحد دقيقه "

انتظرت 10 دقايق مو دقيقه

المهم .. يوم طلبت وخلصت . يصكن بسعر خياااالي ... 74 ريال وانا طالب اربع وجبات ... قلت له على طول ليش 74 ريال ..

قلت له التورتيلا وجبه مع الجبن بـ 16 ريال .... قال لا عندنا هنا بـ18 ريال قلت له ليه .. قالي سوبر سايز ... قلت له من قالك سوبر سايز ... قال هذا نظام شركة .. قلت له ما شاء الله نظام شركة تقولك طلع سوبر سايز وخلفه العلب حقت الحجم العادي .. بعدين قلت له ليش طيب علب الحجم العادي موجود عندك ... فبهت الذي كفر ..

والطامه الكبرى .. انه حاسب السوبر تشيلي مع الجبن بـ21 ريال .. تدرون وشلون جاب هذا السعر الخرافي ..
الوجبه مع الجبن بـ 18 ريال + سوبر سايز بـ 2ريالين +دبل جبن بـ 1 ريال= 21 ريال ..

ومع العلم بأن السوبر تشيلي عليها عرض الحين بـ 14 ريال فقط لا غير ..


وطلبت انا بعد وجبة طفل .. تدرون يا عالم بكم حسبها بـ 15 ريال ...

السؤال المهم هو كيف وصلها لهذا السعر ... انا اقولكم ..

وجبة الطفل الدجاج سعرها الاصلي بـ 11 ريال واذا تبين جبن صارت بـ 12 ريال ..يعني تبين جبن هذا يعني زياده ريال ... يعني لما ابغة اوصلها لـ 15 ريال ادبل ادبل ادبــــــل جبن لين تاصل 15 ريال والطامه الكبرى انه يطلع لك الوجبة بجبنه وحده ...



أن ما يحدث في هرفي العثيم هو تساهل الحريم معهم ... .. وخاصتآ ان المشرف هناك فلبيني .. لعبن على بناتنا ...

واللي يقهر بعد ان السعودين اللي يشتغلون هناك عارفين وساكتين بالهشي...

المفروض تسون يا بنات الاتي :

1-أذا بغيتو تشرون ... في قائمة بكل محل ..وكل وجبة يكتب عليها سعرها .. وركزي في الصور .. لان بعض الصور مافيها جبن وهذا يعني اذا بغيتي جبن تزودين على سعر الوجبة ريال عشان تصير بجبن ..

2- قولي له ابي حجم عادي ولا تعطين سوبر سايز ... واذا قال لا قولي له واقفتآ على مطعمك .. وعلى فكرة في هرفي العثيم الخارجي بأسعاره الاصليه ...يعني مسافه خمس قايق وانتي واصله لهرفي العثيم الخارجي بأسعار اصليه ..

3- بعض الحريم ما تهمها الفلوس بحكم انها ما تعبت عليها ... ابي اطلب منك طلب واحد بس .. اذا طلبتي من هرفي اللي داخل العثيم قولي له ابي الفاتورة ... ولما تاخذين الفاتورة اقريها واضحكي علي نفسك لانه لعب عليك يا غبيه ...

4- ما يفعل بهرفي اللي داخل العثيم سببه ان كل زبايه حريم ... عشان كذا تم الاستغلال ..


وعلى فكرة ...

تدرين الحين ان الفلبيني لما يسوي كذا وش الفايده من هذا ...يعني ليش هذا النصب والاستغلال ..

دائمآ المحل لما يطلع ارباح كبيرة يكون له " بونص" وهذا البونص ما يجي الا اذا بائع المحل بشكل كبير ...والبونص عبارة عن راتب كل 3 اشهر او اربعه اشهر يقسم على موظفين فرع العثيم الداخلي ..

فما بالك لو يبيع بأسعار خرافيه ولم تخطر على البال ...


من جد نصب عيني عينك ...




هذه المشكله لن تحل الا اذا تعاونا جميعآ ... بأن نقاطع هرفي الثيم الداخلي حتى يعود الى اسعاره الطبيعية ...



تحياتي

[حبة فستق]

والله مشكلة
يا حبي لك بعد

[ajmn]

اقتباس المشاركة الأساسية كتبها حبة فستق والله مشكلة يا حبي لك بعد

[الصباخ]

طيب وبعدين؟
وش المطلوب؟
ما تلاحظون إن أكبر همكم هو المطاعم والأكل؟
ياخي إذا ما تبي أحد يغشّك رح كل من البيت وانتهينا.
أزعجوتنا كل يوم طالعين لنا بإسم مطعم ومشكتين منه.

[أبو رُبـــــى]

اقتباس المشاركة الأساسية كتبها الصباخ طيب وبعدين؟ وش المطلوب؟ ما تلاحظون إن أكبر همكم هو المطاعم والأكل؟ ياخي إذا ما تبي أحد يغشّك رح كل من البيت وانتهينا. أزعجوتنا كل يوم طالعين لنا بإسم مطعم ومشكتين منه.

هذا الكلام .....

[أمير القوافي]

اقتباس المشاركة الأساسية كتبها ابو ربا هذا الكلام .....

هذا الكلام الصح

[RSLAN]

اقتباس المشاركة الأساسية كتبها الصباخ طيب وبعدين؟ وش المطلوب؟ ما تلاحظون إن أكبر همكم هو المطاعم والأكل؟ ياخي إذا ما تبي أحد يغشّك رح كل من البيت وانتهينا. أزعجوتنا كل يوم طالعين لنا بإسم مطعم ومشكتين منه.

عزيزي الصباخ ,

لم اتوقع ان يكون هذا الرد لك !

إلا عندما عدت إلى اسم المعرف وقرأته جيدا ثم بعدها تحولت إلى التوقيع لكي أتاكد أن العقل الذي كتب هذا الرد هو عقلك عزيزي ..



حبيبي , بأي موضوع تريدنا أن نتحدث ؟

هي حكايات عابره ونقاشات بين الاعضاء لا أكثر ولا أقل ..

أعتقد أن ليس أكبر همنا المطاعم كما هو أكبر همك أن تكون ردودك كهذا الرد ..!


تقول : ( ياخي إذا ما تبي أحد يغشّك رح كل من البيت وانتهينا. )

إذاً عادي جدا لديك أن تكون مغشوشا ؟ بغض النظر عن المادة



أخي الغالي أبوريم كم يسيئني أن أرى وقد رأيت لك أكثر من رد على هذه الشاكله التي لم أكن أتوقعها أبداً .. بغض النظر عن أهمية الموضوع

عزيزي رديت غصبا علي والله من كثر ما أشوف ردودك في الساحه وغيرها ..!


في النهايه , أنت لست ملزما بالرد على موضوع تعتقد أنه تافه !


كل الود لك عزيزي , واعلم أن هناك شخصا يتابع حروفك لجمالها وجمالك ,,

,,

[فهد البارع]

اقتباس المشاركة الأساسية كتبها الذيب a l d e e b عزيزي الصباخ , لم اتوقع ان يكون هذا الرد لك ! إلا عندما عدت إلى اسم المعرف وقرأته جيدا ثم بعدها تحولت إلى التوقيع لكي أتاكد أن العقل الذي كتب هذا الرد هو عقلك عزيزي .. حبيبي , بأي موضوع تريدنا أن نتحدث ؟ هي حكايات عابره ونقاشات بين الاعضاء لا أكثر ولا أقل .. أعتقد أن ليس أكبر همنا المطاعم كما هو أكبر همك أن تكون ردودك كهذا الرد ..! تقول : ( ياخي إذا ما تبي أحد يغشّك رح كل من البيت وانتهينا. ) إذاً عادي جدا لديك أن تكون مغشوشا ؟ بغض النظر عن المادة أخي الغالي أبوريم كم يسيئني أن أرى وقد رأيت لك أكثر من رد على هذه الشاكله التي لم أكن أتوقعها أبداً .. بغض النظر عن أهمية الموضوع عزيزي رديت غصبا علي والله من كثر ما أشوف ردودك في الساحه وغيرها ..! في النهايه , أنت لست ملزما بالرد على موضوع تعتقد أنه تافه ! كل الود لك عزيزي , واعلم أن هناك شخصا يتابع حروفك لجمالها وجمالك ,, ,,

اشكرك بعنف على ردك ...






تحياتي لك

[سائح الشرق]

اقتباس المشاركة الأساسية كتبها الصباخ طيب وبعدين؟ وش المطلوب؟ ما تلاحظون إن أكبر همكم هو المطاعم والأكل؟ ياخي إذا ما تبي أحد يغشّك رح كل من البيت وانتهينا. أزعجوتنا كل يوم طالعين لنا بإسم مطعم ومشكتين منه.

كلام سليم وراكم شابين على المطاعم

[فهد البارع]

اقتباس المشاركة الأساسية كتبها سائح الشرق كلام سليم وراكم شابين على المطاعم

الحين من قالك اني شابن على المطاعم


ابيك تفهم معي المسأله .. زين


وراح نتظر ردك .. اوكيه ...


.......


السالفه وما فيها ... ان اهرفي للي داخل العثيم يدبل السعر من راسه ... تفهم وشلون يدبل السعر ...


يعني وجبة الطفل بدال ماهي 12 مع الجبن صارت بـ 15 ريال .. والحريم ما غير تدفع ..
وتدري انه ما يطلع الا سوبر سايز ..


وتبين اسكت بعد ... واللي يقهر ان مطعم هرفي يعن سعودي 100%


واحد من ربعي تدري وش قالي قبل كان شغال عندهم ... والفلبين هذا مشرف كان هناك ...

تدري يوم عرف السعودي انه يبيع كذا وش قاله عشان يسكت عن عملته الفضيعه ..


قال تدري لو تستمر معي كان خليتك مشرف على المطعم ....


يعني ام النصب والاحتيال ...


وابيك تجرب بنفسك .. عشان تقول ان فهد البارع معذور والله


انتظر ردك


بـــرب

[فهد البارع]

اقتباس المشاركة الأساسية كتبها الصباخ طيب وبعدين؟ وش المطلوب؟ ما تلاحظون إن أكبر همكم هو المطاعم والأكل؟ ياخي إذا ما تبي أحد يغشّك رح كل من البيت وانتهينا. أزعجوتنا كل يوم طالعين لنا بإسم مطعم ومشكتين منه.

اول ما قريت ردك ... تدري وش جاء على بالي ... اك قريت الموضوع من اوله بس بعدين فسرتها من راسك ... وكتبت ردك هذا ..

المطلوب .. انك تحرك ساكن .. المطلوب انك تخلي الفلبيني ما يزود على هالعالم عشان مصلحته ويزود مبيعاته ...

هذا المطلوب اذا انت قايلها وودك تسوي شي ...





والله يا انت بعد ترفع الضغط انت وردك ... يخسى اصلآ حد يغشن ... ودام اني ما ابي احد يغشن ما ابي احد يغش الناس .. والفلبيني جالس يلعب على الناس من اول ما فتح وانت ما سويت شي ...


وعلى كلامك اني كل يوم طالع بأسم معطم ومشتكين منه ... جرب مره واطلب وجبه من عنده .. وشف وشلون يضربك بعر خيالي ..


انا ما اتكلم عن فراغ .. وانا موفاضي عشان اكتب بس كذا .. انا كتبت هالموضوع عشان اعلم الناس اذا ما يدرون ..



بـــرب

[مفتاح القفل]

اقتباس المشاركة الأساسية كتبها الصباخ طيب وبعدين؟ وش المطلوب؟ ما تلاحظون إن أكبر همكم هو المطاعم والأكل؟ ياخي إذا ما تبي أحد يغشّك رح كل من البيت وانتهينا. أزعجوتنا كل يوم طالعين لنا بإسم مطعم ومشكتين منه.

تفكيرك سطحي

واتمنى تقرا الموضوع اكثر من مرة قبل ماتكتب مثل الرد

[الخيال الاسمر]

اقتباس المشاركة الأساسية كتبها الصباخ طيب وبعدين؟ وش المطلوب؟ ما تلاحظون إن أكبر همكم هو المطاعم والأكل؟ ياخي إذا ما تبي أحد يغشّك رح كل من البيت وانتهينا. أزعجوتنا كل يوم طالعين لنا بإسم مطعم ومشكتين منه.

كلام سليم

يأخي المطاعم هذي مايروح له الا واحد معه ريال زايد

اما الي بِِِِحسب ويحاسب فهذا عليه بمطعم بخاري

والا اذا صرت توك مستلم الراتب شف قرية معطم الخوخ تراه يهبل

خارج النطاق

انا بس مستغرب من الي يشرون من النخيل والعثيم والاسواق هذي

ناس ملعوباً عليه

تلقى نفس البظاعه بمل بقبة رشيد او بكبرة العجز بربع قيمته

لكن ناس تمشي وراء المظاهر

[رحيل ,,]

الأخ فهد البارع ...

ليتك مفتح عويناتك قبل ماترد وتكتب شي ...
أنا قلت السوبر ماركت ماقلت المول ..

واللي عند إل جي أرسل أخوي .. ماعندنا حركة توصيل طلبات

الحمد لله والشكر ....