[هجير الشوق]

السلام عليكم ورحمة الله وبركاته..

تشهد هذه الأيام مملكتنا الغالية ما يسمى بالمهرجانات في كل مدينة من مدنها_حفظ الله وطننا الغالي_

ومنها مدينة (بريدة) فمن الهرجانات المقامه فيها مهرجان الحضاري أو ما يسميه البعض(حديقة البرج)..

ومن هذا المنتدى نشكر حكومتنا وكل من ساهم في هذا المهرجان وكل من سعى لتقديم الجيد والجديد

والشيق والهادف وكل ما فيه خير وصلاح للمواطنين كذلك نشكر (رجال الهيئه) لما بذلوه من جهود

عظيمة _أعزهم الله ووفقهم لما يحبه الله ويرضاه..

لكن لدي ملاحظة_لا أدري هل فيه أحد لاحظ هذا الأمر أم لا_ أتمنى من المنظمين والمنسقين ولكل من

له شأن بهذا المهرجان الإنتباه لها وهي:

س-ما الذي يقابلك أول ما تدخل الحضاري(قسم العوائل)؟؟
س- أجتزت البوابة وتقدمت تقريباً مترين أو أكثر..مالذي تشاهده أمامك؟؟

بصراحه أمر مخجل وهو (محل لبيع الملابس الداخلية) والمثل يقول(اللي هذا أوله ينعاف تاليه)

فالمهرجان حفظكم الله لا يحضره أهالي بريدة فقط لا بل يحضره ضيوف وزوار قدِموا من كل مكان

سواء من مدن المملكة أو من خارج المملكة من دول الخليج أو من الدول العربية الشقيقة وكلنا يعلم

المنافسات القائمة للفوز (بأحسن مهرجان) ونحن نطمح أن تكون بريدة هي الفائزة..فلابد من الإنتباه

على كيفية توزيع الكشكات (المحلات) نحن نقدر لكم أهتمامكم بالبرامج والمسابقات التي تقدم ,كذلك

أهتمامكم بالنظافة فعمال النظافة يملؤن الحضاري حتى إنهم أكثر من الزوار فجزاكم الله خير الجزاء

لسعيكم لإدخال السرور في نفوس المواطنين..

كذلك هناك ملاحظة أخرى وهي :

مسابقات الأطفال والمقدمين لها فصوت الميكرفونات عااااالي جداً_يعني بيصكك راسك غصب_ فالصوت عالي جداً

من المسابقات التي تقدم في الغرب وكذلك في الشرق نرجو منكم إما إخفاض الصوت أو إغلاق إحدى الميكرفونات..


وأخير,,
وفق الله القائمين والراعين وووو.......إلخ لهذا المهرجان لكل مافيه خير وصلاح في الدنيا و الأخرة..

[أبونادرالأجتماعي20]

شكراً لك يا اخت المشكلة المؤجر والمدير مصري اكيد الي يدفع اكثر هو اولى .

الله المستعان
مشكوره وبورك فيك

[هجير الشوق]

اقتباس المشاركة الأساسية كتبها أبونادرالأجتماعي20 شكراً لك يا اخت المشكلة المؤجر والمدير مصري اكيد الي يدفع اكثر هو اولى . الله المستعان مشكوره وبورك فيك

شكراً لمرورك أخي..
مشكلة إذا كان المدير أجنبي ,,أين السعودة؟!!

لو كان سعودي ما أتوقع حدث هذا..

[سرآب]

والله رحنا اليوم ومررررررررررره ززززززحمه وقرف
ما شفت شيء ولا لاحظت ..؟؟
الترتيب كله خطااااااااااااء .. وا موقع الخيمه غللللللللللط ..
حححححححححر
زززززززززززحمه
صداااااااااااااع
فقط هذا الي شفته خلال ربع ساعه وبعدهااااااااا انحشنا ..
ومسالة الملابس وغيرها غلط ويدل على همجيه الصراحه ...

[ريحت الأرطى]

الترتيب كله خطااااااااااااء .. و موقع الخيمه غللللللللللط ..
حتى المستأجرين يتذمرون بأنه لايوجدبيع فهم خسرانين

صداااااااااااااع صوت من الشرق وصوت من الغرب من مكرفونات الألعاب
.غبااااااااااار.عند الخيمه وملاعب الأطفال ممايسبب الحساسيه والربو للأطفال
العوائل لاترتاح في الحديقه من تجوال الشباب والبستهم...!
وسور الحديقه والله فشيله قدامي يقوم الشباب اللذين مامعهم عوائل بالقفز على السور والدخول للحديقه .
وضرب عامل البالونات واخذة فلوسه بداخل الحضاري وهربو وقفزو على السور للخارج
ومسالة الملابس وغيرها غلط ويدل على همجيه الصراحه نريدمسؤل صح يقول ويعمل..:

[هجير الشوق]

اقتباس المشاركة الأساسية كتبها ريحت الأرطى الترتيب كله خطااااااااااااء .. و موقع الخيمه غللللللللللط .. حتى المستأجرين يتذمرون بأنه لايوجدبيع فهم خسرانين صداااااااااااااع صوت من الشرق وصوت من الغرب من مكرفونات الألعاب .غبااااااااااار.عند الخيمه وملاعب الأطفال ممايسبب الحساسيه والربو للأطفال العوائل لاترتاح في الحديقه من تجوال الشباب والبستهم...! وسور الحديقه والله فشيله قدامي يقوم الشباب اللذين مامعهم عوائل بالقفز على السور والدخول للحديقه . وضرب عامل البالونات واخذة فلوسه بداخل الحضاري وهربو وقفزو على السور للخارج ومسالة الملابس وغيرها غلط ويدل على همجيه الصراحه نريدمسؤل صح يقول ويعمل..:

مشكور/ه على طرح الكثير من الملاحظات,,

المستأجرين المفروض مايتذمرون لأن مالهم حق ..رافعين الأسعار ويبون الزوار يشترون>>يسمعون بإرتفاع الأسعار.أجل الشراب(الجوارب)بالسوق حبتين بـ 3 يال وعندهم بـ10 >>مب صاحين.

الشباب والتجول بصراحه أن أشوف الهيئة والله ما قصروا ماغير طردي بكل محل .. وهم مب بزران المفروض لا شاف إن العوائل والهيئة ما يرضيها هذا الأمر(وأولاً وأخيراً ما يرضي رب العباد) يقضب أرضه وإلا لا يجي بس يشغل عباد الله ويمنع بعض العوائل عن الطلعه وتوسيع الصدر..


أتوقع إن حراس الأمن(مع إحترامي لهم) مالهم داعي دام السور كلن يقمزه .. بعدين عثى عليه الزمان ليه ما يغير؟؟>>أو الحديد غالي.

ضرب العمال والإعتداء عليهم ما أدري عنه ولا شاهدت مثل ذلك لذا لن أعلق عليه.

(نريد مسؤل صح يفعل ما يقول) فعلاً نحتاج لمثل هذا حتى يتحقق النجاح والفوز بأحسن مهرجان..

[هجير الشوق]

اقتباس المشاركة الأساسية كتبها سرآب والله رحنا اليوم ومررررررررررره ززززززحمه وقرف ما شفت شيء ولا لاحظت ..؟؟ الترتيب كله خطااااااااااااء .. وا موقع الخيمه غللللللللللط .. حححححححححر زززززززززززحمه صداااااااااااااع فقط هذا الي شفته خلال ربع ساعه وبعدهااااااااا انحشنا .. ومسالة الملابس وغيرها غلط ويدل على همجيه الصراحه ...

أخيتي...
كلن يبي يرفه عن نفسه ويونس أهله علشان كذا زحمه وأتوقع المهرجان والمسابقات فقط في الحضاري علشان كذا صار زحمه..وأنا رايحه في نفس اليوم اللي رحتي فيه وماكان ززززززحمه مره مثل ما تقولين..

والترتيب ومكان الخيمه لاحظت أغلب الاعضاء يتذمرون من هالشي..

والحررررررررر عاد هذا بيد رب العالمين..

وربع سااااااعة وكل هذا شفتيه؟!! أجل يأختي شكلك مادخلتي في المزروع أنتصفتي بالطريق وورجعتي ..

الملابس فعلاً خطأ موقعهن..

مشكوره أختي..

[دمعة الم]

صدق مكان الملابس الداخليه اللي بالمدخل غلط والخيمه مكانه اول احسن والازعاج خذ وخل حتى الحريم اللي يبيعن يتبطحن كانهن في بيتهن يعني فوضى بمعنى الكلمه

[هجير الشوق]

اقتباس المشاركة الأساسية كتبها دمعة الم صدق مكان الملابس الداخليه اللي بالمدخل غلط والخيمه مكانه اول احسن والازعاج خذ وخل حتى الحريم اللي يبيعن يتبطحن كانهن في بيتهن يعني فوضى بمعنى الكلمه

مشكوره أختي..
فعلاً المهرجان يغلب عليه الفوضى وخصوصاً في توزيع الكشكات ومكان الخيمه..

[ابويسرى]

لا والله مارحت ولاعندي نيه ادري انه فاشل وشباب متخلف يدور الغزل وكذالك فيه اشباه الرجال اللي كب بزرانه وراح لذالك ارفع نفسي عن مكان ملوث ليش اغث روحي بالمناضر اللي بشوفه بنات لبس عاري وفاتن مع العلم انهن لو يدرن وش نضرت الشباب لهن مالبسن هاللبس ونضرت الشباب لهن انها ارخصت نفسها ولا يشرفه ان تكون زوجته الله يعين ويرحم الحال لذالك ابعد عن مواطن الفتن واتركه لله والله يعوضنا احسن منه

[شهلول]

*

*
*

أشكر الأخت هجير الشوق

على هذا الطرح الراقي

والنقد البناء

,
/
,

[هجير الشوق]

اقتباس المشاركة الأساسية كتبها شهلول * * * أشكر الأخت هجير الشوق على هذا الطرح الراقي والنقد البناء , / ,

مشكور أخي..
جزاك الله خير الجزاء,,
ووفقك لما فيه خير وصلاح..

[هجير الشوق]

اقتباس المشاركة الأساسية كتبها ابويسرى لا والله مارحت ولاعندي نيه ادري انه فاشل وشباب متخلف يدور الغزل وكذالك فيه اشباه الرجال اللي كب بزرانه وراح لذالك ارفع نفسي عن مكان ملوث ليش اغث روحي بالمناضر اللي بشوفه بنات لبس عاري وفاتن مع العلم انهن لو يدرن وش نضرت الشباب لهن مالبسن هاللبس ونضرت الشباب لهن انها ارخصت نفسها ولا يشرفه ان تكون زوجته الله يعين ويرحم الحال لذالك ابعد عن مواطن الفتن واتركه لله والله يعوضنا احسن منه

أخي..

(مارحت ولا عندك نيه) على راحتك..
ما شفته وحكمت عليه بالفشل أسمحلي أخطأت بهذا فعلاً يوجد أخطأ لكن لا تصل لحد الفشل..
أما عن الشباب فالله يهديهم ويهدي بنات المسلمين..آمين

(أشباه الرجال) يمكن مشغول عنده دوام مسائي أو مشغول بأشياء أخرى أو ما عندهم رجال و اللي جايبهم السواق أو اللي جايبهم شاب وما يبي يجلس مع أهله وأنت أعرف مِني بالشباب وطلعاتهم وويش يسون في هذه الحاله ينحجرون؟؟لا طبعاً يبي يستانسون ويرفهون عن أنفسهم.

(مكان ملوث) ما نسمح لك بهذا الكلام مارحنا حنا لمقهى وإلا مرقص علشان يكون ملوث ترى اللي فيه ناس مب حيوانات, حمايل لها سمعته هذا غير الهيئة..الله يسامحك وأحمد ربك على النعمه اللي أنت عايش فيها.

فعلاً انت حر برأيك لا تروح علشان تغث روحك بس لا تنسى إن فيه بعض الشباب والبنات مربيين أحسن تربيه وولباس محتشم ما تشوف منها الظفر.

صدقت في نظرة الشباب للبنات الغير محتشمات .. وعلينا أن ندعوا لهن بالهداية والستر والعفاف في الدنيا والأخرة.

آمين الله يعين ويرحم الحال..لكن ايضاً لا تنسى أنه لا يوجد مكان ليس فيه فتنه فالفتن والمغازل في كل مكان (الحدائق, السوق, البر, الشارع,حتى الإشارة وووو....إلخ)

...

[شُرُوق المَسَاء]

الواجب على المرء أن ينزه نفسه عن حضور مثل تلك الأماكن .. فهناك بديل أفضل وآمن ..

الله المستعان .. شكرا لك أختي الفاضله .