بريدة






عـودة للخلف بريدة ستي » بريدة ستي » أخـــبـــار بــريــــدة » الموضوع زاد عن حده واصبح ظاهرة

أخـــبـــار بــريــــدة كل ما يهم مدينة بريدة

موضوع مغلق
 
أدوات الموضوع طريقة العرض
قديم(ـة) 16-09-2009, 02:51 AM   #1
ابو شرين
Registered User
 
تاريخ التسجيل: Jun 2007
المشاركات: 1,897
الموضوع زاد عن حده واصبح ظاهرة

السلام عليكم

انا استغرب فقط اين المسؤولين
كنا نسمع سابقا بهيئة او مؤسسة متخصصة بمكافحة التسول
هل توقف العمل بها لماذا لا تفعل اعتقد جازما بانها اصبحت حركات منظمة وليست عشوائية

في محل تجاري اليوم مو طبيعي انا اول مرة اشوف متسولين بهالطريقة

عطني غصب اخذت الورقة (تقرير) اشوف اش سالفتهم مع العلم اني اقلبها وانا شبه متأكد انها صورة سافرت عبر مناطق المملكة وانا اقرأ بيعطينا مية لا يمكن اكثر عطيتهم عشرين وقلت الله يستر عليكم ويرحم حالنا وحالكم موراضين يمشون زنة حريم حتى حياء مافيه
ثنتين بنات وبدون محرم

اخيرا ماقدرت امسك نفسي للاسف قلت لهم من وين انتم تبون الناس تعطيكم غصب المبلغ اللي تبونه راحوا عقب ماطقت تسبدي منهم شوي الا وشايب وراهم بعد ماطلعوا بخمس دقائق

طلعت من المحل على طول وسويت روحي زبون يعني نترك مصالحنا بالايام الاواخر بسبب المتسولين اللي يدورون غترة بالمحل او شماغ علشان يبلشونه

المهم الشايب ملبق الونيت جلس فيه بعد ماطلع من المحل
وانا ركبت سيارتي وانتظر شوي الحرمتين راكبين معه شكلهم مروا على محلات مجاورة

لازم تتدخل الجهات المختصة وتوقف تزايد هالظاهرة بل والضرب بيد من حديد لان الموضوع وصل حده وزيادة

الكثير بيقولون حرام ماتدري يمكن ويمكن ويمكن ما اقول لا على العين والراس
بس هذولي ماندري وش هم وش ظروفهم الفلوس تطلع وانت منت متأكد من انك طلعتها في مصارفها الشرعية

لو كانت العملية منظمة بحيث يتوجه هؤلاء الى جمعيات خيرية او غيرها
الضمان موجود المهم نوقف الظاهرة هذي لانها بازدياد واضرارها كثيرة

كلنا نسمع بخطف اطفال وتشويههم علشان يشحذون فيهم

اذا كان التسول ممنوع وبقوة وبمشاركة المواطن سيتوقف هؤلاء عن كل هذا ونقضي على مشاكل اخرى اكبر تطفوا على السطح بين الحين والآخر

اذا درى المتسول انه بيتوقف ويعاقب بيفكر الف مرة قبل مايقرر الخروج للتسول

اذا كان فعلا محتاج يمكن ايجاد حلول له قبل خروجه من توقيف الهيئة المختصة
واجراء الاتصالات اللازمة مع الجهات المختصة الاخرى يعني مثلا الاتصال بفر الجمعية الخيرية التي يتبع لها منزل المتسول ومعالجة الموضوع باسلوب علمي منظم

اما اذا كان مجرد تقارير وصور وهمية وتزوير واناس من خارج الديرة واجانب وغيرها من الشغلات المنظمة التي تستغل المواطن السعودي وطيبته وتستغل الشهر الكريم وفضله

بعد التاكد والتمحيص
يمكن عندها معاقبتهم المهم يتحرك المسؤول يوقف ظاهرة التسول وماننسى كما ذكرت سيقضون على اشياء كثيرة مترتبة على مزاولة هذه المهنة والله اعلم


وسلامتكم
ابو شرين غير متصل  


قديم(ـة) 16-09-2009, 03:10 AM   #2
فوزاني
عـضـو
 
صورة فوزاني الرمزية
 
تاريخ التسجيل: Aug 2009
البلد: القصــــــــــــــــــ بريدةــــــــــــــــــــيم
المشاركات: 92
والله انك صادق الموضوع زاد عن حده
الله يستر من الجاي
مشكور أخوي ابو شرين
والله يعطيك الف عافية
فوزاني غير متصل  
قديم(ـة) 16-09-2009, 03:12 AM   #3
الذهب
عـضـو
 
تاريخ التسجيل: Sep 2009
البلد: بريده
المشاركات: 40
جزاك الله خير على هل موضوع 0
الذهب غير متصل  
قديم(ـة) 16-09-2009, 03:27 AM   #4
شيبة الهلال
عـضـو
 
صورة شيبة الهلال الرمزية
 
تاريخ التسجيل: Dec 2007
البلد: شمال بيت المربد وغرب بيت السديري
المشاركات: 839
ذولا اقل مصيبة من الي باسطة عند الصرافة

يعمي افهمة ما ابي الا 100 وفوق
__________________
>> سبحآن الله وبحمده سبحآن الله العظيم <<
^^^^
أتحدااك تقرا بدون تظليل


O
_\!!!!!/_
!!!!
!!!
_\ /_
شيبة الهلال غير متصل  
قديم(ـة) 16-09-2009, 03:35 AM   #5
ابوولعf
عـضـو
 
تاريخ التسجيل: May 2009
البلد: ناقد بدون رحمه
المشاركات: 5,371
والله انك صادق الموضوع زاد عن حده
__________________
التوقيع مخالف
ابوولعf غير متصل  
قديم(ـة) 16-09-2009, 03:39 AM   #6
كبير مايكبرني لقب
عـضـو
 
صورة كبير مايكبرني لقب الرمزية
 
تاريخ التسجيل: Jul 2009
البلد: كوخ الاحلام
المشاركات: 1,484
مشكوووووووووووور
كبير مايكبرني لقب غير متصل  
قديم(ـة) 16-09-2009, 06:09 AM   #7
برنس الغلأ
عـضـو
 
تاريخ التسجيل: Feb 2009
المشاركات: 101
كل ونيته


مايدرا عن الحاجه اللي تمر فيه
برنس الغلأ غير متصل  
قديم(ـة) 16-09-2009, 06:24 AM   #8
موتي ولا زعل امي
عـضـو
 
صورة موتي ولا زعل امي الرمزية
 
تاريخ التسجيل: Oct 2007
البلد: فراولة بالشكولاتة سابقاً
المشاركات: 365
يحكي اخي لنا ويقول

شفت زميل لي ينزل امه عند مسجد تشحذ وسويت نفسي ماشفتة

وكان معي زميلي وقلت لايدري اننا شفناة


خوف على مشاعرة

ويقول اخوي جانا زميلي يعد ايام اللي نزل امه عند المسجد ومعة سيارة موديلها 2007 يوم على وقتها
__________________
موتي ولا زعل امي غير متصل  
قديم(ـة) 16-09-2009, 06:32 AM   #9
ღ.. متآبع بصمت ..ღ
عـضـو
 
صورة ღ.. متآبع بصمت ..ღ الرمزية
 
تاريخ التسجيل: Feb 2009
البلد: || ~ Buraydah ~ ||
المشاركات: 2,110





, , ,

والله إنك تقرأ بنات أفكراي


يوم من الأيام جت وحده لبيتنا وعطيته مثلك 20

والله وتقول هاذي صدقه عنكم باقي عن امك

قلت الله يرزقكم قالت بس هذا الي عندكم

وش دخلها الحين هذا الي عندنا

بس والله أنا بديت أعطي الي يتسولون إذا رحت لمسجد

ولا محل جديد يعني أول مرة أشوف الحريم هذولي

أما الي بالحارة كل يوم يجن وعند المحطة وعند التموينات



والله عجزنا نعرف الصادق من الكاذب

الله يعين عليهم


, , ,

ღ.. متآبع بصمت ..ღ غير متصل  
قديم(ـة) 16-09-2009, 07:08 AM   #10
بقايا فـــــرح ..
عـضـو
 
تاريخ التسجيل: Sep 2009
البلد: ksa .. وهل في ذلك شك ؟
المشاركات: 3,592
والله صدق ظاهره اصبحت منتشره

او بالاصح وسيله وطريقه عندهم للتكسب

لكن ساعات تخاف الوحده منا انهم يكونو محتاجين وتكسر بخاطرهم

والله بصدق مشكله كبيره مره نواجهها حنا بشكل كبير

لكن ماالحل انا اقول ان المحتاج يتعفف وبعدين فيه جمعيات وضمان

فلا بد من ايجاد حل من قبل المسؤلين

تحياتي

سديــــــــــم
بقايا فـــــرح .. غير متصل  
قديم(ـة) 16-09-2009, 07:12 AM   #11
**ابو علي**
عـضـو
 
صورة **ابو علي** الرمزية
 
تاريخ التسجيل: Apr 2009
المشاركات: 2,316
صدقت والله وعسا الدوله تسمعك
**ابو علي** غير متصل  
قديم(ـة) 16-09-2009, 07:41 AM   #12
almabda
عـضـو
 
تاريخ التسجيل: Sep 2009
البلد: بريده
المشاركات: 76
لا تعطي احد ابد ابد
واذا بتصدق فيه الجمعيات الخيريه
واللي محتاج عنده الضمان الدوله ماقصرت
والله يرزقنا من خزاينه
almabda غير متصل  
قديم(ـة) 16-09-2009, 10:22 AM   #13
ابو شرين
Registered User
 
تاريخ التسجيل: Jun 2007
المشاركات: 1,897
اشكر لكم مداخلاتكم بعد الاطلاع

ومامن شك بأن الاغلبية جعلوها وظيفة وهذا هو سبب مجادلتهم وجرأتهم في عملهم

ولكن فعلا من وجهة نظري ان القضاء على هذه الظاهرة سيصل بنا الى فوائد جمة

اولها اختفاء هذه الظاهرة الغير حضارية وهي تعكس للزائر والمقيم والمواطن سؤ التنظيم والنظام اذا ما استمرت هذه الظاهرة دون سن قوانين تحد من انتشارها بل ربما توقفها نهائيا اذا ماكان هناك مثلا رقم طواريء يستدعى به مكافحة التسول
ثانيا قطع الشك باليقين من عدم تكرار الاعمال الاجرامية التي نسمع عنها ويقشعر منها البدن كتشويه الاطفال
ثالثا التاكد من ان الزكاة والصدقات تصرف في مصارفها ولمستحقيها فعلا
رابعا اختفاء ظاهرة قرع المنازل ومايشوبها من محاذير والله المستعان
ابو شرين غير متصل  
قديم(ـة) 16-09-2009, 01:00 PM   #14
الــمــفــتــرس
الله اكبر
 
صورة الــمــفــتــرس الرمزية
 
تاريخ التسجيل: Nov 2008
البلد: عــاصـمة الخـبـوب .... ضـــراس
المشاركات: 3,852
يعطيك العافية
__________________
.


AL MOFTARES




.
الــمــفــتــرس غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 01:19 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)