[كلي حنان]

السلام عليكم ورحمة الله وبركاته

ان شاء الله كلكم بخير بــــ إختصار موضوع خفيف وقوي بسراحه
وش رايكم ..؟ التهاون بالدوام ام التهاون بالصلاه

لانو احد مدراء مدارس برررررريده الابتدائيه قال مديرها وهو يقسم بالله ويقول تتهاون بالصلاه ولكن لاتتهاون بالدوام

جد وش راح يكون موقفك لما يجيك واحد ويقول تهاون بالصلاه بس لاتهاون بالعمل بحجه ان الله سوف يرحمك ولكن ترتكب ذنب عندما تهمل حقوق الاخرين
ابي كل واحد/ او وحده يقول رايه وبسراحه

[فخر أهلي]

لاحول ولاقوة الابالله الله لايخسف بنا
هذا مربي اجيال والعياذ بالله خايف على القرشين
ولاخاف يوم لاينفع مال ولابنون

[على طريق الأمل]

أستغفرالله
لاحول ولاقوة الابالله
(لاتعليق)

[كلي حنان]

فخر أهلي ...... / على طريق الامل

يعطيكم العافيه على مروركم
من جد عاد هو يموت بشي اسمه فلوس

والكلام الي قلته عنه ربي يشهد على كلامي ما قلته حاقد عليه ولا شي

مانقول الا الله يعين هذا وهو مدير مدرسه

بس بنفس الوقت هو من الناس الي يصلي الفجر ويقوم لكل الصلاوات واستغرب هالكلام يطلع منه
مع انه كررها اكثر من مره وقالها اكثر من جلسه

[فخر أهلي]

يمكن يبي يشوف ردت فعلكم ماندخل بالنيات

[God forgive]

انا اللي اشوفه والله واكثر النـاس انهم يهتمون بالدوام اكثر من انهم يهتمون بالصـلاه ,
اكثرنا بالسعوديه يحط لك المنبه لدوام ولايحط لصـلاه الفجـر ...

[...flbynoo...]

اقتباس المشاركة الأساسية كتبها God forgive انا اللي اشوفه والله واكثر النـاس انهم يهتمون بالدوام اكثر من انهم يهتمون بالصـلاه , اكثرنا بالسعوديه يحط لك المنبه لدوام ولايحط لصـلاه الفجـر ...

انا معك بالكلام هذا

اذا كان متأخر يصلي ويدعي الله انه مايعاقب

الله يهدي الجميع ويزيدهم طاعه

[كلي حنان]

وشلون يبي يشوف النيات واحنا مدرسين يعني فاهمين
ويقول هالكلام بكل طلاقه من جد ويقولها اكثر من مره
ونكلمه ونقوله يأ[و الشباب حرأإأإأإم عليك الكلام

وانا شخصياَ قلت له التهاون بالصلاه حررام

والصلاه ليش لها وقت محدد على شان ما احد يتهاون فيها

يقول اذا صحيت متأخر داوم وبعدها صل من جد احسه مريض نفسياً

وش لون الواحد يروح وهو ما صلى ينعي بكلامه يضمن ماراح يموت الا بعد الدوام
وقلت يأخي الواحد مايضمن عمره يمكن وانا رايح الدوام يصير علي حادث لا قدر الله واموت وش راح يكون موقفي مع الله .. وزعلت وربي >>>>> شوي انزل عليه العقال
وكل ماناقشته يجيب شي جديد

[ابتسامة تواضع]

لاحولا ولا قوة الابالله

[كلي حنان]

god forgive
من جد كلامك عين العقل بس اذا انه يقدم الدوام على الصلاه وهذا مبدا عنده

يكتفي بنفسه ما يشوش افكار الاخرين ويحرف بالدين وهذي من جد مصيبه
الله يعين بس

يسلمو على مرورك خيو

[كلي حنان]

رافعه كمي اخدم امي




يسلمو على مرورك

[أبو رُبـــــى]

سلم لي عليه وقل له سااااااء الخييير يا مربي الأجيال . !

[لسـ المواطن ـان]

السلام عليكم ورحمة الله ..
كلام هذا الرجل لعله نابع من اندفاع .. أو عصبية يعيشها أثناء تفوهه بهذا الكلام .. .

فلو ذهبت إليه الآن لإعادة ما قاله .. لما وافق حتى أن يقوله لمجرد القول فقط ... .

فالصلاة أخي الكريم هي عماد الدين ... والمنكر عامداً وهو عالماً بمكانتها في الإسلام كان كافراً كمن إرتد عن الدين .

إذاً فمن باب أولى أن يكون لمن استهان بها إثم عظيم .. فكيف بمن حث الناس على تقديم عمل من الأعمال على فريضة هي للدين عماداً . ؟

أخي الكريم الأخوة والأخوات .

قال أحد أهل العلم : "" إن الصلاة تنهى عن الفحشاء والمنكر ، وأخشى على من لم تنهه صلاته عن الفحشاء والمنكر ... أن لا صلات له " .

هدانا الله جميعاً لما فيه صلاح الدين والدنيا .

[لماذاهذا]

اقتباس المشاركة الأساسية كتبها لسـ المواطن ـان السلام عليكم ورحمة الله .. كلام هذا الرجل لعله نابع من اندفاع .. أو عصبية يعيشها أثناء تفوهه بهذا الكلام .. . فلو ذهبت إليه الآن لإعادة ما قاله .. لما وافق حتى أن يقوله لمجرد القول فقط ... . فالصلاة أخي الكريم هي عماد الدين ... والمنكر عامداً وهو عالماً بمكانتها في الإسلام كان كافراً كمن إرتد عن الدين . إذاً فمن باب أولى أن يكون لمن استهان بها إثم عظيم .. فكيف بمن حث الناس على تقديم عمل من الأعمال على فريضة هي للدين عماداً . ؟ أخي الكريم الأخوة والأخوات . قال أحد أهل العلم : "" إن الصلاة تنهى عن الفحشاء والمنكر ، وأخشى على من لم تنهه صلاته عن الفحشاء والمنكر ... أن لا صلات له " . هدانا الله جميعاً لما فيه صلاح الدين والدنيا .

اللهم آمين
وانا اتفق مع الاخ لسان الوطن
يمكن انه نابع من اندفاع .. أو عصبية يعيشها أثناء تفوهه بهذا الكلام .. .
وا لصلاة عماد الدين وهي التي سوف يسأله الله اول يوم القيامة قبل كل شيء