[الملتهبه]

السلام عليكم ورحمة الله وبركاته..

نصيحه لوجه الله يا معشر الشباب.. إذا تقدمت لخطبة فتاه من أهم الأشياء اللي لا زم تتأكد منها بعد الخلق والدين

انها تكون تعرف تطبخ..

ولا تتنازل عن ذا الشئ لأنك فالبدايه بتكون متحمس وتفكيرك كله يدور حول الزين والرزه والأمور الجنسيه لكن..

بعدين بتكتشف سلبيات هذا الشئ وبتنصدم

انا واجهت مثل هذي المشكله لكن الحمد لله خلال أسابيع انتهت
لكني تطرقت لها بالاستراحه واستفسرت من اخوياي اللي تزوجوا في السنتين الأخيرات
ووجدت أن نسبة 99% تعبوا في البدايه مع هذه المشكله وواجهوها كلن حسب طاقته
في بداية الزواج اصلا مابيكون لها وقت تتعلم الطبخ وانت ماراح تعيش على المطاعم وهنا بيكون قنبله موقوته بتنفجر في لحظة جوووووووع

وعندي بالاستراحه كثير من الشباب اخوياي اللي تزوجوا في السنتين الاخيرات يشتكون من هذه المشكله
تخيلوا واحد جلس أكثر من سنه زوجته ماطبخت له ولا وجبه لأنها ..( ماتعرف )
ليش ماتعرفين..؟؟ ( عندنا خدامه ) وما احتجت اني اتعلم وكمان ( امي ماعلمتني )

طيب لما يطلع هالمسكين المغلوب على أمره بالصبر على هذه المصيبه
من الدوام جيعان يروح كمان يداوم مسائي بالمطعم..؟؟ والسبب زوجته..؟؟
لأنه لازم يمسك سرا طويييييييل مليييييييئ بالسعوديين ولا تلقى فيه الا اثنين أجانب وأحيانآ ولا واحد..

ياحظكم يالأجانب في حريمكم وأمهاتهن

يعني بعد تعب الدوام والزحمة بالطرقات لازم توقف سرا فالحر بالمطعم تجيب غداء للي فالبيت نايمه
عند المكيفات والتبريد ماكلفت على نفسها تسوي لك غدا وانت عادي تحمل لانك رجال محتسب الأجر عند الله في هذه المصيبه

حسبنا الله ونعم الوكيل.. انتم ماتخافون الله برجالكم يابنات..؟؟ والله عيب عليكم ..
والله عيب لما الرجل يجي يطلب البنت ويقولوا له اهلها تراها ماتعرف تطبخ
اصبر الين تتعلم.. والا جب من المطعم
يعني صار لها عشرين سنه او اكثر عندكم. ماعلمتوها الطبخ والسناعه.. مستنين حضرتي اجي أنا اعلمها ..؟؟



والمصيبه لو تقدم رجل غير موظف كان رفضوه وطعنوا في رجولته كمان..
ولو الرجل مايعرف يسوق سياره والا مايوديكي لأهلك ماكان رحمتنه يالحريم غير فضيحته بجلاجل
اللهم اكفنا شر ألسنة الناس وخصوصآ ألسنة النساء..
يقطعن الرجال تقطع


طبعا هذا مو كلامي هذا كلام غالب الشباب اللي سألتهم.. انا جمعته ونقلته لكم..

وفي الختام ..

وقفة إجلال وإكبار.. وتحية احترام و إعجاب..
للبنات القرمات الذربات اللي قبل ماتنخطب وهي سنعه بكل ماتحمله هذه الكلمه من معنى..
والشكر موصول لوالدتها إذا كان لها دور في ذلك
وهذه التحيه محض اعتراف انو مو كل البنات كما ذكر سابقآ لكن في الغالب كذا..

وانتم يالبنات تروحون للكليات والعروس ولكم خويات ابي كل وحده تسوي في ذهنها مقارنه وتمرر أسامي زميلاتها اللي أعمارهم من 15 سنه إلى 27 ولسا ماتزوجوا وتشوف كم وحده منهم سنعه وطباخه..
وأنا هنا من هذا المنبر أعلن التحدي منا نحن معشر الشباب إذا كان أغلب خوياتك من النوعيه المطلوبه وتعرف تطبخ هذي ياحظ زوجها نيالوا ويا سعد عينه.. طبعا مو تقولين تعرف تطبخ شاي وبيضه وتعتبرينها مع الزينات ... لا لا لا..!!!!
أنا اقصد طبخ يرضي طموح الزوج
ونريد كل وحده من البنات اللي في المنتدى تعلمنا هل تعرف تطبخ والا.. لا..؟؟
و كم نسبة خوياتها الطباخات..؟؟
عشان نشوف هل هالكلام صحيح أنها ظاهره منتشره أم مجرد كلام مبالغ فيه..؟؟

[مـريـر الـشـوق]

الحين الملتهبه ا_سم رجل ولابنت

[غريبة الديار]

..............

[البندري]

اكيد بنت هي كاتبه اناجمعت لكم الكلام

[نالا]

وبعدين مب اهم شي انه تعرف تطبخ
هو متزوجها علشان الطبخ ؟!!!
اهم شئ الدين والخلق
واذا تزوج يطبخون جميع ويتعودون مع بعض
ومره هو يطبخ ومره هي
بعض الناس يحسبه قاعده اساسيه انه مايطبخ الا المراه

[الغلآ~]

اقتباس المشاركة الأساسية كتبها نالا وبعدين مب اهم شي انه تعرف تطبخ هو متزوجها علشان الطبخ ؟!!! اهم شئ الدين والخلق واذا تزوج يطبخون جميع ويتعودون مع بعض ومره هو يطبخ ومره هي بعض الناس يحسبه قاعده اساسيه انه مايطبخ الا المراه

حلوه الرجل يطبخ
الرجل ممكن يساعدني على الخفيف عند رغبته بس
اما يطبخ ؟؟؟ لا ما اترك زوجي يطبخ وانا بنت ابوي

ماباقي الا ينظف البيت !

[شمعة حنين]

موضوع جميييل

شكرا لك ..

[%زهرة الجوري&]

مشكورة

[هــدوووء *]

بالعكس الطبخ مهم الا اذا كان الزوج قادر انه يجيب شغاله ..


لكن انا استغربت من الملتهبه بنت .. و تحرض الرجال !!

وش السالفه ؟؟؟؟؟؟؟؟؟؟؟؟؟؟؟؟؟

[الغلآ~]

البنت الي ماتعرف تطبخ مو كفو زواج ... تجلس عند امها احسن
اخوي طلق زوجته والسبب هذي المشكلة
مشكلة مهمة ماتظهر الا بعد الزواج بفتره

[(((فخامة كبريائي)))]

غلط ان الوحدهـ ماتعرف تطبخ من المفروض انه تعرف قبل زواجها...
لكن حالياً اغلب البنات مالهم بالمطبخ كثير وان صارت سنعه طبخة رز او مكرونه ووقت الازمات بعد والضرورهـ اغلب البنات الحين يتكسلون دخلت المطبخ مو مثل بنات قبل مافيه شي يخلصون وقتهم فيه غير المطبخ....
وبعدين انتم يالشباب ذبحتونا ترى اهم ماعليكم الطبخ في الحرمه بعد ماتخلصون وتضمنون متطلباتك الثانيه يعني لابد من النقصان واصبر عليها لحد ماتتعلم طيب مافيه شي بالساهل....
واذا على حريم الاجانب بعد الرجال الاجانب اغلبهم يقدرون ظروف الحرمه ويدخلون المطبخ ويساعدونها بكل شي لكن المقارنه من هالناحيه صعبه لان ظروف المجتمعات الاجنبيه غير ومجتمعاتنا غير,,,
اخيراً لك اشكركـ على موضوعك الرائع والذي فعلن يستاهل طرحه,,,,

[MISS PINK]

سؤال : باين أنك رجل ليش كاتب بالبيانات أنك أنثى وأسمك الملتهبه ؟؟ خلك صريح من البداية

[الجادي المدوف]

قلبتوا الموضوع بتحليل جنس الكاتبة، تناقشوا بالموضوع، ولا داعي لمثل هذهـ التحليلات !
ويبدو أن كاتبة الموضوع ناقلة وليست هي الكاتبة الأصلية ،
واللي ما تطبخ تجلس ببيت أهله أزين له، عندهـ شغالة، وانترنت، وشوله تتزوج ؟!
من مقاصد الزواج أن تقوم المرأة بأعمال المنزل، أما أن يقوم الرجل بالطبخ، فما هو دور الزوجة حينئذ ؟!
صحيح قد يتعاونا أو قد يطبخ الرجل في حالة واحد أن يكون الطبخ للعشاء ،
أما أن يأتي من العمل ثم يقوم بالطبخ أو الشراء من المطعم فالعزوبية أفضل بكثير !!