[جبل أحد]

جان ضيوف من خارج بريدة ودار الحوار بيني وبينهم

س / ودنا نتمشى ببيردة فأين نذههب ؟
ج/ ياااااااااااحسرة شوفو البرج والا روحو للنخيل أو العثيم وقبة رشيد وروحو للخبوب وهبال عيالنا بالتطعيس
س/ عندكم أمانة فأين دليل السياحة ؟
ج / أغديهم يزينونه ويطبعونه قبل ماتجون بعد العام القادم

( لعل عنيزة يضعون دليل من أجل أن تتحرك غيرة أمانتنا الغالية وتسوي مثلهم) قلتها بيني وبين نفسي
_________________________________
خاطرة للزراعة والأمانة :
حتى منتزه عسيلان والطرفية سموها باسم القصيم (نستحي نسميه باسم المكان الذي هي فيه )بينما غيرنا مدينتهم باسم (اسخلة ) صغيرة العنز وما استحو والزلفي عنده قرية باسم الثوير وشي عادي ونحن نستحي من اسم الطرفية وعسيلان

تكفون ياأمانتنا العزيزة
لاتفشلونن بعد سنتين اطبعو دليل السياحة لبريدة أو اعملو لوحات على مداخل بريدة فيها عبارة (عفوا ليس عندنا سياحة )

[F35]

شكلك مانت من بريده ..
سيو ليتر..

[جبل أحد]

من بريدة أين أذهب يا f35

[شمعة حنين]

بريدة مدينه زراعيه وليس سياحيه

وشكرا لكم ..

[أبو برق]

اقتباس المشاركة الأساسية كتبها *.* بحبوحـــه *.* بريدة مدينه زراعيه وليس سياحيه وشكرا لكم ..

صدقت
بس أحيانا تقدر تقول سياحية

[•°انكسار الأماني°•]

أحد قايل لهم يجون لبريدة هه

على بلاطة ماعندنا سياحة ,

وإللي ماجاز له لايجي يروح لمدينة ثانية ماكثر الله إلا مدن المملكة ,

..

[كبرياء الجرح]

اقتباس المشاركة الأساسية كتبها •°انكسار الأماني°• أحد قايل لهم يجون لبريدة هه على بلاطة ماعندنا سياحة , وإللي ماجاز له لايجي يروح لمدينة ثانية ماكثر الله إلا مدن المملكة , ..

ههه كلام سليم

[خنفشارية]

أنا أتعامل معهم بالصراحة ما عندنا شيء
بس ما شاء الله
ما يفرغون إذا زارو بريدة من العزايم
كل يوم بإستراحة ولا أنسى النوم بالبيوت(السهر)

[عطشــانة دم !]

وش تبينا نسوي على شان مااتفشل من ضيوفك يعني ودك نجيب بحر هاواي واسواق دبي وننثر شويه لبنانين يجملون الشوارع!!!!!!!!!

[دفا]

خذلك استراحه وجمع اهلك واستناس
وخله اذا راح يقول فلان كريم وهذا اللي ربي يجازيك عليه

اما الامانه مسكينه وش تبدي بريده سارت قاره ماشاءالله

الكل ينهش منه وكلاً اخذ منه نصيب وشفهم عندنا من كل ديره
مير الله يحيهم لو هم ما استناسوا ببريده ماتلقى شقق الايجار مليانه
وتعال شف الاستراحات سعرها دبل ثلاث مرات الديار اللي جنبنا
وانت اذا تبي تتمشى به

انصحك تفكر وش تشتهر فيه بريده او غير بريده

مثلاً بريده تشتهر بمدينة الاغنام مدري الانعام صح

رح انت ويااه وخذ لك لف به ووره الخرفان ترى فيه اشكال جديده ساكني ماله شعر
ورح وره البعارين ويمكن تحصل لك نياق بس خله يشرب من الضرع مباشره اطعم

ورح لسوق التمر واذا انت بالموسم خله يستانس ويشوف يالله من فضلك السكري


ومثلأ لو بتروح لعنيزه او البدايع او الرس او المذنب كلهن ديار يالله من فضلك قصيم العز
بس انت خلك قرم وتحرك

موهب لازم ترى يصير عندنا بحر او يعني الثمامه الرياض

[حبيبتهم]

اقتباس المشاركة الأساسية كتبها دفا خذلك استراحه وجمع اهلك واستناس وخله اذا راح يقول فلان كريم وهذا اللي ربي يجازيك عليه اما الامانه مسكينه وش تبدي بريده سارت قاره ماشاءالله الكل ينهش منه وكلاً اخذ منه نصيب وشفهم عندنا من كل ديره مير الله يحيهم لو هم ما استناسوا ببريده ماتلقى شقق الايجار مليانه وتعال شف الاستراحات سعرها دبل ثلاث مرات الديار اللي جنبنا وانت اذا تبي تتمشى به انصحك تفكر وش تشتهر فيه بريده او غير بريده مثلاً بريده تشتهر بمدينة الاغنام مدري الانعام صح رح انت ويااه وخذ لك لف به ووره الخرفان ترى فيه اشكال جديده ساكني ماله شعر ورح وره البعارين ويمكن تحصل لك نياق بس خله يشرب من الضرع مباشره اطعم ورح لسوق التمر واذا انت بالموسم خله يستانس ويشوف يالله من فضلك السكري ومثلأ لو بتروح لعنيزه او البدايع او الرس او المذنب كلهن ديار يالله من فضلك قصيم العز بس انت خلك قرم وتحرك موهب لازم ترى يصير عندنا بحر او يعني الثمامه الرياض

[moment.11]

ودهــم سسوق الغننمَ

[ابو قلبين]

عزيزي

انت الدليل السياحي لمدينتك
فهل تستطيع إظهارها بالشكل الصحيح ؟ وهل لديك القدره على التفنن في اضفاء المتعة لضيوفك في اي بقعة انت ؟؟؟
يقول المثل شف وجه العنز واحلب لبن ( لا أقصد في هذا المثل تقليل من شخصك الكريم )

ولكن يجدر بنا أن نتعلم كيف نستمتع بمقدراتنا وما وهبنا الله في بيئتنا ، وبالتالي نستطيع أن نصنع سياحة لضيوفنا بحسن وكرم الضيافة التي هي أساس انفتاح نفس ضيفك لكل شيء حولك ،
أما سمعت
قيس ابن الملوَح..
حيث يقول :
أمر على الديار ديار ليلـــــى **** اقبل ذا الجدارا وذا الجدارا
فما حب الديار شغفن قلبي **** ولكن حب من سكن الديارا

أشكرك ....

[جبل أحد]

شكرا لمروركم وأنا استنهض الهمم
ينبع قبل مدخلها ب20كم فيه مكتب يوزع منشورات فيها خريطة ينبع وأسماء الأحياء والشقق والأسواق ولأماكن السياحية وهم بلدية وليس أمانه