[جرافيكسي]

السلام عليكم ..

حبيت أستشيركم ،، لقيت عامل قبل كم يوم ( باكستاني ) .

يقول ورا ماتشري ( نخل ) وأجيب لك ناس يضبطونهن لك ،، من إلى .. ومالك إلا ولد يقرأ ..


طبعاً العامل مادري وشهو من رجال ..

لكن ، السؤال ؟؟؟؟

وش الطريقة اللي أضمن فيها حقي كاملاً...؟؟؟

[ام لانــأ]

شغلة ماتعرف لها مالك ومالها خلها لاهلها

[بعثرة حلم]

يااخي رح واستشير ناس فاهمه بالسوق..

حتى لايضحك عليك..

واذا انت معزم لاتكب كل درهيماتك معه..

وخل بينكم اوراق مثبه لحقك..

[هيفا بنت القصيم]

نصيحة إسأل أهل الإختصاص وماخاب من إستشار وبالتوفيق إن شاء الله

[متفائلة (2)]

كودتاقف وراهم
ولايقول لك التمرماجاب شي
اناخسران

[Sense Designs]

هلا اخوي ..

صدقني لا تبزع .. حراميه الباكستانيين .. مجربين كثارين ..

عادي يخلون كل شي بإسمك وبعدين يهجون ..

يعني اذا انت جازم .. خذ بصماتهم وخل كل شي بإسمهم ...

( يا غالي ما حطيت رقمك باالرساله الخاص من شان المحل )
...

[ابوالمعالي]

من الطرق تسلم الفلوس لصاحب المزرعة
وعند البيع يستلم الفلوس الدلال بعدين انت تستلم من الدلال وتعطي الباكستاني حقه .

[الحمد لله]

اخي الكريم نصيحتي لك بالنسبه لموسم التمور هذا العام لا تشري نخل اذا تبي تشتغل اشر من السوق شي جاهز وتنقي على كيفك وبالسعر الي يخارجك وترزق الله فيه 0

العالم الي شرت تمر خاصه الي شرا النخل العام لحق بهم خسائر كبيره لان السوق لم يكن بهاك المستوى المطلوب لتوافقه مع شهر رمضان وانت تعرف اكثر الزبائن هم من خارج القصيم ويصعب عليهم المجي برمضان فلذلك نزل السوق

الباكستانيين يبونك تشري ويضمنون شغل ويضمنون حقهم ويمكن يسرقونك ويبيعون برا بريدة وانت ما تدري

الزبده تبي تشتغل بالتمر اشر من السوق وترزق الله

[يرفأ]

اقتباس المشاركة الأساسية كتبها الحمد لله اخي الكريم نصيحتي لك بالنسبه لموسم التمور هذا العام لا تشري نخل اذا تبي تشتغل اشر من السوق شي جاهز وتنقي على كيفك وبالسعر الي يخارجك وترزق الله فيه 0 العالم الي شرت تمر خاصه الي شرا النخل العام لحق بهم خسائر كبيره لان السوق لم يكن بهاك المستوى المطلوب لتوافقه مع شهر رمضان وانت تعرف اكثر الزبائن هم من خارج القصيم ويصعب عليهم المجي برمضان فلذلك نزل السوق الباكستانيين يبونك تشري ويضمنون شغل ويضمنون حقهم ويمكن يسرقونك ويبيعون برا بريدة وانت ما تدري الزبده تبي تشتغل بالتمر اشر من السوق وترزق الله

...

[جرافيكسي]

جزاكم الله خير ،، أجل رايكم الهجه

[L&Mَ]

انصحك هج ..

ا
ا
ا
ا
ا

[جرافيكسي]

الغريب أن العامل ،، أغراني ،، بالمكاسب الخيالية ،، وقال لاتشيل همهن فيما معنى كلامه ...

[متفائلة (2)]

لالالالا تثق
اعرف شخص كذا قاله
وبعدين خسر

[xX DUNHILL xX]

نصيحه لا تشتري مزارع العام العالم كلهم خسرانين ..
السنه اللي راحت الناس مأملين بمكاسب خياليه زي السنين اللي قبل
لكن يوم بدا البيع يتمنون يرجع لهم راس المال ..
اتوقع لو تشتري من السوق كميات كبيره وتفرقه احسن لك واريح ..
وانت استشر اللي لهم بالسوق عشان تصير على علم كامل بالشغله ..
والله يوفقك ويرزك من واسع فضله .