[مندبلتن تسبدي]

السلام عليكم.

بقولكم السالفه بسرعه امس فيه زواج واحد من العيال من شباب الاستراحه
المهم اتصل علي واحد ايقاله ابو علي معي بالاستراحه قال متى تبي تروح لللأجتماع
قلت بعد الاخير قال اجل صل بالطريق ومرن قلت طيب طيب.
المهم مالكم بالطويله طلعت وصليت واتصلت على ابو علي قلت وينك قال انا بالطريق رايح
للبيت بلبق موتري ونطلع جميع قلت طيب واثري انا تسد وصلت بيتهم طبعآ بيتهم مقابل الارياف
اللي بالبشر بيتهم بالخدمه اهم شي وقفت هناك انتظر خويي وانا اضغط بالجوال مر من عندي شباب
اثنين يركضون وكل واحد يقول بسرعه بسرعه لا احد يجي.
ماعطيتهم بال كملت اضغط بالجوال ومير يوقف عندي بزر يركض ويصيح قال تكفىا الله يجزاك
خير اثنين اخذوا جوالي والبوك ورحوا منا انا دريت انهم اللي تو قلت اركب عاد من حسن حظه
الاثنين ذولا ماابعدوا عن شوف عيني اشوفهم المهم ويركب البزر معي وانا ادوس وحدهم ووقف قدامهم
بيني وبينكم اثنين وانا متردد اخاف يجلدونن وانزل قلت وبن الجوال بصوت عالي وبنفس
اللحظه والله اني اخاف يجزمون ويخلطونن ومير كل واحد يقول مع هذا يوم عرفت انهم
خافوا وانا اشد عليهم واخذهن منهم وامسك البزر وجواله والبوك معي بيدي وافتح باب الموتر
بركب البزر واثره على جيت كم سياره
المهم اللي جوا ذولا يقربون للبزر وبدون تفاهم يحسبونن انا اللي سارقن البزر ويجيك واحد كبير شكله ابو البزر وسطرن كف والله انه من قوة الكف ان شماغي طايح ويشوتن وانا مايمدين اسوي شي
واقوله وش السالفه قسم بالله واتلقاء الضرب من ابو البزر واحد ثانيشكله اخوه الكبير واخر اللحظات جاء البزر قال موب هذا يبه والله مايمدين اسوي شي انا والدبش اللي ضافين جوال البزر واقفين ماراحو ويجي واحد يوخرهم عن وخويي واقف يتفرج تعرفون اهل بريده مايحبون التجمهر وتجي الدوريات ويتعذر من ابو الولد واللي قام يشوتن الثاني وانحاس ثوبي وكلي
وانا كاشخ وتنرفزت وخويي ميتن ضحك والدبش ذولاك والله اني مشيت وهم للحين واقفين.

بس هاذي درس لي ومره ثانيه لو اشوف اخوي قدامي يضف منه شي وانا اناظر عض عيني ان فزعت
بس قسم بالله انه كف جامد من كفوف الوالد اللي انقطعن.

المشكله الابو اخر شي قال بيض الله وجهك وش عقبوه ياخيي عقب مالفعتن وحست كشختي

[ابوسليم]

سـنـع سـنـع

[مندبلتن تسبدي]

الله يجزاكم خير .بس قسم بالله كف ياجماعه ان اذني قامت تصفر وخدي احمر هههههههه

[* t3Bt *]

*

ياحبيلك الله يكثر من أمثالكَ ،

ياحول الأبو خايفن على ولده ، وعطاك كف على الطايرَ لكن إن شاء الله على أجر ..

كفوف الوالد اللي انقطعن ! ’‘ شكله تسايد

الله يوفقك لـ كل خير

[مندبلتن تسبدي]

ياحبيلك انت ويكثر من امثالك بعد انت .

الوالد والله موب تسايد وبس مير عساك سالم هههههههههه

[تويجري التويجري]

ساده محد قالك افزع معه
هذا درس لك

[مندبلتن تسبدي]

اقتباس المشاركة الأساسية كتبها تويجري التويجري ساده محد قالك افزع معه هذا درس لك

ياخي والله لو تشوف البزر ان ترحمه يصيح

والصدز انه درس مير اجرنا على اللهـ

[قائد المجد]

ماتشوف شر يابعدي والدنيا دروس

[مندبلتن تسبدي]

اقتباس المشاركة الأساسية كتبها قائد المجد ماتشوف شر يابعدي والدنيا دروس

:مايجيك يابعد قلبي منور

[abu-ali]

عساك رحت للعرس

[مندبلتن تسبدي]

اقتباس المشاركة الأساسية كتبها abu-ali عساك رحت للعرس

اي والله رحت الاجتماع وعلى عجل واعرف ان اكثر شباب الاستراحه مستغربين .

على طول مشيت والله ماجلست ولا خمس دقايق ويتصلون العيال علي وراك عجل عسىا ماشر

قلت اسئلوا ابو علي هههههههههههههههههههه

[Leader.20]

*

ههههههههههههههههههههه

واااوك وابطنية لزوم نبلغ الشيخ بالسالفة

الحمد لله على سلامتك يا بعد ألبي

*

[تمر القصيم]

اقتباس المشاركة الأساسية كتبها Leader.20 * ههههههههههههههههههههه واااوك وابطنية لزوم نبلغ الشيخ بالسالفة الحمد لله على سلامتك يا بعد ألبي *

[مندبلتن تسبدي]

لدير ترا قايلن لا احد يضحك ههههههههههههههههه

الا على طاري الشيخ بلغناه وقضينا ههههههههههههههههه

منور ياخلفهم ؟