[~ [ جناح ] ~]

السلام عليكم ,

و كما وعدناكم , في موضوع الملتقى عن إستضافة ,

فـ ها قد وافق ضيفنا و هو رجل شرّف إشراف الكشكول بإدارته و حنكته العظيمة
و لـ جهوده ما زالت قوانين الـ رصيف بإسمه إنه البطل الهمام الفارس الضرعام /

خوي السرور

فـ أعطوه النار قصدي أسئلتكم ,
و لا تكثرون القرق عليه لأنه يبي يتشرط عليكم إن ما أعجبته أسئلتكم فـ اضبطوا أموركم يا بعديني ..

___
عدد الأسئلة مفتوح بشرط ألا يصل إلى حد (الملاغة) ..
___
سـ يكون يوم الإربعاء آخر يوم للأسئلة و الإجابات

[غربة غريب]

ضرغام ،، نعم ضرغام

الله يحيه المنتدى منتداه عطنا أسئلتك بارك الله فيك فاهم الموضوع خلط آسف

[أبو رزان]

أبو سر أنا دايم أشري من بقالة الإجتياز ,, بالله أيهم أنت تكفى

[حبة فستق]

شيء يحدث في القسم يخليك تكره النت ؟

[خوي السرور]

اقتباس المشاركة الأساسية كتبها ~ [ جناح ] ~ السلام عليكم , و كما وعدناكم , في موضوع الملتقى عن إستضافة , فـ ها قد وافق ضيفنا و هو رجل شرّف إشراف الكشكول بإدارته و حنكته العظيمة و لـ جهوده ما زالت قوانين الـ رصيف بإسمه إنه البطل الهمام الفارس الضرعام / خوي السرور فـ أعطوه النار قصدي أسئلتكم , و لا تكثرون القرق عليه لأنه يبي يتشرط عليكم إن ما أعجبته أسئلتكم فـ اضبطوا أموركم يا بعديني .. ___ عدد الأسئلة مفتوح بشرط ألا يصل إلى حد (الملاغة) .. ___ سـ يكون يوم الإربعاء آخر يوم للأسئلة و الإجابات

الضرعام أنت وأشكالكـ

حياك يألبي .. مع أني أدري أنهم يقولون وشوله جايبين هالهدر نسألهـ ماهنا شي يأهل أننا نسأله به لكن تحملوا

اقتباس المشاركة الأساسية كتبها {أليس الله بكاف عبده} ضرغام ،، نعم ضرغام الله يحيه المنتدى منتداه عطنا أسئلتك بارك الله فيك فاهم الموضوع خلط آسف

مالذي تشمّه ياصاح ؟!

اقتباس المشاركة الأساسية كتبها أبو رزان أبو سر أنا دايم أشري من بقالة الإجتياز ,, بالله أيهم أنت تكفى

أول ماتدخل ناد بأعلى صوتك : عليييييييييي .. أبد هذا أنا

اقتباس المشاركة الأساسية كتبها حبة فستق شيء يحدث في القسم يخليك تكره النت ؟

ردود أبو صباخ تسني أنا الفاهم اللي ماعقبي

لا لا أداعبك يابو ريم ماله داعي تلج علي قسمن مداعبة

والله مافيه شي معين يألبي .. لكن يمكن أقولك اللي يخليك تكره القسم بعض الردود اللي ماله سنع وماله دخل .. يعني يجيك عضو يدخل موضوع عضو ثاني .. همن يرد على كل اللي ردوا على الموضوع همن تنحاق الدعوى <<< فهمتوا شي ولا بس أنا اللي مافهمت

[حفيد اعقيل]

.
.
.

اقتباس أول ماتدخل ناد بأعلى صوتك : عليييييييييي .. أبد هذا أنا

أجل أنت يماني ...

بالمناسبة أنا من زبائن البقالة اليوميين

.
.

[أبو رزان]

^^

هههههههههههههههههههههههههههههههههههه هههههههههههههههه
الله يقلع ابليسك يابو مالك
أجل أنت اليماني يابو سِرّ ,, ذذ

والله إني أشوف هالكالعصل شكله والله العالم إنه أنت ,, ولاّ

[~ [ جناح ] ~]

أبو سر /: خل الإجابات مرتبة حتى ما نبلش بالقص و اللصق ..

___
س /: كم باقي على التخرج ؟
س/: اسم أمك ؟
س/: كم مدة إشرافك على الكشكول ؟
س/: سالفة التوقيف اللي أول ما تركت الإشراف ؟


و باقي س/: بالطريق

[روقــآن]

يوم أنت توقفن وش تحس فيه

[غربة غريب]

^^^

بإنتظار الإجابة أسئلة ساخنة ،،، بس لا تسويك

[خوي السرور]

اقتباس المشاركة الأساسية كتبها حفيد اعقيل . . . أجل أنت يماني ... بالمناسبة أنا من زبائن البقالة اليوميين . .

هههههههه ياحليله علي .. مير عقب ما أعرس صايرن شخص ثاني ..
حياك حفيدوفتش ..

اقتباس المشاركة الأساسية كتبها أبو رزان ^^ هههههههههههههههههههههههههههههههههههه هههههههههههههههه الله يقلع ابليسك يابو مالك أجل أنت اليماني يابو سِرّ ,, ذذ والله إني أشوف هالكالعصل شكله والله العالم إنه أنت ,, ولاّ

يمنع السواليف .. وقفوا عضويته له يومين عشان مايعود له

اقتباس المشاركة الأساسية كتبها ~ [ جناح ] ~ أبو سر /: خل الإجابات مرتبة حتى ما نبلش بالقص و اللصق .. ___ س /: كم باقي على التخرج ؟ س/: اسم أمك ؟ س/: كم مدة إشرافك على الكشكول ؟ س/: سالفة التوقيف اللي أول ما تركت الإشراف ؟ و باقي س/: بالطريق

1 ـ مت ياذاك لين يجيك الربيع
2 ـ نورة . <<< على فكرة .. لاتجيب طاري أمي على لسانك
3 ـ أظن أربع سنوات <<< يعني فترة رئاسية امريكية .. ياللهول تسيف أنا ديموقراطي
4 ـ السالفة ياطويل العمر لاتمزح مع واحدن مزحه ثقيل .. ولاّ يالخفاش

حياك يألبي ..

اقتباس المشاركة الأساسية كتبها روقــآن يوم أنت توقفن وش تحس فيه

متى موقفك ؟! مهب صحيح جب دليل يثبت

اقتباس المشاركة الأساسية كتبها {أليس الله بكاف عبده} ^^^ بإنتظار الإجابة أسئلة ساخنة ،،، بس لا تسويك

وأنت صايرن مراسل للمنتدى .. ورا ماتسأل أنت

[غربة غريب]

اقتباس المشاركة الأساسية كتبها خوي السرور وأنت صايرن مراسل للمنتدى .. ورا ماتسأل أنت

لأني لم أكن موجود يوم كنت أنت ناشب في هالمنتدى ،، ولم أكتوي من نارك وإلا كان شلهبتك بالأسئلة

[تمر القصيم]

س1/ماهي افضل درجة حصلت عليها بسنينك الماضية بالدراسة؟
س2/هل الشخص المتفاعل مع القسم له احترام كبير عندك؟
س3/مارأيك بشوارع مدينة بريدة الغالية؟
س4/لو حولوك الى مدير عام او رايس مجلس الادارة بدل مخاوي الصمت
مذا ستفعل حينها؟
س5/شخصيتك بصراحة هل انت تحب الجدية ام تميل الى الضحك عادتا؟
س6/موقف ظريف مر عليك ايام الاشراف؟
س7/مارأيك لو دعيت من كلا الموقعين بريدة وبريدة ستي للاشراف في احدهما
ايهما ستلبي؟
س8/ايهما تفضل موقع بريدة ام بريدة ستي؟
س9/برأيك ماسبب الخلاف الواقع بين بريدة وعنيزة المتكرر عندنا مواقفه كل يوم؟
س10/لو قيل لك بأمكانك ان تمحو صفه من العالم كله فما هي هذه الصفة؟
س11/تاريخ التحاقك بالمنتدى واليوم والساعة؟
س12/ماهو اكثر يوم اضفت فيه ردود بالمنتدى وكنت ممخمخ عليه ((عددها))؟

((والاسئلة القادمة بالطريق))

[خوي السرور]

هلا والله بتمر القصيم .. وش هالأسئلة بس نجاوب لعيونك

اقتباس س1/ماهي افضل درجة حصلت عليها بسنينك الماضية بالدراسة؟

أخاف من العين والله يألبي بالابتدائي كنت الثالث وعقبه ما أظني عتبت الممتاز ..
فأنصح الأعضاء بالاجتهاد والدراسة <<< ماسكتن نصح ذذ

اقتباس س2/هل الشخص المتفاعل مع القسم له احترام كبير عندك؟

أكيد .. ماتشوف قلبي منفطر على كم واحدن شاركنا وراح .. حصان القايلة .. مستكة .. أبو شباصة .. والوطب اللي رادن فوق ردي ذا .. الحي يحييك يألبي ..

اقتباس س3/مارأيك بشوارع مدينة بريدة الغالية؟

وش تبي بس .. أحتسي عن الحفريات والترقيع اللي عقب مايخلصون ( أن خلصوا ) ولا عن كثرة الاشارات ؟

اقتباس س4/لو حولوك الى مدير عام او رايس مجلس الادارة بدل مخاوي الصمت مذا ستفعل حينها؟

أفصل نفسي من هالمنصب وأعطيه لمخاوي الصمت

اقتباس س5/شخصيتك بصراحة هل انت تحب الجدية ام تميل الى الضحك عادتا؟

والله يألبي على حسب الموقف .. أحياناً الجدية في بعض المواقف سخافة .. والعكس .. فلذلك كل موقف له وضعه .. لكن أحب الجلسات اللي يكون فيها البساط أحمدي .. وأكرهـ النقاشات والمواضيع الجادة خصوصاً لاجاك الواحد وتفيهم بشيء بينما هو أول واحد مخالف لهاللي يقول ..

اقتباس س6/موقف ظريف مر عليك ايام الاشراف؟

والله يألبي مابالبال شي .. لكن يمكن أول جلسة حضرته مع الشباب بمخرج 16 في الرياض كان له وقع خاص وحصل به موقف طريف ومحرج مع واحدن ( حبيّب ) .. لكن غير مناسب ذكرهـ هون

اقتباس س7/مارأيك لو دعيت من كلا الموقعين بريدة وبريدة ستي للاشراف في احدهما ايهما ستلبي؟

بريدة أكثر ترتيب وإدارته أكثر أحتراف في اختيار المشرفين ..
أما بريدة ستي يميزهـ ( سابقاً ) أعضاءهـ .. وبالنسبة لي أحب بريدة ستي والدليل عدد مشاركاتي هنا وهناك .. يعني لا أحد يستذكي ويقول تجامل أبو مهني
أما بالنسبة للإشراف .. مامثل تصير عضو ويالله السلامة .. ماورا الاشراف ألا الغثا ..

اقتباس س8/ايهما تفضل موقع بريدة ام بريدة ستي؟

سبق الاجابة عنه في السؤال السابق ..

اقتباس س9/برأيك ماسبب الخلاف الواقع بين بريدة وعنيزة المتكرر عندنا مواقفه كل يوم؟

أظن هالخلاف اللي تتكلم عنه في الماضي أما الآن تغير الوضع خصوصاً بعد ( الفيس بوك ) صاروا أهل الديرتين أكثر تقارب من أي وقت .. عموماً كل ديرة به هالمشاكل .. لكن ليت هالشيبان يكبرون عقولهم شوي وكلن يبلش بحالهـ أزين للجميع

اقتباس س10/لو قيل لك بأمكانك ان تمحو صفه من العالم كله فما هي هذه الصفة؟

البجاحة ..

اقتباس س11/تاريخ التحاقك بالمنتدى واليوم والساعة؟

2005 ميلادي .. لكن اليوم والساعة ما أدري بس أظنه عقب الظهر بحدا هالأيام ..

اقتباس س12/ماهو اكثر يوم اضفت فيه ردود بالمنتدى وكنت ممخمخ عليه ((عددها))؟

أظن ماعقب هالرد شي

اقتباس ((والاسئلة القادمة بالطريق))

ريضن بنا
حياك يألبي بأي وقت ..