[غرور]

الله يسعدكم
ابي رقم ام فيصل اللي ساكنه بالغماس
تعالج شعبي ..تكفون ابيه ضروري

[نهال]

انا عندي رقم جواله من 3 سنين ..والى يومك ماردت على اتصالاتي

[تـہكہفہينہي آلہذكہرى]

آنآ عنديَ رٍرٍقـممّ آمَ مآجدَ بَ الغمآس


تعآلج شـعبيَ ومرٍه زٍينهَ

[غرور]

اقتباس المشاركة الأساسية كتبها تـہكہفہينہي آلہذكہرى آنآ عنديَ رٍرٍقـممّ آمَ مآجدَ بَ الغمآس تعآلج شـعبيَ ومرٍه زٍينهَ

الله يوفقك أرسليه لي والله محتاجه
أذا مايكلف عليك

[نهال]

اقتباس المشاركة الأساسية كتبها تـہكہفہينہي آلہذكہرى آنآ عنديَ رٍرٍقـممّ آمَ مآجدَ بَ الغمآس تعآلج شـعبيَ ومرٍه زٍينهَ

ام ماجد تصير مرة اخو أم فيصل
وانتي لارحتي للغماس بتلاقين اربع حريم يعالجن كلهم عايله وحده كل وحده بغرفه لحالها
أم عبدالله الأم تعالج
أم علي بنت ام عبدالله تعالج
ام فيصل بنت ام عبدالله بعد وهي اشهرهم كلهم تعالج اسبوعين بالرياض واسبوعين ببريده
ام ماجد مرة ولد ام عبدالله تقرأ

[رجـاوي]

هي ما ترد ابد ابد .. انا تعب وانا ادق عليها بس ما ترد
على الرغم اني كنت جايتها قبل ومعطتني رقمها بس ما ترد
من بعدها ما حتفظت برقمها ..

اقتباس المشاركة الأساسية كتبها نهال ام ماجد تصير مرة اخو أم فيصل وانتي لارحتي للغماس بتلاقين اربع حريم يعالجن كلهم عايله وحده كل وحده بغرفه لحالها أم عبدالله الأم تعالج أم علي بنت ام عبدالله تعالج ام فيصل بنت ام عبدالله بعد وهي اشهرهم كلهم تعالج اسبوعين بالرياض واسبوعين ببريده ام ماجد مرة ولد ام عبدالله تقرأ

سؤال / ام عبد الله ترقي صح وإلا بعد علاجات شعبيه ؟؟
ومين جرب ام عبدالله هي زينه .. ودي اروح لها ؟؟

[نهال]

اقتباس المشاركة الأساسية كتبها رجـاوي هي ما ترد ابد ابد .. انا تعب وانا ادق عليها بس ما ترد على الرغم اني كنت جايتها قبل ومعطتني رقمها بس ما ترد من بعدها ما حتفظت برقمها .. سؤال / ام عبد الله ترقي صح وإلا بعد علاجات شعبيه ؟؟ ومين جرب ام عبدالله هي زينه .. ودي اروح لها ؟؟

أم عبدالله الأم انا رحت لها وكشفت علي ب200 وعطتن علاج ب500
ونفس الشي دخلت عند أم فيصل وكشفت علي وعطتن علاج ب500 وورق مقري فيه ب500

[ريلاكس11]

ههههههههههههه كل العائله تعالج

طيب وخدامتهم

[نهال]

اقتباس المشاركة الأساسية كتبها ريلاكس11 ههههههههههههه كل العائله تعالج طيب وخدامتهم

الا وخداماتهم يشتغلن..
كل خادمه عند باب وحده توزع الارقام على الحريم عشان يدخلن بالدور ..
والشغاله اللي عند أم فيصل شايفه نفسه وتقل بندخل على الوزير..
والله انه مره الساعه خمس العصر وزعت علينا الشغاله الارقام الى 25 ثم جت وحده من حايل وقالت عطين رقم قالت الشغاله: خلاص مافيه اليوم..قالت الحرمه: بس انا ضاربه مشوار وطريق قالت لها الشغاله: خلاص يعني خلاص تعالي بكرا قبل الفجر وخودي رقم

[غرور]

نهال

يقولون أنه بلاش تكشف تبي الأجر

[نهال]

اقتباس المشاركة الأساسية كتبها غرور نهال يقولون أنه بلاش تكشف تبي الأجر

ام فيصل هي اللي تكشف بلاش بس ماتطلعين منها الا وانتي محمله شي وشويات من الادويه بمبلغ وقدره
ولاوحده دخلت عليه وطلعت مامعه علاج
ولو كان تشخيصها صحيح وعلاجها نافع كان زين على زين ..
لكن تعطي الوحده علاج لمدة شهرين وتقول اذا خلص تعالي راجعين واذا راجعناه صرفت العلاج نفسه وهكذا..
وليت المراجعه عندها سهله مانحصل رقم إلا بشق الانفس والتردد قبل الفجر لأخذ رقم قبل ماينتهن أو الساعة ثنتين الظهر قبل العصر

[Leader.20]

صارت عيادة هذي ماشاء الله

ههههههههههههه

[فوفو]

اقتباس المشاركة الأساسية كتبها leader.20 صارت عيادة هذي ماشاء الله ههههههههههههه

ايه والله حشاء صارت عيادة ههههههههههه

[نهال]

انا جلست شهور ماقدرت ادخل على أم فيصل فيأست من الدخول عليها فقلت بدخل على أمها(أم عبدالله) واروح أصلي العصر عندهم وآخذ رقم ..والله ماجاء دوري إلا مع آذان العشاء
ومرة ثانية مدحوا لي البنت (أم علي) ورحت لها بعد وأخذت رقم وعانيت مثل المره الأولى إلى أن دخلت عليها..
ولما مافاد علاج هالثنتين ومدحوا الناس أم فيصل تعبت مررررره لين حصلت رقم ودخلت عليها..
لكن الغريب في الأمر أن تشخيص مرضي اختلف عند كل وحده منهن ..كل وحده تقول بي عله تختلف عن اللي قالتها لي سابقتها..
لكن الشهادة لله هي أعطتني ورق مقري فيه مكتوب بالكمبيوتر بالزعفران استفدت منه كثيييير مع انه غاااالي مررره