[راجية رحمة ربها]

السلام عليكم ورحمة الله وبركاته

لااعرف صياغة المقدمات ولكن سـ أعرض مايجول بخاطري مباشرة
ابنتي تدرس بالمتوسطه السادسه والثلاثون
بالبدايه كانت تشكو كثيرا من تعاملهم مع الطالبات
وانا اردعها ولااسمع لشكواها بما انها مراهقه ولاتعرف حقيقة الامور
قلت في نفسي بنت صغيره تحب الشكوى او لربما انها ذريعه للغياب
مع انها كانت متفوقه وتحب المدرسه الا ان مستواها تراجع جدا
فقررت زيارة المدرسه لبحث هذه المشكله مع الاداره والمرشده

ووالله توقعت ناس متفاهمه استطيع حل مشكلة ابنتي معهم
ساحكي لكم ماحدث منذ دخولي من باب المدرسه

دخلت وسمعت ضحكات عاليه (اشبه بالصراخ ) مع العلم ان الغرفه بعيده نوعا عن بوابة المدرسه
دخلت الى مايسمى بغرفة المديره وجدتها فارغه ثم دخلت الى الغرفه اللتي تنبعث منها تلك الضحكات العاليه وتوقعت ان المديره قد تغيبت

بمجرد دخولي تقلبت تلك الوجوه الضاحكه الى عابسه وتجهموا
وسالتني احداهن ((من انتي؟؟ )) باسلووب لا ادري ماذا اقول عنه
قلت بنفسي والله اني لم اتي لاشحذ منك
ولم استاذن من مدرستي ومكان عملي لااقابل هكذا!!!

المهم اني اكتشفت ان من قابلتني هي المساعده
ومن تقهقه باعلى صوتها هي المديره (جالسه وعاطيتني جنبها ولا حتى نظرت بوجهي)
تاركة مكتبها وعملها
وحتى لم تتفوه بكلمة واحدة لي الا بعد ان ناقشتهم بوضع ابنتي
تخيلوا !! اقول لهم اني لاحظت تدني مستوى ابنتي وجئت لاناقش الاسباب ونحاول مساعدتها معا
فبدأوا تبادل نظرات السخريه وقالوا نعم ؟؟؟ وش نسوي ؟؟؟
ربما اني قطعت عليهم حديث مشوووق ومثير لذلك انقلبت وجوههم

لم استطع نطق كلمه من اسلوبهم
والله اني عذرت ابنتي واحسست ان ماتقول فيهم قليل

وبعدها بفتره تكلمت انا وقريبة لي وقالت انها موجهه لاحدى معلمات المدرسه
قالت لم اتي يوما للمدرسه ووجدت المديره في غرفتها
دائما اجدها في غرفة المساعده وضحكاتها
يسمعها الجيران
وتتركني طوال فترة مكوثي في المدرسه وحيدة في غرفتها!!

اتسائل !! اليس لديها عمل ؟؟؟؟
اليس لديها واجبات ؟؟؟
الا تخاف الله في المسئوليه الموكله لها ؟؟؟؟؟؟؟؟؟؟؟
الم تعلم ان ابتسامة في وجه اخيك صدقه ؟؟
والا استنفذت تلك الابتسامه بالقهقهات المدويه اللتي تطلقها عند مساعدتها ؟؟؟؟؟؟؟؟؟

المدرسه في حال يرثى لها من مبنى واداره وسوء تعامل مع الطالبات

ولاانكر ان معظم مدرساتها فاضلات ومتعاونات لكن يبقى دور الاداره مهم جدا


اتمنى ان يتعدل حال المدرسه
اين نذهب ببناتنا اذا كانت هذه مدرسة الحي ؟
هل ستبقى معاناتي مع كل بنت من بناتي ؟؟

ولايخفى عليكم مشكلة الرحله اليتيمه اللتي كسروا فيها قلوب بناتنا
بعد مارشحوهم واستعدوو ا ونزلوا بعباياتهم غيروا رايهم
وقالوا غيرنا البنات واخذوا قريباتهم
بنت المديره
وقريبة المساعده واخت المراقبه وغيرهم
وهالموضوع انطرح بموضوع اخر ولن اطيل الحديث فيه


..

[فتى المملكة]

انقلي بنتك بأقرب وقت ممكن

هذي زباله مب مدرررسه

[راجية رحمة ربها]

الله المستعان
وشلون انقل بنتي والمدرسه قريبه للبيت
والمدرسه الثانيه مب قابلينه لاننا تبع هالمدرسه

الحل مب بالنقل الحل بالتغيير الجذري وبحث الحلول لاصلاح المدرسه

انا مااتمنى لهم الشر ابد بالعكس ودي يصلحون من انفسهم بدون تدخل من هم فوقهم

لان ربي عطاهم هالامانه لازم يتقنون عمله
ولازم تحلل كل قرش تاخذه

انا اكاد اجزم انه لو تشوف اي تراخي من وحده من المعلمات تبي تأنبه .
بس المفروض تشوف لنفسه اول لان فوق كل كبير من هو اكبر منه

وحتى الطالبات بالموضوع اللي انكتب بهالمنتدى من قبل
اجمعوا انهم مايشوفون المديره بمكتبه ولاتشتغل

هالشي آآالمني بالحيل

الله يصلح شانهم ويهديهم يارب العالمين
ويسخر لبناتنا المكان اللي يتلقون فيه تعليم افضل

[.شـقــ الصمت ــا.]

الله يصلح الاحوال

[جرماني]

هاااااااااااااااااي

صراحه ان غالسه يديني من المدرسة انا بثالث وه اخر سنه لي


صرررراحه ان بعض المعلمات زفت خالسه اللي كبار بالعمر اتمنى انهم يتقاعدون لانهم طولوا


اما المعلمات الصغار تعاملهم حلييو

والمديييييييييييييييير صرررراحه انه زفت
لا بعد المرشده تقهههههر قسم بالله انه مصلحجيه اتخيلو طلبنا منهم يسوون لنا حفله تخرج وقلنا لهم مانبغى شييي ابد بس نبغى نسوي احتفال صغير \اخل الفصل بعد ثالث أ بفصلهم و ب بفصلهم المهم رفضوا وقالوا لاااا

طبعا البنات ماتوقعوا الشي هذا وانصدموا وراحوا للمرشدة وطلعت منهم كلمات قووية
وبعد اسبوع او كيذا ماتذكر كم المدة كنا فاضين وبآخر احد الحصص كلمتنا الإدارية بـ (حفلة التخرج والكلام اللي قالووه الطالبات) المهم من ضمن اللي قالتووه ان المرشدة قالت له اللي قالوله الطالبات مع اسمائهن لا والمشكله ان كررت الكلام هذا اكثر من مره ولا على بااااله (يعني هذا مايسمى غيبه)

[فتى المملكة]

اقتباس المشاركة الأساسية كتبها جرماني هاااااااااااااااااي صراحه ان غالسه يديني من المدرسة انا بثالث وه اخر سنه لي صرررراحه ان بعض المعلمات زفت خالسه اللي كبار بالعمر اتمنى انهم يتقاعدون لانهم طولوا اما المعلمات الصغار تعاملهم حلييو والمديييييييييييييييير صرررراحه انه زفت لا بعد المرشده تقهههههر قسم بالله انه مصلحجيه اتخيلو طلبنا منهم يسوون لنا حفله تخرج وقلنا لهم مانبغى شييي ابد بس نبغى نسوي احتفال صغير \اخل الفصل بعد ثالث أ بفصلهم و ب بفصلهم المهم رفضوا وقالوا لاااا طبعا البنات ماتوقعوا الشي هذا وانصدموا وراحوا للمرشدة وطلعت منهم كلمات قووية وبعد اسبوع او كيذا ماتذكر كم المدة كنا فاضين وبآخر احد الحصص كلمتنا الإدارية بـ (حفلة التخرج والكلام اللي قالووه الطالبات) المهم من ضمن اللي قالتووه ان المرشدة قالت له اللي قالوله الطالبات مع اسمائهن لا والمشكله ان كررت الكلام هذا اكثر من مره ولا على بااااله (يعني هذا مايسمى غيبه)

مااشااء الله عليتس
بنت وحااطه الجنس ذكر

بووييه مثلا..؟!

[إليـن اليـوم..!]

هههههههههههههههههههه



موب مدرسة ذي


انقلي بنتك لمدرسة رآقية عشششان تشوفين ناآأإس راقية

[سر الوجود]

كل دقيقه لالاكل ثانيه مدرسه وشوقصه هالمدراس كل واحد يطلع عله به

[بلالي]

اقتباس المشاركة الأساسية كتبها سر الوجود كل دقيقه لالاكل ثانيه مدرسه وشوقصه هالمدراس كل واحد يطلع عله به

لان مابه راقبه با المدارس ولا مديرات زي الناس

[بلالي]

مديره المدرسه ذي ام لسانين الشينه
مادري وش تحس به اذ طلعت الطابور وهاوشت
واقسم اني كرهت المدرسه من المدريه ذي
والمساعده ما اسمع صوته الا تهاوش
والمرشده مصلحــجيه ولا تعرف تتفاهم <<يقاله مرشده..؟
والمعلمات بعد ما يعرفن يتفاهمن <<بس مو كلهن
ولا المعلمات الي يقولن حطن دوبي بدوب امك طيب ابتسمن لنا مثل ما تبتسمن لبناتكم
عشان نحس انك دوب امي
المبنى مراح اقول شي لان راح ننقل للجديد السنه الجايه

تكفون شووفو حل لــ ها المدرســـــه الفاشله والغبيه

[أبو رُبـــــى]

هنا الحل ..

http://www.qassimedu.gov.sa/edu/forumdisplay.php?f=68

[تباشيرالخير]

أختي العزيزه
مع تقديري لشعورك تجاه ماتجده بنتك من معامله
اعلمي أن ماتكتبه أيدينا سيسألنا الله عنه لامحاله
فليتنا نستطيع أن نملك أنفسنا وقت الغضب ولا نتسرع بالحكم على الآخرين ونشتغل بعيوبهم 0ففينا من العيوب مايكفينا لنشغل أنفسنا بأصلاحها فلانجعل صفحات هذا المنتدى متنفسا نفرغ فيه جام غضبنا تجاه من لم يرق لنا تصرفه
ولنتذكرقول الله عزوجل:

(يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ )

المائدة آية(8)

[متوسطه48]

الله يصلح الاحوال

[حروف آبجديه]

الله يصلح الاحوال