[الزينة 2012]

السلام عليكم تبغون حل للبنات والشباب زوجووووووووووهم خاصه اهل بريده بعضهم مو كلهم انا كتبت بعضهم اعيالهم يروح شبابهم باالهستره والسفرات والاستراحات وبيع وشراء باالجيوب الربع والهولكسات ويضيع وقتهم بتلميع الكفرات وتغبير السيارات زوجوهم وخلوهم يحسون بمسؤلية الحرمة وبكرايجيهم اعيال وبعد كذا اتحداكم ان الشاب يفكرانه يطلع يدور باالشوارع والحدائق ويلاحق حريم هاالناس ولايسهربالاستراحه الى الصبح ولابيفحط باالشارع ولاتهمه الناس اتحداكم قولو ليش لانه اذا تزوج بيصير عنده نسايب تخيلو لو شافه احد من نسايبه يفحط ولا يعاكس وش راح يكون موقفه وبيصير عنده حرمه تغار عليه ولاراح يفكرباالحرام دام عنده الحلال المفروض الشاب مايعطا سياره الى اذاتخرج من الثانويه يشراله سياره ويخطبله بنت الحلال ويعيش ايام حلوه مع خطيبته لين يتخرج من الكليه وبعدها على طول يتزوجون لو يسكن مع اهله لين يكاون حاله ويطلع والبنت الي ماتبي اهاليكم لاتاخذونه خلوها عند اهله احسنلكم والبنات بعضهم موكلهن تلقونهن باالاسواق والحدائق لابسات اجمل لباس وعطورات ومكياجات وتطقيمات وسواليف باعلى صوت قولولي كل هذا ليش عشان تجذب الشباب له صح ولا لا لان بعض البنات تصير فاقده الحنان والكلام الحلو بداخل بيت اهله فتضطر انه تداور هالشي بلخارج وبعض الاهل اذا احد خطب من بناتهم قبل مايسئلون عن سمعة الرجل واخلاقه ودينه وربي انهم يسالون اول شي عن الراتب ووين يشتغل اذا يشتغل بشاركه ولاراتبه شوي مايبونه استغفرالله على كل ناس سؤالهم كذا عن الرجل عادي بنتهم اتعنس ولا يزوجونه واحد راتبه شوي ولايسكنه عند اهله يحسبونه بتموت من الجوع يقالهم كل هذا خوف عليه والله انه طمع مو خوف على البنت لويخافون عليه كان زواجوهن وسترواعليهن من الفتن المفروض البنت تتزوج اذا تخرجت من المتوسط والمفروض الاهل مايقولون لا ماحنب امزوجينه توه بزر وتتم البنت عشرين وبعد يقولون توه بزر ماادري متى بتكبر بعيونهم شكله اذا عنست واذا عنست مااحد راح يبيه الا كان شايب ولا عايب وانا اقول ماضر اجدادنا وامهاتنا يزوجن وهن يلعبن باالشارع فاانا اقول افضل حل لشباب والبنات الزواج لانه اذا كانو صغار تقدر تتحكم بهم وتربيهم على كيفك بس لا كبارو الواحد مايقدر عليهم فااحسن لهم الزواج

[توتة20]

انا اختلف معك في الرأي في نقطة ان البنت تتزوج في ثالث متوسط
بنات اللحين غير وموقد المسئولية الى مين تصل 20 وفوق وش دعوة تعنس بعد العشرين ياكافي بالعكس بعد العشرين مرة رزينة وفاهمة اوب بزر

[متى نلتقي ؟؟]

كلامك جميل ..
بس بنسبة لي لا أوافقه ..

أتخيل شاب مراهق عمره( 18 ) توه متخرج من الثنوي
يبي يتزوج صعبه جدا جدا خصوصا في زماننا هذا..
زمان كان عادي لانه يقدر يتحمل المسؤليه و ع قولتهم رجل بمعنى الكلمه..

اما الحين لو سوو مثل ماتبين كثرت (((حالات الطلاق)))ع اتفه الامور يطلق
لان مثل ماقلت هو مراهق وهي بزر كل واحد منهم يمشي بالعناد...

وعلى كل حال هذي وجهة نظري...

[احلاهم واتحداهم000]

وش تحسين فيه تكفين !
قال ايش قال زوجوهم خلي الناس تستمتع بسنه وتعيش جوه وش انتي عجله عليه اذا كانوا عيالكم داشرين ففيه عيال ناس سيدا وعايشين سنهم ومستمتعين فيه باعتدال لا تقسين الناس على نفسك وجايه طايره حل وماحل اما سالفه نغصبهم على الزواج ومانعطيهم سيارات الا لاراحوا للجامعه والبنت نزوج بالمتوسط وين حنا فيه موب كلام ذا

[مهزله]

اقتباس المشاركة الأساسية كتبها احلاهم واتحداهم000 وش تحسين فيه تكفين ! قال ايش قال زوجوهم خلي الناس تستمتع بسنه وتعيش جوه وش انتي عجله عليه اذا كانوا عيالكم داشرين ففيه عيال ناس سيدا وعايشين سنهم ومستمتعين فيه باعتدال لا تقسين الناس على نفسك وجايه طايره حل وماحل اما سالفه نغصبهم على الزواج ومانعطيهم سيارات الا لاراحوا للجامعه والبنت نزوج بالمتوسط وين حنا فيه موب كلام ذا

هههههههههههههههههههههههههههههههههههههههههههههههههه هههههههههه اوووهـ ولماذا كلو هذا الاندفاع !! ..

وفقكي الله لما يحبه ويرضاهـ ..

[Calla Lily White]

لا تعليق

[الزينة 2012]

احلاهم واتحداهم انا اقولك احترمي نفسك وعدلي اسلوبك الوسخ مع الناس المحترامين والله يعين زوجك عليك انا قلت عشان انظف بريدة من الداشرين اشكالك نزوجهم ونظف بريده من بلاوي اشكالك ياقليلة الحيا

[احلاهم واتحداهم000]

اقتباس المشاركة الأساسية كتبها الزينة 2012 احلاهم واتحداهم انا اقولك احترمي نفسك وعدلي اسلوبك الوسخ مع الناس المحترامين والله يعين زوجك عليك انا قلت عشان انظف بريدة من الداشرين اشكالك نزوجهم ونظف بريده من بلاوي اشكالك ياقليلة الحيا

ههههههههههههههههههههه ايقالك تهاوشين الحين انتي
على العموم كلن يناظر الناس بعين طبعه
انتي داشره فتحسبين كل الناس داشرين مثلك

[أم الأمراء]

موضوع جميل
لماذا نحكم على الزواج بأنه حرمان من الاستمتاع بالحياة .. !
بالعكس , الزواج فيه يكتمل الاستمتاع بالحياة الطيبة , والشاب اذا تزوج تنتهي مراهقته , والفتاة كذلك ستر ومصونة لها , خااااصة في هذا الوقت الذي يعج بالفتن . ( متى يصير عمر بنتي 18 علشان ازوجها ) .

[مهزله]

اما عاد تتزوج بثالث متوسط >>قويه .

اللحين بنحد من ظاهرة الزواج المبكر وانتي تقوليين كيذا ..

[أم الوليد]

هذي سنة المصطفى صلى الله عليه وسلم وهو التبكير بتزويج الأولاد والبنات لكن في هذا الزمان الله المستعان ياااااكثر ما فرط الناس الله يرحمنا برحمته

[خلفان]

نعم زوجوهم احرموهم من الاستمتاع بشبابهم نكدوا عليهم عيشتهم عن طريق تحميلهم مسؤولية الزواج و المراة

الله يعين الجميع

[ابوقاسم m]

الله يعين على هالدنيا ومشاكله

[ـالتُفاحة الورديّة]

الزواج عمره ماكان حل لمثل هذه الفئات
الشاب يزوج وعمره 18 بثالث ثانوي
والبنت كم تبين 15 ؟؟؟

الزواج مسؤولية كبيرة جداً