[دكتوراهل بريدة]

تم تخريب كاميرا ساهر اشارة طريق الملك فيصل مع القناة ،
http://t.co/pmHGzKKH

[بريـدة]

والله انه كفووو اللي كسرها
انا اشهد انه خبوبي اصيل
اللي يعرفه يسلملي عليه ويحب خشمه
وعز الله كل الكمرات بيكسرن لانها حول الخبوب
والله يعنكم يالدوله على فلوس الكميرات ادري انكم بتخسرون
بس عادي تحملو عيالكم الخبوبيه لين يعرسون ويعقلون

[ابــوع ــلوش^..^]

اقتباس المشاركة الأساسية كتبها بريـدة والله انه كفووو اللي كسرها انا اشهد انه خبوبي اصيل اللي يعرفه يسلملي عليه ويحب خشمه وعز الله كل الكمرات بيكسرن لانها حول الخبوب والله يعنكم يالدوله على فلوس الكميرات ادري انكم بتخسرون بس عادي تحملو عيالكم الخبوبيه لين يعرسون ويعقلون

ههههههههههه

^ انا مثلك

الله يكثر من امثالهم

[صوت البحر]

والي يقهر ان الي يعملون مع ساهر يمشون اخر الطبلون ويضايق المسلمين عليكم فيهم ياشباب وانصحكم بالبيض حتى الكاميرات اذا صورت يحصلون شكشوكة خخخخخخخخخخ

[سـنـايـبـر]

الكاميرا خربت من واحد يفحط
كان يفحط وشاف الكاميرا قال خلني اشيله معي

[اي فون ابيض]

القاعدة الشرعية الحكيمة تقول { ما بني على باطل فهو باطل } الله يقويهم

[Turkish ATuwaijr]

اعجيب عجيب بس الله يعين من كسرها

[khl]

الله يهدي الجميع

[صمت الجبال]

كفو والله كسروهن دجو بعيالنا من زين هالرواتب

[الحجازي]

سفيييييييييييييييييه لاتشرهووووووووووووون علييييه بالحيل

[Bleeder]

كمية من التخلف بعقل اللي كسرة
يفحط + يكسر كاميرا اشارة !! إشارة ياظالم ؟!
أنا معك شدوا حيلكم بالسيارات ، أما الاشارات المفروض يعاقبون أي واحد يتعرض لهن
ناقصين همج حنا ؟!

[@بريداوي اصلي@]

اقتباس المشاركة الأساسية كتبها bleeder كمية من التخلف بعقل اللي كسرة يفحط + يكسر كاميرا اشارة !! إشارة ياظالم ؟! أنا معك شدوا حيلكم بالسيارات ، أما الاشارات المفروض يعاقبون أي واحد يتعرض لهن ناقصين همج حنا ؟!

شكلك فلوس عادي لو تاخذ مخالفة ساهر

اما حنا غلابة على قولة اخوننا المصريين الراتب مايكفي مقاضي البيت يجيك ساهر مندعس له خلف صبه والا عربجية ويلقطك والسرعة المحددة 70 وانت تمشي 80 ماهو ظلم هذا يعقل هذا

نهابة هي

[ابو قلبين]

كان فيه موضوع مكرر وتم حذفه رغم أنه أفضل
من هذا الموضوع لوجود الصوره مع الموضوع
وعنوانه كان لبقا ، والردود كانت واقعية

مع احترامي لصاحب هذا الموضوع وأسبقيته

وكان تعليقي فيه أن المرور لم يراعي ولم يلتزم بقواعد سلامة المواطنين
بوضعه تلك الكاميرا بغير مكانها الصحيح وكانت على التراب والمنطقة أساسا
غير مرصوفة ، وكانت تشكل خطرا ومن الطبيعي أن تصدم زيها زي أي ماصورة
على قارعة الطريق ، ومن الواضح أن المرور يستعجل تنفيذ مشروع ساهر ليس لتنظيم السير وإنما لكسب الوقت وتكثيف العائد المادي للمستفيدين منه ،

وبغض النظر كون من اصطدم بها شايب أو شاب ، مفحط أو ساهي
لا يلغي مسئولية من وضعها بهذا المكان قبل أن يرصف ويؤمن بقواعد السلامة .

والإعتراض ليس على تسخير التكنولوجيا لخدمتنا بدلا من تفاوت مستوى
التعامل مع المواطنين من قبل المرور ، فلا شك أنه أفضل
لكن الفكر الذي يشغل تلك الإمكانيات لا يزال يولي اهتماما بالغا بتحرير المخالفات
ودوره في خدمة المجتمع من خلال تنسيق الطرقات والأرصفة مفقود تماما
وادليل وضع تلك الكاميرا المقدسة هكذا في العراء كما في الصوره

[torki]

أكيد الي مسوي كذا من حر ما يوجس والصراحة ما عليه لوم
فلاش واحد يطير نص الراتب