[قارمن بريدة]

اسعار الدجاج في السعودية ارتفعت اكثر من 30٪
اخشى ان تكون له زي طفرة الارز قبل عامين
ويطق 100٪ زيادة

[المواطن]

يمكن البترول ارتفع وتخبرون الدجاج لايتكاثــر الا على الطاقه الشمسه
ومن هذا المنطلق كل تاجر اخذ راحته على الاخر

لاحسيب ولا رقيب

المهم انتم تراكم اشغلتونا يالمواطنين كل شوي زاد وزاد لاشوف احد يتشكوى مرررتن ثانيه تنـرفـزون
تجارنا الحبايب الي كل هدفهم السعودهـ ومصلحة جيوبهم الشخصيه .

بعدين من الي قالكم تاكلون دجاج وبيض

والله العظيم ناس ماتفهم

ياخوي روحو تصيدو هذه عندكم البراري مفتوحه ماحد قالكم شي انواع الصيد(( ضبان ، جرابيع ، ارانب ، حمام ، .....)) يالله لك الحمد

بس شعب حاطط نقره في دجاجنا وزادو زادو أأأأهــبــــوووو ههههههه

[واحد غيور]

اقتباس المشاركة الأساسية كتبها المواطن يمكن البترول ارتفع وتخبرون الدجاج لايتكاثــر الا على الطاقه الشمسه ومن هذا المنطلق كل تاجر اخذ راحته على الاخر لاحسيب ولا رقيب المهم انتم تراكم اشغلتونا يالمواطنين كل شوي زاد وزاد لاشوف احد يتشكوى مرررتن ثانيه تنـرفـزون تجارنا الحبايب الي كل هدفهم السعودهـ ومصلحة جيوبهم الشخصيه . بعدين من الي قالكم تاكلون دجاج وبيض والله العظيم ناس ماتفهم ياخوي روحو تصيدو هذه عندكم البراري مفتوحه ماحد قالكم شي انواع الصيد(( ضبان ، جرابيع ، ارانب ، حمام ، .....)) يالله لك الحمد بس شعب حاطط نقره في دجاجنا وزادو زادو أأأأهــبــــوووو ههههههه

ههههههههههه ربي يسعدك ضحكتني بس حبيت اعلمك ان الصيد هالايام ممنوع يعني مافي مجال
بعدين ماشالله الدجاج اللي ماكنا نعرفه زمان بس تيوس ونجدي والحين صار النجدي غالي
وبعد فتره الدجاجه تلقاها بسعر النجدي والنجدي بسعر البعير والبعير بسعر سياره والسياره بسعر طياره
والله يستر الحال ويرحم الحال

[فـارس]

جاء في الأثر أن الناس في زمن الخليفة عمر بن الخطاب - رضي الله عنه - جاؤوا إليه وقالوا:
نشتكي إليك غلاء اللحم فسعّره لنا، فقال: أرخصوه أنتم؟
فقالوا: نحن نشتكي غلاء السعر واللحم عند الجزارين، ونحن أصحاب الحاجة فتقول: أرخصوه أنتم؟ فقالوا: وهل نملكه حتى نرخصه؟ وكيف نرخصه وهو ليس في أيدينا؟ فقال قولته الرائعة: اتركوه لهم.
بل إن علي بن أبي طالب - رضي الله عنه - يطرح بين أيدينا نظرية أخرى في مكافحة الغلاء، وهي إرخاص السلعة عبر إبدالها بسلعة أخرى؛ فعن رزين بن الأعرج مولى لآل العباس، قال: غلا علينا الزبيب بمكة، فكتبنا إلى علي بن أبي طالب بالكوفة أن الزبيب غلا علينا، فكتب أن أرخصوه بالتمر أي استبدلوه بشراء التمر الذي كان متوافراً في الحجاز وأسعاره رخيصة، فيقلّ الطلب على الزبيب فيرخص. وإن لم يرخص فالتمر خير بديل.
والقاصي والداني يعرف ما حصل لبعض البضائع الدنماركية عندما قاطعها الناس واستبدلوها بسلع أخرى كيف تهاوت أسعارها بشكل كبير حتى وصلت إلى النصف تقريباً.

[اللهم اغفر لنا]

الله يستر مابقي شي مارتفع سعره الا الرواتب على ماهي ولم ترتفع شي

مانقول الا الله يرحمنا برحمته

وش نقدر نسوي لا تقولي نقاطع الدجاج

[الكدري]

عليك بالقوقسي طعمه غير شكل غيرو بتله دجاج

[صوت البحر]

اجل فيه الضبان اتوقع راح يرتفع سعرهم بعد

[شـخـصـيـه]

اقتباس المشاركة الأساسية كتبها صوت البحر اجل فيه الضبان اتوقع راح يرتفع سعرهم بعد

لا تجيبون طاري الضبان همن يلتفتون لهن التجار و يصير الضب بسعر البربري

[عبدالله]

أكثروا من الاستغفار...........وستنزل الأسعار