[جحا]

لسكان بريدة والقصيم والمتوجهين إلى الرياض..
وعند تعبئتهم من آخر محطة في الدائري الشرقي في بريدة قبل أن تسلك طريق الرياض
(محطة الر**** والع***)..والتي تزدحم بالمسافرين..
إحذروا من العمالة التي تتولى تعبئة البنزين وطرقهم الخفية في الغش..
قبل مدة قمت بالتعبئة من عندهم بسيارة جمس ، وحين انتهى من التعبئة أخبرني العامل بعدم وجود غطاء البنزين الخاص بسيارتي..
وأنه مفقود قبل أن يقوم بالتعبئة..تضايقت ووو ،، وبعد قليل أخبرني أنه يوجد لديه غطاء بنزين لسيارة مفقودة قد يركب على سيارتي..
وبالفعل أحضر الغطاء وكأنه مفصل تفصال على سيارتي ،، بما لا يدع مجالاً للشك أنه غطاء سيارتي ،،
اشتريته منهم بعشرة ريالات وتوكلت على الله. ،

الغش الآخر قبل أسبوع ،، سيارتي إذا ناتعت وكانت فاااضية..
أعبيها بنزين91 بثلاثين ريال إننن طق بوزها 31 ريال..
قبل اسبوع سيارتي فيها ربع التانكي،، وحين انتهت التعبئة طلب مني 36 ريال...!!!
لاحظوا إن سيارتي مستحيل توصل لهذا السعر ،، كيف وإن كان فيها فوق الربع..!!
رفضت إعطاء العامل لسببين ،، ليقيني بوجود غش ،، والموقف السابق لنفس المحطة والعمالة ،، دعم الموقف اللاحق..
العامل وبدون تردد قال: ممكن طرنبة خربان..أنت جيب فلوس موزاتس - مزاج - أنت..
حاسبته ومشيت..
..
والله ليس القصد الإضرار بأصحاب المحطة ,, ولا قطع رزق المسلم.. وأنا أساساً ما أحس إني مسكت خط الرياض حتى أعبي من هذي المحطة.
وليس القصد ملاحق ريال والا ريالين ،، والا جمع ريال وريالين..
ولكن كما قال الفاروق ابن الخطاب رضي الله عنه: لستُ بالخِبِّ ، و لا الخِبُّ يخدعُني ..
وبعدين أرمي أموالي في نار أو أمزقها مع حرمة هذا العمل لكنه مالي ،، ولكن ما نسمح لعمالة تستغفلنا وتستغل طيبتنا أو انشغالنا أو أو أو..
أحرصوا بارك الله فيكم..واقطعوا سبل النصب والاحتيال..وتأكدوا من تصفير عداد طرمبة بنزين المحطة..

وما قاموا بهذا العمل إلا لأن بنزين 91 أرخص من الماء ،، وهو الشئ الوحيد اللي مستحيل تغش فيه العمالة وتخلطه بماء..
وهو الشئ الوحيد اللي تستخدمه وانت ضامن جودته ،،
الله يديم الرخص ،، ويحفظ ديننا وأعراضنا وأمننا وأعمارنا وأموالنا..

* الموقفين حصلت لي شخصياً ،، وسمعت طراطيش حكي إنه شئ دارج في هالمحطة ..
والله على ما أقول شهيد..

[أبورامي]

شاهد الموضوع هذا
وسوف تجد رد بطريقة حساب اللترات

[شوكولاتهw]

(محطة الر**** والع***) وراه ماتقوله ؟ وش خايف منه . وتراني للحين ماعرفت المحطه

[أفنان نت]

مشكور على غيرتك
ولا تنسون كذلك المحطة االي بعد دوار السادة باتجاه الجنوب حطو عيونكم على طرنمة البنزين

[جحا]

اقتباس المشاركة الأساسية كتبها شوكولاتهw (محطة الر**** والع***) وراه ماتقوله ؟ وش خايف منه . وتراني للحين ماعرفت المحطه

هههههههههههههههههههه سم يالغالي..
ماني خايف ولا شئ ،، بس يقالي أبستر على المحطة لاجل ما يدرعم نفر ويقول: تتقصدهم..

إسم المحطة: محطة الرشودي والعميم..
آخر محطة قبل تمسك خط الرياض..

[الكنق 2012]

أخوي جحا
الظاهر والله أعلم أن البنقاليه اللي بالمحطة مايسوون شي الأ لاشافو
شكل الواحد هو طرمبه والا شنب بس شكلك انت من النوع اللي تقول عب
وتحط رجلك للبقاله وتجي وتحاسب وبالصدفه بعد مالعبو عليك مرتين طحت بهم
هاذي المحطة من عهد قريش والناس عارفين اللعب اللي فيها والاستغلال

[جحا]

اقتباس المشاركة الأساسية كتبها الكنق 2012 أخوي جحا الظاهر والله أعلم أن البنقاليه اللي بالمحطة مايسوون شي الأ لاشافو شكل الواحد هو طرمبه والا شنب بس شكلك انت من النوع اللي تقول عب وتحط رجلك للبقاله وتجي وتحاسب وبالصدفه بعد مالعبو عليك مرتين طحت بهم هاذي المحطة من عهد قريش والناس عارفين اللعب اللي فيها والاستغلال

أولاً: أشكر لك أدبك..
ثانياً: أصور لك شنبي..؟ ( على فكرة تراه موب مقياس رجولة وعنترة )
ثالثاُ: في كلا الحالتين كنت جالساً في سيارتي..
رابعاً: النبي عليه الصلاة والسلام يقول: ( لا يلدغ المؤمن من جحر مرتين ) ،، يعني نسبة الخطأ المرة الأولى وارد ، ولابد من حسن الظن ،، وعند تكرار الأمر يحصل اليقين بحتمية الخطأ أو التلاعب.
خامساً: إذا كنت عارف من عهد قريش ليش ما كتبت وحذرت لاجل تفيد اخوك المسلم ، هههههههههههه وجازت لي قريش.. حسستني ان ابو لهب يفلل اليوكن عنده..

[زوم20]

اخي نفس المحطه هذي قبل فتره انا اعبي موتري ان طق بوزه 37ريال تفاجأت يقول تقريباً 43ريال والله غريبه والغلط مني انا لاني فتحت الغطا ودخلت البقاله.. يعني يفرق ريال مو مشكله لاكن 6ريال هذي فيها شك
في الاول شكيت في الموضوع ومشيت وانا اقول كيف
وبعد فتره عبيت من محطه ثانيه وتأكد انه سارقني لاكن تحسبت رب العالمين

[تاج القصيم]

التشهير بأي محطة هو اللي بيدينا لان وزارة التجارة لاتقبل شكوى دون وجود دليل مادي

[!aspirin~~أسبرين!]

إلا إلى الحين بقاله هالمحطه مليانه ذبان وحوسه والماء حقهم حار

[جحا]

اقتباس المشاركة الأساسية كتبها !aspirin~~أسبرين! إلا إلى الحين بقاله هالمحطه مليانه ذبان وحوسه والماء حقهم حار

ههههههههههههههههههه صححححح يالــ قديم والــ أثري

خبرك عتيييييييييق ،، لاااااا حطوا فريز.. بس انه سروق بنزين

[الشام]

محطة الرشودي ليه الخوف

[الشام]

وصار لي مشكله مع البنقالي من ناحية التلعب بسعر البنزين ...وسويت له غسيل شراع

[ابــوع ــلوش^..^]

اية كلامكم صحيح احذرو من المحطة واتمنا ان يثبت الموضوع

و اسسم المحطة الرشودي