[برجس]

مير على طاري هاللمبتين اللي يولعن ويطفن

خوذوا هالنكته :

يقولك فيه محشش وسكران مسكت معهم يقلدون الدوريه

السكران يقول ويوي ويوي ويوي ويوي

والمحشش يقول ازرق احمر ازرق احمر ازرق احمر


:D:D
:D

تووووحش هالنكته .. صح؟


فيه واحد قالي قبل تطلب طلب او تكتب معروض قل نكته او شي يضحك

عشان يسفهل اللي يبي يقدم لك خدمه ويزين لك ببلاش :D


ومير اعصر مخي ومالقيت الا هالنكته اللي فوووق

وحطيت هالسفتي .. سارقه من تحت اسم احد الاعضاء :D

شي ببلاش ربحه بيّن

عقب ماضحكتوا وصرت انا وياكم اصدقاء

ودي اطلب منكم طلب

ماتقولون الله يسلمك سنة من السنين تعرفت على واحدن باحد المنتديات يقاله ابوحميد

وكان الله يصلحه كاتبن اسمه تسذا ( أبـ حميدـو ) يقاله مميز :D

وحاطن توقيع لو تشوفونه تسان تقعدون ثلاث ايام بلياليهن ماجاكم النوم

توووقيع شين شين شين

من شينوه سيرفر المنتدى اللي يشارك بوه يتعطل باليوم ثلاث مرات بلياليهن <== ماسكه على لياليهن :D

شوفوا التوقيع واحكموا :

انزلوا تحت عشان ماتنصدمون
7
7
7
7
7
7
7

بعد شوي لا تستعجلون على رزقكم

7
7
7
7
7
7

غمضوا عيونكم واحتسبوا الاجر عند رؤيته

واحمدوا ربكم لايجيكم عيال مثل هالتوقيع :D

تراي ابصبخ بوه بذا

استعدوا

جاكم



وش رايكم؟

مهب يجيب الواهش؟

لا تسالونن عن الواهش احس انه اسم مرض يجي حول الصفاق وانت مخلي المجمعه على يمينك :D

زبدة الهرج ..

قلت لخويي اللي هو انت ياراعي مايسمى بالتوقيع اعلاه

وش رايك تزين لك توقيع ثاني

ابن اللذينا ماصدق ومير يجاوب على طوول وقال على ايدك

تبون الصدز انا بلشت توقعته يقول لا زين وماتقصر يا اخ برجس ومخلينك لوقت الحاجه

لكن الظاهر انه هو بعد حايمه تسبدوه من توقيعوه :D

يوم شفت الوضع تسذا واني بلشت

قلت مالي الا سنايدي ذيابة الفوتوشب والجرافيك شباب منتدى بريده

وااااااااااااااو يلومونن بكم ياخلفهم انتم
<== بدأ شغل الشحط :D


عموما ترى طلباته هوينه بالحيل

وهو حبيب يرضيه اي شي

شوفوا المحادثه اللي تمت بيني وبينه بالمسنجر وعلى ضوءها زينوا للرجال توقيع

ابنسخه والصقه لكم بذا :

طبعا اسمه بالمحادثه (((أن كان رمل البحر يشتاق للموج,,,,,,,, فقلوبنا تبكي عليكم من الشوق))) الله من زين ابيات الشعر اللي هو يعرفهن :D


********

برجس احسن واحد بالعالم:
ابشحذلك توقيع من احد المنتديات
برجس احسن واحد بالعالم:
وش تبين اكتب بوه؟
أن كان رمل البحر يشتاق للموج,,,,,,,, فقلوبنا تبكي عليكم من الشوق:
أكتبه الي يجوزلك أهم شي أني أغير التوقيع
برجس احسن واحد بالعالم:
علمن وش تبي بالضبط
برجس احسن واحد بالعالم:
اسمك
برجس احسن واحد بالعالم:
او ايميلك
برجس احسن واحد بالعالم:
ووش الخلفيه
برجس احسن واحد بالعالم:
عشان اذكرهن بالطلب
أن كان رمل البحر يشتاق للموج,,,,,,,, فقلوبنا تبكي عليكم من الشوق:
خله يحط الأيميل والأسم والخلفيه .. والله أني محتار بالخلفيه أنت راعي تواقيع أختاري خلفيه الله لا يهينك

**********
يمدحن ابن اللذينا .. والله المصلحجي :D



تراي نقلت المحادثه بيني وبينه عشان تصدقون اني مناب اتسذب عليكم

وان التوقيع له مهب لي <=== شاكن بروحه :D


عموما ..

هو اسمه ابوحميد

وايميله : abo__mohmad@hotmail.com


الله يجزاكم خير تصدقوا على هالضعيف بدل هالتوقيع اللي يدودله بين ايديه تقل شايلن كيس سمنت

على طاري كيس سمنت

تذكرت كيش شمنت :D

وش الدنيا بوه؟

كان حبيب الله يذكره بالخير


نحتريكم انا وصديقي :D

[برجس]

مهب معقوله ابد !!!

الموضوع له يومين محد رد؟!!!

هذي بحق ياشباب

فشلتون عند صديقي


الظاهر ابنقله لمنتدى ثاني

[بريماكس]

تروح لمنتدى ثاني .. و الشباب موجودين
و لا يكون خاطرك إلا طيب يا برجس ..

يا بعدي عمري .. و أنا على الفوتوشب .. قلت (خن) نخربط لصديق برجس (توقيع ) يتعبر فيه ..
مثل ما قالوا:
تعبر بأم شوشه لين تجيك المنقوشة :D


عموماً لأطول عليك ..
هذا التوقيع ..
و ترأني ما أدري وش المطلوب بالنص .. فولفت من عندي ..

نخدمك و نخدم أصدقاك .. يا أحلى برجس ..

[برجس]

توك تهضل يابريماكس؟!!!


مبتسرين!!!!!!


عموما .. انت ازين من غيرك


بس ولو انت مشرف والمفروض مايمدين انوي اكتب الموضوع الا وانت رادن عليه

مهب انزل الموضوع وتمر عليه تسنه ماخلق


تراي لو شفت حساس واشره عليك


ههههههههه

ماقصرت ياخلفهم

ويعطيك الف عافيه

توقيع بسيط جدا

ابيك الله لايهينك تحط بدال عبارة صديق برجس

تكتب الايميل هذا

abo__mohmad@hotmail.com


وياليتك تعبي الفراغ الابيض وتحط بوه الوان


الله من الصرامه تسني داري

لا تخاف مهب قاضيات الالوان يالصرم :D


:D:D
:D