 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
|
|
31-12-2006, 12:49 AM
|
#1 |
|
عـضـو
تاريخ التسجيل: Jul 2006
المشاركات: 288
|
ياروحي يالتسبده .. !
صباح الخير والكبده المقلقله ..
مساء الورد والفُل والياسمين مع عبقات هالعيد الجميل ...  تصافحت النفوس .. وتباهت إشراقاً مع نُسيمات وعبق الطاعه والإبتهال لله .. ككُل سنه .. في بيتنا الصغير بآخر الديره وبين النخيل واحواش الحلال واقفاص الحمام استعديّنا للعيد بِكُل أشكاله ... استعداد داخلي واستعداد خارجي .. الاستعداد الداخلي أكيد راح يكون على ( البتاع النسائي ) ... يولمون السكاكين .. وكم سفره .. وكم قدر .. والاستعداد الخارجي علينا يا ( الذيابه ) .. أنا والطاقم اللي معي .. أخوي : علي .. وباقي الشلّه ! استعدادنا بيكون طبعاً بانتقاء الطيّب من " الحلال والخرفان " .. وبعدها ننتقل إلى ( عزلها ) عن خواتها .. ومن ثمَّ إلى استخدام العُنف بِذَبحِها وسَلخِها و " علّق ياعلي الذبيحه وبلاش لحوسه ومطرسه مالها داعي " !  ثلاثة أيام بدواليها .. وانا " رايح جاي " على حوش الغنم .. أشوف وش اللي يناسب من الخرفان وانتقي الأطيب منها .. وأخيراً طحت في " مملوح " وحسيّت من نظراته أنه " وَلَدن ذرب ويبيّض الوجه " ويستاهل من يقرّب السكين على رقبته المُتلألأه << مالها دخل " مُتلألأه " بس أحسّ نطقها على لساني حلوه ! وفي يوم العيد .. صلينا .. وعايدنا على بعض الجماعه في الجامع عشان نفتكّ من مشوار الزرقه على بيوتهم .. شفت " دحيّم " زي العاده وياليتني ماشفته .. سألني ( هاه بتذبحون هالسنه يامُدمن ) .. رديت عليه ( أيه بنذبح .. بس احتمال أني أنوّع هالمرّه واذبح لي آدمي ) ! .. فتّح عيونه المشرشره وقال بِكُل دلاخه ( التنويع مطلوب بس وانا اخوك تركّد ) !  سلمت على راشد .. وسالم المنزوي .. وحمد الاثول .. وابو ابراهيم الدثوي .. وأخيراً قُبله من فمّي على راس شايبنا ( عويس المنفهق ) يستاهل " ألف قُبله " -على رأسه طبعاً - أدامه مسلّفني 47 ريال وناسيها من زمان ! اجتمعنا في البيت .. رشفتين قهوه إلا والوالد ينادي بِكُل صوته ( قرّبوا القدور ياعيال .. وعطونا السكاكين ) .. ومن يوم قالها وانا قلبي فازّ .. وابدى اتراكض بين اخواني واغيّر ملابس العيد ... والبس ( قميص النوم ) << قميص نومي ذو استخدامات مُتعدده ! فتحت الحوش .. وغمزت للـ ( الضَحيه الاملح ) .. أن ( هلُمّ إليَّ فقد حان موتُك صريعاً بين يديّ ) ! جا يدربي راسه .. وكأنه ( حاسّ بالحقّ ) .. ساعدني أخوي علي على إيصاله لموقع الذبح بأسرع وقت مُمكن .. !  سدحناه بعد ماتعاركنا معه .. هو يتسلفط وانا وراه أعكرف له .. ياولد من هنا ومن هنا إلييين تمكّنا منه ( ومحطنا به ) على الأرض .. إلا والوالد يقول بصوته العذب << دلع على كيف كيفك .. : بسم الله وعلى بركة الله .. اللهم اجعل ثوابها عن أمي ( فاطمه ) .. وهو يقولها وكنت ماسك رجل الذبيحه .. سرحت بتفكيري بشكل سريع [ من هي أمي فاطمه ذي ؟ ] ومن زود التفكير والتعمُقّ في ذلك ... فلتت رجل الخروف من يدي .. ومادريت إلا رجل الخروف في وجه الوالد ! الوالد وقتها كان ناوي يقول برقبة الخروف .. لكنّه مُجبر وقت " خمعة رجل الخروف بوجهه " أنّه يوقّف ويلتفت علي ويلمخني مع رقبتي .. التفت طويل العمر وعطاني وحده على رقبتي وصاح علي من بين اخواني ( أنت صاحي ؟ .. آلحين وراك تفكّ رجلها ! ) تعدّلت من جلستي وسألته ( من هي أمي فاطمه طيّب ؟ ) .. قال ( هذي جدّتك الثالثه من طَرَفي .. يوم انها كانت حيّه .. كنت انت ببطن أمّك حاطـ(ن) رجل على رجل ) ! .. ( قم وامسك رجلها جعلها ترفسك ... مابلا مشغلنا في الحوش .. ويوم جا وقت الجدّ قمت تتلحوس وتخربط ) !  رجعت لموقعي ومسكت رجل الخروف وأنا أسمع " قهقهات وضحكات الطاقم اللي جنبي بدءً من " علي " وأخيراً بآخر العنقود " صويلح " ! عوّد الوالد وسمّى بالله .. وقال برقبتها .. ويوم يطير الدمّ على قميصي اللي توّي مغسّله بثلاث ريال من مغسلة ( عُمر كرته وإخوانه الدشير ) .. حامت تسبدي والتفت علي أخوي وقال ( ترى ملح الذبح أنك تشوف الدم متناثر على قميصك .. عشان تحسّ أنك سويّت شي قدّام أمّك وخواتك ) رفعناها .. وسلخناها .. ثم نزّلناها في القدر .. واخوي الصغير طار بالكرشه لأنه اختصاص تقطيع ( كروش ) .. وانا عيني على ( التسبده ) ! اخذت ( التسبده ) << (( كبده )) للي ماعرف يقراها زين ولاهو قروي زيّنا .. وطرت بها للوالده .. وقلت لها في أذنها ( زوّدي فلفل ياقلبي ) .. عطتني ذيك الابتسامه وقالت ( أبشر .. بس رح عند اخوانك لين أسنّع فطوركم وتسبدتكُم ) ربع ساعه إلا والتسبده على " صحن مفَلفَل " .. اجتمعنا عليها .. وأكلنا من ( أضحية الجدّه اللي ماكنت أعرفها إلا إسماً ) .. أسأل الله أن يُسكنها الجنان .. آمين أسأل الله أن يُعيد عيد المسرّات علينا وعليكم ونحنُ نرفُل بصحّه وعافيه .. آمين * كالعاده .. أتمنى أن لايقوم حرامي " تزليل حيا " بِسَرِقَةِ الموضوع ونِسبَتُهُ له كما رأيت ذلك في مواضيع أُخرى ! :: مدمن شاهي :: |
|
|
|
31-12-2006, 12:59 AM
|
#2 |
|
عـضـو
تاريخ التسجيل: Jan 2002
البلد: بريدة
المشاركات: 2,133
|
الله يعافيك من الإدمان قل آمين ,,,
|
|
|
|
|
31-12-2006, 01:44 AM
|
#3 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
ياليتهم رقدو ذيك الليله ! |
|||||||||||||||||||||||
|
|
|
|
31-12-2006, 08:35 AM
|
#4 |
|
عبدالله
تاريخ التسجيل: Jun 2004
البلد: .
المشاركات: 9,705
|
حيَّاك الله أخوي مدمن ... بس ما قلت لنا كل عام و أنتم بخير بعذرك .. على هالرفس و الرفيس <=== رفيس اسم واحد روسي كان يدرس معي شكلكم يا ولد ذابحين ثور ؟.. بس أهم شي تلطخت بالدماء 
__________________
ياربي ..افتح على قلبي .. و طمئنه بالإيمان و الثبات و السلوة بقربك .. [عبدالله] من مواضيعي : آية الحجاب من سورة الأحزاب ( أحكام و إشراقات ) ::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة) |
|
|
|
|
31-12-2006, 10:39 PM
|
#5 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
مع الغبــــــــار .. والصجّه واللجّه .. نسينا نعايد الاحبه ..  كل عام وانتم بخير ... وتسلم لي هالطلّه .. |
|||||||||||||||||||||||
|
|
|
|
31-12-2006, 09:14 AM
|
#6 |
|
عـضـو
تاريخ التسجيل: Apr 2006
البلد: خارج الديار المقدسه بريده
المشاركات: 246
|
السلام عليكم ورحمه الله وبركاته
اخي مدمن شاي خلاص لاتعرفن ولا اعرف اخيراً طلعت على حقيقتك يا سفاح اكيد انت من حقين العراق ياخي كيف تقدر تسوي كذا وشلون تطاوعك نفسك انت تروح له في بيته ةتاخذه من بين اهله بعد ان كان قرير العين وتسحبه كما يسحب الشخص شيئاً يسحب وتجيب السكينه وتقول به وكأنك تفتح علبه بسكوت جلكسي قشطه ياخي مايضرك لو رحت للبخاري وجبت لك دجاجتين مع الرز وببسي كبيره ودقيتوهن والحمد لله ولاكن تبين انك سفاك وسفاح في نفس الوقت على العموم كل عام وانتم بخير ورحمه الله والديك ووالديهم ووالدينا ووالديهم وذراريهم والمسلمين اجمعين هذا والله اعلم
__________________
اللهم اغننا بحلالك عن حرامك
|
|
|
|
|
01-01-2007, 06:56 PM
|
#7 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
خل عنك .. العيد خلاني " قوي " .. وشديد وسفّاح ألعب بالسكاكين بين يدي من دون ما أنفس ! كل عام وانت بخير ياحلو ،،
|
|||||||||||||||||||||||
|
|
|
|
31-12-2006, 02:55 PM
|
#8 |
|
عـضـو
تاريخ التسجيل: Jul 2006
البلد: بريدة ، دومة الجندل
المشاركات: 1,457
|
أسلوب جميل كالعادة ، حبيت أسجل حضور ومعايدة وشكر للكاتب الكبير ( مدمن شاهي )
__________________
قال صلى الله عليه و سلم:(( مَنْ تَعَارَّ مِنَ اللَّيْلِ فَقَالَ : لا إِلَهَ إِلا اللَّهُ وَحْدَهُ لا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ الْحَمْدُ لِلَّهِ وَسُبْحَانَ اللَّهِ وَاللَّهُ أَكْبَرُ وَلا حَوْلَ وَلا قُوَّةَ إِلا بِاللَّهِ العلى العظيم ثُمَّ قَالَ : اللَّهُمَّ اغْفِرْ لِى أَوْ دَعَا اسْتُجِيبَ لَهُ فَإِنْ تَوَضَّأَ وَصَلَّى قُبِلَتْ صَلاتُهُ )) رواه البخاري .تعارَّ من الليل : أي هبَّ من نومه واستيقظ . النهاية . |
|
|
|
|
02-01-2007, 10:44 PM
|
#9 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
هلاوين بالــغالي ... إلا ورى ماتدوّر لي وحدتن بس عندكم بالقصيم يقولون عندكم " إستقرار " و " راحة نفسيه " كل عام وانت بـــــــخير ،،، |
|||||||||||||||||||||||
|
|
|
|
02-01-2007, 11:20 PM
|
#10 | |||||||||||||||||||||||
|
عـضـو
تاريخ التسجيل: Jul 2006
البلد: بريدة ، دومة الجندل
المشاركات: 1,457
|
أخي مدمن : تبين أدوّر لك تسبده بالقصيم !! وش دخّل التسبده بالاستقرار والراحة النفسية ,,,,,, يقاله مافهم
__________________
قال صلى الله عليه و سلم:(( مَنْ تَعَارَّ مِنَ اللَّيْلِ فَقَالَ : لا إِلَهَ إِلا اللَّهُ وَحْدَهُ لا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ الْحَمْدُ لِلَّهِ وَسُبْحَانَ اللَّهِ وَاللَّهُ أَكْبَرُ وَلا حَوْلَ وَلا قُوَّةَ إِلا بِاللَّهِ العلى العظيم ثُمَّ قَالَ : اللَّهُمَّ اغْفِرْ لِى أَوْ دَعَا اسْتُجِيبَ لَهُ فَإِنْ تَوَضَّأَ وَصَلَّى قُبِلَتْ صَلاتُهُ )) رواه البخاري .تعارَّ من الليل : أي هبَّ من نومه واستيقظ . النهاية . |
|||||||||||||||||||||||
|
|
|
|
01-01-2007, 03:37 PM
|
#11 |
|
عـضـو
تاريخ التسجيل: Apr 2006
البلد: بريدة
المشاركات: 4,378
|
الله يعيده علينا وعليك يا مدمن
وتسلم على هيك مواضيع . . . كل عام وأنتم بخير أبو عاصم
__________________
تحدك ظنونك على ضيق حلمك..
و تسري بي أحلامي على وسع .. ظنك ! (h) |
|
|
|
|
02-01-2007, 10:45 PM
|
#12 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
وانت بـــألف خير ياحلو
|
|||||||||||||||||||||||
|
|
|
|
01-01-2007, 07:09 PM
|
#13 |
|
عـضـو
تاريخ التسجيل: Mar 2005
المشاركات: 215
|
ورا ما تسوي كتاب وتجمع بوه كتاباتك..
ياخي وربي انك شي.. لو بوه جائزة نوبل للذبح تسان عطيتك اياه.. واخيراً ياخي أحبك .. 
__________________
نسأل الله السلامة
|
|
|
|
|
03-01-2007, 05:11 PM
|
#14 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
مابي جائزة نوبل .. أبي دراهم بس بعدين .. فيه كتاب باطرحه بعد تقريباً شهر .. وراح تشوف الإعلان عنه .. ولّم دريهماتك يامال الغناة كل عام وانت بخير ياحلو ،، |
|||||||||||||||||||||||
|
|
|
|
| الإشارات المرجعية |
| أدوات الموضوع | |
| طريقة العرض | |
|
|
النمط المتشعب
