[مقزز]

لا أقصد في عنوان المقال العدد تحديدا
ولكني أقصد الكثرة والكثرة فقط حيث إني كل ما خرجت لمشوار في بريدة لابد من تصرف يرفع ضغطي من بعض سائقي السيارات ثم أنظر لمن صدرت منهم هذه التصرفات فإذا هم من أبو (17و 19 و 20) وأنت جاي.
واحد يصقط من اليمين وهو يمشي ألف
والثاني يوقف قدامك بالإشارة معنك أنت الأول (عيب والله)
والثالث مركب نور أزرق بس عشان يعمي الناس ( مع العلم بأن النور الأزرق ما ينور زين لصاحب السيارة ) يعني مركبه لعانة فقط لا غير
والرابع يقطع الإشارة على اللي هي عليه
وخذ من التصرفات الغير مسؤولة
والواجب على أولياء الأمور عدم ترك الحبل على الغارب
والإشراف على قيادتهم وتوعيتهم بخطورة التساهل بأرواح الناس ولتركيز على عدم السرعة داخل المدينة والأحياء
حتى قائد السيارة نفسه إذا كانت روحة رخيصة عليه فإن روحه غالية علينا ( وش رايكم أخلاق )

وإني أرى من نافلة القول أن أسطر بعض أدبيات القيادة وهي:
1ـ إذا وقفت عند الإشار لا تطابق دريشك بدريشة اللي بجنبك , يا قدم شوي يا اقصر دونه شوي (خلك ذوق)
2ـ لا تسكر المسار الأيمن عن الإشارة حتى ولو إيش ما يصير ( ولا ترا ابسمعك كلام ما يرضيك)
3ـ لا تفحط فإن التفحيط قد يودي بحياتك ( عاد هذي أنا ناقلة من جدار المدرسة اللي بجنبنا)
4ـ إذا مشيت وكان قير سيارك عادي فيفضل إنك تمشي بنمرة 1 ثم 2 ثم 3 الخ
5ـ إذا صرت ماشي بطريق وتبي تلف لطريق فرعي وبه واحد واقف يحتريك عشان تمر فدق إشارة عشان يمشي ولا يحتريك ( لا تكن خسيساً يا هذا )
6ـ أخي السائق لا تعمي إخوانك المواطنين والمقيمين بنور سيارتك الأزرق
7ـ لا تناظر بالمراية اللي خلفك وتحسبه ما يشوفك)
8ـ إذا صرت عند الصراف وراك ثمان سيارات لا تقعد تسدد فاتورك وفاتورة أمك وفاتورة الماء أسحب اللي تبي وخلك عجل.
9ـ نكمل في العدد القادمتحياتي

[al7nooooon]

قسم بالله كنك شايفني اليوم!!!!!

رحت أنا ومامتي شرت له كم شغله وحنى راجعين وقفت عند الاشاره ابلف يمين واحتري الدباب يمر علشان الف يوم راح ولفيت الا به سياره من نوع ددسن مرقي كفرين على الرصيف ويبي يلف قبلي..انا ما انتبهت له بحكم ان مابه احد يميني لان اللي يميني الرصيف! ولا دريت الا وهو يبربس حول الباب الايمن،،طيب أنا وش أزين واقفن أدق عووووود!!
واقفن أحتري الاوادم يمشون علشان الف
قسم بالله بعض الناس عندهم مرض قيادي ودك تحطهم بعطارد علشان مابه اكسجين خلهم ينلعنون بقريح..

[الأسطورة]

اقتباس المشاركة الأساسية كتبها al7nooooon قسم بالله كنك شايفني اليوم!!!!! رحت أنا ومامتي شرت له كم شغله وحنى راجعين وقفت عند الاشاره ابلف يمين واحتري الدباب يمر علشان الف يوم راح ولفيت الا به سياره من نوع ددسن مرقي كفرين على الرصيف ويبي يلف قبلي..انا ما انتبهت له بحكم ان مابه احد يميني لان اللي يميني الرصيف! ولا دريت الا وهو يبربس حول الباب الايمن،،طيب أنا وش أزين واقفن أدق عووووود!! واقفن أحتري الاوادم يمشون علشان الف قسم بالله بعض الناس عندهم مرض قيادي ودك تحطهم بعطارد علشان مابه اكسجين خلهم ينلعنون بقريح..

لا وما شفت شي بعد ..


أمس بالدائري الغربي قدامي واحد ماسك المسار الأيسر ويمشي عشرة تحت الصفر <<< شكله بس حق اللعانه ..

وأكبس ما عندكـ أحد , وبعد قحشة من الوقت قرر حبيبنا أنه يفتحلي المسار عشان أتجاوزة ,طبعا قلت شكله إستحى <<< والله ياهي تبيله
ما أمداهـ تصير مرايتي مقابله لمرايته إلا ويجدع علي الموتر , ولولا عناية الله باالأسطورة كان الحين ناشبن بالرصيف بس الحمد لله فكـ الله عيني

[المسفهل]

إذا أردت أن تعــرف أخــلاق المــرء فــأنظــر إلــى قيــادتــه ...

[بدلها]

اقتباس المشاركة الأساسية كتبها المسفهل إذا أردت أن تعــرف أخــلاق المــرء فــأنظــر إلــى قيــادتــه ...

شكراً صحيح جداً

[المجدد 2002]

اقتباس المشاركة الأساسية كتبها الأسطورة لا وما شفت شي بعد .. أمس بالدائري الغربي قدامي واحد ماسك المسار الأيسر ويمشي عشرة تحت الصفر <<< شكله بس حق اللعانه .. وأكبس ما عندكـ أحد , وبعد قحشة من الوقت قرر حبيبنا أنه يفتحلي المسار عشان أتجاوزة ,طبعا قلت شكله إستحى <<< والله ياهي تبيله ما أمداهـ تصير مرايتي مقابله لمرايته إلا ويجدع علي الموتر , ولولا عناية الله باالأسطورة كان الحين ناشبن بالرصيف بس الحمد لله فكـ الله عيني

كفيت وفيت كلام موتني من الضحك
لكن كاتب الموضوع ذكرني بجدي قبل 100 سنه خخخخخخخخخخخخ ايش المثاليه ذي وش رايك ننزل ندف السياره احسن

[سكر مالح]

اقتباس المشاركة الأساسية كتبها al7nooooon قسم بالله كنك شايفني اليوم!!!!! رحت أنا ومامتي<< مامتي شرت له كم شغله وحنى راجعين وقفت عند الاشاره ابلف يمين واحتري الدباب يمر علشان الف يوم راح ولفيت الا به سياره من نوع ددسن مرقي كفرين على الرصيف ويبي يلف قبلي..انا ما انتبهت له بحكم ان مابه احد يميني لان اللي يميني الرصيف! ولا دريت الا وهو يبربس حول الباب الايمن،،طيب يابن الكلب<< نقول عيب مايستاهل ذا الكلام خل اسلوبك لبق وكلامك مردوو عليك أنا وش أزين واقفن أدق عووووود!! واقفن أحتري الاوادم يمشون علشان الف قسم بالله بعض الناس عندهم مرض قيادي<<< قيادي ولا خشاش خخ ودك تحطهم بعطارد علشان مابه اكسجين خلهم ينلعنون<< قلنالك الله يصلحك حسن اسلوبك _ بقريح..

تقبل مروري الي الي ماربوه اهله يربونه عيال الناس

[أبوفارس الخالدي]

وجدت من كبار السن من لا يعرف القيادة ووجدت من الصغار من هو متأصل بالقيادة ..

من كل صنف ستجد هذه النوعية ..

[.:انــجــريــنــد:.]

اقتباس المشاركة الأساسية كتبها أبوفارس الخالدي وجدت من كبار السن من لا يعرف القيادة ووجدت من الصغار من هو متأصل بالقيادة .. من كل صنف ستجد هذه النوعية ..

تحياتي

[النـداء الخـالد]

حدى البزران لحق الاسبوع الي راح ..
.. وما صدق خبر .. بدا يقطع الاشارة وهو ماشي 160 .. حسب ماذكره المرور ..
وفي النهاية يتوقف بإحدى مواصير حي سلطانة .. ويمسك مابه خلاف .. ولله الحمد ..
ويأتي الشايب يهوش يقول طلعوا السيارة من الحجز ..
أنا ما خليت ولدي يسوق خراص ..
عندي 15 نفر بالبيت .. وأنا مشغول ..
وهالولد قايم بالواجب ..
الجدير بالذكر أن الولد عمره تحت 10 سنين ..

من أمن العقوبة .. أساء الأدب .. لابد أن يعاقب مالك السيارة .. والا ستستمر المهزلة ..

[مقزز]

رسالة:
إلى كل طفل أعطاه والده سيارة
إلى كل بزر لا يحسن القيادة إلا بتهور
أقول: والله اننا بدينا نزمل حين نخرج لمشاويرنا اليومية كله بسبب سواقتكم اللي مثل وجيهكم
أنتم تحسبونكم تسوقون ( بلايستيشن ) لا ابوكم لا ابو اللي عطاكم سيارات

[خان]

قسم بالله ودك معك بازوكة ولا تركب فوق السيارة المدفع حق الدبابة عشان لاجاك واحد يمطرس من هالمبزرة الي يرفعون الضغط تثوربه

[ADEEL]

اللي يابي يحس ان بريده اهون وخف من غيره من المدن يروح ويسوق بالمدينه

[ولد النور]

اول شي اسلوبك يالكاتب فيه شئ من السخافه ويدل على ذلك انك حددت البزران من18,19,20وهذه النوعية من الناحية العلمية يرمز لها الشباب وهذا العمر يعد من اعمار الرجال وفيه صحابي قاد جيش فيه أبو بكر عمر رضي الله عنهم وأرجو ان الا يكون في الخاطر شئ والسلام عليكم .