[مدحت شوقي بريده]

هلا بالشباب .. من قدي يالبي انتم ..

اليوم حضرت المبارة بالملعب .. تعرفون واجب يمليه علينا ضميرنا تجاه نادينا ..
لقطت الولد ( هيمو ) ومسكت الباب ..

ووصلت للملعب .. وقصيت تذكرة .. وقالوا لي قص لهذا ..
قلت حتة هالبقطة تبون لوه تذكرة .. ابحطوه بحجري ..
قالو ادفع بس ..
والله لو إنك حااامل ان نخليك تدفع للجنين اللي ببطنك ..

قلت اقول عين خير بس .. الله من زين الحتسي .. خذ بس خل ندخل ..



ومن عقب صلااة العصر بالملعب ..
وماغير او ياهوه ياموج البحر .. ويالله قوموا خلو نسوي حركة الأموااااااااااج ..
يالله يالله وصلوا وصلوا قوموا قوموا .. همن نقوم .. ونقول .. هييييييييييييييييييييييييييييييه ..
وهذي الشغلة طول اليوم .. تقول مواجرين يادافع البلى .. :D

ويأذن المغرب .. قلت ياولد اليوم نجمع المغرب مع العشاء بعدين استحي اقوم اصلي ..
والا يمكن اذا قمت ورجعت مالقيت محلي ..

وقبل ماتبداء المباراة ويقعد يصيح ( هيمو ) بابا انا حسران .. قلت الين من نشبة ..
وش هالنشبة .. ياوليدي اغديك مستخير .. ماتقدر تصبر الين نرجع للبيت ..
قال .. لا يبه .. يودعن منطي ..

قلت طيب من معه قارورة صحة ياشباب .. ترانا اخوان .. كلنا اخوان بفريقن واحد ..
قالوا رح للحمامات .. قلت لا مايمدين و يروح محلي .. بعدين انا اصلن ابحطه بالقارورة همن ارجمه على عيال قريح هذولاك ..

والله ويستانسون ويعطونن 77 قارورة صحة .. واعبي هاك القارورة .. وادعسه حدر الكرسي ..
قالوا احلته عليهم .. قلت لا عندي فكرة .. ابخليه اذا دخل فريقهم .. نسبحهم به ..



ويدخل الفريقين وأول ماشفت فريقنا .. واقمز من الفرحة اشجع فريقنا .. واطب واثري واطين قارورة الصحة .. وترشق على اللي بجنبي .. قال ماعليك يالبي هماااااااك منا وبنا .. اعتبره من موية النيل يالبي ..


وتبداء المبارة ..
وحماااااس طول المباراة .. ومع كل هجمة اومي بشماغي .. شوت ياولد قريح .. ناول ياولد الذين امنوا ..

ومع كل هدف اشقل هالبزر واحطه على كتوفي وأنا ملبسة طاقية رقم 37 وارفع ايديه فوق ..


الين انتهت المبااااااااراة ..
واطلع وأعلق الأعلااام بالسيارة .. من الملعب الين البيت ..
ومعلقن ( هيموا ) بالمساحات ومشغلهن .. وهو ماسكن العلم .. وماغير يروح ويجي مع هالمساحات ..

ويوم وصلت البيت .. وأقشع ( هيمو ) من المساحات .. وادخل مع الباب وأنا اقول .. اوه ياهوه ياموج البحر ..

وأدخل البيت واقعد .. عند التلفزيون اناااااااظر التحليل .. ( تحليل المعركة )
واحتري صورتي انا وخشتي تطلع بالتلفزيون ..

يوم قضيت .. وتدخل علي امي .. قالت ..
هاللحين انت من عقب العصر تاركن البيت ومنتص بالملعب ..
تاركن اهلك وبيتكم ورايحين هنااااااك تقول مداوم دوام ..
وصايرن تقبل خبل .. ماغير تناقز .. وتدعس اصابعك بإثمك تصفر ..


ودافعن قروش .. ومسحبن هالبزر ياويلي معك ..

هاللحين وقضت المباراة .. وانتهت .. وفزتوا ..
ابسئلك سؤال .. وش استفدت ..


زادت قروشك .. والا نقصن ..
استفدت من وقتك والا ضيعتوه ..
هل هذا اخر طموحك وإهتماماتك ..

واذا الله باليك انت .. وشوالوه تسحب ياويلي هالطفل المسكين معك ..
انت ماتدري انهم يقولون .. وينشئ ناشئ الفتيان فينا .. على ماكان عودوه ابوه ..
لاصرت انت ثور وماعندك احد .. خل مير الولد لاتعودوه على سفاسف الأمور ..
اغدي العوض يصير بوه ..

وطلعت .. وانا قاعدن افكر بكلااااااامه ..

وش رأيكم انتم ياعيال .. وهل اللي سويته صح .. او خطاء ..

سي يو ..

[أبو ريّـان]

والله يامدحت إذا كنت سويته خطاء وعين الخطاء
لكن اسلوبك رهيب

لكن شلون جمعت المغرب مع العشاء؟؟؟؟لانك مسافر....

[مدحت شوقي بريده]

اقتباس المشاركة الأساسية كتبها <<ابوريان>> والله يامدحت إذا كنت سويته خطاء وعين الخطاء لكن اسلوبك رهيب لكن شلون جمعت المغرب مع العشاء؟؟؟؟لانك مسافر....

هلا بالبي ابو ريااااااااااااااان ..

يابعدي وش رأيك عاااااااد تخيل اني اروح جـــد .. والله لو ينقزون اني مااطبه عليهم ..
<<((== يحسبهم عازمينوه وهو متهاوش معهم .. :D

مشكور يالبي على تواجدك وطرح وجهة نظرك ..


سي يو ..

[المواطن]

الله عليك يا متحت وحشتني ياشيخ باسلوبك >> لي فتره مادخلت المنتدى مشغول بادارة منتدى اخر

لاكن لك وحشه يارجل

تعليقي على موضوعك :

تزوج تزوج ونا خوووك وترك عنك الملاعب والتصفير وشيل الفصفص في مخابيك ذاااك اليوم شايفك داخلن
للملعب وجيوبك مليانه فسفس وطلعت من الملعب وانت مفضف جيوبك وشايل علم ناديك المهم ونا اقعد اراقبك
وتركب الجيب الربع وتقعد تسدحه يمين وشمال شمال ويمين تبي الصدق داخ راسي من كثر حركاتك بالسياره
المهم وشوي الا الدوريات ورااااك تلاحقك ول ول ول يااااامدحت ياشماتت مامتك فيك سي يو متحت

[مدحت شوقي بريده]

اقتباس المشاركة الأساسية كتبها المواطن الله عليك يا متحت وحشتني ياشيخ باسلوبك >> لي فتره مادخلت المنتدى مشغول بادارة منتدى اخر لاكن لك وحشه يارجل تعليقي على موضوعك : تزوج تزوج ونا خوووك وترك عنك الملاعب والتصفير وشيل الفصفص في مخابيك ذاااك اليوم شايفك داخلن للملعب وجيوبك مليانه فسفس وطلعت من الملعب وانت مفضف جيوبك وشايل علم ناديك المهم ونا اقعد اراقبك وتركب الجيب الربع وتقعد تسدحه يمين وشمال شمال ويمين تبي الصدق داخ راسي من كثر حركاتك بالسياره المهم وشوي الا الدوريات ورااااك تلاحقك ول ول ول يااااامدحت ياشماتت مامتك فيك سي يو متحت

المواطن ..

هلا بيك يالبي .. من قالك ان معي جيب ربع ..
لاتقعد تبلشنا فرقعين جدي .. يقعدون هاللحين يشطبون على اسمي ..

يالبي انت يالموااااااااطن .. تصدق ان اكثر ناس ياكلون فصفص هم اللي يتفرجون على المباريات ..
والله يابوه ناااااس انك تحلل السنجاااب عنده من كثر مايقرض بهالفصفص ..

همن اذا قضت المبارة تسمع زحيره بدورة المياه .. جايوه امساك ..
يالبي ناااس ماتعرف تدبر روحه .. <<((== لاتخلينا يالدبرة يالصعيدي ..

ومشكور يالبي يالمواطن ..


سي يو ..

[احساس الكون]

اسلوبك ممتع وسهل ومعبّر كلامك عين العقل "الوقت كاالسيل ان لم تقطعه قطعك "

لو أننا عندما نقدم الى شيء سألنا انفسنا هذا السوال :ماالفائده وماالنتيجه ؟

لما وقعنا في سفاسف الامور

الفراغ داء قاتل "

بورك فيك ولا فض فوك ولا فقدك ابوك .

[مدحت شوقي بريده]

اقتباس المشاركة الأساسية كتبها احساس الكون اسلوبك ممتع وسهل ومعبّر كلامك عين العقل "الوقت كاالسيل ان لم تقطعه قطعك " لو أننا عندما نقدم الى شيء سألنا انفسنا هذا السوال :ماالفائده وماالنتيجه ؟ لما وقعنا في سفاسف الامور الفراغ داء قاتل " بورك فيك ولا فض فوك ولا فقدك ابوك .

احساس الكون ..
شكراً على مرورك العطر ..
فقد رشقت على موضوعي ماء الورد ..
وتلولست الكلمااااااااات في حنوتسي .. ولم استطيع البوح بها ..

صحيح الفراغ قاتل ..
وعلى قول ابو العتااهية ..
إن الشباب والفراغ والجدة .. مفسدة للمرء اي مفسدة ..

ترى العتاهية هذولا جيراننا بالسادة ..
اذكر ولدهم سليمان العتاهية يوم يفلق اخوي صالح ..
قسم ان الدم راشقن مترين من دميجة اخوي صالح ..
ولد هالعتاهية ايديه اعوذ بالله الوحدة تقول اسطب كامري من كبره ..

وشكراً لك على مرورك الكريم ..

سي يو ..

[الـراصـد]

اضحك الله سنك يامدحت:D:D .....إن كان للتنسيم الهادف شعار فأنت بكتابتك هذه حامل لشعاره ...

لكن ليش بالمره ما أخذت فلافل وكُشري تبيع بالملعب.....

اقتباس هاللحين وقضت المباراة .. وانتهت .. وفزتوا .. ابسئلك سؤال .. وش استفدت .. زادت قروشك .. والا نقصن .. استفدت من وقتك والا ضيعتوه .. هل هذا اخر طموحك وإهتماماتك ..

الجواب ببساطة لهؤلاء اخي مدحت ....سيقول لك لم استفد شيئا إلا أنني الأحمق الأخير !!

تصوير رائع لحال شبابنا وفلذات أكبادنا....التي سُرقت منهم أوقاتهم الثمينة بدون فائدة ؟!

الشكر والتقدير للكاتب مدحت ........ سي يوووو
((( الراصد )))

[مدحت شوقي بريده]

اقتباس المشاركة الأساسية كتبها الـراصـد اضحك الله سنك يامدحت:D:D .....إن كان للتنسيم الهادف شعار فأنت بكتابتك هذه حامل لشعاره ... لكن ليش بالمره ما أخذت فلافل وكُشري تبيع بالملعب..... الجواب ببساطة لهؤلاء اخي مدحت ....سيقول لك لم استفد شيئا إلا أنني الأحمق الأخير !! تصوير رائع لحال شبابنا وفلذات أكبادنا....التي سُرقت منهم أوقاتهم الثمينة بدون فائدة ؟! الشكر والتقدير للكاتب مدحت ........ سي يوووو ((( الراصد )))

هلا بك يالرااااااااصد ..
يابعدي انت .. ياحبيلك والله .. مشكور على ترقية هالأثل ..


يابعدي ماهنا فايدة الا تقوية عضلااااااااااات ( الحنوتس ) من المزاااااااااعق والتصفير وبس ..

والله يهديهم يالببي ..

سي يو ..

[مدحت شوقي بريده]

اقتباس المشاركة الأساسية كتبها أسيرة الذكرى الموضوع كله كوووم وهالكلمه كووم وه يازينووووووه الله يحوم سبدك لاتقلب سبدنا طيب او لازم تخرب الموضوع هههههه الناس تدفع ملايين وترئس وتقارير وتصاريح وخبه وامك طلعت عينه بس يوم حضرت المبارات اجل لو كنت منهم وش تسوي وبعدين عاااادي وناسه مافيها شئ توسع صدرك

اسيرة الذكرى ..

منطي يودعن .. ايقالوه يعلمن ان بطنو يوجعوه ..
من كبر هالبطين عااااااااااد .. ياويلي صغير تقول علبة كبريت ..


وبعدين من قالك ان هاللي يترؤسون يدفعون من جيوبهم ..
هذولا اللي يحط مليون يآخذ كثرهن مرتين ..

الدبش اعضاء هالشرف .. هاللي الواحد بهم تقل صرااااااافة ..
ماغير يمشي ويفرخ لهم من هالدراهم .. تقول والدهم وناسيهم ..

ولو انا منهم .. ادفع فلوس ولا يفوزون .. والله لاالاحقهم .. هاتوا قروشي ياعيال قريح ..
احسبكم رجال تبي تفوزون ..

وشكراً لك على المشاركة ..


سي يو ..

[راعي الطيب]

لا تروح للملعب صجه ووجع راس ..

شفه بيتكم أحسن لك ..

بيض الوجه أمس الهلال بالثلاثة وهــاردلك يالنصر ...

[مدحت شوقي بريده]

اقتباس المشاركة الأساسية كتبها راعي الطيب لا تروح للملعب صجه ووجع راس .. شفه بيتكم أحسن لك .. بيض الوجه أمس الهلال بالثلاثة وهــاردلك يالنصر ...

راااااعي الطيب ..

وانت هاللحين مصدق اني رايحن هنااااااااااااااااك ..
اقول دن هنااااااااااك اولاه .. عاااااااااد اللي يسمعك يقول المباراة بين برشلونة واسي ميلاان ..
<<((== والله مهوب سهل الصعيدي ..
عقدتنا بالأجنبي حتى بالكورة الله يخلف .. ماحناب فالحين وحنا حاطين هالاجنبي انه هو الأبرز ..
حتى بأقل اهتماماتنا .. ننظر اليهم بنظرة المتفوق علينا ..

<<((== ياشينك بعد اذا بديت اتفلسف وانت من جنبه الصعيدي ..

سي يو ..

[نبض المشاعر]

والله ان الخطأ راكبك ركوب ...

وراه ما اخذت امك معك كان ماتلومك على هالروحه ...

بيض الله وجهه اميمتك والله هذي المره اللي تعرف ...

وانت وش لك بالملاعب والحسره والضييييق والروائح يادافع البلاء ...

شفها بالبيت واحسن بالضعيف اللي ماوديته للحمام ...

بارك الله فيك واتمنى الكل يستفيد من خبرتك ولا عاد يروح للملاعب ويزعجونا ...

[مدحت شوقي بريده]

اقتباس المشاركة الأساسية كتبها نبض المشاعر والله ان الخطأ راكبك ركوب ... وراه ما اخذت امك معك كان ماتلومك على هالروحه ... بيض الله وجهه اميمتك والله هذي المره اللي تعرف ... وانت وش لك بالملاعب والحسره والضييييق والروائح يادافع البلاء ... شفها بالبيت واحسن بالضعيف اللي ماوديته للحمام ... بارك الله فيك واتمنى الكل يستفيد من خبرتك ولا عاد يروح للملاعب ويزعجونا ...

نبض المشاعر ..

اول شي ترى الموضوع من تسج الخيااااااااااااااال ..
لإني مارحت للملعب ولانيب رايح ان شاء الله ..

لاوتبي امي تروح للملعب .. امي تشوف الملعب وتقول .. دوك خضر ماشاء الله يلق ..
واويل تسبدتس ياحصة .. اويليه بس لو نص هالملعب كررييث ونصه جرجير ..
والله ان نجمع بوه خالتك هيله وخالك علي وخالك عزيز ..
ونكشت بوه كل يوم .. نحش من هالكريريث يالله من فضلك ..


وشكراً لك على مرورك الكريم ..


سي يو ..