[.:[Dr.Love]:.]

بســـــــــــــــــــم اللــــــــــــــــــــــــــــــه الرحمــــــــــــــــــــــــــــن الرحيـــــــــــــــــــــــــم

السلام عليكم ورحمة الله وبركاته ...

طبعا الموضوع باين من عنوانه .. جميعنا نلاحظ بعض مواضيع المنتدى على بلاطة مالها اي داعي ..

وخلونا نبدأ وحده وحده .. ببريدة ؟!

النخيل بلازا : وربي ان بعض الناس يروح ويدور أي شي غلط عشان يكتب موضوع انه فيه كذا وكذا ؟!

ياخي ليش تبي تسوي كذا ؟؟ ترى كل السعودية عندهم مجمعات تتعدى الخمس او الست منها ..

واحنا مامدانا ننبسط على واحد غير العثيم ؟! المفروض تستانس وتجيب مواضيع تفيد المنتدى ..

وخلينا نتكلم بالعقل .. لو واحد مو من الديرة .. وسجل وشاف الماوضيع هذي ايش تتوقع نظرته

لمجتمع بريدة ؟!

أول شي بيقول شكل بريدة بلاوي ..

ثاني شي يقول مواضيعهم عادية وفي بعض المواضيع تاااااااافه ..

والقضية اللي بالمجتمع واللي دائما نراها:

الغيبة :

بتسألون من أي ناحية .. كم شفت واحد يسولف مع جيرانهم ويقول شفت بنات فلان ؟!

مايلبسن عبايات زين ؟!

ياخوي مع احتارمي لك يالغالي .. عيب عليك هذي بناته وهو حر فيهم .. ولا بعد يقول لعياله

ثم عياله يقولون للعيال اللي بناتهم (مايلبسن عايات زين) ثم العيال يتهاوش هو وأخته ومدري ايش

والصحيح انه ماله كلمه على خواته إذا كان الوالد حي .. الهدف من هالنقطة ..

خلك بحالك !! .. لأنه بكرا بتبلى ببناتك وانت قبل تغيب بنات الناس ..

طبعا هذي نقطتين من نقاط .. لكن الوقت باقي ..

وفي الاخير بعضكم بيرد ويقول وش عرفك وانت جديد .. للأسف انا قديم لكن العضوية نسيتها

وسجلت مره ثانية .. والمنتدى على حاله نصهم يريدون تعقيده .. لكن المشرفين ماقصروا الله يخليهم ..

إحترامي للجميع/Dr.love

[اخو بشرى]

اخي يادكتور الحب
كلام واقعي
بس المثل يقول
تحّدر جبل ولا تغير طبع
يعني
تبتل متغير شيئ إلا مشاء الله
وشكراً أخي على الموضوع
وهو أكثر من رائع
وتقبل مروري

[ميغا]

اقتباس المشاركة الأساسية كتبها .:[Dr.Love]:. وخلينا نتكلم بالعقل .. لو واحد مو من الديرة .. وسجل وشاف المواضيع هذي ايش تتوقع نظرته لمجتمع بريدة ؟! إحترامي للجميع/Dr.love

لا شك أن هذا أمراً محزن .....
وهذا ما رأيته في بعض المواضيع منذ تواجدي بالمنتدى .....
فالبعض هداهم الله ... يكتب في كل شاردة وواردة ... بما يمليه عليه لسانه ونظره ...
وهذا ما أردت التركيز عليه ....
ولك الشكر أيها العزيز .....

محبكــ

أبو غيث

[.:[Dr.Love]:.]

اقتباس المشاركة الأساسية كتبها ميغا لا شك أن هذا أمراً محزن ..... وهذا ما رأيته في بعض المواضيع منذ تواجدي بالمنتدى ..... فالبعض هداهم الله ... يكتب في كل شاردة وواردة ... بما يمليه عليه لسانه ونظره ... وهذا ما أردت التركيز عليه .... ولك الشكر أيها العزيز ..... محبكــ أبو غيث

حقا قلتها .. وانت ايضا شاهدتها بعينيك .. وبعضهم الله يهديه يكتب الموضوع على أنه بتكون

الردود معه وأخرتها تكون ضده ولايرد عالموضوع يعني (مايعتب عليه) ..

سلمت يداك يابو غيث ..

[.:[Dr.Love]:.]

ردك جميل يالغالي .. بس (لن يغير الله ما بقوم حتى يغيروا مابأنفسهم)

خلونا نرتقي بمجتمعنا عن طريق أول خطوة وهي تغير مابالنفس ... عالأقل يرضى ربنا عنا ..صلينا استسقاء ولاصار

شي؟!

يسلمك ربي يأخوى بشرى .. شاكر لك مرورك يالغالي ...