دقّي لأمتس مابي حيل .. دقّي لرجلتس كلي حيييل > ؟ - عَطاء -

بريداوية ام الهبال · 09-04-2011, 01:07 PM

[BACKGROUND="80 #CCCC99"]

حينما يشتدّ أزرَ اللوزتين ويبدأن يكبرن شيئاً فـ شيئًا

و لساني يبدا يتبعرص مايدري وين يروح لوه .. إن انبطح حارش اللوزتين وبدت حالة الإستنفار

وإن رقى فوق كذلك ..
وإن بلعت ريدزك فـ اللهم صلِّ على محمّد يشتدّ الوطيس ><
وعلى هالحالة 48 ساعة .. أحس إنّي فخمة يوم أكتب 48 ساعة

منوّل لا قريت بالأخبار /
- جورج بوش يعلن عن حالة استقرار لمدّة الـ 48 ساعة القادمة ..
48 ساعة كم ذي ؟! شهر ولا سنة يبي يصير هالإستقرار

وأفرح لاشفت هالرقم أحس إنهم كريمين !
ماعرفت وش معناه إلا مرّتن قريت خبر

- بوش يعلن في خطابة التبن أنّه سيبدأ فرض العقوبات على العراق بعد الـ 48 الساعة القادمة ..
أنا قلت اييه أثره ريّض وييين وش يمرّر هالـ 48 ساعة الله يلحقنا خير كودنا نصير حيّين

والله ومادريت إلا من بعد باتسر ويضرب العراق ضربوا دميجتوه قولوا آمين ..

<<- عاد لا تدققون بأنباء الأخبار تراي لي 3 سنين وأنا ماحولك أحد بالأخبار والسياسية مريحين روسنا ماحنّب ناقصين وجع راس

,،

قبل 100 عام وفي تلك الحارة الصغيرة وبيوت الطين التي تملأ المكان ..
تظهر لنَا تلك المرأة التي لم يهدّها الزمان ولم يحرّك فيها شعره < اهب

- طبعاً السر إنه ماحرّك فيها ولا شعرة هو حليب النياق والبقر الطازج والسمن والزبدة وما إلى ذلك -
أتت على باب خشبيّ مُتهدلق وبدأت تطرق وتطرق
طقْ طقْ طقْ
.... / مِنّ ؟
جرادة / أنا جرادة .. جرادة
الحرمة بينه وبين نفسه ( جرادة غريبة وش جابه هالحزّة !! .. أكيييد عنده معرس لبنتي أسماء هالعانس ) /
ايييه تفضّلي تفضّلي الله يحيّتس هذي السّااااااعة المباركة ياجرادة ياخيّتي

< بدا شغل التليوِق

و تُدخل أم أسماء " جَرادة " في فناء المنزل .. و تُجلسها على ذاك الحصير
وَ الدزدر يطبخ و نيران الله الموقدة تحته والحرمة زايرتهم الساعة 7 الصبح ! .. وهالشيء هاللي مشبوبن عليه ذا مهب فطور ,
هذا الله العالم إنّه غداء + عشاء

حريم منوّل يعرفن يفكرن تحط له مطازيز ملا قدر العزايم اللي عندنا الحين هذاك اللي مير مانشوفه من تالي ! همن تجلد أمّه بالطبخ .
المهم وتأخذهن السواليف والمناشد والحش والحشيش طبعاً منوّل حلال

أم أسماء / دقيزة ياوخيتي جرادة بشوف بنتي أسماء هي خلّصت خابزة بَ التنّور ولا لا
و خل أقولّه تجيب من خبزه تذوقينه
والله يااااطعمه . . - وتحط اصبعه عند حجاجه لين رقبته مروراً بالخدّ وهي ضااغطتن عليه من زين طعم خبز بنته - . . إنه يهبّل

جرادة / اييه ماشاء الله ماشاء الله - بينما هي تلعب بمجاوله الذهب -
<<- اوجعن قلبي يوم قلت مجاوله الذهب هههههههه
وتنقز أم أسماء لبنته أسماء ولاه خامدتن بفراشة السنعة اللي كل شيء مسويته كما تزعم أمّه

/ أسماء أسماء قوووومي علّتن تضربتس قومي تملّحي والبسي الدناديش وقومي أختتس منيرة تجْدلتس 75 جديلة .. قومي وجع ماتسمعين

!!

وتروح أم أسماء للمطبخ وتطلّع الخبز اللي هي مصلحته وتظبطه وتحطّه
بهاك الصحن وتصفّه صفّن مظبوط وشوي إلا جايبتن البخور ومبخرته

وترجع لأسماء / هاااوّ أسماء ماقمتي قومي يابنتي يالله ..
و شوفي تراي مولمتن صحن الخبز جيبيه على دربتس ما أوصيّتس مب تنسين ..
ترجع أم أسماء لجرداة .. وجرادة مازالت تلعب بمجاولة

طبعاً هي ليه تلعب بمجاولة ؟

تبي ايقاله تموّه للحريم اللي تزورهن تقل ماعنده سالفة و24 ساعة هواجيس ومهب تنتبه
ولااا هي مشغلتن جميع الحواس ومخليتهن بحالة طواري

..
ولا يفوته شيء وماتغفل

..
قامت أسماء يوم انتبهت إن " جرادة " عندهم وهي طايرة من الوناسة
وتزيّن وتمرّ المطبخ مثل ماوصّته أميمته وتجيب الخبز وتجي وهي تبُوسم : )

جرادة / ماشاء الله هذي أي بناتتس ؟
أم أسماء وهي اتضحّك

/ هذي أسماء الكبيرة اللي تعرف الخياطة
تعالي بنيّتي وأنا أمّتس اقعدي وعطي خالتس جرادة من خبزتس تذوقه ..
أسماء وللحين متصنمه وتبوسم وتمدّ صحن الخبز لجرادة

..
جرادة وهي تذوق / ايه ماشاء الله هذا سواتس ؟
أسماء بخجل وعينه على أمّه , ياأمّه تعض على برطمه وتأشر له قولي أنا

/ ايه سواي ياخالة

بعد ذلك ودّعت جرادة أم أسماء وأسماء ..
أم أسماء / وووهـ يالله إنّه يوم خير علينا ويجي ولد الحلال اللي يضفّتس
منيرة المحمّد أعرست وهي أصغر منتس بخمسة أشهر ولطيفة بنت خالتس مخطوبتن أصغر منتس
وأنا قرادة حظّي دخلتي الـ 20 وأنتِ ما اعرستي

كلّه من سناعتس اللي توزن بلد

.. - وتلصع أم أسماء .. أسماء مع راسه -
الحين يالله تعالي معي للمطبخ أعلمتس وشلون تكبّين المطازيز

أسماء / يمّه بروح أنام منب مزينتن العوود
أم أسماء / طيّب دقّي الرحى يابنتي انفعي لو بتبن

أسماء / والله يمّه مابي حيل .
وتروح أسماء تنام تاركتن خلفها أمّاً مكلومة تنكب حضّها الرديء بهالبنت ..

لحسن الحظ نالت أسماء على إعجاب جرادة .. وخطبته على الفور بما إنّه ذاقت خبزه لولد الحلال ..
في ظهريّة الدزايلة جلست جرادة وأم أسماء يتناقشن في أمور الجهاز وما إلى ذلك , والعرس بعد باتسر مب مثلنا بعد 3 أشهر العرس

.

وأسماء جالستن بجوارهنّ تدقّ الرحى دقّاً .. دقّ الله بلعومه

طبعاً أسماء مهوب جود تدقّ والظاهر إن الرحى مابه شيء يندق
بس حتّى تظهر بأكمل صورة للأطخم خطيبة

..

بعد ماخرجت جرادة من عندهم قامت أم أسماء لبنتها أسماء ووقفت أمامها
- وأنتِ وش عندتس تدقّين الرحى من صبح الله .. كل عمري أشحذتس تدقّين لي فليفة ولا كمّون وتسهجينن ماتسنّي أحتسي ..
هذا إي والله المثل [ دقّي لأمتس مابي حيل .. دقّي لرجلتس كلّي حيل ]
قطططع

أنا ينبح حلقي بهالأوامر .. وولد الحلال بالساهل تخدمينه ؟
أنا اللي بي الأجر أميمتس

مهوب بهاك الثور

ا.هـ

تمثيل /
قامت بدور جرادة : أم الهبال
وبدور أم أسماء / أم الهبال
وبدور أسماء / أم الهبال
ضيف الشرف / قدر المطازيز

تنسيق /
أم الهبال

تصوير وضبط إضاءة /
أم الهبال

رسم /
أم الهبال

إخراج /

أم الهبال

ما يستفاد :
1- ياويل اللي تصير مثل البنت أسماء

2- لا طق أحد بابكم الصبح لا تفتحون له أكيد خطّابة !
3- الشخصيات بالرسم خصوصاً أم أسماء و جرادة متطنزات بالعجاج

4- الرحى هو حصاتين كبار محطوطات فوق بعض ويطحنن الحبوب وغيرها .
5- سر طول وكثر جدايل أسماء تدهن شوشته ب " ودِتسه "

6- مجاول الذهب اللي على " جرادة " عيار 24 .

و مع السلامة , واستروا ماواجهتوا

[/BACKGROUND]

كنز الألوان · 09-04-2011, 02:12 PM

أم الهباااااال جخه

يعني الي تطق الباب الصبح خطابة

قولي شحادة

نرجع لمحور حديثنا إقاله قالت شي عشان ترجع

ايه مير ياعمري انتي ملوزة

أجل موب راده على موضوعتس أخاف تعدينن

...............كف

رسمتس يهبل جخخخخه

ولا عاد جراااده حاطة عينه على أسماء خخخخخخخخخخخخخ

ميرعلى طاري جرادة وش هاالإسم له

مادري وش يحسون به أهله يوم يسمونه

لا وبعد عليه مجاول ذهب شكله تاجره ماشفت مجاول الذهب مارسمتيهن أبشوف هو صدز عيار 24

أوم هوبال بتله زي تسذا قوليلنا سواليف يوسعن الصدر

بريداوية ام الهبال · 11-04-2011, 04:20 PM

اقتباس

المشاركة الأساسية كتبها كنز الألوان


	أم الهباااااال جخه يعني الي تطق الباب الصبح خطابة قولي شحادة نرجع لمحور حديثنا إقاله قالت شي عشان ترجع ايه مير ياعمري انتي ملوزة أجل موب راده على موضوعتس أخاف تعدينن ...............كف رسمتس يهبل جخخخخه ولا عاد جراااده حاطة عينه على أسماء خخخخخخخخخخخخخ ميرعلى طاري جرادة وش هاالإسم له مادري وش يحسون به أهله يوم يسمونه لا وبعد عليه مجاول ذهب شكله تاجره ماشفت مجاول الذهب مارسمتيهن أبشوف هو صدز عيار 24 أوم هوبال بتله زي تسذا قوليلنا سواليف يوسعن الصدر

هلا وغلا بكنز وهـ يختي فديت خشّتس ولهين عليتس

لا الشحاذات برمضان بس و وغيره خطّابات واسألين تراي تسد اشتغلت خطّابة أدوّر امْدرسة

تبين أحلف يعني إنهن عيار 24 ؟

عاد بغيت أرسم المجاول بس لو تدرين متى كتبت الموضوع ورسمت وتسذا كله مرررش أول ما أشويت من اللوز كتبته على آخر يوم :"(

كنز أبشري شوفتس بالموضوع بسسس تحمّس

ليالي الشتاء · 09-04-2011, 02:12 PM

بس بنات ها الوقت لا تدق لامه ولا لرجله جازله رفالتهلا با الطقاق صراحه بنات ها الوقت يرفعن الضغط -ياويله تبي تنجلد- بس فعلا مافيهن رحمه لمهتهن مثل قبل تشوفين با الاستراحااااات والاجتماعات الام الي تضف وتشيل والبنات متمركيات ولا كانه امه الي تشتغل طبعا ما اظلم الجميع فيه بنات خدومات بس قليل القليل مشكور ام الهبال على الهبال وخاصه الرسومات حسيت اني اتقهوى معهن بس باليتك مغيره اسم اسماء علشان تظبط حصه هياء رقيه اي شي

شقاوة طفوله · 09-04-2011, 02:36 PM

قهررررررر
لالا كملي والله تحمسست

طيب وش صار ع رجله المسكين؟؟
عرفت تطبخ له وتشتغل ؟
والا فضحتهم؟؟؟

تريد اكماااااال القصه والا مظاهرات

الشعب يطالب باكمال القصه

الشعب يطالب باكمال القصه

الشعب يطالب باكمال القصه

حطيته باللون الاخضر
تاييد للون الشعب مدري تطقييم خخخخخ

بريداوية ام الهبال · 11-04-2011, 04:43 PM

اقتباس

المشاركة الأساسية كتبها شقاوة طفوله


	قهررررررر لالا كملي والله تحمسست طيب وش صار ع رجله المسكين؟؟ عرفت تطبخ له وتشتغل ؟ والا فضحتهم؟؟؟ تريد اكماااااال القصه والا مظاهرات الشعب يطالب باكمال القصه الشعب يطالب باكمال القصه الشعب يطالب باكمال القصه حطيته باللون الاخضر تاييد للون الشعب مدري تطقييم خخخخخ

اصبري أسأل أسماء وش صار عليه < بايخه
يختي ليتي مكملته بس كتبته علطول ونزلت الموضوع ما أمدى ><
خلاص " السبت إجازة " بس تكفون كلش ولا المظاهرات

شُكريا على هالحماس

متى يحل السلام؟؟؟ · 26-04-2011, 11:30 PM

اي تكفين كملي تراااي داخله جو معهم

حبكة القصه 100%

بريداوية ام الهبال · 11-04-2011, 04:29 PM

اقتباس

المشاركة الأساسية كتبها ليالي الشتاء


	بس بنات ها الوقت لا تدق لامه ولا لرجله جازله رفالتهلا با الطقاق صراحه بنات ها الوقت يرفعن الضغط -ياويله تبي تنجلد- بس فعلا مافيهن رحمه لمهتهن مثل قبل تشوفين با الاستراحااااات والاجتماعات الام الي تضف وتشيل والبنات متمركيات ولا كانه امه الي تشتغل طبعا ما اظلم الجميع فيه بنات خدومات بس قليل القليل مشكور ام الهبال على الهبال وخاصه الرسومات حسيت اني اتقهوى معهن بس باليتك مغيره اسم اسماء علشان تظبط حصه هياء رقيه اي شي

ههههههههههههههه إي والله إنتس صادزة الحين لا ذا ولا ذا .
العفو وشكراً على تعليقتس الفخم

جاء اسم أسماء كذا بدون تفكير

جنَــاحُ حُلمْ · 09-04-2011, 03:29 PM

> جناح حُلم له سآعه تقرآء الموضوع
دفي لأمتس مابي حيل دفي لرجلتس كلي حييل
فآهره درجه أولى

بالنسبه لوجعتس نزلي رآستس على المخده وفجي أثمتس
وأقحشي مسمآر وطببه بين لوزآتس بس لاتبلعين ريتس
خليتس منتصه تسذآ شوي

ولا تسآن أنتي ماتخافين جيبي أصبعتس الطويل

وألحسي
فوقيه وحطي به مسمار ولمسيه لوزآتس

شوفي
أن مانفع معتس لتس علي لآعزمتس على عسكريم لاشويتي

> بتموته

أولآه من متى وأنتي ماتعرفين للـ 48

يآبعد قليبي يـ أسمـآء أجل مسويه خبز
> قولي لأسمآكم المره الثآنيه بالقصه

ترى رجال هالوقت مايبون خبز متطورين

بالنسبه للودتسه والله أنتس صآدزه أذكر يوم أنا صغيره
> يوم أنا بالثآنوي صغيره

حطيته برآسي
والله يآهو طلع سعابيل على قولة أمي

سوبآله منول يجتمعن حريم جيرآننا الصبح وبوقت درآسه
صرت غآيبه قلت اتكشخ وأرتز أحسب الدعوه به شئ زين
أثرهن قمصآن تحوم التسبد والله أن برآطمهن يآبسآت زين لو ماعندهن رجال
لأحلف لتس أنهن ماغسلن

عاد شوفي لابدآ علك الكرآث تلوبه لوووب يقاله تنظفهم همن تنحره
لخشته يدخل نصه أثمه همن لاوصلت وسطه تسفته من أخريه
أنا مدري وش الحكمه من أنه ماتكمله تسذآ مثل بدآيته

همن يدخل وتبدآء تعلك وآيه آيه > تسمع سالفة الحريم

تعالي عاد لاطلعن انا انظف الغرفه ولاخشتي من سعابيلهن
> قصم لاتذكرت أقول وش قعدن عندهن

مآيستفآد من قصة أو الخوبآآآآآل
1- بناتنا بيرتزن من الصبح للخبز
2- لاطق البآب الصبح تراه خطآبه مب شحآذه على كيلامتس أوووما
عاد مب فآتحآت والله ياكم بنت وبنت بتنام بدرجتهم

3- أوم الهوبآل رجعتنا لمنول وعيشتنآ ذكريآت الحش الزين
ماتطلع الا هي عالكتن كل الكرآث ومشبره على حريم جيرآنهم

البآقي يطلع العنوآن محجووووووب

(( وتحط اصبعه عند حجاجه لين رقبته مروراً بالخدّ وهي ضااغطتن عليه من زين طعم خبز بنته - . . إنه يهبّل )) مير وصفتس وقسم بالله طعيم

موضوع جميل من فتآتووون جميلتووووون
طعيم لاتطول علينآ

بريداوية ام الهبال · 12-04-2011, 04:51 PM

جناح حلم /
بما إن ردّتس طويل أخذت الحسن وتركت الخبيث أمزح أمزح كله حسن بس اللي يحتاج تعليق

اقتباس


	دفي لأمتس مابي حيل دفي لرجلتس كلي حييل فآهره درجه أولى

أحووك :|
وشو دفّي معين تقرين أنتِ ؟
لا ياحبيبتي لا تقوّلينن مالم أقل < أخيرن قلت هالجملة أحس إنّه مسكته

ياخيّيتي أنا أقول دقّي دقّي من الدقّ

اقتباس


	أن مانفع معتس لتس علي لآعزمتس على عسكريم لاشويتي > بتموته

أشويت يالله اعزمين ( فيس مختبّ )

اقتباس


	أولآه من متى وأنتي ماتعرفين للـ 48

على بداية حرب العراق وتسذا عاد حسبي

اقتباس


	بالنسبه للودتسه والله أنتس صآدزه أذكر يوم أنا صغيره > يوم أنا بالثآنوي صغيره حطيته برآسي والله يآهو طلع سعابيل على قولة أمي

تراي أسمع به ولا ماكد جرّبته

أحس ريحته دسم

اقتباس


	عاد شوفي لابدآ علك الكرآث تلوبه لوووب يقاله تنظفهم همن تنحره لخشته يدخل نصه أثمه همن لاوصلت وسطه تسفته من أخريه أنا مدري وش الحكمه من أنه ماتكمله تسذآ مثل بدآيته

ههههههههههههههههههههههههههههههههههههه
أكاليوم عند عمّاتي سالفتنا الحريم والكرّاث ووش حركاتهن به
اللي تلوبه لوب على قولتس وترشّق الناس
واللي لا قضت " لايبته " تفركه بـ يدّينه لين يصير عصير " تعربده " بدون خبز ولا شيء

شكريات ياطنط

ديـالا · 09-04-2011, 03:49 PM

هههههههه جنان الصراحة
تصدقين توي ادري ان الاولين بعد يزبرقون البنت هههه اجل مهنى سنع الحين
عاد والله تذكرت وحدة من يوم وهي صغيرة وامة الله يهدية ناشبة بة زبرقة ههههه والله توة تدخل السنة
التحضرية؟؟

بريداوية ام الهبال · 14-04-2011, 09:03 PM

اقتباس

المشاركة الأساسية كتبها ديـالا


	هههههههه جنان الصراحة تصدقين توي ادري ان الاولين بعد يزبرقون البنت هههه اجل مهنى سنع الحين عاد والله تذكرت وحدة من يوم وهي صغيرة وامة الله يهدية ناشبة بة زبرقة ههههه والله توة تدخل السنة التحضرية؟؟

ايه الأولين يزبرقون البنت أيّما زبرقة

شكراً على حضورتس ديالا

اقتباس

المشاركة الأساسية كتبها نجود


	شوفي يام الهبال ودك تشوين باذن الباري كولي بصل ني هههههه دكتورة اعشاب ههه الطب البديل وه ياملحك انتي وقصه بس المشكله ان قصتك به ارواح رسم الروح لايجوز حبيبتي

الحمد لله أشويت

ياحبي لتس مارسمت ملامح للأشخاص ولا حتى عيون بس كذا مخليه الرسم شخاميط بدون تفاصيل ..
البنت بالصورة الثانية قصّته طالعه كأنه عيونه قايلات كذا " >< " وبس :$
وشكراً ليكِ وشكراً ع النصيحة ياحلوة

نجود · 09-04-2011, 04:20 PM

شوفي يام الهبال ودك تشوين باذن الباري كولي بصل ني
هههههه دكتورة اعشاب ههه الطب البديل

وه ياملحك انتي وقصه بس المشكله ان قصتك به ارواح رسم الروح لايجوز حبيبتي

ρίє¢є Όƒ Сђoсoζάtє · 09-04-2011, 05:07 PM

متأكدة ان معنى هالمثل تسذا ياخيتي شكلوه فاهر

الصدز ان موضوعتس ممــآآت والرسم حاجة ثانية اهم شي خطتس والله يانا ولهتن عليه
ننتظر موزوع اطول من هاك (ليالي اسماء

09-04-2011, 01:07 PM	#1
بريداوية ام الهبال قبس دائم تاريخ التسجيل: Jan 2008 البلد: بحارتن جميلة () المشاركات: 4,192	دقّي لأمتس مابي حيل .. دقّي لرجلتس كلي حيييل > ؟ - عَطاء - [BACKGROUND="80 #CCCC99"] حينما يشتدّ أزرَ اللوزتين ويبدأن يكبرن شيئاً فـ شيئًا و لساني يبدا يتبعرص مايدري وين يروح لوه .. إن انبطح حارش اللوزتين وبدت حالة الإستنفار وإن رقى فوق كذلك .. وإن بلعت ريدزك فـ اللهم صلِّ على محمّد يشتدّ الوطيس >< وعلى هالحالة 48 ساعة .. أحس إنّي فخمة يوم أكتب 48 ساعة منوّل لا قريت بالأخبار / - جورج بوش يعلن عن حالة استقرار لمدّة الـ 48 ساعة القادمة .. 48 ساعة كم ذي ؟! شهر ولا سنة يبي يصير هالإستقرار وأفرح لاشفت هالرقم أحس إنهم كريمين ! ماعرفت وش معناه إلا مرّتن قريت خبر - بوش يعلن في خطابة التبن أنّه سيبدأ فرض العقوبات على العراق بعد الـ 48 الساعة القادمة .. أنا قلت اييه أثره ريّض وييين وش يمرّر هالـ 48 ساعة الله يلحقنا خير كودنا نصير حيّين والله ومادريت إلا من بعد باتسر ويضرب العراق ضربوا دميجتوه قولوا آمين .. <<- عاد لا تدققون بأنباء الأخبار تراي لي 3 سنين وأنا ماحولك أحد بالأخبار والسياسية مريحين روسنا ماحنّب ناقصين وجع راس ,، قبل 100 عام وفي تلك الحارة الصغيرة وبيوت الطين التي تملأ المكان .. تظهر لنَا تلك المرأة التي لم يهدّها الزمان ولم يحرّك فيها شعره < اهب - طبعاً السر إنه ماحرّك فيها ولا شعرة هو حليب النياق والبقر الطازج والسمن والزبدة وما إلى ذلك - أتت على باب خشبيّ مُتهدلق وبدأت تطرق وتطرق طقْ طقْ طقْ .... / مِنّ ؟ جرادة / أنا جرادة .. جرادة الحرمة بينه وبين نفسه ( جرادة غريبة وش جابه هالحزّة !! .. أكيييد عنده معرس لبنتي أسماء هالعانس ) / ايييه تفضّلي تفضّلي الله يحيّتس هذي السّااااااعة المباركة ياجرادة ياخيّتي < بدا شغل التليوِق و تُدخل أم أسماء " جَرادة " في فناء المنزل .. و تُجلسها على ذاك الحصير وَ الدزدر يطبخ و نيران الله الموقدة تحته والحرمة زايرتهم الساعة 7 الصبح ! .. وهالشيء هاللي مشبوبن عليه ذا مهب فطور , هذا الله العالم إنّه غداء + عشاء حريم منوّل يعرفن يفكرن تحط له مطازيز ملا قدر العزايم اللي عندنا الحين هذاك اللي مير مانشوفه من تالي ! همن تجلد أمّه بالطبخ . المهم وتأخذهن السواليف والمناشد والحش والحشيش طبعاً منوّل حلال أم أسماء / دقيزة ياوخيتي جرادة بشوف بنتي أسماء هي خلّصت خابزة بَ التنّور ولا لا و خل أقولّه تجيب من خبزه تذوقينه والله يااااطعمه . . - وتحط اصبعه عند حجاجه لين رقبته مروراً بالخدّ وهي ضااغطتن عليه من زين طعم خبز بنته - . . إنه يهبّل جرادة / اييه ماشاء الله ماشاء الله - بينما هي تلعب بمجاوله الذهب - <<- اوجعن قلبي يوم قلت مجاوله الذهب هههههههه وتنقز أم أسماء لبنته أسماء ولاه خامدتن بفراشة السنعة اللي كل شيء مسويته كما تزعم أمّه / أسماء أسماء قوووومي علّتن تضربتس قومي تملّحي والبسي الدناديش وقومي أختتس منيرة تجْدلتس 75 جديلة .. قومي وجع ماتسمعين !! وتروح أم أسماء للمطبخ وتطلّع الخبز اللي هي مصلحته وتظبطه وتحطّه بهاك الصحن وتصفّه صفّن مظبوط وشوي إلا جايبتن البخور ومبخرته وترجع لأسماء / هاااوّ أسماء ماقمتي قومي يابنتي يالله .. و شوفي تراي مولمتن صحن الخبز جيبيه على دربتس ما أوصيّتس مب تنسين .. ترجع أم أسماء لجرداة .. وجرادة مازالت تلعب بمجاولة طبعاً هي ليه تلعب بمجاولة ؟ تبي ايقاله تموّه للحريم اللي تزورهن تقل ماعنده سالفة و24 ساعة هواجيس ومهب تنتبه ولااا هي مشغلتن جميع الحواس ومخليتهن بحالة طواري .. ولا يفوته شيء وماتغفل .. قامت أسماء يوم انتبهت إن " جرادة " عندهم وهي طايرة من الوناسة وتزيّن وتمرّ المطبخ مثل ماوصّته أميمته وتجيب الخبز وتجي وهي تبُوسم : ) جرادة / ماشاء الله هذي أي بناتتس ؟ أم أسماء وهي اتضحّك / هذي أسماء الكبيرة اللي تعرف الخياطة تعالي بنيّتي وأنا أمّتس اقعدي وعطي خالتس جرادة من خبزتس تذوقه .. أسماء وللحين متصنمه وتبوسم وتمدّ صحن الخبز لجرادة .. جرادة وهي تذوق / ايه ماشاء الله هذا سواتس ؟ أسماء بخجل وعينه على أمّه , ياأمّه تعض على برطمه وتأشر له قولي أنا / ايه سواي ياخالة بعد ذلك ودّعت جرادة أم أسماء وأسماء .. أم أسماء / وووهـ يالله إنّه يوم خير علينا ويجي ولد الحلال اللي يضفّتس منيرة المحمّد أعرست وهي أصغر منتس بخمسة أشهر ولطيفة بنت خالتس مخطوبتن أصغر منتس وأنا قرادة حظّي دخلتي الـ 20 وأنتِ ما اعرستي كلّه من سناعتس اللي توزن بلد .. - وتلصع أم أسماء .. أسماء مع راسه - الحين يالله تعالي معي للمطبخ أعلمتس وشلون تكبّين المطازيز أسماء / يمّه بروح أنام منب مزينتن العوود أم أسماء / طيّب دقّي الرحى يابنتي انفعي لو بتبن أسماء / والله يمّه مابي حيل . وتروح أسماء تنام تاركتن خلفها أمّاً مكلومة تنكب حضّها الرديء بهالبنت .. لحسن الحظ نالت أسماء على إعجاب جرادة .. وخطبته على الفور بما إنّه ذاقت خبزه لولد الحلال .. في ظهريّة الدزايلة جلست جرادة وأم أسماء يتناقشن في أمور الجهاز وما إلى ذلك , والعرس بعد باتسر مب مثلنا بعد 3 أشهر العرس . وأسماء جالستن بجوارهنّ تدقّ الرحى دقّاً .. دقّ الله بلعومه طبعاً أسماء مهوب جود تدقّ والظاهر إن الرحى مابه شيء يندق بس حتّى تظهر بأكمل صورة للأطخم خطيبة .. بعد ماخرجت جرادة من عندهم قامت أم أسماء لبنتها أسماء ووقفت أمامها - وأنتِ وش عندتس تدقّين الرحى من صبح الله .. كل عمري أشحذتس تدقّين لي فليفة ولا كمّون وتسهجينن ماتسنّي أحتسي .. هذا إي والله المثل [ دقّي لأمتس مابي حيل .. دقّي لرجلتس كلّي حيل ] قطططع أنا ينبح حلقي بهالأوامر .. وولد الحلال بالساهل تخدمينه ؟ أنا اللي بي الأجر أميمتس مهوب بهاك الثور ا.هـ تمثيل / قامت بدور جرادة : أم الهبال وبدور أم أسماء / أم الهبال وبدور أسماء / أم الهبال ضيف الشرف / قدر المطازيز تنسيق / أم الهبال تصوير وضبط إضاءة / أم الهبال رسم / أم الهبال إخراج / أم الهبال ما يستفاد : 1- ياويل اللي تصير مثل البنت أسماء 2- لا طق أحد بابكم الصبح لا تفتحون له أكيد خطّابة ! 3- الشخصيات بالرسم خصوصاً أم أسماء و جرادة متطنزات بالعجاج 4- الرحى هو حصاتين كبار محطوطات فوق بعض ويطحنن الحبوب وغيرها . 5- سر طول وكثر جدايل أسماء تدهن شوشته ب " ودِتسه " 6- مجاول الذهب اللي على " جرادة " عيار 24 . و مع السلامة , واستروا ماواجهتوا [/BACKGROUND] __________________ . . . ثمّة نساء يُصبحن أجمل في الغياب "/ ! .

09-04-2011, 02:12 PM	#2
كنز الألوان عـضـو تاريخ التسجيل: Dec 2008 البلد: من سكان الأرض المشاركات: 1,821	أم الهباااااال جخه يعني الي تطق الباب الصبح خطابة قولي شحادة نرجع لمحور حديثنا إقاله قالت شي عشان ترجع ايه مير ياعمري انتي ملوزة أجل موب راده على موضوعتس أخاف تعدينن ...............كف رسمتس يهبل جخخخخه ولا عاد جراااده حاطة عينه على أسماء خخخخخخخخخخخخخ ميرعلى طاري جرادة وش هاالإسم له مادري وش يحسون به أهله يوم يسمونه لا وبعد عليه مجاول ذهب شكله تاجره ماشفت مجاول الذهب مارسمتيهن أبشوف هو صدز عيار 24 أوم هوبال بتله زي تسذا قوليلنا سواليف يوسعن الصدر __________________ ظِلّ مَكْسُور وكِسِير لِليتَآمَى وَالفَقِيرْ ظِلّ ظِّلهْ كَمْ مَلآيين ورَفَآهِية رَغِيدَة ظَلّ طِفْلِ فِي بَرَآءَة حَآكه فِي ظِلّ الكِبيرْ ظِلّ عَآدَآت وتَقَآلِيد جَثتْ فُوقَ العَقِيدَة ظِلّ ثَآبِتْ ظِلّ آمِنْ وَحدَهُ ظِلّ الشّرِيعَة ظِلّنآ هُو عَرْش رَبّي خَآِلق وآحنَآ عَبِيدَه ظِلّ جَآمِعْ لِلمَحَبّة وَالوَلأء يَجْمَعْ جِمِيعَهْ ظِلّهَآ ظِلّ الجزِيرَة شَآمِل ظِلآلِ عَدِيدَة

09-04-2011, 02:12 PM	#4
ليالي الشتاء عـضـو تاريخ التسجيل: May 2009 البلد: في قلب كل من يحبني المشاركات: 314	بس بنات ها الوقت لا تدق لامه ولا لرجله جازله رفالتهلا با الطقاق صراحه بنات ها الوقت يرفعن الضغط -ياويله تبي تنجلد- بس فعلا مافيهن رحمه لمهتهن مثل قبل تشوفين با الاستراحااااات والاجتماعات الام الي تضف وتشيل والبنات متمركيات ولا كانه امه الي تشتغل طبعا ما اظلم الجميع فيه بنات خدومات بس قليل القليل مشكور ام الهبال على الهبال وخاصه الرسومات حسيت اني اتقهوى معهن بس باليتك مغيره اسم اسماء علشان تظبط حصه هياء رقيه اي شي __________________

09-04-2011, 02:36 PM	#5
شقاوة طفوله عـضـو تاريخ التسجيل: Jan 2011 البلد: بريده المشاركات: 548	تسلم يدياتك ياحلوووووووة قهررررررر لالا كملي والله تحمسست طيب وش صار ع رجله المسكين؟؟ عرفت تطبخ له وتشتغل ؟ والا فضحتهم؟؟؟ تريد اكماااااال القصه والا مظاهرات الشعب يطالب باكمال القصه الشعب يطالب باكمال القصه الشعب يطالب باكمال القصه حطيته باللون الاخضر تاييد للون الشعب مدري تطقييم خخخخخ

26-04-2011, 11:30 PM	#7
متى يحل السلام؟؟؟ عـضـو تاريخ التسجيل: Apr 2011 البلد: بريدة المشاركات: 370	اي تكفين كملي تراااي داخله جو معهم حبكة القصه 100% __________________ " 19-12-1433 بانتظــــآر ذآك اليـــــوم .. " الحمد لله الحمد لله حتى يبلغ الحمد منتهاه !!

09-04-2011, 03:29 PM	#9
جنَــاحُ حُلمْ قبس دائم تاريخ التسجيل: Dec 2010 البلد: في قلب أمي ♥ المشاركات: 1,960	> جناح حُلم له سآعه تقرآء الموضوع دفي لأمتس مابي حيل دفي لرجلتس كلي حييل فآهره درجه أولى بالنسبه لوجعتس نزلي رآستس على المخده وفجي أثمتس وأقحشي مسمآر وطببه بين لوزآتس بس لاتبلعين ريتس خليتس منتصه تسذآ شوي ولا تسآن أنتي ماتخافين جيبي أصبعتس الطويل وألحسي فوقيه وحطي به مسمار ولمسيه لوزآتس شوفي أن مانفع معتس لتس علي لآعزمتس على عسكريم لاشويتي > بتموته أولآه من متى وأنتي ماتعرفين للـ 48 يآبعد قليبي يـ أسمـآء أجل مسويه خبز > قولي لأسمآكم المره الثآنيه بالقصه ترى رجال هالوقت مايبون خبز متطورين بالنسبه للودتسه والله أنتس صآدزه أذكر يوم أنا صغيره > يوم أنا بالثآنوي صغيره حطيته برآسي والله يآهو طلع سعابيل على قولة أمي سوبآله منول يجتمعن حريم جيرآننا الصبح وبوقت درآسه صرت غآيبه قلت اتكشخ وأرتز أحسب الدعوه به شئ زين أثرهن قمصآن تحوم التسبد والله أن برآطمهن يآبسآت زين لو ماعندهن رجال لأحلف لتس أنهن ماغسلن عاد شوفي لابدآ علك الكرآث تلوبه لوووب يقاله تنظفهم همن تنحره لخشته يدخل نصه أثمه همن لاوصلت وسطه تسفته من أخريه أنا مدري وش الحكمه من أنه ماتكمله تسذآ مثل بدآيته همن يدخل وتبدآء تعلك وآيه آيه > تسمع سالفة الحريم تعالي عاد لاطلعن انا انظف الغرفه ولاخشتي من سعابيلهن > قصم لاتذكرت أقول وش قعدن عندهن مآيستفآد من قصة أو الخوبآآآآآل 1- بناتنا بيرتزن من الصبح للخبز 2- لاطق البآب الصبح تراه خطآبه مب شحآذه على كيلامتس أوووما عاد مب فآتحآت والله ياكم بنت وبنت بتنام بدرجتهم 3- أوم الهوبآل رجعتنا لمنول وعيشتنآ ذكريآت الحش الزين ماتطلع الا هي عالكتن كل الكرآث ومشبره على حريم جيرآنهم البآقي يطلع العنوآن محجووووووب (( وتحط اصبعه عند حجاجه لين رقبته مروراً بالخدّ وهي ضااغطتن عليه من زين طعم خبز بنته - . . إنه يهبّل )) مير وصفتس وقسم بالله طعيم موضوع جميل من فتآتووون جميلتووووون طعيم لاتطول علينآ __________________ " من لَديه صديق يملىء حيآته بِ السعآده فليحتفظ به ’ فَ الحيآة لم تعد كمآ كآنتّ الآوفيآء رحَلوآ وحَآفظين الآسرآر قلوآ .. والحآسدين كثروآ ( )َ....

09-04-2011, 03:49 PM	#11
ديـالا Registered User تاريخ التسجيل: Sep 2010 البلد: بمكاني .. المشاركات: 1,283	هههههههه جنان الصراحة تصدقين توي ادري ان الاولين بعد يزبرقون البنت هههه اجل مهنى سنع الحين عاد والله تذكرت وحدة من يوم وهي صغيرة وامة الله يهدية ناشبة بة زبرقة ههههه والله توة تدخل السنة التحضرية؟؟

09-04-2011, 04:20 PM	#13
نجود عـضـو تاريخ التسجيل: Dec 2008 البلد: بريدة ديرتي المشاركات: 2,026	شوفي يام الهبال ودك تشوين باذن الباري كولي بصل ني هههههه دكتورة اعشاب ههه الطب البديل وه ياملحك انتي وقصه بس المشكله ان قصتك به ارواح رسم الروح لايجوز حبيبتي __________________ hp?t=261973

09-04-2011, 05:07 PM	#14
ρίє¢є Όƒ Сђoсoζάtє قبس دائم تاريخ التسجيل: Feb 2008 البلد: - المشاركات: 2,435	متأكدة ان معنى هالمثل تسذا ياخيتي شكلوه فاهر الصدز ان موضوعتس ممــآآت والرسم حاجة ثانية اهم شي خطتس والله يانا ولهتن عليه ننتظر موزوع اطول من هاك (ليالي اسماء __________________ استغفرالله العظيم واتوب إليه ...