[** حَـنيـنُ الأُخـوَّة **]

السلام عليكم ورحمة الله وبركاته ........


في يوم 4/9 حدث أنني كنت أصور كل شي لكم ..

بدأ يومي .. بعد الفجر بأن كنت اختم مجلسي الرمضاني .. طبعا استغرق علي وقت طويل نوعا ما .. لأنني أكتب الموضوع ارتجالا إلا من بعض الاستشهادات .. المهم مالكم بالتفاصيل << والله من التفاصيل الي بتشوفوووون خخخخ

هذي صورة شاشة محمولي وأنا اكتب الرد ..


للأسف إن الصورة مالغة شوي .. لكن هذا الي تيسر ..

بعد أن انهيت الموضوع .. تمشيت لي برهة من الزمن في أقرب المنتديات إلى قلبي ..

نعم احبه وسأعلن اسمه الصريح ..

لن أخاف الحذف .. ولن اخشى المشرفات ..


لن يهمني ماذا سيحصل لي بعد أن اعترف بحبه ..



إنه (( بريدة سيتي )) <<<<< صادوووووووووووه ..


بعد ذلك خلدت لفراشي ونمت نومة هنيئة ولله الحمد ..

استيقظت الظهر وصليت .. بعد ذلك سويت بعض شغيلاتي ..

أممممم وبدينا في الجد بعد صلاة العصر ... والله يجزاه خير الي قعد يسولف عندي ويوسع صدري << لا يروح فكركم بعيد .. أقصد الشيخ المغامسي بالإذاعة مع فهد السنيدي ..

سويت بسبوسة .. وكانت المقادير كثيرة .. تعمدت ما أقللها عشان لي هدف اقوله بعد الصور ..

صورة مقادير البسبوسة وهن مبسوطات بالصحن الدوار .. حقهن .. خخخخخ



الكمية كثيرة لذلك صبيتها في صينيتين ..

وحدة رشيت فوقها شعيرية ولوز .. والثانية أمطرت عليه شرايح لوز ..

صورة لعيونكم الحلوييييين





وهذي صورة أقرب للناس الي عندهم ضعف بالنظر ..



بعد ذلك دخلناها الفرن .. وخلال هالوقت سويت شوربة بالدجاج .. وسمبوسة ( جبن مالح + بقدونس ) لي ..

ومن الفريز أخذت : سمبوسة باللحم ,, سبرنغ رول محشى خضار ,, كبة جاهزة << بس ما انصحكم به ...

وتم إعدامها في الزيت الحااامي << يالله النجاة من النار

وهذي صورتها بعد القلي :




وبعدها سويت قهوة للفطور .. ولقيت الهيل المطحون مخلص .. لذلك طحنت طحنة هيل .. وحبيت افيدكم بحركة حلوة اسويها بالهيل .. وهي اني أطحن طحنة هيل .. واخلط معه ملعقتين كبار خلطة قهوة بنفس علبة الهيل ..

وهذي كميرتي تويق بعلبة الهيل .. تفرجوا معها ..



ونرجع للبسبوسة .. الحمدلله ضبطت كله ملح ماشاء الله ..







على فكرة نسيت اقولكم سر هالكمية الكبيرة على 2 نفر .. ياملحنا وه بس ..

بعد مابردت البسبوسة قطعتها و وزعتها بصحون ( كل صحن الي يكفي لقهوتنا ) وغلفتها زيين زييين .. وإلى الفريزر ..
؛؛؛؛ لكن انتبهي أهم شي يكون التغليف محكم جدا .. عشان ماتمسك ريحة من الفريزر ...

وهذي طريقة معتمدتها دايم عندي .. مهب كل ما بغيت اسوي شي .. سويت نقطة نقطة .. كذا اسهل واريح واوفر .. وطبعا تناسب العوايل الصغيرة .. وحتى الحمايل تصلح لهم .. ممكن تغلف الصينية كله بكبره ..
يازين الشي الي إذا احتجتيه يفزع لك .. ماغير تحطينه شوي بالميكروويف .. وأحلى حلى ..



.... الحين موعدكم مع عصيري المفضّل << ترى مفيد بس للأسف محقور ..

الي هو قمر الدين .. ودكم تجربونه ؟!!

هذا الكأس لأول وحدة تطلبه .. سمي يالغالية :



قرب أذان المغرب في الديار المحمدية .. في المدينة النبوية على ساكنها أزكى الصلاة والتسليم ..
وهاهي قهوتي جاهزة مع التمر والقشطة .. وصحن صغنون بسبوسة .. وزبادي << متأثرة بأهل المدينة ههههه

والمشرووب .. ماء بارد تتلهف لقطراته خلايا الجسد الموهن بالحر ..

صورة جماعية للتمر والحلى والقهوة :

رجاء الجميع يبتسم .. قولوا تشييييييييرز ..




و من طقوسي اليومية قبل أذان المغرب تبخير البيت - خاصة بعد القلي والطبخ - اليوم بخرت بمعمول الحجر الأسود .. ريحته حليوة .. تغيير عن البخور ..



وبعد صلاة المغرب هو وقت عشائنا .. المقليات أعلاه وشوربة وعصير ... ويارب لك الحمد .. طبعا يشاركنا طعام العشاء .. ضيف غالي .. إنه (( غبار الهجير )) يأتي بعد الصلاة مباشرة ..


نتعشى على عجل .. نستعد للذهاب لجنة الدنيا ... الحرم النبوي .. وما اغلاه في قلبي ..




دامت مناراتك شامخة يا مسجد رسول الله عليه الصلاة والسلام ..
صلينا العشاء وكان إمامنا الشيخ علي الحذيفي .. ثم صلى بنا التراويح الشيخين ... حسين آل الشيخ .. وصلاة البدير .. وكان القنوت للشيخ صلاح البدير .. قمت بتسجيله لكنّ حتى تعشن الجو الذي عشته .. يارب لك الحمد والشكر ..
تفضلن هديتي :

تحميل الملف من هنا

...

http://up4.m5zn.com/download-2009-8-25-09-xfhkacrh7.amr


[RAMS]http://up4.m5zn.com/download-2009-8-25-09-xfhkacrh7.amr[/RAMS]


الملف الصوتي إهداء خاص لشقيقتي .. هنوووو .. الله لايحرمك زيارة المدينة قريب ياخيتي ..
(( وضعت كل الروابط .. لأنها المرة الأولى التي انزل فيها ملف صوت )) جربوا الرابط شغال أو ايش؟


وبعد الصلاة جلسنا قليلا بإنتظار - تخف الزحمة - وحين خرجت التقطت لكم هذة الصورة .. وأنا متجهة لمواقف الحرم ..



صورة من داخل المواقف :



وعلى بال ما طلعنا من زحمة المنطقة المركزية .. واتجهتا للمنزل .. مررنا بجوار دكان لزييييز .. كانت الساعة ..




وماكنا مشتهين عشاء ... لذلك قررنا يكون عشانا هذا الشيء الجالس على البيالة << لزوم التصوير ..ههههه


























وهذي صورة لحارتنا ..



وبعد ماوصلنا للبيت وتعشينا آيسكريم .. جلست على النت .. ثم أخذت لي كأس حليب وتفاحة <<< أحلى يا أنا .... صايرتن كشخة تشربين حليب ..

وبعدها كملت بعض اشغالي .. ويوم قرب وقت السحور تسحرت .. ماااااااء .. وصليت الفجر ..


أتمنى أنكم انبسطتوا معي .. وشفتوا حياتي كيف بعيد عن أهلي وأحبابي ..


وبالنهاية طلب صغنووون ...


(( أبيكم تدعون لنا ننقل لبريدة ..ادعن لي ياخياتي ...صحيح مرتاحين بالمدينة ..لكن و الله العظيم تعبت من الحل والترحال .. تعبت من الغربة والحرمان ... فشلت من شناطي من كثر ما فتحتهن وصكيتهن .. فشلت من الطرق السريعة والبطيئة كمان ...

بقلبي شي كبيييييييير ودي أكبه لكنّ بموضوع أطلع بووه الي بقلبي ..بس مدري متى تجي حزة هالموضووع ..

ادعو لنا .. والله يتقبل منا ومنكم صالح العمل والدعاء )) <<< خاتمة فاشلة أحس إني نكدت عليكم !!!

هذا وصلى الله وسلم على نبينا محمد ..
وسبحانك اللهم وبحمدك أشهد أن لا إله إلا أنت أستغفرك وأتوب إليك ..

[العابرة]

وَ اقرأ الموضوع ولي رجعة بأذن الله.ق2

[** حَـنيـنُ الأُخـوَّة **]

اقتباس المشاركة الأساسية كتبها العابرة وَ اقرأ الموضوع ولي رجعة بأذن الله.ق2

اللهم إني أسألك الثبات على الحق لي ولزوجي ووالدينا وحبيباتي في بريدة سيتي .. ووالديهم أجمعين ..

[ما تَهَاب]

ماشاءالله عليك يابريداوية يومك حلووووو

آهـ ياحرم المدينة

الله يعجل بنقلتكم لبريدة كان فيها خيرة لكم ..

[** حَـنيـنُ الأُخـوَّة **]

اقتباس المشاركة الأساسية كتبها ماتهاب ماشاءالله عليك يابريداوية يومك حلووووو آهـ ياحرم المدينة الله يعجل بنقلتكم لبريدة كان فيها خيرة لكم ..

يسعد لي أيااامك يالغلا ..

تحبين الحرم ...؟؟ تعالي وخلينا نشوفك ..

الله يعجل بنقلنا ويعجـــــــــــــــــــل فيها الخيرة يارب ياكريم ...

شكرا لمرورك ودعائك ..

[العابرة]

هلا والله بـ بريداوية.
وماخاب ظني فيك.ق2
في يوم 4/9 حدث أنني كنت أصور كل شي لكم ..

أحد قال لك أننا مانحب التقارير .؟
دحنا مئطوع سرنا بصور

لا واللهِ مو مالغة ولا شي..مو مهم الدقة بقد تنوع الصور :113 ق2
بل العكس شفناك وأنتِ تكتبي لنا دائمًا خ2

نعم احبه وسأعلن اسمه الصريح ..
لن أخاف الحذف .. ولن اخشى المشرفات ..
لن يهمني ماذا سيحصل لي بعد أن اعترف بحبه ..

القوست ينتظرك
ياحبنا لك والله..وحظنا أننا نكون نحن أقرب منتدى لـ قلبك يؤ3

أممممم وبدينا في الجد بعد صلاة العصر ... والله يجزاه خير الي قعد يسولف عندي ويوسع صدري << لا يروح فكركم بعيد .. أقصد الشيخ المغامسي بالإذاعة مع فهد السنيدي ..

وأنا اللي راح فكري لـ بعيد أحسبه عصفورة من الشباك

أوووو يالإذاعة تضاف ضمن الأجواء الرمضانية في آل بيتنا الكريم خ2

طيب ماتحطي عند بابنا مع المغرب يؤ2
البسبوسة أحبها بس ما أحب تصليح بيتنا..أما لو تزينها بسة بس بالشارع كان أدوخ عندها .!

وتم إعدامها في الزيت الحااامي << يالله النجاة من النار

اللهم آمين ياربّ..
إعدامها ه2
يا أنا غبار عن سمبوسة الزيت
أتوقع لي 3 سنوات ما أكلتها

أفتينا مأجورة يؤ3
ما حكم خلط القهوة مع الهيل :؟:
وما الفائدة في ذلك :؟:

قلب من هنا لـ حد فريزلك
وهذي طريقة معتمدتها دايم عندي .. مهب كل ما بغيت اسوي شي .. سويت نقطة نقطة .. كذا اسهل واريح واوفر .. وطبعا تناسب العوايل الصغيرة .. وحتى الحمايل تصلح لهم .. ممكن تغلف الصينية كله بكبره ..
يازين الشي الي إذا احتجتيه يفزع لك .. ماغير تحطينه شوي بالميكروويف .. وأحلى حلى ..

ياحبي لـ قلبك أنتِ وصايحك
والله فكرتك مو شينة..
وأما الأشياء المفرزلة فـ اسأليني عن راحتها
خصوصًا مع التلفون اللي يجي فجأة.._وتنفعك برمضان أو غيره._

قمر الدين..قمر الدين أختاري وحدة من البثرين خ2
ما أحبه..!! أو بالأحرى دائمًا أتجنب شربه ولا أدري ليه.!
بالرغم من أني ماقد شربته.!!!!!!

وزبادي << متأثرة بأهل المدينة ههههه
أي والله أنك متأثرة..أجل زبادي يالظالمة..زبـادي
بس وش نقول من عاشر قومًا

و من طقوسي اليومية قبل أذان المغرب تبخير البيت - خاصة بعد القلي والطبخ - اليوم بخرت بمعمول الحجر الأسود .. ريحته حليوة .. تغيير عن البخور ..
والله حلوة أنك تولعيها المغرب..
حنا طقسنا البخور بعد صلاة العشاء
والفواحة 24 ساعة مولعة

ماشاءالله ربي يسعدك ياشيخة..لو مايجيك من المدينة ألا الصلاة بالحرم.ق2
وربي يسلمك على الهدية ق2 ق1
والروابط شغالة أما المباشر فهو غير شغال..
ومو مهم طالما أن الغير مباشر شغال فـ يحكفي ق2

ق2..

يخرب بيت عدوك على التعذيب اللي تعرفينه خ2
ما هزا يا بنت ذذ
بالعافية على قلبك..
أنبسطنا معاك..وربي يسلمك على التقرير عيشتينا يومك لحظة..بلحظة..
ربي يبسطك ياربّ.ق2

أبيكم تدعون لنا ننقل لبريدة ..ادعن لي ياخياتي ...صحيح مرتاحين بالمدينة ..لكن و الله العظيم تعبت من الحل والترحال
ربي يكون معك ويحقق مبتغاك..بأذن الله.
لاتفكري أنك وبغربة أنتِ هنا عند أهلك وناسك..بيئتك مو مثل غيرك رايحين لا بيئه بيئتهم ولا الاهل أهلهم بس يالله هذي الدنيا..إذا نبي ننجح نصبر ونكافح.
صحيح بعيدة عن أهلك.,أمك / خواتك بس والله حال أحسن من حال.
لكِ دعواتي بأذن الله..
وترى مافي أحد مرتاح بعيشته..تأكدي. ق2
وَ مُميز ق2

[رُوَاءَالرُّوح]

يوم ايجابي فذ., برايدوايه بحته الله لايحرمك اجر مابذلتيه بمجلسك.
بسبوسه عشقي اشتهيته احد ينزل شي يوكل هالحزه
الصراحه منظره جناااااااان شكلها لذيذه تسلم الاصابع.
هني يالك الصلاة بالحرم المدني والله ياانا لشفته
تجين رعشة خوووووووف مب طبيعيه بسبب موقف حصل لي.

اجل ندعيلك.. انا ماعندي مانع نأخذ مكانك انا ومتفائل < لايفوتس اسم ولدكم
لاتشرهين احب استلعب ..

دعواتي لك لن تقف بإذن الله., ولكن حاولي انك تطمنين نفسك
انك مازلتي بالسعوديه., وقريبه جداً ولا الوم شوقك
لبريده الغاليه.

نشكرتصويرك لـ سيارات الجيران

*مشكوره حياتي ماقصرتي قمة الروعه*

[** حَـنيـنُ الأُخـوَّة **]

العابرة ..

هلافيك ياقلبي ... والحمدلله إني عند حسن الظن ..

وبالنسبة للتقارير ... ابشروا إن شاء الله بالهطووول المفيد اللزيز ..

أجل شفتين وانا أكتب لكم ...>>>> أشوى إني متغللة وإلا كان الله يستررررررر ..


أجل عصفوووورة .. <<<< اي والله العصفورة توسع الصدر بس مهوووب بالمطبخ .. بل بالحديقة .. << كم باء في الجملة الأخيرة .. خخخخخ

فديتك وفديت قلبك تبين بسبوسة .. <<<< من أول ابكز لك صحن محترم .. ولكن هونت .. بسة أجل بسة ؟؟؟ خير إن شاء الله ؟؟!!

<<< شانت العشرة ..

وأما الهيل فلا يخلط بالقهوة .. يابنتي انا قلت (( خلطة قهوة )) مهووووب قهوة .. تخلط مع (( هيل )) اسرع واريح بدال ماتحطينه لحاله بالزمزمية .. خليه مع ربعه عشان ماتوححححشششش ...

................

ماتحبين قمر الدين ؟؟!!

طيب تحبين عصير المشمش؟؟

هو هو حمود بس غيروا اسمه ... ههههه


فاصل إعلاني :

قمردين ..

يخلي عيونك يلمعيييين

وخدودك يورديييين

ويبعد عنك المرضيييييين


خخخخخخخخخخخخخخخخخخخخخخخخخخخخخخ

الإعلان تحت رعاية منتديات بريدة سيتي ...



......... عدنا ..

الزبادي جربيه مع طمر - وفي رواية تمر - أحسن من القشطة وأنفععع مليون مرة عنها ...



شكرا لمرورك جميلتي .. وشكرا لتعليقاتك الظريفة ..

وربي يجزاك خير على كلماتك الحلوة بآخر ردك .. يسعد لي طلتك ..



واااااو .. مميز << تف تف .. لا أنحت روووحي << حسافة عااد ....

[** حَـنيـنُ الأُخـوَّة **]

اقتباس المشاركة الأساسية كتبها سرعة بديهه يوم ايجابي فذ., برايدوايه بحته الله لايحرمك اجر مابذلتيه بمجلسك. بسبوسه عشقي اشتهيته احد ينزل شي يوكل هالحزه الصراحه منظره جناااااااان شكلها لذيذه تسلم الاصابع. هني يالك الصلاة بالحرم المدني والله ياانا لشفته تجين رعشة خوووووووف مب طبيعيه بسبب موقف حصل لي. اجل ندعيلك.. انا ماعندي مانع نأخذ مكانك انا ومتفائل < لايفوتس اسم ولدكم لاتشرهين احب استلعب .. دعواتي لك لن تقف بإذن الله., ولكن حاولي انك تطمنين نفسك انك مازلتي بالسعوديه., وقريبه جداً ولا الوم شوقك لبريده الغاليه. نشكرتصويرك لـ سيارات الجيران *مشكوره حياتي ماقصرتي قمة الروعه*

هلا بدوووهة ... ولايحرمكم ربي أجر مشاركتكم الفعّالة لي ..
ليتك قريبة .. قصدي ليتي قريبة كان أكز لك منه .. تسستاهلين حبيبتي .. مهب مثل بعض ناااااس خخخخخخخ


وشو موقفك ياليت تقولينه لنا ..

الله يتقبل دعائك يارب .. وخلاص أنا موافقة بس أيهم متفائل .. الحول ولا العرج ولا الهدر ؟؟!!! ياويلي من الحمولة كشفت اسرارهم .. بس انتم تمونون خخخخخخخخخخخخخخخ


أجل جازن لك سيارات جيراننا .. شكلك تهتمين بالسيارات .. ياخوفي لو يسوقن الحريم .. نشوفك تطامرين بالهلي وانتي فاجتن كشرتس .. ياخوووفي بعد ؟؟!!!!




العفو ياقلبي نورتينا ..

[** حَـنيـنُ الأُخـوَّة **]

العابرة ..

يسلموا عالتميززززززز .. ياحبي لكم ... تقدروون الجهوود المبذولة لعيون المنتدى الحبيب ..

على السريع ابرد عليك ... مهب قهوة مع هيل !!!!

هيل مع خلطة قهوة هذيك الي يسوونه الحريم وتحطين قنزة منه بالزمزمية .. فهمتي ؟؟؟

الله يستر لا تزعل امك مني اليوم .. انتبهي لا تهببين يا عبعب ..

[** حَـنيـنُ الأُخـوَّة **]

على السريع ايضا ::

سرعة بديهه ... عن الغلط .. تراهم حذفوا ترحيبي لك بموضوعك البارح .. انتبهي لا يجيبون المكنسة وتروحين فيها ...

[ميلادُ حُلم]

ياقدع أنتا ,


يوم نعّوم يجنن !
البسبوسه اشتهيته بشكل ,


قمر الديييين : s !
كل العايله مايشربه منه الا الوالد ,
أقسم بالله ماكد ذقته , بس كذا لله في ّ الله


وش كان نوع الايسكريم !

بقول شئ ,
قبل أمس مشتهيه اسكريم توفي المهم وحنا راجعين بالسياره وقفنا وشرينا ,
أنا طلبت بسكوت وبما أني مقدر اكله في السياره أنتظرت لين نوصل البيت ,
وبس أناظره بضمير مشتهيته ,
ويوم نزلنا واعطيه
أخوي الصغير ينزل به وانا بآخذ بعض الأغراض لعله هوت من الأرض وكتب عليه السلآم !





تسلم هالأيديات ,
جعله ماتمسّ النار : )

[** حَـنيـنُ الأُخـوَّة **]

اقتباس المشاركة الأساسية كتبها ميلادُ حُلم ياقدع أنتا , يوم نعّوم يجنن ! البسبوسه اشتهيته بشكل , قمر الديييين : S ! كل العايله مايشربه منه الا الوالد , أقسم بالله ماكد ذقته , بس كذا لله في ّ الله وش كان نوع الايسكريم ! بقول شئ , قبل أمس مشتهيه اسكريم توفي المهم وحنا راجعين بالسياره وقفنا وشرينا , أنا طلبت بسكوت وبما أني مقدر اكله في السياره أنتظرت لين نوصل البيت , وبس أناظره بضمير مشتهيته , ويوم نزلنا واعطيه أخوي الصغير ينزل به وانا بآخذ بعض الأغراض لعله هوت من الأرض وكتب عليه السلآم ! تسلم هالأيديات , جعله ماتمسّ النار : )

.... هلا ومليون غلا ميلوودة

اقول البسبوسة عليه طلب كثير .. شرايكم إذا اجتمعنا اسويه لكم ؟؟

الوالد ماشاء الله طالع عليّ << طوطو طوط .. خخخخخ
الايسكريم كان فراولة بالمانجوووو .. يمي يمي ..

ياقهررررررر الله يعوضك بخير منها يارب ..


آمين يارب ووالدينا ... وتسلمين غلاي عالمرور والمشاركة ...

[سـهـام]

[center]لعل أيامكـ دوووووووووووووووم عامره بالصحه والعافيه..
بالتوفيق..
المدينه أحس إنه تكسللللل لسكن بس حلوه زياره..
يارب تسكنون بريده يااارب
تحياتي
أختكـ ذكاء وشقاء[/center]