[ام البنات99]

مساء الخير

اليوم رحت لمستشفى المركزي مع اختي كانت تعبانه مره ومكتوم

دخلت ولقيت 5ممرضات سعوديات جالسات على الكراسي وكل وحده ماسكه الببي حقه وتناضر الثانيه تحتريه تقوم واخيرا وحده قامت ودخلنا على الدكتوره وكشفت عليها وقالت روحو لسستر اوكسجين واشاعه وتحليل دم
المهم جت ممرضه سعوديه واخذت الورقه وقالت له اجلسي على السرير وراحت جابت حق التخطيط واقسم بالله بدون مبالغه اكثرمن نص ساعه بتشغله ماعرفت وراحت وجابت الممرضات كلهن طبعا الموجودات كلهن سعوديات ويقعدن لهن ساعه يطقطقن ولا عرفن شلون

ودي ادري شلون صارن ممرضات ماادري
واخير ا انحلت المشكله وبصدفه شكله

وبعده جن بيحطن الاوكسجين وقسم بالله اني طارت عيوني كل ماحطت الي طار فوق وانا عيناتي طارن معه الصراحه شي عجيب وعلى هاالحال كل شوي يتجمعن لهن على جهاز تقل بنقاليات
وجن بياخذن االدم حدث ولا حرج حطت الابره وراحت تغدا

ويوم رحت لهن بغرفتهن وطقيت الباب وطبعا الباب كان مفتوح والله يانقزن نقز وتغطن شكيت ان لي شنب
والمشكله انا كنت كاشفه وقالن لي روحي هناك انا رحت وجلست انتظرهن ساعه عشان تجي تاخذ التحليل

والمشكله انهن كثار بس مابهن نفع والوحده تتكلم بطرف خشمه

وبد عنا طويل وتعب خلصنا

بس والله الي قهرني ليش الاجانب يكونون احسن منا بكل شي شوفو الفلبينيات شلون شغلهن فرق وتهتم بشغله تتقن شغله

الي شفت من الممرضات السعوديات اليوم نفس شينه مدري وش عليه

واهمال وشغلتهن هاالبيبي الله يشغل من جابه لنا مايطيح من ايديهن وجوالاتهن ماتاقف ازعاج

والله لو يخلوننا على الاجانب كان اصرف

[السماوي]

انا ياااااختي والله العطيم الجمعه قبل الماضيه باالمركزي مع صديقي وفيه ممرضه ابلشتني ابلاش رفيقي داايخ ويبي يطيح من السرير وتقولي امسكه وامسكه ولاجت تعطيه ابره قالت انت مو كويس قصده اني بحتك بها تخسى مالقيت الا هي

[ذوقي توب]

اجل ممرضات النساء والولاده



حسبي الله عليهـــــــــــــن


مو قد المقــام
الاجنبيات ارحم شووي

[يربش بريده]

الله يعين اتمنئ اعاده النظر في الممرضات وخاااااصه الئ نفسه شينه

[امير _ الذوق]

الله يعين

[ام عيون]

والله صدقتي

[حروف آبجديه]

غريبه والله يصدر كذا من سعوديات

[غــــ م ــــوض]

ياحبيبتي الله يخلي المعاهد الصحيه الاهليه

هي اللي تخرج هالاشكال

[اصايل القصيم]

:

اقتباس المشاركة الأساسية كتبها غــــ م ــــوض ياحبيبتي الله يخلي المعاهد الصحيه الاهليه هي اللي تخرج هالاشكال

صح كلامك اختي

[ثلاثينيه رايقه]

اقتباس المشاركة الأساسية كتبها غــــ م ــــوض ياحبيبتي الله يخلي المعاهد الصحيه الاهليه هي اللي تخرج هالاشكال

اولا اكبر عيب اننا نعمم ونقول السعوديات واذا في قلب الواحد شيء كونه سعوديه فهذا من تخلف المجتمع اللي ينظر له هالنظره المنبوذه
ثانيا لنفرض غلطت ليش هي مو ادميه كل ابن ادم خطا
ثالثا اوجه عنايتك اختي غموض اذا على قولتك الله يخلي المعاهد الصحيه الاهليه وش على بالك مدارس اهليه لا يالغاليه احب افيدك انه ولا وحده تتعين سواء ممرضات او ممرضين الا بعد اجتياز اختبار الهيئه الطبيه يعني هل هو مؤهل ولا لا يعني مثلهم مثل غيرهم اتمنى اننا تكلم من واقع وليس من باب يقالي اعرف
رابعا اتمنى قبول ردي برحابه صدر

[ام البنات99]

اقتباس المشاركة الأساسية كتبها ثلاثينيه رايقه اولا اكبر عيب اننا نعمم ونقول السعوديات واذا في قلب الواحد شيء كونه سعوديه فهذا من تخلف المجتمع اللي ينظر له هالنظره المنبوذه ثانيا لنفرض غلطت ليش هي مو ادميه كل ابن ادم خطا ثالثا اوجه عنايتك اختي غموض اذا على قولتك الله يخلي المعاهد الصحيه الاهليه وش على بالك مدارس اهليه لا يالغاليه احب افيدك انه ولا وحده تتعين سواء ممرضات او ممرضين الا بعد اجتياز اختبار الهيئه الطبيه يعني هل هو مؤهل ولا لا يعني مثلهم مثل غيرهم اتمنى اننا تكلم من واقع وليس من باب يقالي اعرف رابعا اتمنى قبول ردي برحابه صدر

شوفي حبيبتي 7ممرضات سعوديات باالمركزي نفس التصرف ونفس الاهمال كافيه انتس تقولين سعوديات مع انه ماكان فيه غيرنا وثلاث حريم بس يعني لازحمه ولاشي ومع هذا مهملات

وهذا من غير الي مستشفى الولادة والكل يشهد

ووش الغلط الي تقولين هذا موب غلط هذا اهمال وقلت ادب

[ابـؤ مـهـاإ :$]

اقتباس المشاركة الأساسية كتبها ثلاثينيه رايقه اولا اكبر عيب اننا نعمم ونقول السعوديات واذا في قلب الواحد شيء كونه سعوديه فهذا من تخلف المجتمع اللي ينظر له هالنظره المنبوذه ثانيا لنفرض غلطت ليش هي مو ادميه كل ابن ادم خطا ثالثا اوجه عنايتك اختي غموض اذا على قولتك الله يخلي المعاهد الصحيه الاهليه وش على بالك مدارس اهليه لا يالغاليه احب افيدك انه ولا وحده تتعين سواء ممرضات او ممرضين الا بعد اجتياز اختبار الهيئه الطبيه يعني هل هو مؤهل ولا لا يعني مثلهم مثل غيرهم اتمنى اننا تكلم من واقع وليس من باب يقالي اعرف رابعا اتمنى قبول ردي برحابه صدر

كلام من ذهب ،

[انسان من بني آدم]

وين اللي يقول السعوديين مخلصين ويشتغلون من قلب

[Tarook 45]

ببساطة , لو المشرفة كانت صارمة

وكان مدير المستشفى كلمته مسموعه من المرضى

كان كل اللي شغالين بالمستشفى خايفين ويشتغلون بأمانة