 |
|
|
|
|
|
|
03-11-2010, 05:14 AM
|
#1 |
|
عـضـو
تاريخ التسجيل: Mar 2009
البلد: بـــريـدة بقلبيـــ..
المشاركات: 567
|
؛¤ّ,¸¸,ّ¤؛°`°؛¤ يـ زين طلعة الكشتــاآإتــ ـ ..مواآاقفــ. ¤؛°`°؛¤ّ,¸¸,ّ¤؛
سلام من الله عليكم ورحمته وبركاته ياويل وحده ماترد السلام >>من اوله تهديه  هواي البر وأهل البر وراعين العنى كله هواي العود ودهن العود وشوفة طيب الفالي هواي اللي إلى من الدهر ضامه على الذلة تحزم له وفسر له من الذرعان فتالي  حبيباتي وغالياتي وبناتي بنات بريده ستي  انا جاء ببالي هالموضوع واستخرت وكتبته > سبحان الله  بقولكم كم موقف من المخيمات وشوفن ابي كل وحده تكتب موقف صار له لاخذ العضه والعبره >  بسم الله الرحمن الرحيم البدايــــة : السالفة الأولى ...اكاليوم يوم انا بزر  ايام الشتاء حنا بالمخيم وعمي رايحين لعرس وبيجون بالليل للمخيم قلنا خن نسوي مفاجأه >كشخه مانلعب  المفاجأه هي اذا جو عمي بنشغل شريط اهلا وسهلا بالرفاقه والاحباب ونصور اشكالهم وهم ينزلون وهم بيجبون السهره >> خوش مفاجئه ونحتريييييهم نحتريييهم ماجوو صبرنا شوي شفنا سياره هايلكوس وقفت عند مخيم الرجال حنا على طول جاء ببالنا ولد عمي معه نفس السياره قالن البنات بريداويه روحي قولي له متى بيجون اهلك وانا طيرااااان للسياره يوم وصلت اثره منزل راسه جيت ابقول فلان وين اهلك متى يجون وجي ينرببببط لسااني مره وحده يوم رفع راسه  اثره مووووووووب ولد عمي  قال : من انتي ووش تبين > بعد جاين لمخيمنا ويفتن  انا بس افكر شلون بيخطفن تخيلن من كثر خوفي عجزت اديور احس انه بيمسكن اذا ديورت جمدت بمكاني دقيقه بلا حراااك وباقل من ثانيه جيتس وديورت وامشي مليووووووون البنات واقفات يحترنن واشخــــــــط من عندهن وانا اقول موب فلان موب فلان وعلى طووووول للخيمه لفراشي واتغطى واررررجد من الخوف>تصدقون الى الحين افكر بدلاختي يعني خلاص دخلت بفراشي موب جاين لمي ايه المراد ان البنات جن يدبتسن وشبتس وشبتس قلت مووووووووب فلان قالن الا هو يمكنتس توهمين واجيتس واحلف انه موب هو الدليل ان ذا قاصن كبوريا> من يقول انه يوم هي بزر تخاف من الكابوريا وسياره الربع راحن يقولن للرجال من وراء الخيمه عشان مايشوفهم الحرامي يوم قام ابوي وجاء لمنا ميت من الضحك  قال هذا ولد الفلان جاي ينام مع العيال لا حرامي ولا خطف ولا شي تعااالوا شوفو وجهي بهالموقف  طبعا جو عمي بعد الازمه ذي وشغلنا لهم الشريط واستاااانسنا  ...استغفر الله واتوب اليه... السالفه الثانيه ...بعد يوم انا صغيره جو لمنا ناس بالمخيم ومعهم شغاله والشغاله كاافره حنا تقريبا 7 بنات ونفكر شلون نخليه تصير مسلمه >ولو عندنا طموح جت الفكره الي هي اننا نروح ونسوي دائره معه همن تقول حدا البنات من عنده انشوه ولا قران >>ركزوا على قران همن اقول انا انا عندني >> افكار بزران واقراء > عندي بابا سلام والي يقراء به الشيخ :الشريم وانا ايقالي اقلده >مانب جايه ولا نصه عشان تسذا يبونن أأثر به المراد اننا رحنا وسوينا حلقه معه على طول انا قلت اخر ايتين من سورة البقره امن الرسول طبعا اخره "أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ " يوم وصلته فطنت قلت بقلبي يمممممه الحين تسوي بي شي وجي اقصر صوتي عشان ماتنتبه >>بزر يوم شفنا وجهه واثره ماتدري وين الله حاطه اخر شي عرفنا انه ماتتكلم عربي ولا تفهم أي شي نقوله ... لا اله الا الله .... فااااصل >>ماتقلد وهوجه ابد  القاضي للخياااام اسم ٌ تتعشقه الصحراااء>> وش تحس به السالفه الرابع ... هذا طازج هالسنه الي راحت مره جاين لمنا ناس يوم راحوا اتجهنا للمطبخ كالعاده نسبع وانا مسكت الصابون وخوذي يافرك بهالمواعين  واذا بابنه عمي تحدق الي بعينيها >اموت على اللغه نوره :بريداويه تعاااالي انا :سمع وطاعه >>تراه ماودي اروح عن المواعين بس غصب علي طلعنا قالت (لحظه قبل ماتقول بس بقولكم خيام النوم 3 وحده منهن موب لاحد فاضيه ) نوره :بريداويه وش رايتس ننام انا وياتس لحالنا انا: اممممم >افكر نوره :عشان نقوم الفجر ونروح عند عماني نتقهوى معهم انا :اممممم >الا الحين افكر بنت عمي الثانيه جت :وش عندكن نوره :مالتس دخل >قويه طست ذيك نوره :هاه وش قلتي انا :خلاص تمام نوره :لالالالالالالالالا يدري احد رحنا ننقل فرشنا وتمت العمليه بدون مايدري احد ورحنا نقعد معهم شوي عند الضويه لحظه .. (هي من الي ينامون بالليل وانا لا ماانام الا الفجر هذا الي مزملن) قالت نروووح قلت خن نصبر شوي قالت لااا ازين عشان يمدينا انا : يالله مشينا ولسان حالي اناضر الضويه واقوله  ورحنا وهم لاهين بالسواليف سولفنا انا وياه شوي وربطنا الخيمه ونامت هي  لكن انا مااااابي نوم  وجي اسمع الي برا يختبون واسمعهم يقولون بريداااااااااااويه بريداااااااااويه هاااو وينه بريداااااويه ترى بنروح لمخيم الرجال  يوم جيت ابفز اقووم لانه شي روحت مخيم الرجال ونااااسه وجي اتذكر الوعد قلت لااا كلش الا تسذا  سمعت سواليف حول الخيمه وعلى طول غمضت اثرهن البنااات يقولن ايقاااااااااااااالهن نيمات اقول قومن قومن ويحاولن يفتحن الباب عجزن وراحن لمخيم الرجال وياعدل يابدل ويالنوم دوخ دوخ ونمممممممممت  انتبهنا الساع سبع ولا الشمس طالعه ومااصلينا استغفرالله ونقوم نصلي ونشد الرحال لعماني ماش ماجازت لنا قهوتهم بس تمشينا حول مخيمهم رووووعه الجوو لان كل امس وهي تمطر  ورجعنا لمخيم الحريييم وكالعاده نايمات الحريم المشكله الخبز الا الحين ماجاء ومابه شي نفطر عليه وجبنا فطووور على كيف كيفتس اطلق مطعم مايسويه هذا فطورنا شوفوه  ههههههههههههههه وش رايكن لمحــــه :> مره تخيلووا بشتاء الجميده مدري من الي مستاثم بناء وجيبن عسكريم توت ونجيتس حنا وناكل ومتكومين على الضوو تخيلي يدين مثلجه وضوء وعسكريم احيييييييييه برررررد السالفه الرابعه والاخير :مره كسلانين العصر مابش شي يوم درينا اثر البزران مختبين انا :وش عندكم  البزر :وييييييييين نعالي بسررررعه  نوره: منهوله بتروحون هم بنروح نلقط عراجين انا ونوره وشروق جميع :وحنااااااااا ماعطونا وجه طبعا الي بيسوق بهم اخو نجود بنت عمي الثاني وعيت تروح تقول مالي خلق وانا ونوره وشروق نسااااحره عييييت ونناقز عنده بغينا نحب راسه من زود التلزيم قالت وووه يالله وركبنا  البزران بالغماره وحنا بالصندوق نوره .رنا .شروق متركيات على اول الصندوق وانا ونجود بالربع عند باب الصندوق وبدينا نتمشى والبزران يلقطون عراجين الوقت مسياان تقريبا انا ونجود شفنا ثلاث عراجين بجنب بعض هو وقف شوي نحسبه يعني انزلوا من الحماس قمنا وجي يسرع مره وحده انا ونجود دوووووووب بالارض مادريت الا الدنيا تدوور بي ماانتبهت الا وانا اناضر السياره بعيده والبنات مفتحات عيونهن اخخخر شي التفت على نجود طايحه بجنبي وتهوووش على اخوه انا الدنيا الا الحين تدور نزلت راسي وقعدت اركز شوي وش السالفه ورانا بالارض ونجود الا الحين تهوشه رفعت راسي احسبه تستهبل قلت :نجود والله العظيم تعبانه >>مدري وشوله الحلف قالت اخته تعال شلنا يالله >تستهبل انا من الروعه نقزت قلت لالالالا واطب بسرعه للصندوووق ونجود وده تركب عجزت من الوجع واخيرا" ركبت يوم مشينا بنرجع للمخيم البنااااات : هههههههههههههههههههههههههههههههههههه كووووح كوووح هههههههههههههههههههههههههه >عجزن يتنفسن من الضحكبالصندوق الى الحين قلبي يوووجعن وكل جنبي لاني طابه عليه قالت نجود الله يستر طيحتنا بهالوقت توحش قصده يعني ذولاك بسم الله الرحمن الرحيم يوم وصلنا للمخيم عجزنا نمشييي يوجع قووووه قوووه عاد يوم قعدنا شوي >طبعا" الحريم مايدرن عن الطيحه قلنا نروح بخيمه لحالنا واول مادخلنا الخيمه انا ونجود آآآآآآآهــ والبنااات هههههههههههههههههههههههههويبدن يعلقن  قالت شروق :بريداويه تدرين انه المفروض تسجدين شكر لله انتس ماجاتس شي تسايد لان لو مايله شوي بس تسان طايحه على راستس اقل شي تنشلين >>فال الله ولا فالتس عاد هي صادزه على طوول سجدت صحيح اوجعنا وجع لكن الحين اذا تذكرنا الموقف جميييييييع نضحك ههههههههههههههههههههههه ما يستفاد من الموضوع : السالفه الاولى :انتس ماتحكمين على أي واحد انه حراامي السالفه الثانيه :انتس تجيبين كتاب عنقليزي عن الاسلام للشغاله السالفه الثالثه :انتس ماتنشحطين وتنامين وانتي مادبرتي فطور الرابعه : بنااات عاد هذا صدز الله ثم الورد قسم بالله يحفظتس الله من اشياء بسبب الورد  بورييكم صور بعضهن من المخيم وبعضهن من ابداعاتي >>قووه ابداعات  هذا حلا المطازيز سويته انا والبنات بالمخيم عساي مااعدمنا تقعد الحين تقولن نزلي طريقته ترى مالي خلق >>ياشين الواثق  .....  هذا اختي مصورتهن بمهرجان الربيع مدري الخريف  هذا مره بالمخيم طافي الكهرب من الفضاوه اصور >>لاتدققون بالصوره ذذ  ,,,  ,,,  هذا اهلي يتفكهون وانا اتفنن ترى ادري انهن شينات بس عادي ارفعوا معنوياتي .... شي من مواقف وصور مخيمنا عاااد بقى انتن عطننا مواقف مخيم كشته أي شي المهم ان به ريح شتاء مداخله :>الله يعظم اجره عقب الموضووع مداخله ممكن اسلم واهني ماهينور :تفضلي سلمي اهني ماما وبابا وجميع العالم الاسلامي بحلول عيد الاضحى>مستعجله  ممكن اشكر ماهينور : تراتس ازعجتينا تقل ماعندنا غيرتس يالله اخلصي انا :اشكر صديقتي الفزعه مـــلاك على ترتيب الصور واشكر داعمي المعنوي بنت خالتوو ظل القمر واشكر حصوص الي زينت العنوان واشكر كل الي مرو هنا وشاركوا  واشكر كل الي مرو وماشاركوا لو ان الواجب يشاركون بس بهواهم وبس ومع السلامه ماهينور :ياكثر قرقتس >>مصدقه انه تكلم ماهينور ختااااام" بنااااااااات طلبتكن تكفوووون تكفن تكفوااااان تكفين>صار درس نحو بمشاركاتكم ينخرش الموضوووع تكفون لاتبخلون علينا مواقفكن ربي يرزقكن الجنه ووالديكم وجميع المسلمين لكم ودي
__________________
ولدتك أمك يا ابن آدم باكياً والناس حولك يضحكون سروراً
فاعمل لنفسك أن تكون إذا بكوا في يوم موتك ضاحكاً مسروراً آخر من قام بالتعديل ما تَهَاب; بتاريخ 03-11-2010 الساعة 08:46 PM. السبب: تم حبيبتي =) |
|
|
|
03-11-2010, 01:58 PM
|
#2 |
|
فاصبر إنّ العاقبة للمتقين
تاريخ التسجيل: Nov 2009
البلد: . . تَحتَ ظِلّ رَحمةِ الله !
المشاركات: 5,426
|
سجل واحد نفر مايشوف ألا شسمه ذآ من الدوخ
الرد الأول .. حجز .. ذذ لي بآك يا قميله بس دخلت احجز
__________________
. •
إنّ هٓذهِ الأمّة وإنْ استُركِعت .. فإنّ ظَهرهَا لنْ ينكَسِر ! والعَاقبة للمتّقين ، وسيرَى المُنافقِينْ هذا بأمّ أعينهـم العَورَاء . • |
|
|
|
|
03-11-2010, 02:10 PM
|
#3 |
|
عـضـو
تاريخ التسجيل: Aug 2008
البلد: لاتنسوني من الدعواااااااات.
المشاركات: 1,443
|
الصور ماطلعت
__________________
 |
|
|
|
|
03-11-2010, 03:23 PM
|
#4 |
|
صبراً يا نفسي معنا الله
تاريخ التسجيل: Jun 2009
البلد: ديرتي منبت غضـا ديرتي أنا القصيــم ديرتي غرب دهنـا ديرة النخل الهضيم ديرتي وش حيلها ديرة الحب القديم وسطها وادي الرما وادي جعلة مديم أسياد والعـزة لنا أبطــال ياعيال القصيم قصيمنا هو [فخرنـا] للمملكــة سـد عظيـم
المشاركات: 4,644
|
__________________
يارب تهديني قبل لحظة الفوت وتغفر ذنوبي يا كريم العطايا أشكيك همن داخل الصدر مكبوت وأيامي اللي بالخطايا ملايا  |
|
|
|
|
03-11-2010, 03:16 PM
|
#5 |
|
عـضـو
تاريخ التسجيل: Mar 2009
البلد: بـــريـدة بقلبيـــ..
المشاركات: 567
|
وهووجه : بنتظاار باكتس يالغلا غدير المحبه: غريبه ورااه ماطلعت لحظه يانااااس بناااات الله يرحم والد والديكن اخرشن الموضوووع
__________________
ولدتك أمك يا ابن آدم باكياً والناس حولك يضحكون سروراً
فاعمل لنفسك أن تكون إذا بكوا في يوم موتك ضاحكاً مسروراً |
|
|
|
|
03-11-2010, 03:34 PM
|
#6 |
|
عـضـو
تاريخ التسجيل: Mar 2009
البلد: بـــريـدة بقلبيـــ..
المشاركات: 567
|
هلا بنت ابو خالد
هذاي بروح اشوف وش سالفتهن
__________________
ولدتك أمك يا ابن آدم باكياً والناس حولك يضحكون سروراً
فاعمل لنفسك أن تكون إذا بكوا في يوم موتك ضاحكاً مسروراً |
|
|
|
|
03-11-2010, 03:50 PM
|
#7 |
|
عـضـو
تاريخ التسجيل: Sep 2010
البلد: بين الأمس واليوم !
المشاركات: 1,878
|
الله يازين طاري البر ..
ياحظكم تمرحون بهـ ماعمري نمت بالبر ..مواقفتس حدث ولاحرج  ..الموضوع كوشخهـ بس لو الصور طالعهـ كان يطلع اكشخ .. بريداويهـ والهمهـ قويهـ ..ثانك يو ..
__________________
|
|
|
|
|
03-11-2010, 03:48 PM
|
#8 |
|
مشرفة بنت بريدة
تاريخ التسجيل: Sep 2009
البلد: القصيم
المشاركات: 2,508
|
ههههههههههههههههههه إلى يوم السبت
الله يقلع إبليستس .. تمزعت مصاريني من الضحك  بس يا الغلا صور المخيم ماطلعت !! ما أدري ليييه ..
__________________
يَ أبـوي مِن بعدكـْ , وسْعَ الكونَ بي ضَآآآق ,, ياااارب ارحْمه واغفرْ له وتقبّلهُ في الشّهداء ..
|
|
|
|
|
03-11-2010, 03:50 PM
|
#9 |
|
قبس دائم
تاريخ التسجيل: Mar 2010
البلد: لحلمٍ لن يعودوقلبٍ تعاقبني بعد رحيله الأحزان..(ياوالدي)
المشاركات: 3,328
|
وعليكم السلام ورحمة الله وبركاتة ماشاء الله فله وناسة بس الصوره ماطلعت لكن تقطع بطني من الضحك ولاه ^^ مواقف خطنطر ~ أحسنتِ بما يستفاد وفقك البارئ
__________________
تمــوت النفوس بأوصابها .......................ولم يدري عوادهــا ما بها وما أنصفـت مهجة تشــتكي .................................أذاهــا الى غير أحــبابها ستبقى لي منك ذكرى ماحييت 
آخر من قام بالتعديل لماذاهذا; بتاريخ 03-11-2010 الساعة 03:57 PM. |
|
|
|
|
03-11-2010, 06:34 PM
|
#10 |
|
عـضـو
تاريخ التسجيل: Sep 2010
البلد: في رحمة الله
المشاركات: 116
|
ههههــــــــــــــــــــــــــــــــــــــــــــــ ــــــــــاااااي الصراحه الطيحه اؤم الخطوره لا خوذي ذي اولاه واضحكي الى القطــــــــــب بمخيمنا يمرن من عندنا بعارين ومعهن راعيهن يركب على بعير ذلول يعني حبيب اي احد يركب عليه المهم جتس الشجاعه بالهنوف قالت ابركب البعير ويجونك الجذعان يمسكون له البعير طبعا بعد ماداخ البعير من الركب عليه آخر من ركب هي وتم الركــــــــــــــــــــــــــــــــوب وانطلق الجمل راكضا ودربق دربق دربق وبدت صفارات الانذار عند الهنوف والجمل شعاره والله مااوقف احد قالكم تركبون فوقي غنمه انا عندكم البعير يمشي ستلاف دايس وحنا طبعا ماعندنا رجال اللي عندنا مجذعيه وركض وراه لا عاد شوفي رجال المخيمات اللي عندنا يتفرجون ودي اكفخهم طيب تعالوا امسكوه المهم بعد جهد جهيد وقف |
|
|
|
|
03-11-2010, 08:49 PM
|
#11 |
|
عـضـو
تاريخ التسجيل: Sep 2008
البلد: الريــاض ’,
المشاركات: 8,043
|
تميز + لي عودة بإذن الله =)
__________________
الذين رحلوا إلىَ [ الله ] في سن مبكرة . . اهدونا رسالة تقول : [ لا تُطيلوا قوائمَ أُمنياتكم ] لأنَ الحياة اقصر منها بِـ كثيــر ، |
|
|
|
|
03-11-2010, 10:31 PM
|
#12 |
|
عـضـو
تاريخ التسجيل: Feb 2010
البلد: بالبيت اللي بجنب الأثله
المشاركات: 102
|
,,
هههههههههههههههههه موضوع تووحفاااااااااااااه انا بقول موقف عن صقيقتي يرويه كيبوردي  صديقتي مره كانو طالعيين كاشتيين هي واخوانه وعمااانه (عاااد ماشاء الله اخوانه وعمانه تعدين واحد تنسين الثاني )الموهيييم كانو بالليل وقاعديين شابين ضو ويتقهوون .. وولد اخته الصغير قال له ابي ماء قامت تجيب له من السياره .. يوم قربت من السسياره تششوف واحد منبطح تحت السياره وطالعات رجلينه ( أسسمر ) وهي تدقق تششوف من ذا .. ماااعرفته ولا جسسرت تحتسي عليه .. رجعت لأهله تشوف كان احد ناقص وتششوفهم كااامليين مييير تبدأ المنااااحححه والصصيااااح وتطب بحجر امه يممممممممممآآآآآآآآآآه وااااااااااحد تححححت السسسياره ماااادري منهوووووووو وآآآآآآآآآآآآآآآآآآآآآآآآآآآآآآآآآآآآآآآآآآع مييير ينقزوون اخوانه يشوفون منهو يوووم راحو يركضووون شااافوووه يهج ويركبوون السيارات ويلحقووون ورآآآه ويلحقووون وآخر ششي ( اختفــى ) صـــآر (بسسم الله الرحمن الرحيييييممم )<<عز الله البر بيفضي هالسسنه من البنات ركيكات القلوووب آآآممم اذا تذكرررت موقف خاص بي انكسس هوووون ,,
__________________
يقول أوسكار وايلد :
اغفر دائماً لْ أعدائك فَ ليس هُناك مَ يُضآيقهم أكثر من ذلك .. |
|
|
|
|
04-11-2010, 01:49 AM
|
#13 |
|
عـضـو
تاريخ التسجيل: Mar 2009
البلد: بـــريـدة بقلبيـــ..
المشاركات: 567
|
لحــــظه ...
بروح اصيح شوي واجي >>من الفرحه >>من يقول انه اول موضوع مميز له
__________________
ولدتك أمك يا ابن آدم باكياً والناس حولك يضحكون سروراً
فاعمل لنفسك أن تكون إذا بكوا في يوم موتك ضاحكاً مسروراً |
|
|
|
|
04-11-2010, 01:58 AM
|
#14 |
|
عـضـو
تاريخ التسجيل: Mar 2009
البلد: بـــريـدة بقلبيـــ..
المشاركات: 567
|
بنت أبو خالد :ههههههه بلاتس ماشفتين اقول للبنات غريبه ماضحكتن اول ماطحنا قالت نوره اصلا" بس افكر شلون بنشيلكن وانتن ميتات
سعووديه ماركه:عساااه دوم الضحكه ومصارينتس عادي نخيطهن
__________________
ولدتك أمك يا ابن آدم باكياً والناس حولك يضحكون سروراً
فاعمل لنفسك أن تكون إذا بكوا في يوم موتك ضاحكاً مسروراً |
|
|
|
 |
| الإشارات المرجعية |
|
|
النمط المتشعب
