[مبعد التفكير]

بسم الله

السلام عليكم

من حسنات الانترنت .. تواجد الصحف الالكترونية المتميزة .. على سبيل المثال : سبق و الوئام ..

فقد تميزتا رغم تشابه بعض المواضيع تميزتا بالأخبار العاجلة .. والتي تمس بشكل مباشر حاجة

القارئ .. سواءا هموم تهم المجتمع بأسره ,, أو شريحة واسعة منه ,, مواضيع مالية, أسرية,

جنائية, وظائفية , إلى آخره .. أو مواضيع دولية لكن لها صدى واهتمام لدى القراء عموما

فأنا من هنا أقول لـ ( سبق ) : شكرا!!

لـــكن !! هاللي ماتستحي على وجهه!!

وش قال ,,, قال ( عاجل) !!!! وينك وين العجله!!!!

لا!! و ( صحيفة بريدة الالكترونية !!) يا ويل تسبدك !!

أولا: الأخبار كلها غبار !! يروح اليومين والثلاثة ماتغير شي و لا فيه إضافات !!

ثانيا : جابوا لنا كتاب أصلهم من بريدة مثل الحمد والنقيدان ,,,!!! وجيدين بس الإخوان قالوا

والإخوان حطوا !!! ولا عن تاريخ وتحول وووو وو تشدد أهل بريدة ومدري إيش !!

مثل الأعرابي طلب الشهرة .. فبال المسجد ليعرف بين الناس

يطلع علينا ولد النقيدان اللي سبق وأن حكم عليه بالقتل هو وتركي الدخيل ومنصور العواجي

عشان يوم (( يشبّون)) بفيديو المختار قبل سنوات!! وعدة أفعال قاموا بها يوم كانوا متشددين

ومتنطعين بالدين وحماس الشباب أيام زمان !! لكن بتدخل من الشيخ صالح اللحيدان تم العفو عنهم

ارجع وأقول ولد النقيدان هذا ( السلـ.. الحفيا..) هو وكتاباته اللي ماتودي ولاتجيب ,,,

نرجع لصحيفة ( فاشـــل) عفوااااا ( عاجل) وأقول كفو شركم وسكروا البسطة حقتكم وخلوا

أحد يجي كفو ويقوم بالصيحفة على أكمل وجه ,,, ومقالات تبيض الوجه ,,

وأخبار تجذب القارئ وتجعله يتصفحها بشكل يومي ....

وإلا صكوا الموقع وأسحب الكيبورد منكم !!

وشكــــــــــــــرا ,,

مع تحيات ( بريـــــــــــداوي) ,,,

[عمر اليحيى]

تسلم حبيبي

والله العظيم انه مشكلة

ناس علمانين يكتبون فيها ويسبون المشائخ وباسم بريدة

الى هذا الحد ...؟؟

واتوقع انه يمتثلون حكمة خالف تعرف لكن ليس على حساب الدين

وانا من زمان وانا احاول اكتب عندهم

الرجاء من المشرفين عدم الحذف

[أبونايف]

اقتباس المشاركة الأساسية كتبها مبعد التفكير ارجع وأقول ولد النقيدان هذا ( السلـ.. الحفيا..) هو وكتاباته اللي ماتودي ولاتجيب ,,,

طيب ليش ماتقول السلقة الحفيانه وتريحنا ... يقالك الحين مؤدب ههههههههههه
المهم ما علينا
ياكثر خواته بالنت ... لكن اللي مايجوزلك اسحب عليه
تحياتي

[الزراق]

الصحيفة هي ملك للكاتب بصحيفة الجزيرة ولاعب نادي الرائد سلطان المهوس وتقوم علي دعم عضو المجلس البلدي الفراج

[دلووووووني]

الا على طاري الصحيفة



اخوي مبعد التفكير


النت مفتوح ليه ما يكون هناك صحيفة اخرى تنافسها !!



والبقاء للأفضل ..


اعتقد ستجد رواجا اكثر



تقبل تحياتي

[فارس الميدان]

نتبرء من هذه الصحيفة (فاشل)القذرة
فهي تشوه سمعة البلد .

حتى من شينه إنك إذا دخلت على الصحيفة بالنت تجيك تحذيرات وتنبيهات من مركز الأمان بالكمبيوتر , حتى الكمبيوتر استاء منها .

يالله شباب وين الهكر عنه .

سلام ...

[راعي الشماسيه]

ياحظك تقدر تقول الي تبي
ولا يسكرون موضوعك
يحول يا أنا
لو اقول ( أ ) كان اقشعو المواضيع الي حولي

ما ادري هي حساسيه من (معرفي) ولا وش السالفه

على العموم انت قلت رأيك بصحيفة عاجل
وانت بالصوره هذي تعتبر قليل ادب
نعم قليل ادب لأنك عميت موقع كامل
فيه ناس طيبين وناس رديين
ولا اظنك تقدر تقول شي بالفراج ابو زياد
كتاباته جداً رائعه ولا به شي
بس هذولا انتم اذا قمتو على الواحد تودستوه
واذا رفعتو بالواحد وصلتوه النجوم
ما يعرفلكم

واذا رديت علي ارفق لا ينقز بك عرق
هذا اذا ما قشعتو مشاركتي
.
بريده ستي الرأي والرأي الآخر
.
.

[kan827]

لاحول ولاقوة الا بالله

[وافي1]

النقاش هل هو عن منهج الصحيفة ( عاجل ) أم عن تحديث الأخبار ومتابعتها .. فالمشاركة الرئيسة منصبة على المنهج وانحطاطه .. ( على حد رأي صاحب المشاركة الأولى .. ) وياليت النقاش استمر على هذا الوضع .. ومناقشة المسؤول عن الصحيفة ( أبو عادل .. سلطان المهوس ) فهو الجريء بالحوار والشفافية .. وقد علمت أنه لا يقبل الدعايات التي يحس أنها لا تتناسب والمباديء الشرعية .. ويتيح الدعايات بالمجان أو المخفض للمشاريع الخيرية .. فهو صاحب مبدأ نزيه .. واستضافة من ذكر هل يخالف هذا المبدأ .. لاسيما وقد ترك مجال للنقاش أسفل كل مقال تتيح هناك هذه النقاشات ..
و استضافة أي شخص تظهر عليه المخالفات الفكرية العقدية المنهجية خاضع للنقاش وهدف من يحاوره . . وهل هي دعاية لنشر أفكاره والحط من كل منهج سليم .. أو حوار لسيرة ذاتية يحكي واقعا صار بدون تدخلات وإملاءات .. فرق بين الحوارين ... وكل من هدفه النيل من صاحب سنة ورفع معتقد ضال .. لامكان له بيننا ولو تأول .. هذا رأي وأنا وإياكم بانتظار بيان صاحب الصحيفة ( عاجلا !! )