[العين السوداء]

السلام عليكم ورحمة الله وبركاته ..

أهلاً وسهلاً بكم ..

وشلونكم وش اخباركم ؟؟!






اسهل وسيله لوجع الراس الله يحفظكم هي لعبة المدري وش اسمه ..

مره من المراير في احد الايام الامسيه .. = امس ..

رحت لي محل ولقيت عنده لعبه مادري وشلون قايله يبي له واحد يشغل مخه علشان يحله ..

وانا خبركم كسل افكر .. وبنفس الوقت شروف

يعني ودي ادري وشلون هاللعبه بدون ما اشغل مخي ..

قلت اشريه واعطيه احد يفكر لي ويعطين الجواب .. وشريته وعلى البيت .. قعدت احورف به شوي وماش ماله حل

لمين انفقع راسي وعطيته الاهل ونفس الشي عجزوا

اولله لعبه

الشاهد انه تخليك معكر المزاج وتوجع الراس وترفع الضغط وفي الاخير نطلع بالنتيجه مكسوحين ما طلع الحل

همن عاد يطير عقلك وتجدعه اخيراً

وقلت اوريكم اياه علشان تدبرون لي حل ودي افوز به حتى لو هو غش






من شروط اللعبه

1/ ما تطلع ثنتين مع بعض .

2/ ما تحط صغيره فوق كبيره .

واللي لازم تسويه تنقل كل قطع الخشب من العمود الوسطي للعمود الايمن او الايسر بالترتيب .

بالله عليكم ذي لعبه والا امم الا اقول لعبه ..


ادري ما تقدرون تسوون شي بس تسذا نزلت الموضوع .. بس الجواب الى الحين عجزت اطلعه


اللي كد جرب هاللعبه يعلمنا وش رده فعله يوم عجز .. وهل فاز ام لا !

<< ما تجي اللغه بالاخير


ومع السلامه ..

[يالبا بريدة]

تصدق انه عندي بالبيت ولا قد لعبتبه

اجل مادامه توجع الراس ابعد عنه ازين ليِ

[دريم]

اقتباس ادري ما تقدرون تسوون شي بس تسذا نزلت الموضوع .. بس الجواب الى الحين عجزت اطلعه

هههههههههههههه
تنسيم

بس يالعين السوداء ترى هاللعبة للأذكياء
يعني وشوله تشري شي موب لك
أو مضايقات عليك الدراهم

مير تراك موب غيرب علي

[قرينتش]

اسهل وسيله لوجع الراس

هي انك تجلس ترادد واحد فاضي مره
بهالمنتديات على طول وجع راس..!!