[ص ــمتي تـ ع ـابيري]

بسم الله الرحمن الرحيم

أهلييييييييييين بناااااااااااات

وشأخباركم ؟؟

وعلومكم ؟؟

.......... إلخ >> زووووووله :D

الموووهم

بجيكم من الآخر
واسمعوا الموقف

تقول صديقتي دخلت ((ومن سكريت)) بالنخيل وأتفرج وألقا ذيك البجامه اللي تخررررررش تخبص العقل جازت لي
مسكته وأنا قاعدة أشوف باقي بضاعة المحل
قربت ذيك الحرمه من وكلماله تقرب لصقت خشته باذني وقالت : "انتي بنت ؟؟!!!!!!!! ولا متزوجه !!!!؟؟؟؟"

طارت عيوني وش تبي ذي بتخطب بالسوق

تقول سهجته قالت الحرمه وبنفس النبرة : "واضح عليتس انتس بنت شلون أجل تاخذين بجامة

حطيه الله يستر علينا وعليتس .. واشريه اذا جيتي تجهزين لعرستس

يا خزياه تلبسين بجامه عند أخوتس ولا أبوتس الله يهديتس بس "

قالت صديقتي : وش تبين البس أجل ؟!!

قالت الحرمه : "قميص يسترتس ، تعوذي من ابليس واتركيه الله يفتح على قلبتس"

تقول صديقتي تفقعت عيوني <وش تبي ذي تحشره حتى باللي أبي اشريه> لكني خففففففت منه مدري وراه وطرت مسكت ايد امي اللي كانت بنفس المحل لكنه بعيده شوي عن وسحبت امي قلت عسى ما عادت من بجامة الهجة بس

السؤال هنا

برأيكم .. هو عيب إن البنت تلبس بجامه ؟!

ووش تفرق بجامه عن قميص ؟!

وليش الاسلوب كذا يوم بغت تنصح الحرمه ؟!



أنا حصلت لي مواقف قريبة من هذي بس عاد ما واجهت ناس بهذي البجاحة


بعدين الدين يسر ليش معقدين اللبس داخل البيت وكل اللي فيه محارم قريبين (( ام .. ابو .. اخت .. اخو ...

أتمنى تتفاعلون وتبدون آرائكم :D

وسي يووووووووووووووووو


.................................................. .....
^^^^^^^^^^^^^^^^^^^^^^^^^^^^^^^^^^^^^^^^

[~][][ريـــمـيه][][~]

ههههههههههههههههههههههههههههههههههه

الله يهديهم بعض الناس ماعندهم ذوق بطريقة النصح

ومن ناحية لبس البيجاما
اذا كانت فضفاضه والبلوزه طويله يبدولي عادي

بس اذا كانت ضيقه وبلوزتها قصيره ... مايصلح

وبالنهايه ترجع لحياء البنت !

[乂♥ متفائلة ♥乂]

موضوع رائع

اقتباس هو عيب إن البنت تلبس بجامه ؟!

ليته بس عيب بعض البنات متساهلين بها الأمر مايجووز لبس البجامه أمام الأخوان ..

اقتباس ووش تفرق بجامه عن قميص ؟!

فيه فرق واااضح واسع ومايبين الجسم .!
شكل قمصانكم غير !

اقتباس وليش الاسلوب كذا يوم بغت تنصح الحرمه ؟!

الحرمه ماقالت شي غلط
الله يجزاااه خير..

[ام الحنان]

اقتباس المشاركة الأساسية كتبها @متفائلة@ موضوع رائع ليته بس عيب بعض البنات متساهلين بها الأمر مايجووز لبس البجامه أمام الأخوان .. فيه فرق واااضح واسع ومايبين الجسم .! شكل قمصانكم غير ! الحرمه ماقالت شي غلط الله يجزاااه خير..

كلالالالام كويس ونفس الفكرة

[ص ــمتي تـ ع ـابيري]

اقتباس المشاركة الأساسية كتبها @متفائلة@ موضوع رائع تسلمين ليته بس عيب بعض البنات متساهلين بها الأمر مايجووز لبس البجامه أمام الأخوان .. وليييييييييييييه ؟؟!! يالغالية / التساهل بلبس بجامة أتوقع انه أهون من التساهل بالفتوى يا ليت تجيبين لي فتوى من أحد اهل العلم بس ما تكون (فلانه سمعته يقول) لأن نقل الفتاوي بهذه الطريقة ما يصلح فيه فرق واااضح واسع ومايبين الجسم .! شكل قمصانكم غير ! عن نفسي أحس لو بجامة وسيعة أستر لي من قميص لأني ما أهجد بمكاني ما غير اتسدح واتبطح واذا نمت بعد يعني طووول الوقت سيقاني طاااااااالعة لو بلبس قميص الحرمه ماقالت شي غلط الله يجزاااه خير.. ويجزي الجميع خير لكن اتمنى تقنعينن بكلام الحرمه باستخدام المنطق

ومتشكررررررررررررررين ع المرور والردود اللي ما تواقعته صراحة تفاجأت

[المــاســه]

يعني صديقتك ماتحملة طريقة النصيحه او انتقاده باللبس.. ؟
اذا عن الحلال والحرام الظاهر الحكم مايخفى على احد بس فيه ناس تتجاهل الاشياء ..
وكل بيت وطريقة تربيتها ..
وكلام متفائله كفا ووفا..
تحياتي لكِ ولصديقتكِ..

[أم فيصـل]

هلا والله باللي طموحه جبال ما شاء الله والله لا يهدهن
بس تعالي الحين عجزتي تكملين السلام تقولين زولة أجل شلون تكملين مشوارتس نحوا العلالي:D
المهم يا البي.
والله أشوف أن الحرمة ماسوت شي غلط هي ما قامت تقول لـ صاحبتك : أطلعي من المحل *ههـى أشوف, بالعكـس أشوفها الله يجزاها خير بكل ذوق و أدب جت أستفسرت أول هل هل متزوجة أو لا و من ثم قالت اللي عنده./

اقتباس السؤال هنا برأيكم .. هو عيب إن البنت تلبس بجامه ؟! ووش تفرق بجامه عن قميص ؟! وليش الاسلوب كذا يوم بغت تنصح الحرمه ؟!

الجواب هنا:D
يالغلا المفروض يكون سؤالكِ عن هل هو حلال أم لا.!
لأن المسألة مسألة حرام وليس عيب.
بس ماعليتس يا البي راح أقولتس.:
أنتِ رأيك إذا شفتي وحدة لابسة قدام أخوهـا بنطلون و بلوزة
وش بيكون شكلها الخارجي.؟
أما إذا كانت لابسة قميص // وش يكون شكلها.؟؟
أكيـد البجامة مطلعة تفاصيل دقيقة بحكم أن القطع مفصلة.
طيب أنا عندي حل لـ صديقتس و للي يقولون أن القميص مش ساتر
بدال ماتروح تشري بجامة تقدر تشري بنجابي يقوم بمقام البجامة.

ويارب أنك لقيتي الفائدة من ردي

*لـ الغير الناطقين باللغة القصيمية:D ههى = يالله

[ص ــمتي تـ ع ـابيري]

اقتباس المشاركة الأساسية كتبها أم فيصـل المهم يا البي. والله أشوف أن الحرمة ماسوت شي غلط هي ما قامت تقول لـ صاحبتك : أطلعي من المحل *ههـى أشوف, بالعكـس أشوفها الله يجزاها خير بكل ذوق و أدب جت أستفسرت أول هل هل متزوجة أو لا و من ثم قالت اللي عنده./ الجواب هنا:D يالغلا المفروض يكون سؤالكِ عن هل هو حلال أم لا.! لأن المسألة مسألة حرام وليس عيب. بس ماعليتس يا البي راح أقولتس.: أنتِ رأيك إذا شفتي وحدة لابسة قدام أخوهـا بنطلون و بلوزة وش بيكون شكلها الخارجي.؟ أما إذا كانت لابسة قميص // وش يكون شكلها.؟؟ أكيـد البجامة مطلعة تفاصيل دقيقة بحكم أن القطع مفصلة. طيب أنا عندي حل لـ صديقتس و للي يقولون أن القميص مش ساتر بدال ماتروح تشري بجامة تقدر تشري بنجابي يقوم بمقام البجامة. ويارب أنك لقيتي الفائدة من ردي *لـ الغير الناطقين باللغة القصيمية:D ههى = يالله

كلامك يا قلبي احسه على حسب العائلة وأخوانه بالخصوص

يعني والله اذا كانوا ما عندهم بالبيت غير قنوات المجد يعني كل العائلة مطاوعة ولا قد شافوا حريم غير محارمهم فهذا شي وبتكون البنت اذا لبست عند اخوانه بنطلون او بجامة بيلفت انتباههم وينااااااظرونه

أما اذا كانوا اخوانه مالين وهم يناظرون الحريم يعني طالعين برا المملكة وفبيتهم قنواااات والله ما راح يجيبون خبر ولا ينتبهون ولا شيء ولا بيلفت انتباههم شيء
لو يبي يبحلقون بأحد ما بحلقوا باختهم اللي لابسه بجامه

واتمنى يقنعتس كلامي

[الجامده]

هههههههههههه بجد تفنقست من الضحكـ ياحليلتس نووكته
يااوخيتي مثل ماقالوا البنات المره اللي نصحته ماقالت شي غلط واسلوبه كمان حلو يعني تبينه تعزمه بالكوفي وتقوله ياحبيلتس أولااااه لاتلبسين بجامه ..
وثانياً مايصلح البنت تلبس عند إخوانها البجامه لأنه بتبين تفاصيل جسمه وحتى لوكانوا إخوانه يناضرون البلاوي
والمشاهده عبر الشاشات غير لما يصير عياناً بياناً

[نجديــــة]

يالله ستــــــرك..!!


حبيبتي/طموحي جبال
بغض النظر عن حرام ولا حلال....!
الحيــــاء
يعني ماتستحي صديقتك إذا لبست كيذا الله يصلحنا وياهـ؟

,

[ص ــمتي تـ ع ـابيري]

اقتباس المشاركة الأساسية كتبها نجديــــة يالله ستــــــرك..!! حبيبتي/طموحي جبال بغض النظر عن حرام ولا حلال....! الحيــــاء يعني ماتستحي صديقتك إذا لبست كيذا الله يصلحنا وياهـ؟ ,

نجديــــة /// تقل انتس تلمحيييييين لسبة

مشكورة

[القابضه على دينها]

شوفي أختي

الأخت الناصحه ماقالت شي غلط
لكن ماعنده اسلوب

وتراك أخطاتي يوم تقولين

اقتباس كلامك يا قلبي احسه على حسب العائلة وأخوانه بالخصوص يعني والله اذا كانوا ما عندهم بالبيت غير قنوات المجد يعني كل العائلة مطاوعة ولا قد شافوا حريم غير محارمهم فهذا شي وبتكون البنت اذا لبست عند اخوانه بنطلون او بجامة بيلفت انتباههم وينااااااظرونه أما اذا كانوا اخوانه مالين وهم يناظرون الحريم يعني طالعين برا المملكة وفبيتهم قنواااات والله ما راح يجيبون خبر ولا ينتبهون ولا شيء ولا بيلفت انتباههم شيء لو يبي يبحلقون بأحد ما بحلقوا باختهم اللي لابسه بجامه واتمنى يقنعتس كلامي

أخطأتي أختي
فهمت من كلامك
انه لصاروا اهلي غير ملتزمين يصير حلال عندهم
اللباس الغير ساتروالعكس
ويعني اذاخطئوا أهلي أخطي معهم
هذا شيء راجع لك ولحيائك


أتمنى اني افدتك
وانا لست مجبره على إقناع الناس

[ص ــمتي تـ ع ـابيري]

الجامدة / بس اللي يطلعون برا المملكة يشوفون (بلاوي) على قولتك عياناً بياناً

ما أعمم اي احد يطلع برا المملكة لكن أقول ان اللبس يكون على حسب الأهل والاخوان

[القلب الوردي]

اقتباس لكن أقول ان اللبس يكون على حسب الأهل والاخوان

خطأ ياعزيزتي

اللبس يكون على حسب ماقال الله وقال الرسول

الله يفتح على قبلك ويهديك