[توولي]

السلام عليكم ورحمه الله ,,
اخباركم ,,وش مسوين ,,
بنااااااااااات

وش رايكم بمصلى الكليه??! ,,


بصراحه ,, ولاشي غير الصراحه ,,
انا ماكتبت هالموضوع .. الا من شي قاااااااااهرن
اشوفه كل يوم بالكليه ..



مثلا,, يوم رحت اصلي ,,


ودخلت المصلى انوااااااااااااااااااع الازعاج ...

هاذي تمص اسكريم ,,

وهاذي تلعب هي وزميلاته باوراق وانوااااااع الضحك والصراخ,,

وهاذي فاتحه اللاب توب ومسويه زحمممه ,,

وهاذي منسدحه على رجل صديقته وتسولف ,,

وهاذي متغطيه بعبايته وبساااااااااااابع نومه ,,

بصراحه مناظر مؤسفه تصير
في بيت من بيوت الله

والواحد مايدري وش يقول بصلاته ..



شرايكم بنات ..

[GLOW="CC3333"]
هل هذا الفعل يليق ببيت من بيوت الله؟؟[/GLOW]!

[حورية بريدة]

هلا وسهلا اختي


فعلآ مايليق


لكن

شوفي المسأله من باب ثاني

انا متخرجه العام وبقولك تجربتي الشخصيه

يعني تعرفين الجو الرهيب والعجيب اللي عندنا يحدنا ندور مكان بارد مافيه واذكر قبل العام طلعونا من الساحه الداخليه الى الساحه الخارجيه حتى مستكثرين علينا الضلال والمشرفات متسدحات عند هالمكيفات ويتفرجون علينا من مقصورتهن الالماسيه وتريقه على هالبنات

وش تبين هالبنات يسوون تراهم بشر ويحسون الجو موووووت وحر والدراسه ملل وكلآ معطيك لستته طلبات وجيبو وحطوو وهاتووو وليته يبين تطلعين بالنهايه غلطانه فأذا ماقدرنا نبرد قلوبنا على الاقل نبرد اجسامنا


حراااام عليكم ياناس خفو على البنات والله من الظلم اللي يشوفونه عيني عينك ولاتقدر تقول ولاكلمه

هذا وانتي طالبه وعارفه الوضع ومايحتاج اقولك

لكن مانقول الا الله المستعان

والحمدلله اللي خلصت وارتحت

[توولي]

اهلين حوريه بريده

فعلا انا معك الجو حار والمفروض يهيئون اماكن يكون فيها تكييف للجلوس

وانا ماقلت لايجلسون بالمصلى
يجلسون لكن بأحترام
يعني تحترم المكان ,,اللي جالسه فيه
والله كأني داخله مقهى مو مصلى

اشكرك عالمرور

[عندليب بريده]

صدق انا مايقهرن الا هاللي مايجيهن النوم الا بالمصلى عيب والله عيب

[توولي]

اقتباس المشاركة الأساسية كتبها عندليب بريده صدق انا مايقهرن الا هاللي مايجيهن النوم الا بالمصلى عيب والله عيب

تعطرت صفحتي بمرورك العطر ’’

[القابضه على دينها]

أنا ملاحظه هااشيء
المشكله اللي يفطرن فيه ويلعبن
صدق مافيه
أماكن مكيفه
الا الكفتريا
وتلقينه زحمه مالك ولا شبر
بس ماتصل هاالشيء
المصلى للعباده

[توولي]

اقتباس المشاركة الأساسية كتبها القابضه على دينها أنا ملاحظه هااشيء المشكله اللي يفطرن فيه ويلعبن صدق مافيه أماكن مكيفه الا الكفتريا وتلقينه زحمه مالك ولا شبر بس ماتصل هاالشيء المصلى للعباده

شكرا عالمرور يالغلا ’’

[تلميذة الايام]

مع احترامي لرأيك ولكن يختلف المسجد عن المصلى في كثير من الاحكام فالمصلى ليأخذ أحكام المسجد

[اخت العرب]

الحمدلله اني مانب بالكليه بس والله حاله حتى بالمدرسه

[توولي]

,,تلميذة الايام ,,

ليه يختلف عن المسجد ؟؟!
اذا هو مكان مخصص للصلاة فقط والامور الدينيه فهذا يسمى مسجد

شاكره لك مرورك ,,

,,ثامر الكاسر,,
شكرا على مرورك

,,اخت العرب ,,
تعطرت صفحتي بمرورك ..شكرا..

[الــبــازوكـــة]

المصلى حقنا ما نعين النوم والأكل ..
له طعم خاص الحمد لله ما عندنا مثل النماذج اللي عندكم ..


ومثل ما قالت تلميذة الأيام
المصلى يختلف عن المسجد :

الفرق بين المصلى والمسجد: أن "المصلى" مكان صلاة فقط، و"المسجد" مُعد للصلاة عموماً كل مَن جاء فيه فإنه يصلي فيه، ويعرف أن هذا وقف لا يمكن بيعه ولا التصرف فيه، وأما المصلى فإنه يمكن أن يترك ولا يصلى فيه، وأن يباع تبعاً للبيت الذي هو فيه وبناء على ذلك يختلف الحكم، فالمساجد لابد لها من تحية، ولا تمكث فيها الحائض مُطلقاً ولا الجُنب إلا بوضوء، ولا يجوز فيه البيع والشراء بخلاف المصلى.
مجموع فتاوى ورسائل الشيخ محمد صالح العثيمين - المجلد الرابع عشر - باب صلاة التطوع.

[بريداوية ام الهبال]

,
,
,
,
صراحه انا معتس مالهن حق يلجِّن بالمصلى,’
الله يهديهن..,’


: )

[°•.ღحـــورღ°•.]

{

.. آلًسٌٍلآٍمٌ عًلْيٌكُمِ

••---------------------------------------------ღ--


بصــرحة شي يقــهــر

ومهــمها كــان هــاذا مكاان للعبــادة موو

لنووم واللعب والوناسه

الله يهديناا ويهدي بنااات المسلمين

تولــين موفــقة ياغلا

تحيااتـــي لــــك

ღ حـــــور ღ

--ღ---------------------------------------------••

دُمٌتًٍـُـُمْ بَــٍوٌدٍّ ..}

[الأميرة النائمة]

حتى بالمدرسة كذا