[@ The Sad @]

.. السلام عليكم

.. راح تستغربون من الموضوووووووع لكن انا نفسي مصدوووووووم ومذهووووووول

.. ماودي اطول عليكم لكن هذي السالفة ..

.. يوم الاربعاء الماضي جاااااالس وداخل جو بالقاعة طبعا في الجامعة التفت ولقيت واحد من العيال قالي قرب خلنا نسولف انا استانست وقربت المهم قعدنا نسولف ومن ضمن السواليف قالي ابوعابد قلت سم قالي تشوف ذاك الي قدام واشرلي عليه طبعا من الطلاب من (( تبوك )) قلت ايه اسلم وش به قال ياخي قاعد اسولف انا وياو تو وقال وين ساكن ايقول قلتلته ساكن بالموطأ بجنب المقبرة ايقول قال طبعا حق تبوك وشلون ساكن بجنب المقبرة قلتله ياخي ساكن عادي ومستانس ايقول قالي بس ياخي موت موت وناس دايم تموت يقول قلتله ياخي هذي سنة الحياة وكلنا نبي نموت ايقول امار اشد عليه وقلتله ياخي كلنا نبي نموت ونبي نحاسب وفيه سؤال بالقبر ويجونك ملكين وووووووو وفيه جنة ونار ووقوف بين رب العزة والجلال وووووووووو ايقول امار تطير عيونه وقال وشلون جنة ونار وشلون يوم القيامة ايقول امار اسأله قلتلة تصلي ياخي قال والله بعض الاحيان اصلي (( المغرب والعشاء بس)) والله ياناس هذا الحاصل يقول خويي امار تطير عيوني انا واستغرب ودمعت عيني معقولة هذا بالجامعة ولايعرف انه فيه كل الامور ..

.. طبعا انا طارت عيوني مثل خويي والله ياناس انه دمعت عيني ..

.. طبعا هذي السالفة كاملة ..

.. والله يهدي شباب المسلمين وخوينا هذا بل ماتوخذ روحه ويموت وهو على الحااااااال ..

.. انتظر ردوركم وتعليقاتكم ..

[&اخت رجال&]

اقول الله يهديه
وهذا اقول ابحث عن دور الاسره
الاب ولام وتربيتهم الهذا الطالب
انا اقول اسبب من التنشئه

[زيزو بريدة]

اقول الله يهديه
واانااقول اقول ابحث عن دور الاسره
الاب ولام وتربيتهم الهذا الطالب
انا اقول السبب من التنشئه

[إبراهيم اليوسف]

لا حول ولا قوة الا بالله


وش لون وصل إلى الجامعة هذا

[@ The Sad @]

.. اخت رجاااااال ..
.. اشكر لك مرورك ..
.. وصحيح الاب والام والمنزل لهم دور كبير

[@ The Sad @]

.. أخي وحبيبي ابراهيم ..
.. اشكر لك مرورك ..
.. وهذا قمة الاستغراب وشلوووووووون دخل الجامعة نترك هذه القضية ونقول فيه احد مايعرف شي اساسي من امور الدين وهو بهذا العمر اعتقد ان الامي وهو امي يعلم بذلك .. لكن .. الله المستعان ..

[زياد 777]

معقوله وصل الجهل للدرجه هذي

[تلميذة الايام]

لاحول ولا قوة الا بالله

[فكرت وخلصت]

الله يجزاك خير اخوي.

[BU7OOR]

انا لله وانا اليه راجعون ..


لاحول ولا قوة الا بالله ..


لاأستبعد صحة القصة ..

[درة القصيم]

اللهم لك الحمد

معقوله ما أصدق انه به احد بهالدرجه هذي من الجهل

[ابواحمد123]

المفروض انت ياصاحب القصه انك تكلمه وتعلمه وتفهمه او انك تكلم الله يخليهم لنا رجال الحسبه رجال الدين انهم يفهمون الرجال ولا يمر مرور الكرام تراه محسوب عليك انت تبي تسال عنه كلم اهل الدين وفك نفسك لا تبتلش فيه لااله الا الله محمد رسول الله اللهم احسن خواتيمنا يارب العالمين

[@ The Sad @]

.. زياد777
.. تلميذة الأيام
.. فكرت وخلصت
.. أشكر لكم مروركم ولاتستغربون ياناس من هالموقف لاني اكثر واحد منصدم

[@ The Sad @]

.. Bu7oor
.. درة القصيم
.. ابوأحمد123
.. أشكر لكم مروركم أحبتي