[الفارس الخفي]

مساء الخير علي اخواني واخواتي بالمنتدي

بصراحة مادري وش اقولكم لكن عندي بزر عمرة اربعة شهور عذبني بكثر الصياح بس صياح غير طبيعي زي ماتقول انه خايف او شي زي كذاء
بصراحة احترت حتي مايشرب حليبه بعض الايام.
قررت اروحبه لمستوصف الصفوه
قالي الدكتور ان عندة التهاب بالحلق وعطاني مضاد له .
الحين له اكثر من خمسة ايام بس نفس الحكاية
ينام ويقوم بصياح عنيف
ارجوا ارشادي الي افضل طبيب

ولكم خالص الشكر والتقدير

[ضايق الصدر]

الله يشفيه , طيب اقرو عليه ان شاء الله يطيب ,

وسمعت فيه طبيب اطفال بمستوصف سلامات ,

والله اعلم , وان شاء الله يفيدونك البقيه ,

[الشاهين22]

اقتباس المشاركة الأساسية كتبها ضايق الصدر الله يشفيه , طيب اقرو عليه ان شاء الله يطيب , وسمعت فيه طبيب اطفال بمستوصف سلامات , والله اعلم , وان شاء الله يفيدونك البقيه ,

فعلاً أفضل طبيب أطفال كما قال ضايق
الأخصائي ممدوح في سلاااااااااااااااااااااااااااااامات فعلاً ممتاز واانا مجربة لطفلي فيشخصلك الحالة بعد الله بشكل جيد
وغالباً بكاء الأطفال في هذه المرحلة المتكرر من الغازات داخل بطن الطفل
فنصيحتي اذهب اليه والله يشافي طفلك

[لندني]

انا ابني كان نفس الحكايه ترا اغلب الاطفال كذا لا تاكل هم بس الحريم يكبرن الموضوع بما انها جديده بعالم الاطفال
لاانه سبق انها حصلت معي بسباب العائله الجديده تستنكر ها الشي
شف بعنيزه دكتور ممتاز بمستوصف البركه لا تروح لا غيره يبرد سبدك

[أبو رُبـــــى]

اقتباس المشاركة الأساسية كتبها لندني انا ابني كان نفس الحكايه ترا اغلب الاطفال كذا لا تاكل هم بس الحريم يكبرن الموضوع بما انها جديده بعالم الاطفال لاانه سبق انها حصلت معي بسباب العائله الجديده تستنكر ها الشي

كلام سليم ... وشف الصيدلي اللي بالجردة بجوار صيدلية السنيدي تراه مضبوط

[اخو دريحم]

الفارس الخفي

شف الله يعافيك ووليدك رح الى الشماس

عند الشيخ صالح العبيد وخله يقرأ عليه ممتاز

للاطفال اسبوع أو اكثر ان شاء الله مايشوف الا العافيه

[دلووووووني]

الله يشفيه ويعافية اخوي الفارس الخفي

مثل ماقال لندني

ولكن ابضيف شئي بسيط الله العالم عنده ضيق في التنفس اذا صار يفز بنومه !


لذلك شف التهوية في المكان اللي هو فيه وكذلك درجات الحراة للمكان .

ثانيا انتبه للمضادات لا تحرص عليها الا في الحالات المستعصية وانا اخوك

واعرف الدكتور الشاطر هو اللي يحرم عليك المضادات الا في الحالات الصعبة .

دمت وابنك ومن تحب بخير وعافية .

وأن الله امرك تجي للرياض فيه دكتور اسمه عبدالله البدوي في مستوصف النزهة في شارع عثمان بن عفان شاطر وجيد وسابقا كان في مستشفى الاطفال في السليمانية


تقبل تحياتي

[&اخت رجال&]

شوف اخي
الاطفال بهذا العمر اغلبهم كذا صياح وماتدري ايش فيه اغلب الوقت ان فيه مغص شديد
ولا راح يركد الابعد سته شهور
ولاتحرص على انك تعطيه علاجات الانه اولا راح تسبب له قله مناعه
وهو جسمه توه ويحتاج للمناعه الطيبيعه
ولاتحرص على تغيير نوع الحليب بين فتره وفتره استمر على نوع واحد افضل
واذا خلاص راضع رضعته لازم يتجشئ بعده علشان تخف الغازات عليه
وبنسبه الطبيب ومن واقع تجربتي لن تجد طيبيب ممتاز
بس فيه طيبيب بمستوصف الفيحاء
الاطفال جيد
والله يعافي ابنك
ورح فيه الشيخ العبيد تراه ممتاز القراءه على الاطفال

[سبار]

فيه طبيب اطفال بمستشفى النساء والاطفال اسمه ظفر هندي ممتاز جدا

ولاتنسى القران وفيه واحد بالشقة ممتاز لصياح الاطفال اذا تبغى انسق لك معه راسلني على الخاص اعرف ولد ولده

[ابو شرين]

اذا كان لازال موجود
فيه دكتور خطير اسمراني مدري وش جنسيته بس افريقي وببلاش
شوفه في مركز صحي الفايزية ب والله يشفي الجميع

[أبو عبدالله القصيمي]

خذها مني ياعم:

عندك الدكتور / ممدوح(مصري) بمستوصف سلامات-حي الروضة
ممتاز ونصوح جزاه الله خير

وعندك الدكتور/ إبراهيم بمستوصف المحيميد
ممتاز بس دااائماً مزحوم!

وعسى الله يصلح لنا ولك النية والذرية

وأتمنى إنك أفدتك بما أردته.

[infinity]

فيه الدكتور زياد سوري في مستوصف الطب الشامل اللي على طريق المدينة بعد القصور الملكية
هذا طبيب اطفال هو الاستشاري الوحيد في بريدة
انا زرته كم مره تشخيصه وعلاجه ممتاز

[سامي بريدة]

حسب العنوان أبوك أفضل طبيب أطفال>>> رح لمه >>>>>>>>> مزحة على الطاير

شفى الله مريضك

وكما قال أحدهم عليك بالرقية

[ولد مزينة]

اضم صوتي لعبدالله القصيمي

الدكتور ممدوح طبيب اطفال بمستوصف سلامات بحي الروضة

لكن الله يعينك على الزحمة احجزي موعد بدري