[مدحت شوقي بريده]

السلاااااااااااام عليكم ..

هلا بالشباب .. ماشاء الله والله يالمنتدى مع انه إجازة الا إنه يلثق مواضيع ..
مايمديك تحط موضوع وتغفل عنه .. الا وهو ناقزن للصفحة الثانية ..
وعسى الله ينفع بهن .. <<((== لاتخلينا يابو مالك ..



وتعرفون محاتسيكم يحب الهمق .. ولايستانس الا اذا قعد يهمق ..
تحلفون إنه مفطوم بجرة حبر وملفوز بإثمه قطعة جريدة ..


عااااااد وبمنااااااااسبة نهاية الامتحاااااااانات وبداية الاجازة ..
وكثرة العروووووووووووس والزواجات .. وعلى قولة سليمان ابو سعبولة .. ( الزيجات )
هاضت قريحة مهجتي وفؤادي .. وقلت :



سلام احلى من حليب نياق بيومي .. يوم يحلبها وهي بالحيل حسرانه ..
ناقة اصيلة بس تفطر على ثومي .. ومع شين ريحتها بها دمل وجربانه ..
غـداها من نفيع الرز والاندومي .. وعشاها فـول والا تونة خربانه ..

وسلاامتكم يالبي ..


الصراااااااااحة اجمل حياة العمرهي ايااااام العرس ..
لو تسأل جدي سليمان كان يقولك احلى ايااااامي ايام العرس ..
عاااااااااد جدي سليمان الله من الشطاااااانه .. والله إنه يطق لقريح بإصبع ..


اجل يقول انه تعرف على جدتي موضي بالجامعة ..
ويقول أني اول ماشفته قلت له .. بحبتس ياموضي ..
قالت لوه .. طلئني ياسليمان ..
قال له جدي .. نعنبوا ابليسه وحنا بدينا هاللحين ..


انا ماأدري وشلون يولف علينا .. وهو مامعة الاسادس متوسط وليليه بعد ..
وجدتي موضي ماتعدت محو الأمية ..




*************

الحقيقة إننا وفي هذة الايااااام أيام الزواجات والمناسبات السعيدة ..
نتذكر أخواااااااات لنا يعيشن في ظلم وجبروت وتسلط بعض الآباء ..
الذين عضلوا تلك الزهرات .. وحولوا احلاامهن الى سراااااب وظلاااام ..
وبددوا تلك الأمااااني والتطلعات ببناء حياة جديدة مع فتى أحلاام طاال انتظاره ..


ولعلي اذكر هذة القصة على سبيل المثال ..


قبل وجيزة من نيف من الزمن ..

كانت هناك فتاة يافعة ..
جميلة وقد حباها الله من الوساااامة والحلا ماخص به نصف البشرية ..

وكان هناك شاب يريد الزواج من هذه الفتاة ..
وتقدم لخطبتها .. وفرحت هي بذلك .. وأطلقت لخيالها العنان لتبني مستقبلها وأمانيها وطموحاتها ..

ولكن سرعاان ماتبددت تلك الآماني وتلااااااشت برفض الأب المتعسف الجبار ..

خرج هذا الرجل بعد خيبة الأمل متوجهاً الى المدينة القريبة لكي يعيش هناك وينتقل بعيداً عن هذة الحبيبة ..
فتزوج هناك وكون اسرته وعااش حياة هنية مستقرة .. ولكن تلك الحبيبة لازالت عالقة وذكرياتها في ذهنه ..


وبعد برهة من المزيد من هراطق الدهر ..
فكر هذا الرجل بزيارة اقاربه في بلد محبوبته .. فترجل راحلته :D وذهب الى تلك الديار ..

وماأن اقبل عليها .. حتى وجد قطيعاً من الغنم تتولى رعيه اربعينية قد ااطفئت السنين بريقها ..
فوقف ليسألها من تكون وماذا تفعل لعله يآخذ الأخبار قبل دخوله ..

فما أن وصل اليها حتى عرفت من هو .. وعرفته بنفسها .. ففرح بلقائها ..
وإستعادوا الذكريات وتلك الأيام الخوالي الماضية ..

فسئلته عن احواله فطمنها ..
بأنه بخير وتزوج ولديه من الاودلاد والبنات ..
ولكن ماحااااااالك انتي ..


فقالت وبعد ان اغرورقت عينيها بالدموع ..
أما أنا .. ( على خبرك ) فاهلي لم يزوجوني .. لكي ارعى أغنامهم ..


بعدها أنشد هذة الابيات على لسان حبيبة الأمس :

اقتباس فكرت بالدنيا وكبرت مصيبتي ..الوقت جارحني وغيري جارحه الوقت عذبني وعذب صاحبي .. لاهو مصارحني ولاني مصارحه قابلتها في رآس عالي مانبا .. أشرحلها همي وهمه شارحه تقول ياشوق شابت ذويبتي .. قضيت عمري في غنمهم سارحه

**************



كم من فتااااااااااااااة تعيش مثل هذة المعاناة .. تحت وطأة وحووش بشرية لم يراعوا تلك الجواهر اللتي تعيش في بيوتهم .. وإستثمرواها في الكسب المااااااااادي بعيداً عن كل الأخلااقيات والانسانية ..


لكي الله ايتها الموظفة ..

سي يو ..

[المسفهل]

وعليكم السلام ورحمة الله وبركاته

اللوم لا يوضع دائماً على الأهل ، لأن هناك بعض الفتيات يأتي القطار والحظ لهن ومع ذلك تكون الإجابة بــ [ أبكمل دراستي ] [ توّي صغيرة ] وهكذا ، إلى أن يفوت القطار .


والواجب على الأهل من حين ما يأتي الرجل المناسب المـُـرتضى فعليهم بتزويج إبنتهم ولا أن ينتظروا بأسباب واهية كـ [ أغدي يجي أحسن منه ] ، وخبركم الوقت هذا قليل اللي يستاااااهل .


شكراً مدحت وعوداً حميداً وسلم لنا على الفاهر [ جدك سليمان ]

[مدحت شوقي بريده]

اقتباس المشاركة الأساسية كتبها المسفهل وعليكم السلام ورحمة الله وبركاته اللوم لا يوضع دائماً على الأهل ، لأن هناك بعض الفتيات يأتي القطار والحظ لهن ومع ذلك تكون الإجابة بــ [ أبكمل دراستي ] [ توّي صغيرة ] وهكذا ، إلى أن يفوت القطار . والواجب على الأهل من حين ما يأتي الرجل المناسب المـُـرتضى فعليهم بتزويج إبنتهم ولا أن ينتظروا بأسباب واهية كـ [ أغدي يجي أحسن منه ] ، وخبركم الوقت هذا قليل اللي يستاااااهل . شكراً مدحت وعوداً حميداً وسلم لنا على الفاهر [ جدك سليمان ]

هلا بالبي ( مشرفنا )
مش ... رفنا .. <<((== هذا مصري يقول ( الرف ) مهوب لنا ..



حبيبي المسفهل ..

يالبي هاللحين البنات ( القنز ) هرجتهن العرس ..
والله ياهن يوحشن تلقى عمره 12 وتحتسي بالعرس تقول هذي عمره 25 ..


بعدين مع كثرة العنوسة .. بدن البنات يطقن أحوله عن هالكلمه .. ( نبي نكمل الدراسة )

لو يجيه نصيبة وتقتنع بالخاطب .. كان لو يغفلون عنه اهله مايدرون الا هي مسنترة بمرتبة قدام معه ..

البناااااااااات بدن يتفتحن ويعرفن مصلحة انفسهن عن ذي قبل ..

عاااااد بذمك وش رأيك بــ(ذي قبل ) ماتحس انه واحد يلبس بنته نعاله ..
ويقول ذي قبل ذي ..


مشكور يالبي ..

سي يو ..

[Miracle Lady]

.
.
.
.


ههههههههههههههههههههههههههههههههههههههههه

الله يقطع شيطانك

موضوع مررررررررررررررررررررررررررررررررررا حلو

بانتظار القادم




تشاوووو

.
.
.
.

[narran]

حبيبي المسفهل ..

يالبي هاللحين البنات ( القنز ) هرجتهن العرس ..
والله ياهن يوحشن تلقى عمره 12 وتحتسي بالعرس تقول هذي عمره 25 ..



شكرا لك مدحت شوقي على فكره اول ماادخل موضوع ادور ردك
احسن الله اليك


بس على طاري البنات اللي عمرهم 12 يبون يعرسون
بنت اختي في الصف الاول ابتدائي قلت له اطلعي انت والبزران برى نبغى نتقهوى قالت لا وليش اطلع وساره موجوده ساره ذي عمره 16 قلت له ساره خلاص كبرت وبتزوج
جلست تبي والله ماتعرس وانا لا كل الناس مبسوطين متزوجين الا انا خالتي فلانه وعمتي فلانه تزوجو وبعد تتزوجون ساره وانا لا
قلنالها انتي صغيره بس تصيرين بعمره نزوجك قالت لا والله مااصبر مو على كيفكم وراح اليوم كله وهي تدور على معرس
برااااااااااااائه اطفال

[مدحت شوقي بريده]

اقتباس المشاركة الأساسية كتبها narran حبيبي المسفهل .. يالبي هاللحين البنات ( القنز ) هرجتهن العرس .. والله ياهن يوحشن تلقى عمره 12 وتحتسي بالعرس تقول هذي عمره 25 .. شكرا لك مدحت شوقي على فكره اول ماادخل موضوع ادور ردك احسن الله اليك بس على طاري البنات اللي عمرهم 12 يبون يعرسون بنت اختي في الصف الاول ابتدائي قلت له اطلعي انت والبزران برى نبغى نتقهوى قالت لا وليش اطلع وساره موجوده ساره ذي عمره 16 قلت له ساره خلاص كبرت وبتزوج جلست تبي والله ماتعرس وانا لا كل الناس مبسوطين متزوجين الا انا خالتي فلانه وعمتي فلانه تزوجو وبعد تتزوجون ساره وانا لا قلنالها انتي صغيره بس تصيرين بعمره نزوجك قالت لا والله مااصبر مو على كيفكم وراح اليوم كله وهي تدور على معرس برااااااااااااائه اطفال

ناراااااااااان ..

اجل وتبي تعرس هالبقطة ..


تقول جدتي موضي .. ( تسمن ياخريفنا .. ونجسك )
وتقول ايضاً .. ( نصبح الصبح ونشوف .. هي إمي وإلا امك )
وتقول بعد يوم تروح لمصر ..
( شمس تطلع خبر يبان ) ( وياخبر اليوم بفلوس بكرى يبقى ببلاش )


يعني نشوف اذا جاء وقت العرس .. وبدت الشروط وبدت هذا ابيه وهذا مايصلح ..
اما هاللحين ماغير تركض بالحوش وتدربي دميجته وكل ولد تبي تعرس عليه ..


وشكراً على مرورك الكريم ..

سي يو ..

[mr.khaled]

موضوع جيَد يستحق النقاش ويلامس واقع بعض الموظفات

والمقدمـه تصلح موضوع مستقل

ما شاء الله عليك الله يزيدك

شكراً لك وتقبلوا تحياتي

[مدحت شوقي بريده]

اقتباس المشاركة الأساسية كتبها mr.khaled موضوع جيَد يستحق النقاش ويلامس واقع بعض الموظفات والمقدمـه تصلح موضوع مستقل ما شاء الله عليك الله يزيدك شكراً لك وتقبلوا تحياتي

هلا بالبي خاااااااااااااالد ..


يابعدي انت .. الموضوع كل سنة يتجدد .. وبعدين ترى ماهنا فرق بين الموظفة وراعية الغنم ..
هذي ترعى الغنم وهذى ترعى شئون الرعية من المواطنين والمواطنات الأحياء منهم والأموات .,.



تصدق عااااااااااد إن الموظفة ماتدري وش تسوي بعمره ..
اهله طمعين براتبه .. وزوجه ماغير يتسلف منه ..

وباااقي هالعالم بلشين به .. يلبسون احسن من لبسه ويآكلون احسن من أكله ..
واذا شافوا عليه شي .. قااالوا إيه .. الله لنا موظفة ..
هذا غير كرف الشغل ..



وإذا جاء العرس بداء مسلسل حساب الارباح عند الزوج .. والخساير عند ابوه ..


مسكينة هالموظفة حالته حاله وبس ..

انا ادعي ربي باليوم 3635 مره إني مااصير موظفة ..


سي يو ..

[اخو دريحم]

مدحت شوقي بريده

موضع شيق وممتع عسى جدك موضي انجحت

من دار التحفيظ

[مدحت شوقي بريده]

اقتباس المشاركة الأساسية كتبها اخو دريحم مدحت شوقي بريده موضع شيق وممتع عسى جدك موضي انجحت من دار التحفيظ

اخو دريحم ..

يابعدي انت الشيق والممتع ..

يالبي جدتي موضي اخذت االأولى على مستوى المملكة بإعادة سورة القارعة ..
لإنه اللي يهديه ( جحه ) ماتحفظ بسرعة ..
أنا اقوله المفروض الدار اللي انتي به يسمونه ( دار تحفيظ سورة القارعة ) ياقرعة ..



ومشكور يالبي على تعقيبك ..


سي يو ..

[طالب طب]

وعليكمـ السلامـ ورحمة الله وبركاته ..

موضوع جيد بأسلوب عصري متقن

أخي مدحت قد تحدث عنوسة البنت من الجانبين ..

من جانب منع أبيها لها إما رغبة في مالها أو من خلال المهور العالية التي لا يستطيعها الخاطب ..

أو من جانب الفتاة نفسِها كما ذكر أخونا المسفهل حفظه الله

شكرًا أبا سليمان

[مدحت شوقي بريده]

اقتباس المشاركة الأساسية كتبها طالب طب وعليكمـ السلامـ ورحمة الله وبركاته .. موضوع جيد بأسلوب عصري متقن أخي مدحت قد تحدث عنوسة البنت من الجانبين .. من جانب منع أبيها لها إما رغبة في مالها أو من خلال المهور العالية التي لا يستطيعها الخاطب .. أو من جانب الفتاة نفسِها كما ذكر أخونا المسفهل حفظه الله شكرًا أبا سليمان

طالب طب ..


ياحبيلك بعد .. اما المهور العالية فصدقت يالبي ..
بعدين يالبي سعر الهيلوكس مثل سعر اللكزس .. اكيد فيه فرق ..



يعني تلقى وحدة كشبارة ومامعه الاساااااااااااادس وتمشي وتناشق ..
وتآخذه بخمسين الف ..

ووحدة ثانية نعومة وحلى وخفة دم .. وبنفس السعر ..


الصراحة لازم وزارة النجارة يشوفون لنا حل ..


لااحد يصدق عااااااااد .. اهم شي الدين والاخلاااااااااااااااق ..
ولو تصير خشته تقول طبق بيض كله حفر ماتدري وين الاثم من العيون .. وبمية الف ..
هذي اللي عض عليه بالنواجذ ..


بس الله يفكهن من طمع اهلهن ..


سي يو ..

[قمة النايفات]

لااحد يصدق عااااااااد .. اهم شي الدين والاخلاااااااااااااااق ..
ولو تصير خشته تقول طبق بيض كله حفر ماتدري وين الاثم من العيون .. وبمية الف ..
هذي اللي عض عليه بالنواجذ ..


بس الله يفكهن من طمع اهلهن ..


سي يو ..
************************************************
************************************************** *************


أول مررررررررررررره أشوف شاب يقول شيء صح أوبمعنى أدق شيء من الواقع,,,,لكنه نسى أخونا في الله أشكال (ملامح)الشباب بس حاط حيله بالبنات...>>>الي يسمعه يقول ملكين الجمال لبنانيين أوسوريين أو تركيين على غفله.
لكن أنا عندي أستفسار
مامعنى كلمة[[[هراطق]]]...؟؟؟؟؟؟؟؟؟

[ساكورا]

يمدحون حقوق الانسان هاليومين ..

المفروض الوحده تزوج نفسها .. اذا صارت ظروفها كذا ..

الله يعين الموظفات ..