[س م ي]

يا شباب
وش رأيكم أشري سيارة أو اصبر
علما إني
معي سيارة تسوى 30 الف أو أكثر شوي
يعني إذا كنت ناوي اطخخ اخذت قسط سبعين الف وصار معي مئة الف
فهل تنصحوني بالأقساط أو اصبر غدي موجة غلاء الأسعار تخف شوي
أو إني امسكت موتري واصبر عليه رغم إنه تجاوز 290 الف بالمشي
ردو علي

[ALHR]

..

عمر الدعدعه ما نفعت أحد ..

تبي تاخذ دين علشان سياره ..

وأن كنت تبي تصبر ممكن موجة الغلاء تخف فهي ماهي خافه ابد ..

وتبي تزود بعد ..

وخذ هالمثل الي يقول [ مد رجليك على قد لحافك ]

..

[غارق]

يا خيي موترك اعتقد انه بعد الـ 290 ما يسمى موتر يسمى حراثه ..

معنى ذلك أنك حاول تحدث موترك بسيارة مستعملة تكون نظيفه لم تتجاوز الـ 60 مشياً
مثل كامري 2006 أو بافندر 2004 إن كنت صاحب عائلة يكون بمبلغ 65 وتحت وخذ دين بسيط من زملائك يسهل عليك تسديده بدل الاقساط اللي مرضُ العالم منها ..

[الملهم]

والله وأنا اخوك إذا موترك اتعبك وجابلك الصرمقع انا اشوف توكل على الله و تبيعه وتطلع شي نظيف حتى لو أقساط صحيح متعب شوي بس أهم شي راحة البال بالأخص إذا أنت راعي خطوط ومشاوير بترتاح واجد والله وفالنهاية لاتنسى الأستخارة قبل كل شي
وبالتوفيق ،،

[ايماض البرق]

نصيحه اصبر شوي

الدين ما يطاق

منه وكدر وضقة صدر وتحس انه موب سيارك لين تسدده

نصيحه لا أقل ولا أكثر شف غيري يمكن يعطيك راي احسن

[اخو دريحم]

لا تشتري خلك على الفورد المارتنيز ازينلك

[ضايق الصدر]

زي ماقالو الاخوان لاتاخذ قرض عشان سياره وانت عندك سياره ,

طيب ياخوي سؤال انت موظف وعازب ؟

يعني اذا كنت عازب وموظف , ياخي خطط للمستقبل واجمع دراهم صدقني الوضع الحين مختلف ولازم يكون عندك فلوس ورأس مال للقادم

مهر , أجار , اثاث ’ وسفر , فواتير , وابناء ان شاء الله , يعني امور كثيره كثيره جدا ,,

انصحك , انك تدبر لك عشرين الف , وخذ لك يافكتوريا موديل 2005 نظيفه يكون سعرها اظن بالخمسين اواقل شوي , او كامري من من الموديل 6 او 5 ,,

تكفى طلبتك لاتتعب نفسك باقساط وغرابيل , والله تكد وتتعب ويروح نص راتبك على شي مستهلك ,

الله يوفقك , وبشرنا اذا شريت موتر زين ومايكون غالي

[س م ي]

آرائكم جيدة لكن
اللي يتردد كل اسببوعين للرياض
ما يحتاج موتر جديد

[بدر بن عبدالله]

السلام عليكم:
ما حد الله ياخوي تأخذ قسط 70000 ريال علشان تزوده على 30000 ريال قيمة الموتر الي معك وتشتري جديد
وش لك بالديون وضيقت الصدر ياخوي اسمع الرأي الزين وإن شاء الله إنك تبي تدعي لي، حتى لو كنت تروح مرتين بالاسبوع للرياض مافيه مشكلة، زد على الثلاثين عشرة آلاف أو خمسة عشر ألف يصير كل المبلغ
40000) أو(45000) وخذ لك فكتوريا أو ماركيز مستخدم استخدام أمريكي، انا أخوي أخذ ماركيز بأربعين ألف ريال موديل (2000) وله أربع سنين وهي معه زي الحلاوة يدخلة للصناعية بس يغير الفحمات وبواجي وأشياء رئيسية (قولوا ماشاء الله)، نصيحة لك يــا( س م ي) لا تجازف وإذا تبي نساعدك أبشر راسلنا على الخاص وأبشر بسعدك.،ومثل ما قال الهر( مد رجليك على قد لحافك).
مع تحيات: كربة النخلة.
والسلام خير ختام.

[يزيد yazzid]

س م ي
اذا موترك يطلب غيره يعني راعي طلبات قطع غيار
واحرص بقدر الامكان انك ماتاخذ دين علشان سيارة

الدين تاخذ لك فله ( بيت ) او للزواج فقط بحيث انك ماراح تندم عليهن .
لك أطيب تحية مني

[ALHR]

..

نسيت اقولك ..

إذا ملزم ..

خذ [ أرمادا -نيسان ] ..

2008 قيمته ..

131 ألف ..

بالتوفيق ..

..

[BOSS buraydah]

يااخي نصيحه لك يااخوي السياره تصبر بس القروش مايصبرن على طويل يطيرن بس اشر ارض ببريده بالمنتزه اوالبديع او اي مكه او اشر بمكه ترى ازينلك ترى ارخاص اصبر شهر شهرين بالكثير تطلع دبل اللي معك

[الـدعساوي]

شف اولا اذا كان موترك نظيف خل عنك ماشي ولا مامشى اهم شي انه مايطلب

لانه انا معي قبل موتر مشي 400وشوي بدون مبالغة وانظف شي

وان كانه يطلب فدورك موتر على قده تلقى كوامري اسعارهن بهالثلاثينات وبدون تاخذ اقساط

الاقساط تلقاوه بعدين

مجرد وجهت نظر لااقل ولا اكثر

[ذيبان]

السيارة ليست اهم شيء يعني اللي اكبر همه السيارة يراجع قناعاته
يعني لاتدين علشان سيارة