[M مـــودي F]

وش تسوي إذا تغيرت معاملة شخص ( عزيز وغالي ) عليك ؟

يمكن يكون الشخص أخوك ، أختك ، ولد عمك ، ولد خالك ، عمك ، عمتك ، خالك ، خالتك سواء كان الشخص ( رجل أو إمرأة ) .

تتغير المعاملة180 ْ وش السبب ؟

أنت لا تذكر سبب إلا اللهم جيت للشخص وإسلوبه متغير عليك ؟

طبعاً لو فيك جرأه وقلت للشخص وش اللي فيك ؟

راح يرد عليك ( ولا شيء ) ... !

أنت بتكون مشغول البال وألف سؤال يدور بذهنك ؟؟؟

ولو تجره بالكلام وتاخذ معه بالأسئلة الشخص هذا متحفظ وراكبه شيطانه مافيه فايده ملزم وزعلان ؟

طبعاً تقول له خله ( بقريح ) ...... !

7
7
بقريح >>> يعني الله يحفظه أو مع السلامة .

لا .... تذكر أن الشخص ( عزيز وغالي ) ما تسوى كلمة بـ قريح ....!


وش السوات ؟؟؟


بإنتظاركم

[مليار]

لا يقبل العذر ألا كريم وما يرده ألا لئيم ، مهما كبرة المشكلة .

فإذا كان قد بدر مني خطأ فيجب علي أن أعتذر ، وإذا لم يبدر مني خطأ فما للعذر موجب .

[المسفهل]

طيب وش أزين إذا ما علمن وش اللي مغيره ... ؟؟؟

إسمح لي أقول بسلامته هو وزعله ، لأني لا أذكر أني أقترفت شيء بحقه إضافة إلى إستفساري منه ومع ذلك ذكر أن لاشيء بيني وبينه .

[M مـــودي F]

اقتباس المشاركة الأساسية كتبها مليار فإذا كان قد بدر مني خطأ فيجب علي أن أعتذر

أكيد أخوي مليار إذا بدر مني خطأ بروح له وأعتذر ، بس السبب هنا مانيب عارف ليش زعلان وراه ضايق خلقه ؟!



أشكر مرورك الكريم

[ّّّّّ/\عزوز/\]

تغير وحتى لو تغير من فينا لا يتغير دائما يلزمنا الصبر حتى يتضح لنا السبب وقد يكون لديه ظروف طارئه لا نعرفها فالشخص الغالي لا يكون غالي لدينا إلا إذا وقفنا معه فالتغير له اسباب ويجب علينا تحمل هذا الصديق ........

[س ل م]

لو تغير من فينا لا يتغير دائما يلزمنا الصبر حتى يتضح لنا السبب وقد يكون لديه ظروف طارئه لا نعرفها فالشخص الغالي لا يكون غالي لدينا إلا إذا وقفنا معه فالتغير له اسباب ويجب علينا تحمل هذا الصديق ........

[ابـــــــوصــالـح]

اقتباس المشاركة الأساسية كتبها ّّّّّ/\عزوز/\ تغير وحتى لو تغير من فينا لا يتغير دائما يلزمنا الصبر حتى يتضح لنا السبب وقد يكون لديه ظروف طارئه لا نعرفها فالشخص الغالي لا يكون غالي لدينا إلا إذا وقفنا معه فالتغير له اسباب ويجب علينا تحمل هذا الصديق ........

>>>>>>>كفيت ووفيت .....يالذيب

[أكه صن]

وش تسوي إذا تغيرت معاملة شخص ( عزيز وغالي ) عليك ؟ هذا عنوانك في الموضوع .
وانا اقول في هذا الزمان (( صديقك جيبك اذا كان مليان او فاضي )) هذا عنواني في الرد ....
يعني قلي مامعك اقول لك كم انت تساوي .

[الإخطبوط المرعب]

اقتباس المشاركة الأساسية كتبها أكه صن وش تسوي إذا تغيرت معاملة شخص ( عزيز وغالي ) عليك ؟ هذا عنوانك في الموضوع . وانا اقول في هذا الزمان (( صديقك جيبك اذا كان مليان او فاضي )) هذا عنواني في الرد .... يعني قلي مامعك اقول لك كم انت تساوي .

كلام سليم

[احساس الكون]

أول شي أحاسب نفسي وأشوف معاملتي معه قبل والحين وهل تغيرت بشي .

اذا كان مافيه تتغير .راح أقوله

وش الي غيرك فجأة على قلبي
وش الي خلاك تبعد عن دروبي للأبد
وش جاك تكفى علمني وفهمني
وش خلى قلبك الطيب يبادرني بالصد
وش فيك ياصاحبي ساكت وماتكلمني
ليش لي سألتك عن سبب تغيرك ماترد
فجأة كذا ومن دون سبب قررت تهجرني
وانا الي كنت شاله لك في قلبي حب ماله مقدار وحد

أحبب حبيبا هوناً ما عسى ان يكون عدوك يوما ما
وأبغض عدوك هوناً ما عسى أن يكون حبيبك يوما ما

ربما لي عوده .

[M مـــودي F]

اقتباس المشاركة الأساسية كتبها احساس الكون أول شي أحاسب نفسي وأشوف معاملتي معه قبل والحين وهل تغيرت بشي . اذا كان مافيه تتغير .راح أقوله وش الي غيرك فجأة على قلبي وش الي خلاك تبعد عن دروبي للأبد وش جاك تكفى علمني وفهمني وش خلى قلبك الطيب يبادرني بالصد وش فيك ياصاحبي ساكت وماتكلمني ليش لي سألتك عن سبب تغيرك ماترد فجأة كذا ومن دون سبب قررت تهجرني وانا الي كنت شاله لك في قلبي حب ماله مقدار وحد أحبب حبيبا هوناً ما عسى ان يكون عدوك يوما ما وأبغض عدوك هوناً ما عسى أن يكون حبيبك يوما ما ربما لي عوده .

بادره جميلة أخي احساس الكون


أشكرك على مرورك الجميل

[حفيد اعقيل]

.
.
.

أتأكد هل كان لي دور في ماهو عليه من تغير
فإن لم يكن كذلك ,وقد حاولت معه معرفة السبب
فإني أقول :

اقتباس طيب وش أزين إذا ما علمن وش اللي مغيره ... ؟؟؟ إسمح لي أقول بسلامته هو وزعله ، لأني لا أذكر أني أقترفت شيء بحقه إضافة إلى إستفساري منه ومع ذلك ذكر أن لاشيء بيني وبينه .. . . . . .

[الـصـمـصـام]

إذا أبى الإفصاح عما في داخله فإنني أفضل تركه لأنه لا يُريدني كما يظهر
و لكن أشير إلى أن الأقارب لهم حق صلة الرحم حتى لو حصل بينك و بينهم مشاكل ..

[المبتسم1000]

خيره بغيره ومع الوقت تنسى وهو ينسى .........


ولاتصير ضعيف امامه حتى تكسب احترامه

اذا تركته يراجع نفسه تلقته يلين ولاكن اذا اشغاته يسوي نفسه مهم وانك ما لك غنات عنه ..

فاصبر وتصبر