[×_وااا إسلاماه_×]

السلام عليكم ورحمة الله وبركاته ،،

هذا حال صديقي ::
(( أنا يقال لي يا إرهابي والقهر من(بــ...)مرور سري!!(حسبي الله عليه) بشارع القناة ...!!!؟ )) ..

في صباح يوم الثلاثاء 3 شعبان 1429 هـ ،،
الموافق 5/8/2008 م .

وتقريبا ً عند الساعه الثالثة فجرا ً ،،، في نقطة تفتيش بشارع القناة بتواجد أكثر من عسكري من المرور والمرور السري ،،

وبوجود جيب ربع مرور (خط أخضر) ،، وسوناتا المرور السري اللي لوحتها ( هـ ؟ ؟ _ 3 ؟ ؟) وسيارتين ثانيات منهن وحده كامري بيضاء ولا أذكر الأخرى ..

أمشي بشارع القناة أنا وخوي لي بجوار مطعم زهرة بريدة بإتجاه الجنوب وبعدين لقينا خوي(ن) لنا راعي الكامري عند الإشارة يديـ (ور) بإتجاه الشمال ،، وديــ (ورنا) وراه ونكبس له ونضحك ويغمز بالإشاره ،، وأخذ دوار الشماس ،، وراح شمال صار يمينه محطة الحمراء ،، وتعديناها وحنا وراه وأثر قدامنا نقطة تفتيش قبل ( قصر واجان) ،، وقف خوينا راعي الكامري ويتمسخر هالعسكري فيه(وحنا فاتحين الدرايش نسمع وهو قدامنا) ،، ((قال العسكري النكته أبو سكسوكه)) : الحزام ؟؟؟ (وهو هاااااااج كشرته تقل مسوي إنجاز) .. [[ * * حتى الآن ماغلط العسكري * * ]]
اسفط يمين ياراع الكامري ،، سفط خوينا يمين وجاء دورنا على الـــداتسون ،، وقال امشوا ،، (( أنا مع خويي راكب وخفنا يحجزونه وألا من هالقبيل ،، أخذنا الشارع وديـ(ورنا) ،، ومرينا _بالسايد_ الثاني ولفينا يمين جهة البصيرية غرب وأول لفه يمين لفينا معه دخلنا الحي وصرنا عند الأثل فوق {نويدز} غرب قاعة الأمراء )) ..
انتظرنا خوينا إلين مشى ،، دقيت يوم شفته ركب الكامري ،، وأثر صوته متغير وحالته حاله ،، وحلف لي أن عنده موعد ضروري وتركه من الخووووووف !!!
سألته : وش فيك ؟؟؟
قال : خوفني الله يلـ ... .
قلت : وراه وش سوو لك ؟؟؟
قال هذي السالفه وهذي السالفه //
وقفني وأنتم رحتوا ، مشـّـى العسكري راعي أكورد وعطاه قسيمه ، جاء دوري ، ناداني ورحت له ، وقال نبي نعطيك قسيمه تشميع ،، اسكت أنا مقتنع .. ،،
قال العسكري لي (هذا كلام راعي الكامري) : وش اسمك ؟
((العسكري طبعا ً معه البطاقه والاستمارتين حقـّات السياره)) ،،
قال خويي : ســ . . . . . بن عبد . . . . الـ . . . . .
قال العسكري باستهتار : يقرب لك الشيخ سـ . . . . الـ . . . . ؟؟؟
قال خويي : لا ، ما لي عرف بهالمشايخ ولاهو يقرب لي حنا من الـ . . . . ، الثانيين .
قال العسكري : وراه الشيخ وش فيه !!؟؟ (قالها بنظرات إيقاله المحقق كونان ،، وإيقاله وخـّــر عنه)
قال خويي : لا تحسبني من اللي في بالك ؟؟؟
قال العسكري : وش اللي في بالي أنت إرهابي ...!؟ أشهدوا عليه ياعيال قال أنا إرهابي . !!!!!!!!!!!!!!!!!!!!!؟؟؟؟؟؟؟؟
قال خويي : ما قلت شئ أنا ولا تبلى نفسك بشئ منت ملزوم فيه ،،، لايجي واحد وتظلمه مثلي وتدعي عليك أمه ، تراك منت ملزوم ..
جاء العسكري ومسك دقن خويي ((طبعا خويي حليق)) ،، واعذروني على كتابة هالأفعال اللي فعلها هالعسكري طـلـّع لسانه وقام يضـ . . . ((يطـ . . .)) ولكم الكرامه ..!؟
قال العسكري : أنت من الفئه الضاله ، ابرفع فيك تقرير للمباحث عشان يراقبونك ،، وشف والله لأخليك تنام رمضان والعيد والحج والحج الثاني بالحجز ((!!!!!)) .

خويي خاف عمره ((18 سنه)) توه ماسك السياره جديده أول سياره له ،، واسكت وهدأ الأمور وقال مشـّـني عندي موعد أولاه .
قال العسكري ((((أبو سكسوكه)))) : أكتب عليه قسيمه .
رفع خويي الجوال يبي يدق على خاله ((يتوسط له)) ..
قال العسكري ((أبوسكسوكه)) : وشو له رفعت الجوال تبي تكلم على أحد .؟؟؟
قال خويي : إيه أبدق على خالي .
قال العسكري : وخالك إرهابي مثلك !!!!؟؟؟؟؟؟؟؟؟؟؟:conf used:


خويي ذروق وهدأ الوضع ،،، يبي الفكـّـــه ،، أول مره يمسك

عطوه قسيمه ،، ورجع للعساكر يبي يسلم عليهم (يبي يطبق خلـّـك أرجل منه عشان يتفشل) ،،
سلـّم عليهم ، ويوم وصل (((لأبو سكسوكه)))

أبوسكسوكه يناظره باستحقار ،، وما سلـّـم .!؟

قال خويي : سلـّــم والوجه من الوجه أبيض واستر ما واجهت .

يا الله ، يا الله سلم بعد ما قالوا له خوياه ،،

مشى خويي وقال للباقي استروا ما واجهتوا .

وركب الكامري ومشى ،،،:confus ed:


=== === === === === === ===
أقسم بالله العظيم كل ما قلت حقيقه ،، والشكوى لله ،، واتمنى صوتي يصل للمسؤولين .
=== === === === === === ===


وارفع هذه الشكوى إلى المسؤولين هل هذا العسكري ((أبوسكسوكه)) يستحق الوظيفه !!!

وارفع الشكوى إلى الله ::

حسبنا الله ونعم الوكيل ..
حسبنا الله ونعم الوكيل ..
حسبنا الله ونعم الوكيل ..
حسبنا الله ونعم الوكيل ..
حسبنا الله ونعم الوكيل ..
حسبنا الله ونعم الوكيل ..
حسبنا الله ونعم الوكيل ..

والسلام عليكم ورحمة الله وبركاته ..

[×_وااا إسلاماه_×]

واعذرونا إذا فيه أخطاء إملائيه ،،،، سهرااااااااااااااااااااااااااااااااااااااااااااااا ااااان


وتمسون على خير ،،،

والسلام ....

[بقايا ذكريات]

صاحب سيارهـ مسروقه :: /

صباحك مودهـ ومسائكـ أمطـار
نصدقك القول بكل حرف كتبته عزيزي
فأعلم علم اليقين ما يجري وما يكون من بعض تصرفات رجال الأمن
طبعاً إلا من رحم الله فكثير فيهم الخير والصلاح
لكنك يا سيدي تستطيع حينها أن تكتب تاريخ اليوم ووقت الحادثه بالدقائق
ورقم السيارهـ وتقدم شكوى وسترى كيف يفعل به .

[×_وااا إسلاماه_×]

(( خويي يقول وش لي بالمحاكم ووجع الرأس ))

وش أسوي به ياناس .!!؟؟؟

[المنتهي 2009]

,تكبيس ودوران واشارات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبعدين وشوله يقوله من اللي في بالك << يجيب الشبهه لنفسه

كل هذا وماسوى شي غريب والله

انضبط وخلك محترم صدقني ماراح يتجراء عليك احد

وبعدين الناس مو سوى يالغالي

يعني انت مافيك شي صح طيب العسكري يعلم الغيب

انت اللي قلت ماني من اللي في بالك جبت الشكوك لنفسك

لو مسكت لسانك كلها قسيمه تشميع وانت ماشي

[×_وااا إسلاماه_×]

اقتباس المشاركة الأساسية كتبها المنتهي 2009 ,تكبيس ودوران واشارات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وبعدين وشوله يقوله من اللي في بالك << يجيب الشبهه لنفسه كل هذا وماسوى شي غريب والله انضبط وخلك محترم صدقني ماراح يتجراء عليك احد وبعدين الناس مو سوى يالغالي يعني انت مافيك شي صح طيب العسكري يعلم الغيب انت اللي قلت ماني من اللي في بالك جبت الشكوك لنفسك لو مسكت لسانك كلها قسيمه تشميع وانت ماشي

ــــــــــ


والله أنك منتهي ، يالمنتهي 2009

يــــــــــــــــــــــــــا <<< حبيلك مــــــو أنــا خويي

[ابووليـــد]

شكراً لك

[×_وااا إسلاماه_×]

اقتباس المشاركة الأساسية كتبها ابووليـــد شكراً لك

ــــــــــــــــــــــــــــــــــــــــ



العفـــــــــــــــــــو ..............

[الشمعدان]

يأخي أنت وخويك غلطانين 1000000 بالمية :-

أولاً :-
ليش تدورون بالليول وش عندكم ريحو ملائككم وسياراتكم إيه والله هاللي قايمين يتهجدون بالليل ولاتطلع بالليول الا الشياطين 0

ثانياً:-
ليش خويك يقول للعسكري تراي مناب من اللي أنت خابر وش هو خابر لو العسكري يدور الشر قالك وش أنا خابر ويكتب فيك محضر إن خويك متهمه بشي إما0000 وإما 000000

ثالثاً:-
وش المثالية الزايدة بخويك يروح يسلم على العسكر كلهم ويقول استرو ماواجهتو وش واجهو منه وتقول يسلم مبدا رد السيئة بالحسنة وش السيئة اللي سوو له علشان يرد بحسنة

رابعاً :-
لو أنا العسكري كان ماخليتك أنت يارعي الددسن ياللي لفيت مع خويك جهةالبصيرية كان صكيتك بقسيمة مثله 0

خامساً:-
أبلعو العافية واركدو ببيوتكم وريحو المسلمين من دورانكم وتفحيطكم علشان ماتفوتون صلاة الفجر وإذا اصبحتو ترزقو الله مع المسلمين بالسوق0

ولاتزعلون علي نصيحة شايب لعياله ويحب لكم الخير ويبي لكم تصيرون أزين الناس وتقبلو كلامي بصدر رحب قولو يالله التوبة وجزاك الله خير ،،،،،

[ALHR]

بعض العساكر الله يهديهم الأخلاق عنده صفر ..!!
وبعض العساكر يبيك ترجاه علشان يمشيك ..!
لا والله ما اترجاك ولا حاجه ..
ألا عطن قسميه وأحجزن ولا أذل روحي عند واحد ما يستاهل أصلاً ..!
كل الي بالعسكريه الحين او اكثرهم يطلع من الدوام يروح يا يفحط او يدور عند [ الي انتم خابرين ..]

[اكحيلان]

اقتباس المشاركة الأساسية كتبها ALHR بعض العساكر الله يهديهم الأخلاق عنده صفر ..!! وبعض العساكر يبيك ترجاه علشان يمشيك ..! لا والله ما اترجاك ولا حاجه .. ألا عطن قسميه وأحجزن ولا أذل روحي عند واحد ما يستاهل أصلاً ..! بعض الي بالعسكريه الحين او اكثرهم يطلع من الدوام يروح يا يفحط او يدور عند [ الي انتم خابرين ..]

احسنت

[ابويسرى]

العساكر(السلاتيح) دايم تجده مذلول من اللي ارفع منه خصوصا الضباط الله يرفع قدرهم لاني والله الى الان ماشفت ضابط متكبر دخلت المرور قبل اسبوع والله ان الضابط يقوم معي ويخلص اوراقي والله اني مااعرفه ولاجيته من طرف احد 0000
لكن تعال شف السلتوح والله انه يناضرك بطرف عين ويسهجك يكلم بالجوال وانت واقف ماعبرك وش الفرق بين الضابط والسلتوح؟؟؟؟؟؟؟؟؟؟
الفرق وانا اخوك ان الضابط حصل على البدله بجداره وبدراسه وعن قناعه000000
بينما السلتوح لا فشل في دراسته لانه فاشل في حياته اصلا ولا لقى الاالعسكريه تقبله لا وبالواسطه واكثرهم حاقدين واكثرهم ضد المواطن ليس معه ناهيك عن الاخلاق الرديه وش ترجي من واحد مع الاسف يمثل الامن وهو تربية شوارع ولا اعمهم لكن فيهم ناس حاقده وجالسين يفرغون حقدهم على المراجعين بالتكبر ورفع الخشم وهو لاشي يتلقى الاوامر000000

[ابوعمرالصالح]

اقتباس المشاركة الأساسية كتبها ابويسرى العساكر(السلاتيح) دايم تجده مذلول من اللي ارفع منه خصوصا الضباط الله يرفع قدرهم لاني والله الى الان ماشفت ضابط متكبر دخلت المرور قبل اسبوع والله ان الضابط يقوم معي ويخلص اوراقي والله اني مااعرفه ولاجيته من طرف احد 0000 لكن تعال شف السلتوح والله انه يناضرك بطرف عين ويسهجك يكلم بالجوال وانت واقف ماعبرك وش الفرق بين الضابط والسلتوح؟؟؟؟؟؟؟؟؟؟ الفرق وانا اخوك ان الضابط حصل على البدله بجداره وبدراسه وعن قناعه000000 بينما السلتوح لا فشل في دراسته لانه فاشل في حياته اصلا ولا لقى الاالعسكريه تقبله لا وبالواسطه واكثرهم حاقدين واكثرهم ضد المواطن ليس معه ناهيك عن الاخلاق الرديه وش ترجي من واحد مع الاسف يمثل الامن وهو تربية شوارع ولا اعمهم لكن فيهم ناس حاقده وجالسين يفرغون حقدهم على المراجعين بالتكبر ورفع الخشم وهو لاشي يتلقى الاوامر000000

لم اجد لهم وصف افضل من السلاتيح الله يجعل من اطلق هالوصف بأعالي الجنان
لاتستغرب ترى نصهم همج(بـــ.............. ) وهالتالين من هالمبزرة الطافين اذا طلع من الدوام راح يفحط ويسربت ويدور عند المبزرة شرواو (حاميها حراميها)
مانبيلهم حماية وطن يفكوننا من انفسهم بس والوطن يحميه ربه ثم رجاله ماهوب مبزرته واسفله

[HAH]

اقتباس المشاركة الأساسية كتبها ابويسرى العساكر(السلاتيح) دايم تجده مذلول من اللي ارفع منه خصوصا الضباط الله يرفع قدرهم لاني والله الى الان ماشفت ضابط متكبر دخلت المرور قبل اسبوع والله ان الضابط يقوم معي ويخلص اوراقي والله اني مااعرفه ولاجيته من طرف احد 0000 لكن تعال شف السلتوح والله انه يناضرك بطرف عين ويسهجك يكلم بالجوال وانت واقف ماعبرك وش الفرق بين الضابط والسلتوح؟؟؟؟؟؟؟؟؟؟ الفرق وانا اخوك ان الضابط حصل على البدله بجداره وبدراسه وعن قناعه000000 بينما السلتوح لا فشل في دراسته لانه فاشل في حياته اصلا ولا لقى الاالعسكريه تقبله لا وبالواسطه واكثرهم حاقدين واكثرهم ضد المواطن ليس معه ناهيك عن الاخلاق الرديه وش ترجي من واحد مع الاسف يمثل الامن وهو تربية شوارع ولا اعمهم لكن فيهم ناس حاقده وجالسين يفرغون حقدهم على المراجعين بالتكبر ورفع الخشم وهو لاشي يتلقى الاوامر000000

أنا اختلف معك في مسألة أن الظباط ليسوا متكبرين وأن الأفراد لا يحترمون الناس .. فلا تعمم في ذلك فقد عانيت الأمرين لمن يحملون فوق كتوفهم النجوم وكأنهم جنرالات .. فقد خدمني من هو برتبة عريف في يوم من الأيام خدمة لا يعملها من هو صاحب رتبة الرائد والمقدم ..