[ايام زمان]

السلام عليكم ورحمة الله وبركاته !
ياشباب ماذايعني 0(نصب) السيارة إليك ,وكذلك لشباب؟ ومارأيك ؟
بارك الله فيكم ......

[المهتم المغتم]

والله اللي أفهم إن معنى نصب سيارة يعني أن تأتي السيارة منصوبة وتكون السيارة منصوبة في حالات مثل أن تقع مفعولا بها أو معه أو لأجله أو حتى مفعولا مطلقا وأن تسبق بأداة نصب مثل إن ولا النافية للجنس وأن تكون حال وتقع منادى

وأما رأي فالنحو زين بس عجزت أضبطه

شكرا لك على موضوعك المتألق

[اللهذام]

من فعل ذلك فأتوقع أن عنــده نقص وانفصام في شخصيته ..

وهي وللأسف ظاهرة منتشرة ..

[بريداوي 431]

اقتباس المشاركة الأساسية كتبها أبــــوعمــــر من فعل ذلك فأتوقع أن عنــده نقص وانفصام في شخصيته .. وهي وللأسف ظاهرة منتشرة ..

وراه ياحبيلك انفصام في الشخصيه
هم الحين ماسوو لك شي ولا اذوك وتقول تسذا
اجل تبيهم يفحطون تبيهم يطعسون تبيهم يغازلون
يارجال وش تبيهم يسوون
لاتقولي اقعد اقر كتاب ومدري وشو تراك تلعب على روحك
بالعكس هذا عنده حرص بموتره مايفحط عليه ولا يخربه
والصراحه غريبه الناس عندهم نظره شينه ؟؟؟؟ مدري وراه

[حفيد اعقيل]

.
.
.

مابه أزين ولاأشــين

الزينات فـاتحين أبــوابهم

والمغاســل تـــّدهـــــر

واللي صــانعينهن اليابان

وين الفخــر .. ؟؟

.
.
.

[بريداوي وكلي فـخر]

اقتباس المشاركة الأساسية كتبها حفيد اعقيل . . . مابه أزين ولاأشــين الزينات فـاتحين أبــوابهم والمغاســل تـــّدهـــــر واللي صــانعينهن اليابان أو تايلند وين الفخــر .. ؟؟ . . .

::::::::::::::::::::::::::::::::

هذا الكلام ..
لمنك شفت لك هايلوكس أو جيب ربع أو حوض ...إلخ
قل الحمد لله الذي عافانا مما إبتلاهـ به )

[دندون]

اقتباس المشاركة الأساسية كتبها أبــــوعمــــر من فعل ذلك فأتوقع أن عنــده نقص وانفصام في شخصيته .. وهي وللأسف ظاهرة منتشرة ..

هههههههههه من اللي معرف لك انفصام الشخصية ههههههههههه


الا على طاري تعرف وش معنى schizophrenia ... اكيد انه بعد معلمك عليها...

[اللهذام]

اقتباس المشاركة الأساسية كتبها harbi boy هههههههههه من اللي معرف لك انفصام الشخصية ههههههههههه الا على طاري تعرف وش معنى schizophrenia ... اكيد انه بعد معلمك عليها...

بـدو يارسول الله ،،

[دندون]

اقتباس المشاركة الأساسية كتبها أبــــوعمــــر بـدو يارسول الله ،،

عــبيــد يا أبو عمر

[naruto-1000]

اعصابكم يا جماعة كل واح بدا يفسرها وين حنابة انا اقول انه للفله وعشان يعلم الناس ان عنده جنوط فراشة وعنده وعنده <---يا قدمي وتزيد شهرتها وتصير معروفه بكل مكان

واذا مر من عند مجمع من الربع قالوله :082:

بس فيه نسبة 20% للي انا خابر <----- لا احد ينكر


قالي واح من الربع الى بعنيزة انهم اذا عرضو سياراتهم تطلع نشرات توزع بالمحلات فيها صورة السيارة وبرنت عنه <--- مادري ليش وسلامتكــــــــــــــــــــــــــــــــ ــــــــــــــم

[بريداوي 431]

وعليكم السلام ورحمة الله وبركاته
والله ياخلفهم النصب انك تركب جنوط وتحط غبار وتخلي تحتي الموتر يلمع
وتغطس الكنداسه وهذي يسونه بالرياض
همن لاقعدت سبوع لازم ترفع سيارك وقعد تجلي >>> يعني تلمع الشكمان زود والدفرنس بعد
وهمن تغسل الكفرات عند مغسلة القناة >>>>>> متعود
تغسلهن بخمسه همن تشري الملع حق الكنادر الأسود ذاك
همن تلمع به الكفرات لين يصيرن تقل لاحستهن بقره
الصراحه شغلانه بس وناسه
ولو ابتل اهرج منب قاضي
همن رح للفاخريه ولا لأي محل ولبق موترك ودبر لك احد تروح معه
والصراحه بالعكس احس انه عادي فضااااااااااااااااوه لاشغل ولا مشغله واشوف كل الشباب تسذا
يالله ايهم ازين نصب موتر
نضيع الوقت بذولي ازين من اذية خلق الله
وترا بعض الناس عنده تفكير يحسب الي ينصب موتره يحسبه عشان المبزره
لاوالله كله حب انه يخلي موتره نظيف وشكله صح
وآسف على الأطاله

[ابو معاذ]

[php][/php]

اقتباس المشاركة الأساسية كتبها بريداوي 431 وعليكم السلام ورحمة الله وبركاته والله ياخلفهم النصب انك تركب جنوط وتحط غبار وتخلي تحتي الموتر يلمع وتغطس الكنداسه وهذي يسونه بالرياض همن لاقعدت سبوع لازم ترفع سيارك وقعد تجلي >>> يعني تلمع الشكمان زود والدفرنس بعد وهمن تغسل الكفرات عند مغسلة القناة >>>>>> متعود تغسلهن بخمسه همن تشري الملع حق الكنادر الأسود ذاك همن تلمع به الكفرات لين يصيرن تقل لاحستهن بقره الصراحه شغلانه بس وناسه ولو ابتل اهرج منب قاضي همن رح للفاخريه ولا لأي محل ولبق موترك ودبر لك احد تروح معه والصراحه بالعكس احس انه عادي فضااااااااااااااااوه لاشغل ولا مشغله واشوف كل الشباب تسذا يالله ايهم ازين نصب موتر نضيع الوقت بذولي ازين من اذية خلق الله وترا بعض الناس عنده تفكير يحسب الي ينصب موتره يحسبه عشان المبزره لاوالله كله حب انه يخلي موتره نظيف وشكله صح وآسف على الأطاله

والله إنك تعجبن

[دندون]

الفخر بدفع الفلوس

[حفص]

وضحوه لك الشباب...