[الخشم11111]

السلام عليكم ورحمة الله وبركاتة
اخواني الأعزاء
موظوع هام جدا ونبي رايكم فيه بختصار
1| كنت انا وعيالي في المستشفى لجل مراجعه لولدي وأخذت رقم لجل فيه سرا من الساعه 3:30 ومادخلة على الطبيب الى الساعه 6:45 ولا فيه الى طبيب واحد
2| كانت زوجتي وباقي المراجعات في صالة الأنتظار النسائيه وطبعا المراة في الأنتظار تكشف غطاء الوجه علشان الحر وفجاة طلع الطبيب من غرفة الى غرفة على صالة النساء وطبعا غرفة الأطباء 5 غرف وكل غرفة فيها بابين باب على النساء وباب على الرجال ليش مايطلع الطبيب من باب الرجال
ولا الأجنبي ماله ؟؟؟؟؟؟؟
وشتكيت عليه وطبعا حصلتي مرات كثيره ولا فيه فايدة

وش رايكم في الموضوع
عبدالعزيز بن وائل التويجري
للمراسله على جوال ××××××

[الكووحلي]

وش نسوي لهم

[غريب نجد]

حسبنا الله ونعم الوكيل .غريب هالمستشفى


اسال الله ان يغير الحال الى حالا افضل

[ســمــو المشاعر]

في ادارة للمستشفى بإمكانك اخبارهم ما حصل لك
أسأل الله لك التوفيق

[SORRY]

حاط رقم جوالك تبي المسؤلين يدقون عليك

يا كبر شرهتك والله

[ahoak2002]

أخي الكريم موضوع كشف الوجه هذا خطأ منكم(كل واحده تكشف وجهها في مكان داخل طبيب وغيره بعد كل وقت) لإن هذا ليس قسم نساء فقط بل هناك طبيب وطبيبة وهناك باب من ناحية الرجال والنساء.. ولكن موضوع الحر معاك حق اذا كان هناك عطل بالتكيف

[الخشم11111]

اخوي الكريم هذي صالات حريم لو كان الطبيب يبي يطلع لغرفة ثانية يطلع من باب الرجال

[المواطن]

بريدة سكانها اعتقد اكثــر من نصف مليون

معقول المناوب لهذا العدد 1 دكتور !!!!!!!!!!!!!!!!!!!!!!!!!!!!!!!!

تخبط اداري في وزارة الصحه

المعروف عالمياً ان لكل 1000 شخص طبيب

[GENTELMAN]

يا اخي ادخل على مدير المستشفى وانقل له شكواك هل فيه احد ممكن يردك من الدخول عليه بل لايستطيع احد منعك ...... وزير الصحه الدكتور حمد لايمنع احد من الدخول عليه وشرح اي مشكله وهذا شيء انا جربته منه جزاه الله خير ترا اغلب المسؤولين يستمعون الى معانات المواطنين لاكن مشكلتنا اذا تعرضنا الى اي مشكله لانقوم بايصالها الى المسؤول وانما نحاول التشهير بهذه الجهه وهذا خطاء

[&اخت رجال&]

اقول اخوي الشكوه لله
اولا اهم نقطه عندي بالموضوع الى تقوله
انك تشتكي ليش مافيه الادكتور مناوب واحد
هذي اهم شكوه الاننا نجلس احيانا اوغالبا في الساعات وعيالنا على كتوفنا مصخين ولا ندخل الا بعد ما تطق كبودنا او نطلع ونروح المستوصف خاص
وثانيا زوجتك المفروض ما تكشف وجهه
الان مكان انتظار النساء صاله كبيره وبه عده ابواب كلن يدخل ويطلع على كيفه مهب اذا بغو يدخلون يصوتون
انا واغلب النساء مانكشف وجيهنا نضل بغطانا احسن الاننا مانظمن من يدخل والله لو حنا بغرفه خاصه الانتظار كان احسن لنا من نحية كشف الوجه
يعني الطبيب يظطر اللخروج من غرفته الغرفه ثانيه عن طريق استراحه النساء واغلب الناس يكونن مغطايات وجيهنن
ومهب قاعد يتنحنح اذا دخل ولا يقول يالولد
يبي يدخل ولاعليه ولا كاره
واسفه اعلى الاطاله

[الخشم11111]

اختي الكريمه أخت ارجال الله يعطيكي العافية وثانيا الطبيب رجال ليش مايطلع من عند باب الرجال والدكتورة تطلع من باب النساء
اجل نقول < صالة نساء عدم دخول الرجال....والرجاء من النساء عدم كشف الوجه من الممكن طلوع الدكتور من الغرفة>

[هاوي بريده]

أنا مثلك ذهبت بالولد الساعه 4.30 فجراً ولم أجد إلا دكتوره واحده وقد دخلت عليها حوالي الساعه6,30 علماً أن المراجعين أكثر من 30 شخصاً علماً أن الرقم وصل إلى565 مراجع . وقد تحد ثنا مع شخص مسؤل فقال أنا ليس بيدي حل . ثم قال أن الحل هو الحضور الصباح إلى مدير المستشفى . أنا بدوري كتبت ورقه من ظمن الشكاوى والإقتراحات . فهل من مجيب

[الخشم11111]

اخوي هاوي بريدة السلام عليكم والله اشتكيت اكثر من مرة وكلن يقول ان ماعندي صلاحيه والمناوب يقول ان موجود هنا بس لجل الأطباء وغيرهم يجون يوقعون الحضور والأنصراف

[الخشم11111]

أخواني ترا السالفه وقت الفجر