[متقهوي ديزل]

يواسيني وأنا الميت وحالي يجبر الدمــــعات
تسيل من الذي فيني ويبكي وهو يواسـيني
وأنا أبــكي واتنهد وأرسم بالــحزن لوحــــــــات
يجبروني عشان أمشي ورجلي ما تمشيني





قتلت رعايتي بيدي قتلت الحب والرحمــــــات
حرمت النفس من حقها وانا أبكيها وتبــــكيني
وكـــنه حلم قدامي يقيدني من الصرخـــــــــات
أبي أصحى ولكني عجزت ألقى الي يصحيني





فداك القلــب يايمه ومهما قلـــــت من كلــــــمات
صغيره في كـــبر حقــك بس أتمنى تعذريــــــني
نهبت الفرح من بيتي صحيح إني خسيس الذات
صحيح إني ولــــد طايـــش وكل ما أسمعه فـيني










تجول عيونهم فيني تفـصل مني قيـــــاســـات
وتشــيح وجوههم عني وكني غيرت دينــــــي
يظنوا حزنهم أكبر وهم أصحاب هالمأســــــــاة
وأنا أتحــدى إذا فيــهم ربــع مايحترق فينـــــــي






نقص قدري بعد موتك وغابـــــــت نشوة اللــــذات
وصـــــــار الــــهم عــــكازي أبـــــاكـــيه ويباكـــيني
عطيتيني بدون حساب ولا سمعتك تقولي هات
وأنا أشـــرب حيـل من دمـك ودمـك ما يكفـــــيني







يايمه ‘رجعــي كافي أبجلس معك لو لحظات
وأقبل إيــدك ورجلك وأفــرش لك رمش عيني
يايمه ما تحملهم يـــقولو فــات ماقد مـــــات
تعالي غيري هالقول وأطيعك باقي سنينــي






واترك عادة التدخين وأنفذ ما تبي بســـــــــكات
وأصلي الفجر في المسجد قبل منتي تصحيني
يايمه ارجــــعي تكفين وطفي شمعة الآهـــــات
أبـــــيك أنتي ولا غيــــرك على موتــــك تعزينــي








وضــــميني وداويني مثل ما كانت الهقـــــوات
ما أبي أحدن يواسيني أبيك أنتي تواسيــني
دخيلك بس لا تبكي إذا شفتي بي الـدمعات
أنا مقـــوى أبكيـــــــك إذا أنتـــــي تبـــــــكيني








اللهم أغفر لآبائنا وأمهاتنا


اللهم اجعلهم في بطون الألحاد


من المطمئنين ونور لهم في قبورهم


وأفسح لهم مد البصر يا رحمن يا رحيم
منقوول

[مخاوي الزعل]

أمين يارب العالمين الله يرحمه ويغفرله ويوسع مدخله

[الـمـهـاجـر]

الله يغفر لامهات المسلمين الأحياء والأموات .
والله يطول بعمر الوالدة ويخليها لنا

[‏!تميميه فله!]

يالله بكاني الله يرحمها