[مدحت شوقي بريده]

التاريخ : 25/11/1429

اليوم 18 من شهر اغسطس ديسمبر
من برج ام العنزين .. وهذي عيارة جدتي موضي ..


المنااااااااااااااااسبة :
احتفال جدتي موضي .. بعيد ميلاااااااااااااااااده ..



المكان :

بيت جدتي موضي باللاذقية ..



كنا جالسين بالصااااالة نحتري جدتي موضي تنزل علشاااااااااان تبداء حفلة عيد ميلاااااااادة ..
وفجاء نسمع صوت .. فبط فبط فبط .. ولاندري من اين يأتي هذا الصوت ..
قالن خالاتي اكيد هذا ضفدع .. يمكن عقب هالمطر متغبي منا والا منا ..
تكفون ياعيال دوروه لايحوس علينا الحفلة ..



وحنا ندور هالصوت بوسط البيت .. ونشوف جدتي موضي وهي نازلة مع الدرج
لابسة ( مقطعة ) الأخضر ابو زهور حمراء ..
وحاطتن بودر احمر وتقول فبط فبط فبط علشان تزين هالبودر ..
غاديتن تقول ضفدع يادافع البلى .. صوت وصورة ..



ونازله بالريوس .. وهي ماسكتن الدربزين .. علشان ماتكرفع مع الدرج ..
تقول اذا نزلت على قدام احس الدنيا تدور بي ..وسعابيلي تقاطر مااقضبهن همن ازلق بهن ..
وتنزل شوي شوي .. شوي شوي .. مع موسيقى تصويرية من نوع ( الزحير )
وعلى طول درعمت جدتي موضي لمكان الحفله ..




وكانت عمتي منيرة عندنا ومنسدحة بالصالة ..
وقعدت تناظر جدتي موضي وتقول له ..
ياموضي خافي الله .. لاالله يعقابنا بأسبابتس .. انتي وش جايتس .. يوم كبرتي انهبلتي ..


قالت جدتي موضي .. ايه اصلن انتي نغرتن من .. والا مهوب صيدتس الدين ..






****************
******
***
*




وما أمدى جدتي موضي تدخل لمكان الحفل عند خالاااااااتي هيلة ومنيرة وفوزية ..
الا وتقوم خالتي نورة مثل ابليس وتمكع فيش اللمبات وتطفيهن .. علشان يبداء الحفل ..
تقول عجلوا يالله .. رجلي قايلن لي .. لايأذن العشاء الا انتي بالبيت عندي ..
نفسية الله يخلف علي والا احد يقعد عقب العشاء بالبيت ..




عاااااااد يوم طفت الأنواااااااااااار .. نزت جدتي موضي ..
وقالت .. هو واويلي .. ورى النور طفى .. وينكن مااشوفكن ..
مااشوف الا هالضوء اللي شابة تقول برابغ والا بالظهران ..



مسكت انا يد جدتي .. وقلت له :
يالله يمه طفي هالشمعااااااااااااات .. خلي الحفل يبداء ..
انفخي عليهن بقوة .. خوذي شهيق ثم زفير .. وطفيهن ..


وشو شخير وصفير .. من قالك اني ابنام واشخر .. وه بس ياوليدي ياكثر خرطك مير ..

يمه انا اقول شهيق وزفير .. يعني ادخال الهواء شهيق واخراجه يعني زفير ..

ياوليدي الله يسدد مخارجك .. تراي ابطحلك هاللحين .. أنا مابي حيل اصفر ..

يايمه مابيتس تصفرين .. اقول زفير يعني انفخي هالشمعات علشان تطفينهن ..

وشواله تشبونهن اجل يوم إنكم تبونن اطفيهن .. أجل هي الدعوا بس فسق ..

اقول انفخي بسرعة فشليتنا عند الناس .. يالله متولمين يبي يصفقون ..

اووووف اااووووف ااااووووف .. <<((== هذي جدتي ايقاله تنفخ الشماعات ..

يمه .. وشو هاللي يتدودل ..

هذا سني مامسكه الا عصب واحد وكل مانفخت يطلع يهز شوي همن يرجع ..
تصدق ياوليدي إني اوسع صدري عليه اذا صار ماعندي احد .. ..


ايه يمه طفيهن ..
همن غني مثل اللي يغنون .. يقول هابي بيرت داي تو يو .. .. هابي بيرت داي تو
يالله يميه قولي مثلهم ..



طيب ردوا انتم وراي ..
ابي بيتي وديو .. ابي بيتي وديو .. ابي بيتي وديو ..


اقول وش ديو .. ماتبين ميراند اطعم ..


اهابس انثبر .. هاللحين كم من شمعة هذولي .. ابطيت وأنا ماغير انفخ بهن ..

هذولي 98 شمعة .. كثر عمرتس يمه .. يالله عجلي طفيهن كلهن علشان تقطعين التورته ..


وصلت 45 شمعة وطفت جدتي موضي من كثر النفخ .. قلبت زرقاء وطاحت علينا ..
وانحاااااااااااااقت السالفة .. وبلشنا بجدتي موضي هاللي طااااحت ..


قالت خالتي هيلة ..
انفهقوا عنه يامال المضراب خلوه تنفس لاتموت علينا ..
وقعدن خالاااتي ينفخن عليه ..








*************
*****
***
*



عمتي منيرة يوم شافتهم تسذا قالت :
ايه سااااااااااادة عقوبتكم .. اجل مخلين هالعجوز تنفخ ..
وهي ماله علم بالنفخ الا يوم هي تقرص بهاك المقرصة السوداء وتنفخ للنار حدره ..

هاللحين ربي بلاااااااكم وخلااااااااااااكم كلكم تنفخون عليه ..

الله لايبلااااااانا محتفلين بعيد ميلااااااااااااااد ..
من زينه هاللحين باسكال ميرغلاني .. علشان تحتفلون بميلااااااده ..


لو الواحد يبي يحتفل بميلااااااااد .. كان احتفل بميلاااااااااد سيد البشر رسولنا ونبينا محمد ..
مهوب يحتفل بكسرة هالعجوز ..


مير الشرهة مهيب عليكم .. الشرهة على هاللي مفتي لكم بجواز الاحتفال بهالاعياد ..
اللي كله فسق وهبااااال ..


ماقول الا بمان الله .. ابروح لعيالي ..


سي يو ..

[بدر بن عبدالله]

هههههههههههههههههههههه، تنسيم يا أبو إبراهيم،
حتى جدتك موضي ما سلمت من طنزك الله يصلحك بس،
وأم سنه كل ما انفخت طلع هذي بلحاله، أجل جدتك موضي
راعية عيد ميلاد وحركات الله يصلحه بس، قله اعقلي بس
وخلي عنس الخرابيط والخنبقة ما عندنا إلا عيد الفطر وعيد
الضحية بس.

شوقي المدحت ما أقول إلا الله يخلي لكم جديدتكم موضي ويطول
بعمره على عمل صالح يارب، وأنت خل عنك الطنازه.

* وكلام عمك منيرة هو الكلام السليم.

وتقبل مروري يا شوقي المدحتوه.

لك ودي واحترامي.

[مدحت شوقي بريده]

اقتباس المشاركة الأساسية كتبها كربة النخلة هههههههههههههههههههههه، تنسيم يا أبو إبراهيم، حتى جدتك موضي ما سلمت من طنزك الله يصلحك بس، وأم سنه كل ما انفخت طلع هذي بلحاله، أجل جدتك موضي راعية عيد ميلاد وحركات الله يصلحه بس، قله اعقلي بس وخلي عنس الخرابيط والخنبقة ما عندنا إلا عيد الفطر وعيد الضحية بس. شوقي المدحت ما أقول إلا الله يخلي لكم جديدتكم موضي ويطول بعمره على عمل صالح يارب، وأنت خل عنك الطنازه. * وكلام عمك منيرة هو الكلام السليم. وتقبل مروري يا شوقي المدحتوه. لك ودي واحترامي.

كبرة النخلة ..

هلا بك يابعدي انت ..

ترى جدتي موضي تتبع الموضة بس .. والا اول ماقلنا له وش معنى عيد ميلااد ..
قالت هذا عيد بنت جيراننا ميلاد ..
ياويلي اسمه ميعاد .. بس جدتي ماتعرف تقول ميعاد ..
تقول اذا قلت ميعاد احس اني لبنانية همن استحي ..



عاااااد يوم عرفت معناه .. ابلشتنا الا تبي تسوي عيد ميلااااااااااااد ..
فاتك اول مانزلت قعدت تصيح .. تقول ياليت ابو سليمان ابو عيالي حي ..
علشان يشوفن وانا كاشخة ..
من زينه هي وعيونه هاللي تقول فتحات فيش ..


مشكور يابعدي ياكبرة النخلة ..


سي يو ..

[A N A S]

صح إلسانه عمتك منيره .




بالتوفيق

[مدحت شوقي بريده]

اقتباس المشاركة الأساسية كتبها بريدة city صح إلسانه عمتك منيره . بالتوفيق

بريدة ستي ..

ياهلا والله وغلا يابعد معاليق البطين الأيمن وشلقة من البطين الأيسر ..

يالبي انت لو اقوله تسذا .. كان تقولي ..
هاللحين احدث عليكم وتقولون صح لسانتس ..
اجل لو ابقول قصيدة تبي تطقون اصبع وترقصون ..

<<((== ولو ماتنتحااااااااااااارش العمه ..



مشكور يالبي ..



سي يو ..

[الانصاري]

ههههه
أضحك الله سنك يامدحت عيد ميلاد مرة واحدة .

[مدحت شوقي بريده]

اقتباس المشاركة الأساسية كتبها الانصاري ههههه أضحك الله سنك يامدحت عيد ميلاد مرة واحدة .

الانصاري .,.

يابعدي انت .. الظااااااااااااهر انك ماتدري ان الموضة هي عيد الميلاااااد ..
يالبي حنا من زود الفرااااااغ يدورون اي شي يحتفلون بوه ..

حفلة النجاح .. حفلة الجدات .. حفلة الامهات ..

والله يخلي ابو ريالين ..
ولو توقف هالحفلات .. والله يامحلات ابو ريالين إن يقلبونهن محلات خضار ..


مشكور يالبي ..

سي يو ..

[المواطن]

سلام عليكم

وشلونك مدحت .. طيب انشاء الله .. جعله دوم ... بـس حبيت امر واسلم

وماعندي شيئ اقوله هذه المره بس المرات الجايه ابشر بالخير يابعدي

[الطرطعانة]

مستر متحت...

سلملي على جدتك وقلها ماتشوف شر....

والله يقومه بالعافية...(مصدق السالفة)

[اريافي]

برافو على هذا الموضوع الهادف والنقاش الجاد جدا ...


عسى ما تكلفت بهالعيد انت وموضي

[بريدة العز]

اقتباس وحاطتن بودر احمر وتقول فبط فبط فبط علشان تزين هالبودر ..

ههههههههههههههههههههه ..

و الله ياهي نكته

[ما تَهَاب]

أســــلوب رائــــع ,, أوصلـــت به المعـــلومه
بطـــرافـــه ..

الله يجزاكم خير ويكثر من أمثالكم ...

[وحيد المعنى]

ما أقول إلا ياليت نحضى بشرف لقاء مع تلك الثلة التي نحسبها والله حسيبها مدرعمات

[محترف الخبوب]

تنسييييييييييييييييييييييييم

شكرا مدحت