[مشاعر النور]

[السلام عليكم ورحمة الله وبركاته:
اولا بحكيكلكم عن معناتنا حنا بقرية البطين الواقعه بالمفرق حق مصانع الشمال حنا يااهل الخير ينقصنا اشياء كثيره اهمها مكتبه/سوبر ماركت/صيدليه/صرافه/مطاعم/واسواق ولومحل صغير ماعندنا واذ بغينا شي رحنا لبريده حوالي 45كيلو لوحاجه بسيطه رحنا هالمسافه واب منكم يااهل بريده خصوصا تجارها اوتعرفون احد وده يسوي مشروع يسويه عتدنا يتصدق فيناوربي وربي راح ينجح باذن الله وعلما ان هذه القريه يجاوز عددسكانها2000شخص وفيها مجمع مدرسة بنات ومجمع عيال ومستوصف وخياط وبقاله صغيره فقط لاغير"
واكون لكم شاكره وراح ندعيلكم ووتتوجرون فالناس

[بدلها]

الله يسر أموركم يارب ويفرج كربكم

[عاشق الريف]

لا يأس مع الحياة ولا حياة مع اليأس
المكتبة والسوبر ماركت انشاء الله قريب بتكون عندكم على ماظن واعتقد المطعم بعد
اما اذا كان لايوجد صراف آلي عندكم بأمكانكم وعن طريق عمدتكم كتابة طلب لأي ادار إقليمية لإحدى البنوك المعروفه وسوف يتم النظر في وضعكم ان شاء الله
والتطوير لا يحصل إلا إذا كانت هناك إرادة ...
:
:
تقبل مروري

[الوزير الفدرالي]

والله مب شينة الصراحة ابفكر به .. لكن طلعة براسي فكرة اني افتح مخازن تكوون لكل شي ..

ابفكر واشوف .. لكن على كم اسعار الاراضي عندكم ..

وبعدين اخااف اجي افتح ويشوفونن الحساد والله ان تنتلي البطين مخااازن

عندنا نااس لو يشوفون واحد يبيع جح وعنده اثنين من ربعه يسولوفون معه من بكرا جنبه

عشرين واحد يبيعون

لكن بحول الله وقوته ابفكر بها المشروووع وان شاء الله يبنجح دعووواتكم

واذا مشى المشرووع صح ماعليييكم الصرافة وراو على طووول

[عاشق الريف]

اقتباس المشاركة الأساسية كتبها الوزير الفدرالي والله مب شينة الصراحة ابفكر به .. لكن طلعة براسي فكرة اني افتح مخازن تكوون لكل شي .. ابفكر واشوف .. لكن على كم اسعار الاراضي عندكم .. وبعدين اخااف اجي افتح ويشوفونن الحساد والله ان تنتلي البطين مخااازن عندنا نااس لو يشوفون واحد يبيع جح وعنده اثنين من ربعه يسولوفون معه من بكرا جنبه عشرين واحد يبيعون لكن بحول الله وقوته ابفكر بها المشروووع وان شاء الله يبنجح دعووواتكم واذا مشى المشرووع صح ماعليييكم الصرافة وراو على طووول

ياحليلك يالفدرالي
:
بالتوفيق

[ابوطارق الفايز]

اسأل الله لكم الإعانة والتوفيق

[اخت رزين]

ياحياة الشقى

ان شاااء الله ترزقوون باللي يسد حااجتكم..

والله مشواار 45 كيلو الله يعينكم

[مـغـتـرب]

يازين بريدة اسكن ببريدة وش أبي بالشقا...


((ويازين النخل))

[أبوصالح 666]

الله يفرج لكـمـ

[مشاعر النور]

اشكركم على الردود سعر الاراضي عندنا12000واذ كانت غاليه ب20000والايجار ارخص مايكون السنه5000

[لماح..!]

حياك الله يا مشاعر النور..
الله يكووون بعونكم والامير اللي
عندكم وراء ما يحيي الديرة ولا
جيد بالعقم اللي مسكر عليكم من
كل الجهات كأنكم بسجن..
الله يعينكم على ماانتم فيه


والله اهل القرى يكسرون الخاطر
مدري وش يبون فيها...







شكرا

[@@الوتين@@]

أي قريه ودك تفتح فيها محل يبيع كل شي تخدم فيه أهل القريه .


للمعلوميه برامج عبداللطيف جميل تعطي قروض لعمل مشروع تجاري وبشروط ميسره وبدون فائده يصل الدعم الى 100000ريال وسدد يصل الى 60 شهر يعني القسط 1600ريال بالشهر .
والله فرصة لشباب الطموح عمل مشروع بدون راس مال


وأنا اتوقع والله أعلم أن المشروع هناك مراح يكلف أكثر من المبلغ



الله يوفق الجميع

[ناسي النسيان]

انا اعرف المدير حق هيبر بندة الجديدة ابا اكلمه يفتح عندكم فرع احسافة كل ها السكان ماعندكم شي انتم بقاله تخب عليكم

وشكرا

[cmail 4 my]

خــلاااص

أنا راح أقول لأبوي

وعمـي << أحلفي


وأتمنـا إنــي أكون سويت شي


اللهـ يوفقكمـ

تحيـاتـي :

Cmail 4 my