[`صمـود]

قبل شوي قريت موضوع ويوم جاء عل بالي اكتب هذه الملاحظه ,,


لذلك قد يكون الكلام مكركب بعض الشي .. فـ معذرة ...

على طاري الزعل والطلاق وردة فعل الاهل ...

اللي انا اعرفه ان المطلقه طلقة واحده او اثنتان من السنه انها لاتخرج عن بيت زوجها لعل الله يحنن قلوبهم لبعض ويرجعون زي اول واحسن

معليش اعذروني لم احفظ نص الحديث الدال على ذلك من يذكره يذكرنا به جزاه الله خير ...

لكن ثقافة المجتمع واللي مطبقة فعلا : ان المطلقة طلقه او طلقتين تجمع قشه وتروح لاهله ! ! !

واهلها راضين ,, وبالعكس اللي اشوفه انها اذا ماجابها زوجها لمّهم هم اهلها يجون ياخذونها من بيته ؟!


ويننا عن تطبيق السنه ..

ماتدرون لعل الزوجين يرجعون لبعض احسن من اول ,

وقد تجنون عليهم بفصلهم عن بعض سكنياً


وكلنا عارفين ان المطلقه بلسان المجتمع وليس بلساني : عار يمشي على الارض !

وانتم يا اهالي هداكم الله تعينون وتعاونون على الهجران والبُعد ..

ساعدوني في مناقشة الموضوع رعاكم الخالق ,

(اذا اخطئت .. صوبوني )

[هايين]

اصبت انك استشهدت من السنه المطهره
ولكن لا ترى ان الرجل طلق بعد ماطابت نفسه
فلو رجعت لانجبت طفل ثم طلقت مره اخرى
والله اعلم

[ما تَهَاب]

اقتباس المشاركة الأساسية كتبها `صمـود وكلنا عارفين ان المطلقه بلسان المجتمع وليس بلساني : عار يمشي على الارض !

وش دعوى عار يمشي على الأرض والله لو انها زانيه ..
صح ان المجتمع ينظر لها نظره غير لكن ماتوصل للعار ..

وبالنسبه لموضوعك هذي عادات تعودوا عليها الناس ,, وفي أشياء كثيره مو حرام بس المجتمع يعارضها ..

شكراً لكم على هذا الموضوع ..

[`صمـود]

الله يحفظكم ..

بالنسبه لرجوعها و احتمال تنجب طفل ويطلقها ,,

كلها احتمالات . ولكن الموضوع االاساسي هو : لماذا لاتجلس المرأه ببيت زوجها عندما يطلقها طلقة واحده او طلقتان ؟!

لماذا تتركه مع انه له حقوق نفس قبل وتروح بيت ابوها ؟

اذا على المشاعر .. ممكن يجون اهلها بين الفينه والفينه زيارات خفيفه ولكن هي ماتروح وتقعد عندهم فتره طويله وممكن تعدي المدة وتطلع من ذمته !

ولو هي جلست عنده يمكن صار وضع ثاني ان شاءالله .. عدا انه تطبيق للسنه .


ولو كل من تهور وفعل مالاينبغي بلحظة استسلام للشيطان .. سنعاقبه نحنُ بهجره ومقاطعته تحسيسا له بالذنب .. لما تبقى لنا اخ او صاحب يسأل علينا !

نظرة المجتمع للمطلقه مازالت سوداويه ,

[الجمان]

اقتباس وكلنا عارفين ان المطلقه بلسان المجتمع وليس بلساني : عار يمشي على الارض !

[زخآت مطر ,,]

من الطبيعي إنه ما راح تجلس ببيته

يا أخي وين عزة نفسه !
إلّا إذا طلب منه زوجه هذا الشيء





أطيب تحية : }

[%*%الحلوة%*%]

كلامك عين العقل ياليت التطبيق

[الغضارة]

وكلنا عارفين ان المطلقه بلسان المجتمع وليس بلساني : عار يمشي على الارض !

اعوذ بالله
جاي تعلمنا وتذكرنا بالسنة وانت تزرع شوك وش هالكلام ومن قال انه عار لو عار ما شرع الله الطلاق ولا طلق الرسول بنت الفاروق ثاني اعز الرجال إلى قلبه عليه الصلاة والسلام يعني زينب اصبحت عار وهي أم المؤمنين رضي الله عنها
الحق عمرك وعدل الكلام وبلاش عجله وعجعجه

[`صمـود]

اقتباس المشاركة الأساسية كتبها الغضارة وكلنا عارفين ان المطلقه بلسان المجتمع وليس بلساني : عار يمشي على الارض ! اعوذ بالله جاي تعلمنا وتذكرنا بالسنة وانت تزرع شوك وش هالكلام ومن قال انه عار لو عار ما شرع الله الطلاق ولا طلق الرسول بنت الفاروق ثاني اعز الرجال إلى قلبه عليه الصلاة والسلام يعني زينب اصبحت عار وهي أم المؤمنين رضي الله عنها الحق عمرك وعدل الكلام وبلاش عجله وعجعجه

انا قلت هذه نظرة المجتمع ..


وليس كل آراء المجتمع صحيحه

[امام الجامع]

اقتباس معليش اعذروني لم احفظ نص الحديث الدال على ذلك من يذكره يذكرنا به جزاه الله خير ... لكن ثقافة المجتمع واللي مطبقة فعلا : ان المطلقة طلقه او طلقتين تجمع قشه وتروح لاهله ! ! ! واهلها راضين ,, وبالعكس اللي اشوفه انها اذا ماجابها زوجها لمّهم هم اهلها يجون ياخذونها من بيته ؟! ويننا عن تطبيق السنه ..

0

{يَا أَيُّهَا النَّبِيُّ إِذَا طَلَّقْتُمُ النِّسَاء فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَبَّكُمْ لَا تُخْرِجُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ وَتِلْكَ حُدُودُ اللَّهِ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْراً }الطلاق1

ولا يجوز لهن الخروج منها بأنفسهن، إلا إذا فعلن فعلة منكرة ظاهرة كالزنى, وتلك أحكام الله التي شرعها لعباده,
ومن يتجاوز أحكام الله فقد ظلم نفسه, وأوردها مورد الهلاك.
لا تدري- أيها المطلِّق-: لعل الله يحدث بعد ذلك الطلاق أمرًا لا تتوقعه فتراجعها.
فتبقى في بيت زوجها لعله يراجعها ويستحب لها أن تتزين له ترغبياً له في مراجعتها
فهذه الآية الكريمة تدل على أنه لا يجوز خروجها ، بل الواجب عليها البقاء في بيت الزوج وعدم الخروج منه لعل الله يحدث بعد ذلك أمراً وهو المراجعة

0

[فـارس]

اي عار
هي جزء نافع بالمجتمع
وحسب الاهل وعقلياتهم

ووش حلاتها وهي قاعده ببيت زوجها تسوي الاكل وتطبخ وتنفخ
وهي طاقة نقاب وتنام بالمقلط
وكلما جاء رجله يقول ياولد
هو ما طلقه الا بمشكله
ولو جلست يمكن يتفاقم الامر
لازم يتدخل احد يصلح ذات البين

لان الطرف الثالث هو اللي يربطهم ويقرب وجهات النظر
عسى الله لا يبلانا بشر

[أم رائد ورامي]

أختى صمود ....

كلامك صحيح بس أنا من وجهة نظري انة اذا وقعت الطلقة الاولى

من النادر أستمرار العلاقة بينهم ..


وكذلك النفسية تصير زفت مالها نفس تجلس ...

[لااله الاالله]

جزاك الله خير على الموضوع ..

[الحلة464]

نعم المطلقة تضيق صدر أهلها حتى لو كان الطلاق بطلب منها
ولكن لايجوز عبارة( عار ) أرجو إنك تسحبها وهذا إبتلاء من الله
(وإن يتفرقا يغن الله كل من سعته)
والله يستر على بنات المسلمين