[القصــ حزن ـيمي]

بسم الله الرحمن الرحيم

مما لا شك فيه هو انتشار المطاعم العائليه في بريده والتوجه الكبير لها من قبل المواطنين والمقيمين ولك هناك بعض المطاعم تشترط ان يكون دخول العائله مع محرم ولكن مطاعم عمـــــــــــو حمزه فيها شي عجيب يسمح للعائله بالدخول بدون محرم وماحدث يوم الخميس الماضي دخلت المطعم مع زوجتي الساعه 10.40 تقريبا فقال لي احد العاملين تحتاج الا 30 دقيقه حتى تستطيع الدخول لاحد الكباين الموجوده في المطعم وكان هناك جلسه في النص من دخل المطعم اكيد يعرفها وكان هناك زحمه فضيعه اكثر من 13 امرأة لوحدهن ومعهن بعض الاطفال فقلت هناك زحمه قال لي هذه عائله واحده لاعليك سوف نجد لك جلسه قريبا المشكله ليست هنا بل بالفوضى التي تحدث من تعامل النساء الموجودات مع الموظفين بالمطعم من حيث التحجج بالطلبات كل شوي تسمع وحده تنادي تقول بكل سخريه وصوتهامسموع (ياعمـــــــــــو حمـــــــــــزه واحد ماء )كررتها اكثر من مره والتعليق عليها من كل جلسه فيها نساء فقط المصيبه هي انه اذا جاء ينادي في الخارج تتفآجى بقولها له ادخل وانزل الماء او غيره على الطاوله والضحكات في كل مكان

وفي الختام اتمنى ان تكون هناك رقابه في هذا المطعم والتشديد على الدخول بدون محرم ومنعهم


ودمتم بود

9

[*سـكـر خـشـن*]

خلهم يدخلوون بدون محرم بس يقصرون آصوآتهم تخيل نآس جلسو بجنبنآ وآنوآع الآزعآجآت وكل وآحد يعير الثآني يعني آنوآع الفضآيح


والشرهه مهب على البزرآن على الحريم الكبآر اللي معهم . .




شــكــرآآ

[القصــ حزن ـيمي]

سكر خشن صدقت اخوي الشررهه على الكبار


خلها علها على ربك سمعت ذلك الليله شي عجيب

شكرا على المررور

[HAH]

انت قلت معهم اطفال ,, يعني لازم يجي الوالد معهم

[طالب بس شايب]

اخوي قصيمي حزن انا اشوف من وجهة نظري انه مافيها شي اذا راحن للمطاعم العائليه وحدهن بدون محرم لانهن يكونون مجموعات كبيره .

بس المشكله انه فيه حريم يصيرن خربانات و يخربن على الباقي .

و ذولا حتى اذا كان هناك صرامه في موضوع المحرم وان النساء ما يدخلن الابمحرم و هالحرمه خربانه بتطلع مع خويها .


واذا كنت بحاجه لتوقيع اكتب لي طلباتك الى تبغاها على التوقيع و انا مستعد اصمملك توقيع

تقبل تحياتي

[مخاوي الزعل]

ياماعنينا من هذه الاشكال كن مابه غيره في المطعم
كنت احد الايام في مقهى بريك كافي والمصبيه انه فيه بنات فوق وضحك واصل تحت وكل الي في المقهى يسمعون اصواتهن وبوضوح لان الجلسه فوق وفيه فتحه في اخر الدور والله اني استحيت وطلعت من المقهى الصراحه شي يخلي الواحد يتضايق

[صحفي الصحه]

ومافائدة المنع من دون مناعه؟؟؟؟

يعني لو منعناهن من دخول مطعم نضمن انها ماراح تفعل شي مسئ ابدا!!!
لا المنع ليس بحل وخصوصا هناك من النساء اللي تبي تمشي اطفالها وتفرحهم وهي محترمه وماعندها احد ممكن يروح معها حرام اخذ ذنب هذه بهذه
وبعدين البيئات تختلف
يمكن هم عندهم عادي مااعتقد انه في احد ممكن يتمادى بوجود اقاربه او اهله او اصدقائه
غير كون انهم يقولون للجرسون يحط الطلب على الطاوله مافيها شي دامهم بحجابهم وعلى فكره هذه شغلته بكل مكان يرتب الطاوله ويمسحها ويحط الطلب بشكل منظم

وبقول شي واتمنى ماينفهم غلط
انا لاحظت سوء ظن بامور كثيره تنطرح بالمنتدى
يعني الواحد يروح يتعشى وينبسط مع اهله والا يراقب الناس وبنات خلق الله وهذا قال وذي سوت
الى درجة واحد مريض بالمستشفى يناظر موظفه تعمل بالمستشفى وتكلم موظف فقام يقولي شوف وش اللي صار لبناتنا وضخم الامور لدرجة وماعطاني فرصه اقوله
ان الموظفه والموظف هم زوجين يعني متزوجين!!!!!
وحتى لو ماكانوا متزوجين ترى كلامهم يخص العمل ومعهم اوراق وتواقيع يعني يابن الحلال دع الخلق للخالق وبدل ماتشوف موعدك وطبيبك قاعد تراقب الناس!!!!
ويمكن لو مالحقت عليه وعلمته تلقاه فاتح موضوع طويل عريض بكل منتدى في القصيم وغيرها يحكي ويزيد غير البهارات اللي لازم تضاف للنكهه
اجل مره ادخل موضوع واحد كاتب بناتنا عاريات في النخيل!!!!!!!!!!!!!!!!!!!!!!!!!!!!!!!!!!!!!!!!
الحمدلله والشكر!

[ملك بأخلاقه]

اقتباس المشاركة الأساسية كتبها صحفي الصحه ومافائدة المنع من دون مناعه؟؟؟؟ يعني لو منعناهن من دخول مطعم نضمن انها ماراح تفعل شي مسئ ابدا!!! لا المنع ليس بحل وخصوصا هناك من النساء اللي تبي تمشي اطفالها وتفرحهم وهي محترمه وماعندها احد ممكن يروح معها حرام اخذ ذنب هذه بهذه وبعدين البيئات تختلف يمكن هم عندهم عادي مااعتقد انه في احد ممكن يتمادى بوجود اقاربه او اهله او اصدقائه غير كون انهم يقولون للجرسون يحط الطلب على الطاوله مافيها شي دامهم بحجابهم وعلى فكره هذه شغلته بكل مكان يرتب الطاوله ويمسحها ويحط الطلب بشكل منظم وبقول شي واتمنى ماينفهم غلط انا لاحظت سوء ظن بامور كثيره تنطرح بالمنتدى يعني الواحد يروح يتعشى وينبسط مع اهله والا يراقب الناس وبنات خلق الله وهذا قال وذي سوت الى درجة واحد مريض بالمستشفى يناظر موظفه تعمل بالمستشفى وتكلم موظف فقام يقولي شوف وش اللي صار لبناتنا وضخم الامور لدرجة وماعطاني فرصه اقوله ان الموظفه والموظف هم زوجين يعني متزوجين!!!!! وحتى لو ماكانوا متزوجين ترى كلامهم يخص العمل ومعهم اوراق وتواقيع يعني يابن الحلال دع الخلق للخالق وبدل ماتشوف موعدك وطبيبك قاعد تراقب الناس!!!! ويمكن لو مالحقت عليه وعلمته تلقاه فاتح موضوع طويل عريض بكل منتدى في القصيم وغيرها يحكي ويزيد غير البهارات اللي لازم تضاف للنكهه اجل مره ادخل موضوع واحد كاتب بناتنا عاريات في النخيل!!!!!!!!!!!!!!!!!!!!!!!!!!!!!!!!!!!!!!!! الحمدلله والشكر!

رد رائع من عضو جديد
بدايه رائعه جزاك الله خير وسلمت يمينك.

واقول لصاحب الموضوع:
اتق الله كما قلته لك سابقآ في موضوع اخر لك
وذا شفت شي اعتقد ان مراكز الهيئه فاتحه اخطوطه
وابوابه فليش تجي تشكاء با المنتدى

[الشمالي]

لاحول الا الله
طيب هو بالاصل مطعم عوايل لازم كمان محرم !!

[المنخرش]

هين ماعندك مشكلة

حتى مطعم سينيز مرة تعشت فيه واللي جنبنا كلم حريم 4 او 5 حريم

بس مثل ماقال الشيخ اللي فوق
خلهم يقصرون اصواتهم

[ღ.. متآبع بصمت ..ღ]

لا تعليق!!
الله يخلف عليهم

[مشـآكـس]

يـاناس افهم المشكله موو من المطعم المشكله من الزباين اللي فيهـ


الله يهديكم خربتوو سمعت المطعم على حساب ايش ؟؟؟؟؟؟؟

[المسفهل]

الملامة لا تقع على عاتق المطعم ومن الخطأ في الموضوع تسمية المطعم بإسمه ، إنما الخطأ يقع على عاتق بعض النساء من قليلات التربية لأصواتهن اللاتي يحاولن بهن لفت الأنظار .

[ملك الغابه]

اقتباس المشاركة الأساسية كتبها المسفهل الملامة لا تقع على عاتق المطعم ومن الخطأ في الموضوع تسمية المطعم بإسمه ، إنما الخطأ يقع على عاتق بعض النساء من قليلات التربية لأصواتهن اللاتي يحاولن بهن لفت الأنظار .