[القصــ حزن ـيمي]

بسم الله الرحمن الرحيم

كنت قبل قليل في مهرجان الكليجا بصراحه شي جيد ويحسب للقائمين ولكن الرقابه كانت غائبه جدا من عدم اللتزام بالحجاب شي عجيب لاوالمصبيه الي يبيعن مطيحه الميانه معي اناوزوجتي كانها تعرفنا بعض الشباب من اللجنه الصراحه انهم عكسوا صوره سيئه لانهم يتلزقون في كل مجموعه بنات وحركات ثانيه واول ماوصلوا الاخوان بالهيئه اقتلب الوضع كل وحده تغطت وتحشمت ليش مايكون عندنا رقابه علىنفسنا بدون الهيئه ولا لازم الهيئه هي الي تدل بعض النساء على الطريق الصحيح بلبس الحجاب الشرعي

وهنا اقول للهيئه جزاكم الله كل خير الصراحه فيه ناس بدونك ماينعدلون لو ايش ماتسوي لهم

ودمتم بود

[كتكوت بريدة]

الهيئة . الهيئة . الهيئة !!!!!!!! ؟

[القصــ حزن ـيمي]

لان مثل ماقلت فيه ناس لازم يعدلون بالغصب

[زمن التحدي]

والله اخوي صدقت الي شفته في المهرجان من انجاز حلو وطيب وشي جديد في بلدنا نعتز فيه لكن ايش يخرب هذا التقدم والتحضر عندنا الي بعض الناس الله يهديهم يخلون لكل انجاز تعليق واتمني من الهيئه التشدد والتواجد اكثر في الصاله الخاصه ق بيع النساء لان والله الي شفته من الميانه وعدم مبالاه بالحجاب مو الكل البعض يفسد نتايج المهرجان واطالب بشده واتمني الحرص علي عدم ترك الحبل علي الغالب

[القصــ حزن ـيمي]

اقتباس المشاركة الأساسية كتبها زمن التحدي والله اخوي صدقت الي شفته في المهرجان من انجاز حلو وطيب وشي جديد في بلدنا نعتز فيه لكن ايش يخرب هذا التقدم والتحضر عندنا الي بعض الناس الله يهديهم يخلون لكل انجاز تعليق واتمني من الهيئه التشدد والتواجد اكثر في الصاله الخاصه ق بيع النساء لان والله الي شفته من الميانه وعدم مبالاه بالحجاب مو الكل البعض يفسد نتايج المهرجان واطالب بشده واتمني الحرص علي عدم ترك الحبل علي الغالب

شرفني تواجدك اخوي وردك سلمت وسلمت يمينك

[ابونادر]

يعطيك ال عافيه... على هالموضوع
وربي يجزي الهيئه كل خير..ولاكان بدونهم؟؟؟؟؟؟؟؟


تحياتي

[خكري]

الله يجزاهم خييييييير

[شمـوخ !]

لو نحن بدونهم كان على الدنيا السلام
اللهم احفظ رجال الهيئه البواسل حراس الفضيله من كل شر

[القصــ حزن ـيمي]

اقتباس المشاركة الأساسية كتبها بريداويه أصل وفصل لو نحن بدونهم كان على الدنيا السلام اللهم احفظ رجال الهيئه البواسل حراس الفضيله من كل شر

بصراحه فيه ناس صدق يحتاجون رقابه عليهم عشان يعرفون الصح من الخطأ

وشكرا على مرورك اختي وردك زادني شرفا

[القصــ حزن ـيمي]

الاخ الغالي ابو نادر مرورك على متصفحي البسيط اسعدني وشرفني شكرا لك اخي

[القصــ حزن ـيمي]

خكري حياك الله اخوي

[أم جمانه]

الله يجزاهم خيرا زين سو
ويهدي البناات

[اخو دريحم]

ياصاحب الموضوع يوميا في المهرجان ولم نشاهد ماتقول والبائعات للاكلات الشعبية كبار في السن

ومحتشمات ولله الحمد واغلبهن من بريدة غطاء وتستر

اقتباس لاوالمصبيه الي يبيعن مطيحه الميانه معي اناوزوجتي

[القصــ حزن ـيمي]

اقتباس المشاركة الأساسية كتبها اخو دريحم ياصاحب الموضوع يوميا في المهرجان ولم نشاهد ماتقول والبائعات للاكلات الشعبية كبار في السن ومحتشمات ولله الحمد واغلبهن من بريدة غطاء وتستر

اخوي اولا اشك انك يوميا متواجد الا اذا كنت سكرتي عندالباب هذا شي ثاني اما قولتك انهم كبارسن ادري انهم كبار سن ولكن كل وحده ماشاء الله جاي وراه سرب وقولتك بريده غطاء وتستر اقولك الغطاء والتستر في كل مكان ماهو حكر على مكان معين واذا كان الي صاير عاجبك مبروك عليك بس انا اقول العاقل مايعجبه الي صاير والدليل الاخوان في الهيئه تعبوا وهم ينصحون في ذا الناس سؤاء من الي يبيعن من غير كبار السن ولا من الزوار

ودمت بود