[حايلي]

بسم الله الرحمن الرحيم

السلام عليكم ورحمة الله وبركاته

انتبهوا معاي للتعبيرات التاليه :


هذا ماعنده سالفه.....

اقسم بالله انه انسان غبي ومايفهم..

يا اخي بعض الناس مدري كيف تفكر...

وربي انه دلخ ومن جنبها ...

ياشيخ عالم ماتستوعب صح
.
اسكت انت كلامك كله كلام فاضي ما منه نتيجه

وتعابير اخرى من هذا القبيل وعلى هذه الشاكله
تسمعها من احدهم يرددها اثناء نقاشك معه
حول موضوع يخصك او يتعلق بغيرك او شأن عام
لتتداول معه الرأي وتتلمس وجه نظره وتسترشد برأيه
ولكنه يصيبك بأحباط شديد بأسلوبه الفوقي
وايمانه الشديد بقناعاته
وافكاره الذاتيه وتسفيه آراء ومنطق غيره بالنسبه له
فعقليته هي المعيار والمقياس المرجعي
اللي يقاس عليه صحة ودقه افكار الآخرين سواه

والآن ....إذا قدر لك يوما وابتليت بمواجهه مع مثل صاحب تلك العقليه
ماذا ترى من رد مناسب لأفحامه وتعرية خطأ منطقه المتعالي!!

أتـرك الاجابات لكم....

[رابعة]

ناااس كثير يشوفون انفسهم صح وغيرهم خطااا ولكن امامك حالات كثيرة:

اما تجاريه في كلامه حتى يسكت _ اصرح وعلى حسب الموضوع طبعا _الابتساامة _الصمت

وكل الحالات هااذي على حسب الشخص ..

ودمت بود..

[الضابط]

ناس كثير يشوفون انفسم هم الصح تدري ليش
عشان طريقة تفكيرهم كذا
والله هم كذا نمط شخصيتهم كذا

[ليــان]

السلام عليكم

الصراحه اللي مثل كذا من بدايتها تعرف انه مارح تطلع

من هالنقاش معاه بشي ..!!

يعني نقاشك معه عقيم ..

ولو بتطلع بشي فهو زياده الكلام من غير فايده ..

فأسكت احسن لي ..

{..

سكتت عن السفيه فظن أني .. عييت عن الكلام وما عييت

ولكني اكتسيت بثوب حلم .. وجنبت السفاهة ما حييت


..}



اشكر لك طرحك ^_^

اختك : ليــان

[تَــيَّــــار]

أخوي حايلي مسّاك الله بالخير

اعتقد إذا سمعت مثل هالعبارات .. فهذا إشارة إلى إنتهاء النقاش المتعقل

وفيه ايضاً بيان من الطرف المشنع بعدم قبول وجهة النظر وإن كانت صحيحة

فإذا سمعت العبارات يابعد حيي غير السالفة .. او انصرف عن المكان إن كان تقدر

ووووووجهة نظر

[المتمردة]

انت الي ماتفهم يادلخ
الشرهه علي اللي اناقشك....



هذا اللي بقوله

[حايلي]

شاكر للجميع مرورهم
تقبلولوا تحياتي





اخوكم

[أحلى صبية]

اذا شفت مثل هالاشكال احسن لكـــ تسكــت لأنه على قولـــــه

أختي ليان النقاش معه أشد من عقيـــم<<<فلا تضيع وقتـــك حسافه.....

[إكسير]

ننظر لطرف آخر من الإجابة . . فيمكن صدق الواحد مايفهم . . ويمكن الموضوع ماله أي داع للنقاش . .

ويمكن " العناد " له دور كبير في " النرفزة " . . .


وكثير من حالات الشعب . . صعب فهمها . . .

[انسانهـ لا أكثر]

ليش الشخص مايفكر انه ممكن هو الغلطان ...ويحاول يستمع للاخر .....وبذلك تتقارب وجهه النظر

اما انت تشد وهو يشد ....فالحل هو الصــــــــــمـــــــــــــــــت

المشكله ان كلا الطرفين يحس نفسه صح

[تـهاني]

الثقة بالنفس مطلب

ولكنها تتعدى حدودها الى الغرور

وتصل الى تخطئ الاخرين

هنا نقف

[حايلي]

صراحة اقف لكم وقفة احترام واكبار شاكر للجميع مرورهم





تقبلوا خالص تحياتي



اخوكم