[ابراهيم ستي]

السلام عليكم ورحمه الله وبركاته :

محتاج ارائكم ومحتاج من خبراتكم لاني لا اطيق اطلاقا اني ادخل في اي مجال بدون اني استشير احد ولازم اني اشوف الايجابيات والسلبيات , وموضوعي هو في مجال الدراسه وخاصه الكليات , و الكل يسمع بكليات التقنيه والكل يقول انها ضعيفه وان الشهادة دبلوم ما ( احد يعطيك وجه ) باللغه العاميه اذا تخرجت , ما ادري ليش التقليل وليش التحطيم او ان هذا الكلام الذي يقولونه صحيح ولو كان صحيح لماذا الحكومه تدفع المليارات لبناء الكليات فانا في المرحله القادمه على وشك التقديم لهذه الكليه فما ادري وش تنصحوني هل اتوكل على الله واسجل ام ماذا ؟؟ اريد نصائحكم .

[فهووودي]

شوف حبيبي

أنا طالب بجامعة القصيم بالمليداء

وكثير من الأصدقاء دخلوا الكلية التقنية . إذا تبي نصيحتي أو رايي بهذا الأمـر .

فأقول الأمر يرجع لك أولآ وأخيرآ .

يعني :

ما فيه شي اسمه . ما في مستقبل أو اي شي من هذا التحطيم . بالعكس الكلية التقنية فيها أقسام حلوه ومرغوبة بالقطاع الخاص . وأخص بالذكر إدراة الأعمال . والمحاسبة والتسويق . ولا أنسى الحاسب الآلي .

والبنوك عندنا لا زالت بحاجة لموظفين سعوديين . وتفرح بخريجين الكلية التقنية .
نعرف كم هي عدد الشركات والمؤسسات بالسعودية . وصدقيني شروط مكتب العمل تخليهم يفرحوا بالسعودي فكيف إذا كان خريج الكلية التقنية .

هذا بخصوص هذه الكلية . وكيف التخرج بعدها . وكيف هي فرص العمل .

لكن

مع ذلك كله . أقول إذا تحصيلك العلمي كويس . ولديك المقدرة على الجد والإجتهاد . . ولا أبالغ إذا قلت أنك تدخل تحدي مع نفسك . فجامعة القصيم وأخص بالذكر كلية الاقتصاد والإدراة أفضل بكثير لا من ناحية التعلم ولا من ناحية تخرجك وكيف تكون بعدها .

المشكلة الوحيدة بهذه الكلية الصعوبة . في بعض المواد .
وكل ما يتطلب منك الحضور بإستمرار والإجتهاد وصدقني السنين تمشي كالبرق وشهادة تستاهل إن الواحد يبذل قصارى جهده فيها


وتمنياتي لك التوفيق والنجاح

[الوليد00]

اقتباس المشاركة الأساسية كتبها فهووودي شوف حبيبي أنا طالب بجامعة القصيم بالمليداء وكثير من الأصدقاء دخلوا الكلية التقنية . إذا تبي نصيحتي أو رايي بهذا الأمـر . فأقول الأمر يرجع لك أولآ وأخيرآ . يعني : ما فيه شي اسمه . ما في مستقبل أو اي شي من هذا التحطيم . بالعكس الكلية التقنية فيها أقسام حلوه ومرغوبة بالقطاع الخاص . وأخص بالذكر إدراة الأعمال . والمحاسبة والتسويق . ولا أنسى الحاسب الآلي . والبنوك عندنا لا زالت بحاجة لموظفين سعوديين . وتفرح بخريجين الكلية التقنية . نعرف كم هي عدد الشركات والمؤسسات بالسعودية . وصدقيني شروط مكتب العمل تخليهم يفرحوا بالسعودي فكيف إذا كان خريج الكلية التقنية . هذا بخصوص هذه الكلية . وكيف التخرج بعدها . وكيف هي فرص العمل . لكن مع ذلك كله . أقول إذا تحصيلك العلمي كويس . ولديك المقدرة على الجد والإجتهاد . . ولا أبالغ إذا قلت أنك تدخل تحدي مع نفسك . فجامعة القصيم وأخص بالذكر كلية الاقتصاد والإدراة أفضل بكثير لا من ناحية التعلم ولا من ناحية تخرجك وكيف تكون بعدها . المشكلة الوحيدة بهذه الكلية الصعوبة . في بعض المواد . وكل ما يتطلب منك الحضور بإستمرار والإجتهاد وصدقني السنين تمشي كالبرق وشهادة تستاهل إن الواحد يبذل قصارى جهده فيها وتمنياتي لك التوفيق والنجاح

انا مع كلام اخــــــــــــــــــــوي فهووودي جزاه الله خير ...... كلام سليم عين العقل

[MALEK]

والله انت ابخص بنفسك انك كنت تقدر وتحس انك راح تمشي بالجامعه فأزين لك
اما ان كنت تدري انك ما في امل تمشي شف لك اي قطاع ثاني
واحد من اخوياي ماله خلق شي اسمه دراسه الحين هو بمعهد التقنية اللي بعنيزه يدرس هناك سنتين
وبعدي يجي لبريدة يطبق هنا سنه وبعده يتخرج
بعدين يا حبيبي على طووووول شركة الكهرباء ولا غيره يعني ما في شي راح تخسره
بس اجزم

[عوام]

ان كنت تريد الوظيفة لاتتعدى ثلاث وغيره تضييع وقت وهذه الثلاث ( طب ، هندسة ، عسكرية ) ....

[ابراهيم ستي]

فهوودي , malek , عوام
الله يعطيكم الف عافيه ومشارتكم افادني كثير .

[عزوزتي]

اقتباس المشاركة الأساسية كتبها ابراهيم ستي السلام عليكم ورحمه الله وبركاته : محتاج ارائكم ومحتاج من خبراتكم لاني لا اطيق اطلاقا اني ادخل في اي مجال بدون اني استشير احد ولازم اني اشوف الايجابيات والسلبيات , وموضوعي هو في مجال الدراسه وخاصه الكليات , و الكل يسمع بكليات التقنيه والكل يقول انها ضعيفه وان الشهادة دبلوم ما ( احد يعطيك وجه ) باللغه العاميه اذا تخرجت , ما ادري ليش التقليل وليش التحطيم او ان هذا الكلام الذي يقولونه صحيح ولو كان صحيح لماذا الحكومه تدفع المليارات لبناء الكليات فانا في المرحله القادمه على وشك التقديم لهذه الكليه فما ادري وش تنصحوني هل اتوكل على الله واسجل ام ماذا ؟؟ اريد نصائحكم .

ابقولك اللي اراه حسب خبرتي

وحسب مشاهداتي تصدق فيه

أبناء من أقاربي تخرجو من الجامعه

وألأن لاشغل ولامشغله من خمس سنوات

ومثلهم كثير ! واللي أعرفه وحسب كلام الناس

إن اكلية التقنيه أفضل ومطلوب خريجيها وعلى الاقل

سنتين فقط وانت تدرس تستلم مكافاة مقبوله وبعد التخرج

ربك يحلها 00 هذا ماعندي وربي يوفقك ولايهمك الكلام

يعني قل لأصدقاؤك 00 التوفيق من الله 00 والله يوفقكم

وحنا الله يوفقنا 000

[ابراهيم ستي]

عزوزتي
يعطيك الف عافيه وريحتني شوي الله يريحك

[ابراهيم ستي]

الوليد
يعطيك العافيه وبالفعل كلامه صحيح لكن انا بغيت اتأكد شوي واريحك نفسيتي شوي لان مرحله الجامعيه هي اصعب المراحل في الحياة الشخصيه ولازم اني اتخذ الامور صوب الايجابية .

[دريم]

شوووف ياحبيبي .. إذا معك واسطة لاتشيل هم إدخل أي كلية لو من الشين ماله اسم
لأن اليوم يوم الواسطات الله يخلف ,,

[الـصـمـصـام]

أخي الكريم .. كم هو جميل أن تستشير و تستخير ..و لكن الأهم أن تقرر أن تكون متفوقاً ، و تسعى لذلك .. فالتفوق يسد كثيراً مكن العيوب التي تنشأ نتيجة عدم التوفيق في اختيار التخصص و ما شابه ذلك .. شكراً لكـ . و أسأل الله لك التوفيق .

[سأعود]

اخوي انا خريج كلية تقنية نصيحتي لك إذا كنت ناوي تدخل التقنية فيه ثلاث اقسام غيره لاتدخل ميكانيك ، كهرباء، حاسب آلي غير هالأقسام ذي لاتدخل نصيحة تقول تسويق تقول محاسبة تقول إدارة مكتبية اقولك لا


وإذا كنت تبي الجامعة عليك باللغة الإنجليزية ،حاسب آلي، طب ،هندسة.

وبإذن الله اول ماتخرج راح تتوظف وأولاً واخيراً لازم تعرف إن الأرزاق بيد الله يرزق من يشاء من عبادة والصبر هو مفتاح الفرج واتمنى لك التوفيق من اعماق قلبي .

[ابراهيم ستي]

دريم
الواسطه اليمة جدا وظلم للمستحقين وحسبنا الله ونعم الوكيل , ويعطيك العافيه .
الصمصام
كلامك صحيح فالنجاح والمثابرة والتفوق مطلوب في كل الاحوال وطريق مفروش للمستقبل ويعطيك العافيه.
11سبتمر
ملاحظتك ثمينه و لكن اشوف ان المحاسبه مطلب قوي جدا للشركات وباذن الله سأختار مايناسب قدارتي , ويعطيك العافيه .