[تميمي وكلي فخر]

بسم الله الرحمن الرحيم

السلام عليكم ورحمة الله وبركاته

الكل منا يسافر بسيارته سواء داخل المملكه أو خارجها وفي معظم الأحيان يعتمد على اللوحات الأرشاديه لمعرفة كم بقي من المسافه للوصول الى هدفه وربما تعرفنا في يوم من الأيام الى محافظات صغيرة كانت أو كبير من خلال قرائتنا لها في هذه اللوحات الأرشاديه .

ما أُريد ان اصل اليه أحبتي هو .

هل من المعقول ان القادم من المدينة المنورة أو من محافظة الرس لا يعرف كم بقي له من الكيلو مترات على بريده لأنه لا توجد كلمة (( بريده )) على اللوحات الأرشاده وإن وجدت وضعت على استحياء مع العلم انه يوجد محافظات مثل عنيزه والهلاليه والشماسيه (( وأنا لا أقلل من قدرهن عندما أذكرهن فهن على راسي من فوق )) ولكن تأتي هذه المحافظات كلها بعد مدينة بريده .

لا أدري ما المقصود من عدم كتابتها في هذه الجهات , ولنتذكر ان بريده هي عاصمة القصيم فلا بد ان تكون في جميع اللوحات الأرشاديه الموجودة في المنطقه .

اتمنى ان يؤخذ هذا الموضوع بعين الإعتبار و يوصل الى أصحاب الإختصاص .

ودمتم بحفظ الله
محبكم / مجنون بريده ( تميمي وكلي فخر )

[خواش]

اشوى احسبك زعل وراهم يكتبون القصيم ماكتبو بريده

كأنكم ماعندكم علم بوجود محافظات بجواركم ...


خلوكم اكبر بكثييييييييييييييييييييييييييييييييييييييييييييييي يييييير من هالشي

ترى بوه شي اهم نلتفت ونناقشه وننتقده

×××××××××××

[تميمي وكلي فخر]

اقتباس المشاركة الأساسية كتبها خواش ترى بوه شي اهم نلتفت ونناقشه وننتقده الاشياء التافه اتركوه

أولاً ألسلام عليكم ورحمة الله وبركاته
وشاكر مرورك وأبداء رأيك في هالموضوع

ثانياً ـ إذا حب مدينتي والبحث عن مصالحها أصبح شئ تافه , فهذا شئ راجع لك إذا لم يكن لديك انتماء لديرتك .

ثالثاً ـ اذا هذه الأشياء التافهه على حد قولك لم تنفذ , فمن باب أولى أنهم لن يلتفتو للأهم .

رابعاً ـ تذكر أن الأختلاف بالرأي لا يفسد في الود قضيه .

[ابو فيصل 55555]

اتمنى ان يتجرأ احد من فرع وزاره النقل باداره الطرق بالقصيم
ان يرد ؟؟

[الصريح الفصيح]

أخي أذا عرف السبب بطل العجب - بريدة عاصمة القصيم بس بعض حقين المواصلات متعصبين لمحافظاتهم ولايبون بريده - يحسبون عدم ذكره أنه يبون ينسونه الناس هذا بريده معروفة بس تبي تفعيل القرار من رجالا ت بريدة اللي الهتهم تجارتهم عن مدينتهم - غيرو اللوحات وعطو بريدة تراه هي تاج القصيم !!! كلامك يالتميمي صحيح ميه بالميه ولاتستحقرون الصغائر ترى بكرى يجي أعظم

[ماااحلى بُريدتنا..]

تميمي

كلامك بالصميم

خواش

غريب طبع هالناس إن ما جازلك شيء قلت تافه!!

[& ابـــوتـــج &]

اقتباس المشاركة الأساسية كتبها ماااحلى بُريدتنا.. تميمي كلامك بالصميم خواش غريب طبع هالناس إن ما جازلك شيء قلت تافه!!

مشكووور اخوووي تميمي

[احمدابوعبدالله]

بارك الله فيك أخي العزيز وهذه المشكله ازلية توارثها مسؤولي المواصلات بعد سيء الذكر المسند عليه من الله مايستحق ،،،لكن مانقول الا حسبي الله عليهم ،،، وبريدة فوووووووووق رغما عن انوف الحاقدين

!

[حـنيت]

يا حبي إلا يعلمون وازيدك من الشعر بيت يعلمووون ومنذو مبطي . .

لكن الأهمـال وعدم قلة المسؤؤليه والرقااابه لها دور كبير..

[ولد عبدالله]

يمكن لان الموصلات موظفيها من عنيزه

[بلبل الغابة]

يخوي شي غريب لو تاملت في كل شي مايقولون بريده وانما القصيم شي غريب جدا

[تميمي وكلي فخر]

اقتباس المشاركة الأساسية كتبها الصريح الفصيح وعطو بريدة تراه هي تاج القصيم

بلا منازع , ولا يزعلون حبايبنا من المحافظات المجاوره , هذا هو الواقع , لا يعني هذا ان نقلل من قيمتكم فنحن مكملين لبعض .

اقتباس المشاركة الأساسية كتبها ماااحلى بُريدتنا.. خواش غريب طبع هالناس إن ما جازلك شيء قلت تافه!!

صدقت أخوي ماااحلى بريدتنا , بعدين يمكن أخونا خواش يتبع المثل الي يقول ( خالف تعرف )

اقتباس المشاركة الأساسية كتبها احمدابوعبدالله بارك الله فيك أخي العزيز وهذه المشكله ازلية توارثها مسؤولي المواصلات بعد سيء الذكر المسند عليه من الله مايستحق ،،،لكن مانقول الا حسبي الله عليهم ،،، وبريدة فوووووووووق رغما عن انوف الحاقدين !

كفيت ووفيت

اقتباس المشاركة الأساسية كتبها حـنيت يا حبي إلا يعلمون وازيدك من الشعر بيت يعلمووون ومنذو مبطي . . لكن الأهمـال وعدم قلة المسؤؤليه والرقااابه لها دور كبير..

كثر الدق يفك الحديد لن نترك حقوق مدينتا تذهب سدا , سنكتب حتى تتحقق .

اقتباس المشاركة الأساسية كتبها ولد عبدالله يمكن لان الموصلات موظفيها من عنيزه

أهل عنيزه على راسنا ولكن البعض منهم يجره التعصب الى هضم حقوق الآخرين

اقتباس المشاركة الأساسية كتبها بلبل الغابة يخوي شي غريب لو تاملت في كل شي مايقولون بريده وانما القصيم شي غريب جدا

يريدون أن يحجبوا نور الشمس بغربال , لن يستطيعوا حتى وإن شطب اسمها من القواميس .


مشكورين جميعاً ولن نستسلم أبداً .

تقبلوا مني أجمل تحيه

[رحال القصيم]

علي جميع مداخل بريدة

[رئيس التميز]

آتمنى يكتبونه ..

مهوب معقول صراحه ..

..