[الأشعل]

السلام عليكم جميعاً
لن أطيل عليكم وموضوعي عن غالبية أهل بريدة وليس الكل ..
وهو عندما تطلب منهم الفزعة والمساعدة والوقفة معك أثناء المشكلة يرد عليك ويقول ( وش كاري أو مالي دخل ) وغيرها من العبارات اللي تحوم الكبد .. يعني نفسي وبس ..!!
وسأذكر قصة حصلت معي بإختصار :
قبل فترة ذهبت لمحل الزهور والهدايا في السوق وطلبت عمل حاجة وتسليمها في الغد فلما جئت من الغد ففوجئت بعدم عمل هذه الحاجة وأنا في أمس الحاجة لها في ذلك اليوم وبأبسط عبارة قال لي المصري صاحب المحل ( نسيتها ) فحصل النقاش والمشادات حتى وصل الأمر إلى أنه بدأ يسب ويشتم ويهزأ بالسعوديين !!؟؟ من كبيرهم لصغيرهم وإجتمعوا كل أصحابه من المصريين المجاورين للمحل وصاروا مع صاحبهم ضدي ؟؟ فدخل شاب سعودي من بريدة فطلبت منه أن يقف معي ويشهد بما حصل
فقال : بكل برودة زآآآآئدة وش كاري يعني ( مالي دخل ) !!؟؟
وخرج بسرعة منطلق ..!!؟؟
أريد منكم التعليق على ماحصل وعلى هذه الكلمة السيئة ( وش كاري )
ودمتم بخير..

[مايهزني ريح]

ويستمر بعض الأعضاء في التعميم و التغليب

ماواجه إلا هالموقف وحكم على80%من أهل الديره

أرجو أنه مايكون طرح الموضوع إلا لإثارة بلبله في المنتدى

وتقبل كلامي بصدر رحب وكلنا تزل ألسنتنا و(كيبورداتنا)

[ح ــالــ م ــة]

حكمت على أهـــل بريدة جميعهمـ من تصرف شخص وااحـــد ..!!

ما أراهـ من الذين حولي يثبت لي عكس كلامكـ

( بالعكس عندنا اللي يرد من ( طلب فزعة ) ذا مو رجاال )

[كيك]

أنــــــــــا ماااااااااااااااا كااااااااااااري ولا علي . .

والله صــــــــــادزين عساااااااك تسلم وأنت ماسويت شي ..

[هيبة أسد]

السلام عليكم شباب
ياخي لي فتره مادخلت المنتدى ويوم دخلت ألقى مثل هالموضوع
إسمع يالحبيب تبي أكبر دليل للفزعه حوادث الغرق الي صارت السنه هذي
وتجي تحكم قل على نصهم مثلا إن مابهم مرجله
أنا ودي أدري وش يدريك إنه من أهل بريده وراه مكتوب على جبهته بريداوي
وبعدين تراك بمنتداهم وتسبهم يالشيخ ياخي قدر الرجال...

[بوح الأمل]

اقتباس غالبية أهل بريدة

كعادة البعض منا عندما يصدر حكم بسبب موقف يتعرض له
انا ما اقول مايصير هالموقف لكن هم قلة بالنسبة لعدد اهل بريدة
...
ليش نصدر حكم الأغلبية بعد موقف واحد او بسبب شخص واحد
خلاص بنمشي على القاعدة ذي واحكموا بعد موقفي هذا..
حنا طالعين < كشته > برا بريدة وغرزنا والناس يمرون من عندنا ولايكلفون انفسهم حتى يقولون عسى ماشر
والله ماطلّعنا إلا اهل بريدة >> شباب صغار اعمارهم على 18 و19
هاه وش صارت الغالبية الحين

ربي يحفظك يابريدة النشاما

[بريداويةوالهمةقوية]

[glint]السلام عليكم [/glint]

اخوي الاشعل لا تحكم على كل اهل بريده

انا بقول لكم موقف صار لنا
حنا مره صار لنا حادث في شارع عام
الحمدلله ما جانا شي بس السياره خربت
تخيلوا
بس قعدت اسمع اصوات نشامى بريده
الي نزل من سيارته وهو ما يعرفنا ويقول لخوي خذ سيارتي وصل اهلك
والي بالشارع الثاني يصوت ويقولون الحمدلله على السلامه
والي نزل وفزع مع اخوي ضد الي صدمه
كثيييييييييير وكثييييييييييير قالوا خذ سيارتي
ياااااااااحبيل بريده وفزعااات اهله

[شمـوخ !]

أنا لاأرى انه من العدل انك تحكم على مدينه كامله
بسبب تصرف شخص واحد لايعقل هذا ابد
ومازالت بريــــــدة العطــــــاء يوجد بها
رجال وفزعاااااااااااااات بمعنى الكلمه
دمتي لنــــــــــا يابريـــــــــدة العــــــــــز

[دهام بريدة]

[b]انا اقول ماهو صدق البريداوي مايحب الاجنبي شكله الي طلبت منه الفزعه مصري بس لابس زي سعودي تراهم كثيرين ومنتشرين ببريده[/b]

[انسانهـ لا أكثر]

[size="5"]

والله حرنا بكم اذا فزع الواحد معكم قلتوا اهل بريده ملاقيف(( ويدخلون عصهم في الي ما يخصهم ))

واذا تحضروا على قولتكم وتمدنوا وتركوا الناس في حالهم قالتوا اهل بريده مابهم نشامى

ياعمري يا اهل بريده مايدرون وشلون يتصرفون عشان ما ينتقدون من قبل الاخرين منحينهم (( شعرة حمراء )))

[/size

[الأشعل]

^^^^^^^^^^^^^
إلى كل من شارك ورد لك مني الشكر
وأقولكم أنا من بريدة لكن قلت الحقيقة كما قيل ( قل الحق ولو على نفسك ) والحق مايزعل منه ..
وبعدين قلت الغالبية وليس الكل ( إفهم يافهيم ) ..؟؟
وكذلك تراي واجهت عدة مواقف كثيرة وذكرت لكم واحد منها ..
ولاننكر بأن فيه ناس أهل فزعات ووقفات ونشاما لكنهم قلة ..
وشاهدواالمدن و البلدان والمحافظات الأخرى وشلون وقفتهم مع بعض وكلهم يد واحدة خصوصآ على الغريب وماقالوا ( مالنا دخل ) فتجدهم متكاتفين واللي يمس واحد منهم يمس الجميع ..
فأقول لانكذب على أنفسنا ونقول مافينا نقص وأننا مطهرين وكلنا أهل نخوة وفزعة ..!!
بالله لانكذب ونخفي الحقيقة بل لابد من الصدق وقول الحق لكي نرتقي ببلدنا ونبعد عنا هالأفعال والأقوال السيئة .. فنكون صفآ وآحدآ ..
وتحياتي لكم .

[m.a.s.i_1]

اصلا من زمان اسمهم قوم وشكاري
بس يمدينا نغير النظرة الحين افضل من ان نستمر على هالغلط

[غريبة الديار]

اقتباس المشاركة الأساسية كتبها m.a.s.i_1 اصلا من زمان اسمهم قوم وشكاري بس يمدينا نغير النظرة الحين افضل من ان نستمر على هالغلط

يا اخي انا ما أواطن احد يسب بريدة احس إنه يسبن وبعدين وش قصدك بكلامك ..

أجل اهل الرياض اسمهم قـــــــــوم الكاكي لأن كلامهم كله بالكاكات

وبعدين كل منطقه لهم مميزات وخصائص كيميائيه وفيزيائيه ونشميه

وبرزت مدينتي وحبيبتي وعشيقتي

بـــــــــــــــــــــريـــــــــــــدهـ

حفظها الله بالنشامه ومساعدة الغير ورح بالشارع وقل النجده ساعدوني وراح تلقى كل الناس حواليك ..

ياحول اللي ماله بريدة

ياخلفهم بريدة وبس ..

[frrr]

شكلك بزر