افضل كاميرا احترافيه

بريدساوي · 20-05-2009, 10:22 AM

يااصحاب الخبره
ودي اشتري كاميرا احترافيه لاكن احترت من انواعهن واسعارهن اللي عنده خبره ياشباب لايبخل علي لان شوي غشيم وعجل لأني احب التصوير وعندي كاميرا لاكن مهب احترافيه .

تباشير المطر ~ · 20-05-2009, 01:19 PM

بإذن الله لنا عودة ..

التويجري · 22-05-2009, 12:55 PM

حدد ميزانيتك ..

لأن أفضل كاميرا احترافية توصل 32 ألف ..

بريدساوي · 23-05-2009, 07:23 AM

ميزانيتي مابين 3500 الى 5000 ريال

المشكله درت ببريدة ماحصلت كاميرات عليه العلم رحت لحرير واكسترا والعمار والمحلات اللي بالخبيب ماحصلت ، عند اكسترا canon بـحدود 3400 ريال 12بكسل والزوم 18x70 ولقيت عند العمارSONIبــ 200 ريال 10.2 بكسل والزوم 18X50 والعدسات مالقيت درت المحلات كله يعني لازم اروح للرياض اوجده

PHOTO SNIPER · 22-05-2009, 01:05 PM

أخوي بقولك نصيحة

انا شخص ضربت ضربتي بالكاميرة وعدتها وكلفني حوالي 15 الف ..

نصيحة مني تاخذ ك كاميرة ماتكون من الاصدارات اللي توها نازلة .. خذ ك canon 40d تكون بدون عدسة

وخذ معاها عدسة محترمة عشان طلع بنتيجة قوية بصور..

انت ايش النوع اللي يعجبك بتصوير؟

أتحداكـ · 23-05-2009, 12:34 AM

قبل كل شي ...

لازم تحدد ( ميزانيتك .. وأي نوع من التصوير تميل إليه ) ..

بالتوفيق ...

ظل القمر · 23-05-2009, 02:25 AM

,,

ان شاء الله بيفيدووونك الاعضااء

مب مقصررين جزاهم الله خيرر
\

PHOTO SNIPER · 23-05-2009, 11:01 AM

ماراح تحصل كاميرات احترافية ببريدة ابد ابد

لكن عندك الحارثي بالرياض البطحاء و موقع كام فور سيل ..

خذ لك كاميرة canon 40d مع عدستها الاصلية وريح بالك ..

فية كاميرة نزلت بعد 40d اللي هي canon 50d انا استخمها لكن ما انصحك فيها ..

اذا تبغى كاميرة شبه احترافية خذ canon 450d وخذ معاها عدسة محترمة من فئة L ..

ترا الكاميرة مو اهم شي بتصوير العدسة لها دور كبير .. الخيارات كثيرة و الكاميرة مهمة لكن العدسة أهم..

SAHAR · 23-05-2009, 11:34 AM

بالتوفيق .........

ابراهيم الفهد · 23-05-2009, 03:20 PM

الله يوفقك .. ونشوفك مصور آد الدونيا

بريدساوي · 24-05-2009, 10:39 AM

شكرا لمروركم شكرا لردكم
photo sniper شكرا لأفادتك و المعلومات اللي افدتني بها، وجدت عند اكسترا كانون موديل 450 بـ 3099 ريال مع عدسه زوم 55×18 و 12 ميقا بكسل ومادري رايك فيها

عمر الصمعاني · 24-05-2009, 11:03 AM

مرحبا فيك أخوي .. من الأفضل أن تاخذ اخت الـ 450d الجديدة " 500d "

وسعرها منسب عند موقع كام فور سل

والخيار الثاني من نيكون وهو الذي أفضله لك D90 وهي كاميرا محترمة جداً وأفضل من السابقة وتتمتع ببدي أقوى وتحمل وعدسة رائعة ومدى ممتاز

تجد كل الكامرتين عند الموقع أو سليمان الحارثي أو الوكيل بالنسبة للنيكون إذا كان الفارق معقول ..

بالتوفيق

بريدساوي · 24-05-2009, 11:40 AM

شكراً لك يامشرفنا اخوي عمر
ماادري وش سعر 500d وين احصل عليها في بريدة او الرياض وش فرقه عن 450d و شكرا لك .

التويجري · 25-05-2009, 01:24 AM

اقتباس

المشاركة الأساسية كتبها بريدساوي


	شكراً لك يامشرفنا اخوي عمر ماادري وش سعر 500d وين احصل عليها في بريدة او الرياض وش فرقه عن 450d و شكرا لك .

سعرها 3350 ..

عند كام فور سيل ..

تفرق من ناحية قيمة البيكسل وتقنية الدقة العالية وتصوير الفيديو وهكذا ..

والفروق بسيطة جداً لاتكاد تذكر ..

في بريدة انسى تلقى محل كاميرات أو عدسات محترم ..

ماحولك احد الا اكسترا ..

لكن انتبه تشري منهم ترى الفرق يوصل 600 ريال وأكثر ..

يعني باختصار (علي بابا) ..

اقتباس

المشاركة الأساسية كتبها PHOTO SNIPER


	أخوي عمر .. بنسبة للـ canon 500d الميقا بيكسل فيها عالي مره 15 ميقا بكسل .. وهذا اثر علة نقاوة الصورة وتعتبر من فية الكماميرات شبه حترافية بينما الـ canon 40d كاميرة احترافية .. بنسبة لكاتب الموضوع تقدر تتصل على الحارثي او كام فور سيل وتحول لهم المبلغ ومن بكرا الكاميرةواغراضها توصل لك ..

حبيبي ابراهيم ..

من يقول ان ارتفاع البكسلات يؤثر سلباً على الصورة ..؟

على كذا الله يعين هالشركات وبالأخص المحبوبة نيكون وكذلك كانون على الخسارة ..

لأنهم انتجوا D3X والتي تحتوي على دقة 24.5 بيكسل ..

وقبلهم الهازلبلاد بدقة 50 ميقابكسل في موديل H3DII-50 ..

ومن يقول ان الكانون 450 او 500 فئة شبه احترافية ..؟

اي كاميرا تتيح تغيير العدسة تعتبر احترافية بما فيها الكانون 1000 ..

الكاميرا الشبه احترافية هي التي تتيح لك التحكم بعوامل التعريض الصحيح للضوء وهي فتحة العدسة وسرعة الغالق والآيزو لكنها لاتتيح تغيير العدسة ..

بمعنى أوضح :

الكانون جي10 وماشابهها مثل النيكون P90 تعتبر شبه احترافية .. لم..؟

لانها تتيح لك التحكم بجميع أوضاع التقاط الصورة وخصائصها بل وتصور بنسق الخام (RAW) ..

لكن العدسة لاتتغير ولهذا فهي تتيح لك الوايد والزوم والماكرو في نفس العدسة وعلى نطاق محدود ..

لكن الكانون 1000 او النيكون 40 وهما اقل الكاميرات الموجودة حالياً فهي تتيح تغيير العدسة لذا فهي احترافية ..

وأرى أنه من الظلم حقيقةً مقارنة الكاميرا كانون 450 مع كانون 40 ..

لأنهما من سلسلتين أو خطي انتاج مختلفين ..

فكل واحدة تعتبر تطوير لما قبلها ..

ال300 تطورت الى 350 ثم الى 400 ثم الى 450 ثم أخيراً الى 500 ..

أما ال 20 تطورت الى 30 ثم الى40 ثم أخيراً الى 50 ..

فمثلاً ماتقدر تقارن بين الكورولا والكامري لأنهن فقط سيارات سيدان ..

لا

ولكن تقدر تقارن بين كامري 2006 وكامري 2008 لأن الثانية تطوير للأولى ..

وبالمناسبة ..

الكانون 50 التي لم تعجبك احتوت على تطويرات تجعلها أفضل من أختها السابقة 40 ..

أهم تلك التطويرات المعالج الجديد Digic4 بينما شقيقتها السابقة الـ 40 لها نفس معالج سلسلة الـ D1 الأقدم وهو DigicIII ..

وبالطبع أي تطوير لايمكن أن يكون للأسوأ دائماً ..

ومرة أخرى يابريدساوي ..

بما انك ضيف جديد على الفوتوغراف فأنا أؤيد كلام الأخ عمر ..

لديك خيارين مناسبين جداً ..

كانون 500 أو نيكون 90 ..

وأفضل شخصياً الثانية وكلا الكاميرتين تتوافق مع الميزانية ..

لاتستعجل وتمشي وتجمع بالعدسات قبل تعرف وش انت عليه وأي مجال تحب تتعمق فيه ..

الصورة ليست مجرد صورة ..

لأن فيه مجالات متعددة ..

وفق الله الجميع ،

20-05-2009, 10:22 AM	#1
بريدساوي عـضـو تاريخ التسجيل: Oct 2007 المشاركات: 124	افضل كاميرا احترافيه يااصحاب الخبره ودي اشتري كاميرا احترافيه لاكن احترت من انواعهن واسعارهن اللي عنده خبره ياشباب لايبخل علي لان شوي غشيم وعجل لأني احب التصوير وعندي كاميرا لاكن مهب احترافيه .

20-05-2009, 01:19 PM	#2
تباشير المطر ~ كاتبة متميّزة تاريخ التسجيل: Dec 2007 البلد: بين النبلاء . المشاركات: 8,290	بإذن الله لنا عودة .. __________________ عندما نحسن إلى الآخرين فإنَّا نملك قابلية كبيرة لـ " التأثير عليهم " !

22-05-2009, 12:55 PM	#3
التويجري عـضـو تاريخ التسجيل: Dec 2004 البلد: قلب أمي المشاركات: 3,189	حدد ميزانيتك .. لأن أفضل كاميرا احترافية توصل 32 ألف .. __________________

23-05-2009, 07:23 AM	#4
بريدساوي عـضـو تاريخ التسجيل: Oct 2007 المشاركات: 124	ميزانيتي مابين 3500 الى 5000 ريال المشكله درت ببريدة ماحصلت كاميرات عليه العلم رحت لحرير واكسترا والعمار والمحلات اللي بالخبيب ماحصلت ، عند اكسترا canon بـحدود 3400 ريال 12بكسل والزوم 18x70 ولقيت عند العمارSONIبــ 200 ريال 10.2 بكسل والزوم 18X50 والعدسات مالقيت درت المحلات كله يعني لازم اروح للرياض اوجده آخر من قام بالتعديل بريدساوي; بتاريخ 23-05-2009 الساعة 07:34 AM. السبب: خطا

22-05-2009, 01:05 PM	#5
PHOTO SNIPER عـضـو تاريخ التسجيل: May 2009 المشاركات: 78	أخوي بقولك نصيحة انا شخص ضربت ضربتي بالكاميرة وعدتها وكلفني حوالي 15 الف .. نصيحة مني تاخذ ك كاميرة ماتكون من الاصدارات اللي توها نازلة .. خذ ك canon 40d تكون بدون عدسة وخذ معاها عدسة محترمة عشان طلع بنتيجة قوية بصور.. انت ايش النوع اللي يعجبك بتصوير؟ __________________ I LOVE MY EOS 50D

23-05-2009, 12:34 AM	#6
أتحداكـ عـضـو تاريخ التسجيل: Feb 2009 المشاركات: 257	قبل كل شي ... لازم تحدد ( ميزانيتك .. وأي نوع من التصوير تميل إليه ) .. بالتوفيق ...

23-05-2009, 02:25 AM	#7
ظل القمر عـضـو تاريخ التسجيل: Jul 2008 البلد: درب التبآنـﮧ .) ! المشاركات: 1,411	,, ان شاء الله بيفيدووونك الاعضااء مب مقصررين جزاهم الله خيرر \ __________________ "سبحان الله والحمد لله ولااله الا الله والله اكبر"

23-05-2009, 11:01 AM	#8
PHOTO SNIPER عـضـو تاريخ التسجيل: May 2009 المشاركات: 78	ماراح تحصل كاميرات احترافية ببريدة ابد ابد لكن عندك الحارثي بالرياض البطحاء و موقع كام فور سيل .. خذ لك كاميرة canon 40d مع عدستها الاصلية وريح بالك .. فية كاميرة نزلت بعد 40d اللي هي canon 50d انا استخمها لكن ما انصحك فيها .. اذا تبغى كاميرة شبه احترافية خذ canon 450d وخذ معاها عدسة محترمة من فئة L .. ترا الكاميرة مو اهم شي بتصوير العدسة لها دور كبير .. الخيارات كثيرة و الكاميرة مهمة لكن العدسة أهم.. __________________ I LOVE MY EOS 50D

23-05-2009, 11:34 AM	#9
SAHAR عـضـو تاريخ التسجيل: Mar 2009 المشاركات: 41	بالتوفيق .........

23-05-2009, 03:20 PM	#10
ابراهيم الفهد عـضـو تاريخ التسجيل: May 2009 المشاركات: 445	الله يوفقك .. ونشوفك مصور آد الدونيا __________________ إقتبـاس:- مُعظم الناس هم أناس آخرون ..! أرآئهم أراء شخص آخر ,, حياتهم تقليد ,, وعشقهم إقتباس !! آوسكآر وايلــد

24-05-2009, 10:39 AM	#11
بريدساوي عـضـو تاريخ التسجيل: Oct 2007 المشاركات: 124	شكرا لمروركم شكرا لردكم photo sniper شكرا لأفادتك و المعلومات اللي افدتني بها، وجدت عند اكسترا كانون موديل 450 بـ 3099 ريال مع عدسه زوم 55×18 و 12 ميقا بكسل ومادري رايك فيها

24-05-2009, 11:03 AM	#12
عمر الصمعاني King of light تاريخ التسجيل: Sep 2001 البلد: السعودية المشاركات: 1,190	مرحبا فيك أخوي .. من الأفضل أن تاخذ اخت الـ 450d الجديدة " 500d " وسعرها منسب عند موقع كام فور سل والخيار الثاني من نيكون وهو الذي أفضله لك D90 وهي كاميرا محترمة جداً وأفضل من السابقة وتتمتع ببدي أقوى وتحمل وعدسة رائعة ومدى ممتاز تجد كل الكامرتين عند الموقع أو سليمان الحارثي أو الوكيل بالنسبة للنيكون إذا كان الفارق معقول .. بالتوفيق

24-05-2009, 11:40 AM	#13
بريدساوي عـضـو تاريخ التسجيل: Oct 2007 المشاركات: 124	شكراً لك يامشرفنا اخوي عمر ماادري وش سعر 500d وين احصل عليها في بريدة او الرياض وش فرقه عن 450d و شكرا لك .