[ذات أمل]

بسم الله الرحمن الرحيم

السلام عليكم ورحمة الله وبركاته

محدثتكم طالبه في المعهد وأود مشاركتكم بعض مما نعانيه وأملي بالله وحده ان يصل صوتي

الى من يهمه الامره حتى نرقى بمعهدنا كصرح اكاديمي يهتم بمصلحة الطالبات العلميه والنفسية.


أولاً: لا يوجد بالمعهد من نلجأ اليه بعد الله لحل مشاكلنا او سماع مقتراحتنا بالعاميه ماشين على البركة.


ثانياً: "القرارات النظامية" اغلب الطالبات لا يعلمن ماهيتها فلم نستلم مثلا كتيبات او حتى برشور

يوضح قوانين المعهد ونظام الدراسة فمثلا المواد اللتي لها متطلب بحيث لا تسطيع اخذها الا بعد

النجاح في المادة المتطلبه لها، ولعدم معرفتنا بذلك وكذلك لأننا لا نتحكم بجدوالنا فقط نستلمها ،

يتاخر بعضنا بالتخرج ترمين أو أكثر بسبب سوء اختيار للمواد من قبل الاداره الموقره.


ثالثاً: قرارت وانظمة معهدنا مختلفة نهائياً عن المعاهد الاخرى، مثال التدريب التعاوني.


رابعاً: "المكافآت" حيث أنه هناك فتيات اختفت مكافااتهم لفتره، صحيح النسبة قليلة ولكن على قولة

صديقتي الحق حق.


خامساً: معاملات بعض الموظفات للطالبات بمنة والمنة لله سبحانه فقط " تقل يكدون علينا".


سادساً: عدم احترام الوقت فمثلا هذه الاسابيع لا توجد لدينا محاضرات للاسف بعض المتدربات

يطالبونا الحضور فقط من اجل التحضير عجبي !!!! هذا ولا يسمح للطالبات بالخروج قبل الساعه

12 والنصف (ولو كان ولي امرها اللي راح ياخذها) " اقولكم سر : غرفة الأنشطة الموجودة "واللي

فرحانين فيها ورازين صورتها بمدخل المعهد" مقفله لها ترمين ".


سابعاً: لا توجد لدينا الا كافتيريا صغيره لا تتسع الا لعدد قليل من الطالبات والبقية في فناء المعهد

المشمس، الآن تكرموا علينا واسمحوا لنا نجلس بالممرات صحيح مكيفه بس نجلس على الارض

وهو الشي الممنوع بالساحه ( الفناء ) بحيث لو احضرنا سجادة صادورها وقالوا منظر غير

حضاري؟!!!.


ثامناً: التفرقه في المعامله بين الطالبات من قبل بعض المدربات.


تاسعاً: بعض المدربات لا يتقبلن المناقشه من قبل الطالبه ولو كانت باسلوب لبق،


وقبل ان اختم اريد ان اذكر انه هناك مدربات قمة في الاخلاق و التعامل، والبعض

بالاضافه لذلك متمكنات من الماده ويملكن اسلوبهن المميز في ايصال المعلومه بكل يسر

ولولا الله ثم هن لما استطعنا تحمل المعهد وضغوطه وادعوا الله ان يسعدهن بالدنيا والاخره.


هذا وأشكركم مسبقاً على سعة صدوركم.


صوره مع التحية لكل صاحب/ة ضمير بيده شي ويطنش!!!!

[ورده تحت الثلج]

مشكوره حبيبتي على الموضوع وكل الي قلتيه صح خاصه الكافتريا وانه مافيه مكان نجلس فيه
قسم انواع الحر شي مو طبيعي لا وبشرك حتى القاعات المكيفات نصه خربانه او هوا حاااار
حتى الممرات نص المكيفات مسكرات او خربانات
ماقول الى الله يعين ونخلص اوووووف هانت

[ذات أمل]

العفو ورده تحت الثلج

الله يعين حر على كتمه على غبار

في قاعة الاختبار الكراسي وطاولتها مغبره انا والورقه تغبرنا

وين اول مادخلنا كلنا طموحات وآمال واللحين نبي بس نتخرج ونفتك


أبو ربـــــا

يمكن يبون يصلحون لهن هيبه على حسابنا

مع انه فيه مدربات وموظفات طيبات ولهن هيبه ماضرتهن طيبتهم


سكر خشن

هذا معهدنا فيه تخصصين محاسبه للقسم الادبي فقط

وحاسب دعم فني ( يعني صيانة البرمجيات و الاجهزه) للقسم العلمي

وللان فيه بنات بالدعم الفني يسئلون وبعدين اذا تخرجنا وش راح نصير ووين نتوظف

وللان مالقوا اجابه محدده اما بالنسبه لمفهوم دعم فني فما اتضح المعنى الا للي قربوا يتخرجون

بالنظر للمواد الدراسية وفهم ماهيتها


وبالنسبة للجزء الثاني وسؤالك اعتقد الجواب واضح عليه بالعامي لو لقينا احد يعطينا وجه

كان مانزلت الموضوع


وليد

امين ونعم بالله هو حسبنا ونعم الوكيل


رشا

اهلين وعليكم السلام

اقتباس اختلف معك بهذه النقطة توجد وكيلة شؤؤن الطآلبات اين ذهب دورها ؟

الجواب بسؤالك؟ وبمعنى اخر سؤالك يوجهه لها !!!

واحب اوضح مع انه واضح لو لقينا احد ماتعبت نفسي ونزلت الموضوع

اقتباس من الواضح اختي انك لست من الطالبات الي يحضرون المحاضرآت بداية الترم لانه كل بدايه ترم او اول محاضره إلزامي توزع كل مدربة ورقه تفصيليه عن مادتها اذا هي متطلب او لا وتقسم الدرجات وعدد ساعات المحاضرات في الاسبوع ونسبة الغياب

يمكن انتي محاسبة

بالعكس احضر المحاضرات بداية العام ولا اذكر مدربه وزعت علينا اللي تقولين الا مدربة السلوك

وماكانت موضحة فيها انها متطلب او لا ، اما بالنسبة للغياب فهذا الشي اللي فعلا كل مدربه تقريبا تتكلم

عنه

اقتباس آآآهـ من الكفتيريا من صغره ولا جاء الصيف انواع الزحمه وبالموت تلقين كرسي سنع مهوب معوق تريحين جسمك عليه

لاحظتي الكراسي المكسره كل مالها تزيد تخيلي لو جلست وحده مانتبهت وطاحت

[سجينة الأحزان]

اقتباس ثانياً: "القرارات النظامية" اغلب الطالبات لا يعلمن ماهيتها فلم نستلم مثلا كتيبات او حتى برشور يوضح قوانين المعهد ونظام الدراسة فمثلا المواد اللتي لها متطلب بحيث لا تسطيع اخذها الا بعد النجاح في المادة المتطلبه لها، ولعدم معرفتنا بذلك وكذلك لأننا لا نتحكم بجدوالنا فقط نستلمها ، يتاخر بعضنا بالتخرج ترمين أو أكثر بسبب سوء اختيار للمواد من قبل الاداره الموقره.

والله صاااااااااادقه هذا اللي ذبحناااااا المواد المتطلبه عدم علمنـــــــــــا بها من قبل المدربه
الا بعد ما نحمل المـــــــــــــاده
يعني لا فـــــــــات الفوت ماينفع الصـــــــــوت

اقتباس خامساً: معاملات بعض الموظفات للطالبات بمنة والمنة لله سبحانه فقط " تقل يكدون علينا".

لا ولا بغيتي تسألين عن شي كل وحده ترسلك للثانيه لين تمل المتدربه من الروحه والجيه وهي مالقت لسؤالهــــــــــــــا اي رد

اقتباس سابعاً: لا توجد لدينا الا كافتيريا صغيره لا تتسع الا لعدد قليل من الطالبات والبقية في فناء المعهد المشمس، الآن تكرموا علينا واسمحوا لنا نجلس بالممرات صحيح مكيفه بس نجلس على الارض وهو الشي الممنوع بالساحه ( الفناء ) بحيث لو احضرنا سجادة صادورها وقالوا منظر غير حضاري؟!!!.

والله صــــــــادقه لا وكل شولا حارسة الامان اللي جايبينهــــــــــا ماعندها الا لا تجلسون جو يالله اطلعوا لا قلناااااااا حــــــــــر وشموس قالت ممنوع اجلسوا بالكفتيريــــــــــا اللي هي اصغـــــــــر مكــــــــان بالمعهد معقوله تكفي بنات المعهد كلــــــــه خصوصن بالحــــــــــر اللي جـــــاينا الله يعين

وبعد متكرموا علينا واخيرآ نجلس بالممرات قلوا ماتدخلون الا من غير اكل يعني اللي بتفطر برا تتشمس وتطلع عيونهـــــــامن شدت الحر بعدين تدخـــــل ..ربي يــــــعين

اقتباس ثامناً: التفرقه في المعامله بين الطالبات من قبل بعض المدربات.

امـــــــا هذي يبغـــــــــالهااااا صفحه كــــــامله او موضوع خـــــــاص
بس للمصداقيه مو كل المدربـــــــــات بعضهـم عسل ينحطون ع الجــــــرح يبرى
وصراحـــــــــه هم اللي معطينــــــا دافع نصبر ونتحمــــل الله يزيدهم ويكثر ببمعهدنـــــــــا[

واخيرآ اشكرك اختي ذات الامل على نقل معـــــــاناتنا وبصــــــراحه وفيتي وكفيتي والله يجزاك خير
بس ياترى هل من مجيب لي ندائنـــــــــا يارب نلقـــــــــــى اجــــــــــابه

[ذات أمل]

لا ولا بغيتي تسألين عن شي كل وحده ترسلك للثانيه لين تمل المتدربه من الروحه والجيه وهي مالقت لسؤالهــــــــــــــا اي رد

ياشينه هالحركه صارت معي مرتين المره الثانيه عافت نفسي ولا كملت

والله صــــــــادقه لا وكل شولا حارسة الامان اللي جايبينهــــــــــا ماعندها الا لا تجلسون جو يالله اطلعوا لا قلناااااااا حــــــــــر وشموس قالت ممنوع اجلسوا بالكفتيريــــــــــا اللي هي اصغـــــــــر مكــــــــان بالمعهد معقوله تكفي بنات المعهد كلــــــــه خصوصن بالحــــــــــر اللي جـــــاينا الله يعين


يحول حارسة الامن مخلينه بالواجهه تنفذ اللي يبون وهم مرتاحين وحنا وياه اللي منغثين

وبعد متكرموا علينا واخيرآ نجلس بالممرات قلوا ماتدخلون الا من غير اكل يعني اللي بتفطر برا تتشمس وتطلع عيونهـــــــامن شدت الحر بعدين تدخـــــل ..ربي يــــــعين
امـــــــا هذي يبغـــــــــالهااااا صفحه كــــــامله او موضوع خـــــــاص
بس للمصداقيه مو كل المدربـــــــــات بعضهـم عسل ينحطون ع الجــــــرح يبرى
وصراحـــــــــه هم اللي معطينــــــا دافع نصبر ونتحمــــل الله يزيدهم ويكثر ببمعهدنـــــــــا

واخيرآ اشكرك اختي ذات الامل على نقل معـــــــاناتنا وبصــــــراحه وفيتي وكفيتي والله يجزاك خير
بس ياترى هل من مجيب لي ندائنـــــــــا يارب نلقـــــــــــى اجــــــــــابه

العفو يالغلا

والشكر موصول لك ولكل اللي تفاعلوا

ويبقى السؤال هل من مجيب؟!!

[أبو رُبـــــى]

الله يعينكم ..

كل شي يهون إلا استحقار الناس والاستهزاء بهم .. فمن لديه هذه الخاصية فلنعلم أنهم يحسون بالنقص ويحالون تكميله بهذه الطريقة ..

الله المستعان ..

[*سـكـر خـشـن*]

آلمعهد آلعآلي آلتقني << عفوآ آختي آلمسمى هذآ جديد علي فيآليت تتفضلين علينآ بلمحة بسيطه عن آلمعهد وآلتخصصآت آللي فيه وعن علآقته بسووق آلعمل وآحتيآجآته . .


بآلنسبة للملآحظآت آللي ذكرتيهآ جدآ مهمه لكن هل خآطبتوو مشرفآت عندكم آو وكيلة آلمعهد آو مرجع آسآسي لكم لآنه هو آلآقرب وآلآفضل في تصوري لعلآج مشآكلكم <<

آلله يووفقكم . .

[OO وليــد OO]

8888

تقولك ماعندهم احد يروحون لمه

الله يكون بعونكم

[رشــا]

وعليكم السلام

اقتباس أولاً: لا يوجد بالمعهد من نلجأ اليه بعد الله لحل مشاكلنا او سماع مقتراحتنا بالعاميه ماشين على البركة.

اختلف معك بهذه النقطة
توجد وكيلة شؤؤن الطآلبات اين ذهب دورها ؟

اقتباس ثانياً: "القرارات النظامية" اغلب الطالبات لا يعلمن ماهيتها فلم نستلم مثلا كتيبات او حتى برشور يوضح قوانين المعهد ونظام الدراسة فمثلا المواد اللتي لها متطلب بحيث لا تسطيع اخذها الا بعد النجاح في المادة المتطلبه لها، ولعدم معرفتنا بذلك وكذلك لأننا لا نتحكم بجدوالنا فقط نستلمها ، يتاخر بعضنا بالتخرج ترمين أو أكثر بسبب سوء اختيار للمواد من قبل الاداره الموقره.

من الواضح اختي انك لست من الطالبات الي يحضرون المحاضرآت بداية الترم
لانه كل بدايه ترم او اول محاضره إلزامي توزع كل مدربة ورقه تفصيليه عن مادتها اذا هي متطلب او لا وتقسم الدرجات وعدد ساعات المحاضرات في الاسبوع ونسبة الغياب

اقتباس خامساً: معاملات بعض الموظفات للطالبات بمنة والمنة لله سبحانه فقط " تقل يكدون علينا".

معكي حق
خآصتن القبول والتسجيل

اقتباس سابعاً: لا توجد لدينا الا كافتيريا صغيره لا تتسع الا لعدد قليل من الطالبات والبقية في فناء المعهد المشمس، الآن تكرموا علينا واسمحوا لنا نجلس بالممرات صحيح مكيفه بس نجلس على الارض وهو الشي الممنوع بالساحه ( الفناء ) بحيث لو احضرنا سجادة صادورها وقالوا منظر غير حضاري؟!!!.

آآآهـ من الكفتيريا من صغره ولا جاء الصيف انواع الزحمه وبالموت تلقين كرسي سنع مهوب معوق تريحين جسمك عليه





وهنآ نقطه نسيتيه وهي الاختبارات الي لا نهآية لهآ اختبار فصلي اول كوزات اختبار فصلي ثاني اختبارنهائي

[ذات أمل]

بالنسبة لكِ اختي اللي راسلتيني على الخاص

راح اجاوبك هنا لأنه عدد مشاركاتي لا تسمح لي باستخدام خاصية الرسايل الخاصة

المهم انهم مايقبلون ومحددين من شروط التسجيل مايكون راح على تخرجها اكثر من 3 سنوات

في البداية اول مافتح المعهد ماكنت فيه ذيك الشروط ولا حددوا سنوات والتحقوا بالمعهد اكثر

من وحده من حاملين شهادة البكالوريس و لما بدت السنه الثانيه وبدا التسجيل اضافوا شروط من بينها اللي ذكرت

وتقدرين تتاكدين من زيارة موقع مؤسسة العامه للتدريب التقني والمهني ومنه تدخلين على موقع البنات

لكن ماينزلون الشروط الا اذا افتحوا التسجيل

[mageda]

مــــــــــــــــــــــساء الخير

اختي ذات امل عارفه ايش المشكله الاساسيه جهلهم بالانظمه الاداريه مع ضغط العمل عليهم لقلتهم



انا اجلت ترم .... وانحست حوسه بدراستي اعوذ بالله مااتمناه لاحد

بعد ماكملت الدراسه بلغون ان فيه ماده محذوفه عن المنهج الدراسي(((يعني مارسبت فيها))) ...قلت الحمدلله ارتحت منها

المصيبه لما بقى لي ترم واتخرج نزلوا نفس المادة لي اللي كانت محذوفه ... وكان ردهم ببساطه تغيرت الخطه ...((واعتبرون راسبه بهالمادة ))) ورفعوا لي مادة للترم الجاي ... والتطبيق الترم اللي بعده يعني سنه كامله وكان ممكن ادرس هالمادة المرفوعه مع التطبيق لو كانت الماده المرفوعه مهب ماده اساسيه ...لكن جهلهم وتخريصهم بالنظام ضيعن ونزّل معدلي ... حسبي الله ونعم الوكيل


ومع كل هالكلام مايمنع من اني اقول ان فيه من ينحط على الجرح يبرأ ... وده يخدم بس مايقدر ...مقيد بانظمة غبيه

[ذات أمل]

اقتباس المشاركة الأساسية كتبها mageda مــــــــــــــــــــــساء الخير اختي ذات امل عارفه ايش المشكله الاساسيه جهلهم بالانظمه الاداريه مع ضغط العمل عليهم لقلتهم جديدات على الشغل بس مو مشكلة نصبر عليهم نوقف معهم لكن بعد هم ماينسونا انا اجلت ترم .... وانحست حوسه بدراستي اعوذ بالله مااتمناه لاحد بعد ماكملت الدراسه بلغون ان فيه ماده محذوفه عن المنهج الدراسي(((يعني مارسبت فيها))) ...قلت الحمدلله ارتحت منها المصيبه لما بقى لي ترم واتخرج نزلوا نفس المادة لي اللي كانت محذوفه ... وكان ردهم ببساطه تغيرت الخطه ... ((واعتبرون راسبه بهالمادة ))) ورفعوا لي مادة للترم الجاي ... والتطبيق الترم اللي بعده يعني سنه كامله وكان ممكن ادرس هالمادة المرفوعه مع التطبيق لو كانت الماده المرفوعه مهب ماده اساسيه ... لكن جهلهم وتخريصهم بالنظام ضيعن ونزّل معدلي ... حسبي الله ونعم الوكيل قهر والله يعوضك هم اخطأو والمفروض تكون مصلحة الطالبه هي المهمه موب الانظمة يعني الانظمة وضعت علشان مصلحتنا ولا انا غلطانة واعتبارك راسبة بالماده فيه هضم كبير لحقك ينقص المعدل ويقطع اي مل بحصولك عى مرتبة الشرف ولو كنتي تستحقينها كان المفروض ينزلون لك الماده من دون مايخرونك سنه كامله!!! ومع كل هالكلام مايمنع من اني اقول ان فيه من ينحط على الجرح يبرأ ... وده يخدم بس مايقدر ...مقيد بانظمة غبيه

فعلا صادقه نحمد الله على وجودهم والله يكثرهم

لكن العجيب كيف الانظمة تتحكم بانسان هو حطها

والاعجب انا مسلمين والمفروض نراعي الله في تعاملنا مع الناس

احيانا تمسكنا بالنظام على غير سنع يتسبب بهضم حقوق الاخرين وبالتالي يكسب ذنب

[mageda]

والله معك حق الانظمه وضعت عشان مصلحتنا .... وانا مابي مرتبة شرف ابي اطلع بس واخلص

اقتباس المشاركة الأساسية كتبها ذات أمل فعلا صادقه نحمد الله على وجودهم والله يكثرهم لكن العجيب كيف الانظمة تتحكم بانسان هو حطها والاعجب انا مسلمين والمفروض نراعي الله في تعاملنا مع الناس احيانا تمسكنا بالنظام على غير سنع يتسبب بهضم حقوق الاخرين وبالتالي يكسب ذنب

يالغاليه لا تتعجبن!!
عارفه كيف الانظمة تحكمت فيهم ... قالت لي اني لو مشيتك على النظام انضر انا ...؟
ومن بعده سكت وانا ابلع المرارة.....:

والله هالموضوع فتح لي جروح وضيق صدري...:.

[ذات أمل]

اقتباس المشاركة الأساسية كتبها mageda والله معك حق الانظمه وضعت عشان مصلحتنا .... وانا مابي مرتبة شرف ابي اطلع بس واخلص يالغاليه لا تتعجبن!! عارفه كيف الانظمة تحكمت فيهم ... قالت لي اني لو مشيتك على النظام انضر انا ...؟ ومن بعده سكت وانا ابلع المرارة.....: شوفي المفارقه يعني تقدر تزين شي بس خافت على مصلحته اجرك عند ربي ان شاء الله كبير والله هالموضوع فتح لي جروح وضيق صدري...:.

ماعليك كله باجره لكن تدرين المفروض اقل شي يسونه اللحين انهم

يتتداركون خطاهم ومايعتبرونك راسبه يتعبرونك حاذفته مأجلته الا الرسوب

ياسبحان الله شلون الناس تتهاون بحقوق بعض يفكرون بالدنيا طيب والاخره

الله يهدينا واياهم سبل الرشاد